紅磡冰室

營業中

休息中

下午茶時間去幫襯，點了兩份下午茶餐：乾炒牛河和雞扒芝士飽。 食落很有驚喜。乾炒牛河入口不油，味道剛剛好不過咸有穫氣，河粉每條都沾上足夠的醬油，粉條唔會炒得太過林而斷開晒，味道剛剛好，正。另外的雞扒芝士飽味道一流，雞扒香滑脆口，加埋芝士香味和生菜，咬落香脆爽口。咖啡香濃，奶茶濃滑，都是老味道，非現時大家樂丶大快活等快餐連鎖店的茶飲可比。餐廳內座位主要是卡位，以茶餐廳冰室來說地方算大，座位算舒適，應該會再來幫襯的。

今天食到可能係生平最难食的星洲炒米，全碟米粉都是碎濕濕，用筷子夾都有困难，要用匙子！同時，完全無味，又不咸，又不辣，只是一碟黄色的碎米。至於我朋友的沙爹牛肉包亦不見好，肉汁太多，令整个包很濕，歺飽变得口感很差，牛肉味道亦一般，失望！飲品味道正常(冻檸茶及熱奶茶)唯一可取，就是招呼不錯，尚算有礼，可能是非繁忙之尾段下午茶，人客不多！環境方面:个場很大，座位多及通道宽敞，不过冷氣很大，不宜久坐，会冷病！歺廰只收现金及支付宝。

彩園開咗幾間新餐廳，輪着試吓餐廳，今日嚟到紅磡冰室⋯雖然呢間冰室分店好多，不過近近地試吓無防！麻婆豆腐客飯：碗飯係超大碗，麻婆豆腐比預期港式茶餐廳一般食到嘅較出色，麻香而不太死辣！咖喱雞扒飯：雞扒剛剛炸好，熱辣辣唔算油膩，咖喱有椰香味，算係比一般茶餐廳整得好食

唔熟上水，唔知有乜好食，所以都係食返d大路野算。紅磡冰室香港好多地方都有，我平時最常都係食返常餐，因為晚餐都偏貴，雖然幾大份，又幾好食。好啦，講返正題，紅冰最岀名應該都係佢個撈公啦。我叫左瑞士雞翼撈公仔麵，配蒜蓉包炒蛋。先講蒜蓉包，蒜蓉味唔重，不過叫多士有兩舊，太飽，會食唔曬，所以都係叫返蒜蓉包。炒蛋不過不失，唔係好滑，不過都有牛油味，ok啦。個麵就有d乾身，多少少汁會好食d，雞翼大儲入味，非常好！諗唔到食咩，食返d大路野都唔錯！

無落單  無跟進  態度惡劣星期日諗住搵個地方食午飯時間唔算好多，所以選擇一間冰室，諗住唔會等太耐見佢門口都無人排隊人流算唔多， 應該唔洗等太耐，就入去食。一坐底 就見到張凳 ，超污糟，無人跟，自己拎紙巾清潔。算啦。香港人多，餐廳係咁 都明白既。睇土左幾分鐘menu. 都多野食既，賣相都唔錯既。叫左個女待應 落單落完等左3個字 飲品都無問問有無落漏單一句「無落單」就算數 走左去 無跟進服務九流 如想感受下 可以去試試。謝謝........

夜晚想搵間餐廳食個飯，路過之前好多人等位嘅冰室，發現今晚竟然無人等位就入去試試！餐牌食物款式多，價錢都可以，就叫左鐵板餐～豬扒，跟薯菜、餐湯同熱奶茶。上菜時間非常快，同快餐店差唔多，餐湯係白湯（好大碗），鐵板亦隨之而來，有一塊豬扒、一條腸仔、一片菠蘿、一棵小唐菜、兩粒車厘茄同一個焗薯！？（上面淋左芝麻醬）整體套餐份量足夠，但配搭有啲奇，薯仔唔似係焗過，似係蒸熟，但用錫紙包住然後𠝹開淋上芝麻醬（莫非驚鐵板會煎熟？）我個人覺得有啲怪，初初以為揀薯菜係薯條🍟，原來係薯仔。而本人最、最、最在意嘅係環境，一坐底就聞到成張枱濕濕地有陣酸醙味，而地上周圍都幾糟，但啲侍應好似好忙，連水都唔得閒比，唯有自己去斟，然後用水加紙巾重新抺一次，先無左果陣臭味，但隨之而來就係啲侍應之間嘅粗言穢語，即刻慶幸好在今日無帶小朋友出黎。大家唔好俾餐廳嘅外表欺騙到，其實入面同大排擋差唔多。

放學後，我和同學路經商場，走過眾多食肆，目不暇及，最後選擇紅磡冰室。入座後，我環顧周邊的環境，以一般茶餐廳座椅和淺色嘅主題，營造一個舒適氣氛餐牌亦充滿茶餐廳嘅特色，選項數量繁多，令人不禁眼花瞭亂；最後我選擇了。碟菜嚟咗之後，我十分意外，甚至有D失望。首先，外觀方面，用一個大盤裝着，大份量的意粉十分足料，但太過誇張，甚至吃不下，如果你無比飢餓，需要充饑，咁我向你推薦呢碟其次，口感方面，食落去感覺好多油；事實上，佢碟嘢睇上去油光亮滑而且冇意粉嘅味道，同乾炒牛河冇分別，喺打着意粉名號嘅乾炒牛河

