影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
之前已經份量唔算多，所以都好失望少食相隔兩個月後食，發現沙爹牛面得3舊細牛隻炒蛋由一隻變成半隻，咁不如你收半價？幫襯左幾年，今次一定係最後一次，你地等執笠個面連沙爹牛汁都少，根本上就係無，我同食個普通面有咩分別？塊火腿係就咁用滾水煮熱，毫無誠意個炒蛋味道唔差，但好明顯係落左order得半隻蛋份量，連小朋友食落都覺得唔夠，咁我不如幫襯大家樂凍飲d冰係多到成杯滿，飲左兩啖就已經無曬奶茶由紅磡幫襯到上水，祝你地快點結業
繼續閱讀
餐廳嘅環境，食物質素就無乜嘢評論，但今日食嘢期間，一位短髮四眼的女職員，佢身上濃烈嘅香水味（係香水啩），跟隨住佢在樓面走動時，散播到全場。因為真係太濃烈了，聞到後有種反胃的感覺，希望餐廳有人幫忙正視一下！
繼續閱讀
間中都會在這裏吃東西，食物不過不失，座位也是全部卡位幾好坐，服務也是合格，而我就覺得這位員工特別勤力和有禮貌，每次我想點餐，如果有其他（某一員工）扮看不到或叫你叫其他人，但這位員工就有求必應，而且非常勤力，所以都想稱讚他。每次來都見到這位員工特別勤力👍👍👍👍👍————————-呢間餐廳的食物價錢好平，而且食物好大碟，如果你無特別要求嚴格，以價錢和味道也是大眾化的口味，所以間中也會來食吓嘢生炸雞髀🍗炸得脆卜卜，雞肉吃落好嫩滑😋———————大眾化的價錢…大眾化的口味….其實開心簡單就在你身邊❤️⋯⋯食….拍…寫.. 已經成為我生活中的一部份鍾意食..鍾意拍…鍾意寫..留下美好回憶————————-
繼續閱讀
早上8點05分坐低，有職員落單。 到8點20分，見到隔離枱遲過我的，早餐都到左，於是催職員，先發現個阿姐無幫我入機，無出單。 火都黎！！再過5分鐘，再催職員，先黎個米粉，飲品遲遲都未到！食個早餐，一肚氣！！
繼續閱讀
以前印象中這間「紅磡冰室」在尖沙咀，定還是過海在北角的電車軌附近都見過分店。想不到，到本網搜查一下，發現上水這間紅磡冰室竟是最後一間剩下來的紅磡冰室，時移世易，😓店舖變幻真快。即使看上去見到午餐的餐牌，價格是手寫的，可能因為復活節假轉變了少許，但是不用$60的午餐，🤩都不算太過分。而且，這個肉絲炒麵，可以見到麵條夠香夠脆，全部即整，然之後芡汁亦都香噴噴，熱到出晒煙，肉絲份量都不算少。😀另外的是日午餐，香港地8、9成餐廳的時候午餐都是求求其其，隨便不出來一碟飯就遞俾你，或是最多，等幾個焗飯一齊焗，或是等幾個炒粉麵飯一齊炒，求其弄熱少許，便說是特色午餐。😊但這兒的炒拉麵，類似幼烏冬那種但拿去當中式粗炒，牛肉份量說不說多，但是都起碼有678件，而且炒完的拉麵鑊氣非常強勁，豉油味道又不會太濃，吸入麵條中，但又不會勉強加點瑞士汁甜甜的奇奇怪怪去沖撐場面，可說是正斗的炒物而且，這間只剩下一間的紅磡冰室，幾位店員都有禮貌，親切有禮，即使在家人開工都沒有黑口黑面，惡言相向，簡直難得，值得支持!💪
繼續閱讀