今天下午肚子餓，看見我家樓下開了間新的紅磡冰室，心血來潮便去了品嚐。和朋友一起去，點了兩個菜，分別是菠蘿海鮮炒飯及菠菜焗豬扒飯，但兩個餸的味道，卻差得很遠。菠蘿海鮮炒飯不太新鮮，也不太入味，相反，菠菜焗豬扒飯的菠菜汁，有很濃厚的菠菜味，感覺非常特別。兩個餸，一個好吃，另一個卻一般般，這令我有啲失望，希望下次可以改善。

上水茶餐廳不多,所以想食到有港式風味食物就很少。上水開了紅磡冰室,所以去試下。瑞士雞翼撈公仔麵*雞翼不太入味,撈麵都ok。蕃茄鮮牛肉通心粉*湯底很濃但沒有蕃茄味,通粉發得太耐,入口全爛。炒蛋多士*炒蛋很滑,好味。下次會再試其他食物

上水新開左紅冰，咁岩去左表妹屋企夜晚就同表妹去食，7黠幾去到要排隊等一陣，不過可能我地兩個人快D，都係等左5分鐘左右。我地一人叫左一樣野食，一個散叫一個叫當晚的晚餐我就叫左芝士番茄雞扒焗飯尼到係幾香的，望落D汁芝士都幾夠，不過其實唔夠，食到一半開始唔夠汁，剩番的飯都要乾食，冇咩味，同埋D飯有少少硬D汁食得多喉嚨會有少少唔舒服，會想飲好多水不過雞扒又幾大塊，唔肥，不過就比較鹹另外表妹叫左土魷蒸肉餅，土魷就只面頭有，不過比起出面都算多，肉餅份量都幾多佢本身塊肉餅好鹹，再加埋豉油就鹹上加鹹

星期六早餐時間唔洗等位下面個套餐$38 好好好大份的魚都系熱辣辣 不過食完好頸喝.....😑😑炒蛋似乎老左少少 唔系滑蛋蒜容包唔脆好淋茶走 甜到你唔太想飲 唉 太多多多奶啦無下次😥😥😥😥

26/4/2019我睇完食評，見到一致好評就去試試，下午4:00到餐廳入座，我點咗一份朱古力棉花糖吐司及凍咖啡，（凍咖啡沒問題）但件朱古力棉花糖麵包就完全唔掂，棉花糖表層無焗過，白雪雪及凍冰冰九粒棉花糖放咗喺件無烘過嘅麵包上邊，我一見到就知今次可能中伏，但都要試試先，我用刀切開幾件，食咗一件就放棄（超甜），食評所寫嘅棉花糖焗得漲卜卜甜香撲鼻.....等形容詞，完全唔係所講嘅效果，最後我將其餘八粒棉花糖撥走，食件花生醬麵包就算，總之今次令我大失所望！

食物質素 9/10朋友極力推薦，所以收工就同左佢黎食午餐。見到周圍既人都食炒飯炒麵，但我同朋友就叫左常餐。瑞士雞翼公仔麵望落好似好普通無咩特別咁，但係好好味，食落口想一啖接一啖食！尼度既雞翼都算比得多，有三隻，都算係有良心！炒蛋蒜蓉包超級鐘意食尼度既炒蛋同蒜蓉包！炒蛋好滑，係我食過最香最滑既炒蛋！另外，個蒜蓉包整得好香，面且個包好軟熟，好有咬口，超好味！環境衛生 8/10環境大，新裝修，坐得舒服！服務質素 8/10尼間舖頭都多人食，周不時都見到要排隊，但都好快入得，同埋上野食既速度好快！

今天中午十二時左右，想再一次光顧這店，之前已經來過三次，覺得都不錯，所以今天再來幫襯！有幾個人在排隊等位，好快便到我，有一位帶眼鏡的男職員問我幾位，我說两位，他帶我到一張長枱，安排我坐中間两個位，因我們拿住很多東西，我便跟他說，這個位置太窄了，我想坐卡位，他馬上黑口黑面說要等幾久，我說沒有問題，我便行回排隊位置再等，等了一陣，他又過來問我幾位，我便說两位，等緊卡位，他又馬上改口說，卡位都要搭枱的，两個人要坐埋一邊，我說那些細卡位，只能坐两個人，如何搭枱？我見所有細卡位，都是坐了两個人，如何能搭枱？我對上三次，都是两個人坐這些細卡位。跟住他很負氣對我說，你等卡位我沒有所謂，但我一定要你搭枱！我覺得很生氣，所以便走了，你們應該把規矩寫出來，說明两個人一定要搭枱，這樣大家便會清楚，等待與否，我自己決定！貴店的裝修和食品都不錯，希望個別員工能有禮貌一些，盡量滿足客人的小小合理要求！

和朋友去深圳shopping, 特地在上水下火車，去試了試香港的第8家、也是剛剛開幕的紅磡冰室，佔地約五仟平方英尺，富有現代感的設計，讓人有到了酒店咖啡室的感覺。出品保持一貫的水準，大件夾抵食，大家看照片就可以就不用多介紹了。自從2013年在紅磡開了第一 家”紅磡冰室”, 這間上水的分店，己經是它們的第八間分店，為新界北區的居民和來香港一日遊、購物的國內遊客又多了一個選擇！