紅磡冰室 (已結業)

個所謂常餐完全唔好食，通粉過淋，知道是可能隔咗夜，又或是烚定咗好耐！义燒硬硬的，炒蛋不是如餐牌的圖，少得可憐，比澳洲牛奶公司更少，但又冇澳牛咁好食！其他食品也不太有水凖，鴛鴦都唔香濃冇味！揾笨茶餐廳！之前有花膠公仔麵茶，現在都冇了，茶餐同常餐種類也少其他本地茶餐廳少！銀龍茶餐廳都好食同抵食過佢！一定不會再幫襯！怪不得隔離「龍門冰室」咁多人排隊！起碼唔會將食品將賲就價，炒蛋也比你們的正常，茶餐價錢仲平D 更抵食！其實已經即時跟侍應哥哥反應點解個蛋咁少！但冇反應！到埋單時候跟收銀姐姐説，回應是，「可能師傅忙所以少了份量」我即時話咁以後都唔食了！

係附近行街，突然好想食常餐就黎左呢間紅磡冰室因為好耐以前有食過一次，呢到啲炒蛋好好食今次嗌左常餐A番茄牛肉通粉，蒜蓉包，炒蛋蒜蓉包同炒蛋真係十分推薦蒜蓉包好香好脆，又夠厚，口感味道麵好好炒蛋夠香夠滑另外仲有必試呢啲嘅杏霜，超級濃！！

尋晚約朋友去尖咀俾手信，求其入jor呢間野解決晚飯，一入到去，有個男人大大聲話我企係度阻住晒，我岩岩行入jar大佬! 好啦，坐低叫jor 乾炒牛河，碟野來到個樣正常，一食就知道賴野，難食到嘔，d河粉無鑊氣，好似湯粉咁，又淋又無味！仲有我聽到d伙計叫頭先喝我果個做老細！ 有無搞錯! 有老細咁樣對客ga咩!？係咪嫌太多生意唔休做野難食，老細態度極差(伙計都正常)，聽執啦! 永世black list! !!!!!!!!!

啲員工服務態度極差😡，坐低諗住嗌野食，叫佢過黎已經黑口黑面，語氣又唔好，好似欠左佢咁。。。叫左個瑞士雞翼撈丁常餐，凍奶茶。撈丁偏鹹，啲麵質麻麻唔夠咬口，普普通通中下水平。之後食嗰陣都覺得環境唔係太乾淨架喇，啲餐具望落完全未洗乾淨既樣，仲有好多污穢。都算喇，唯有自己抹返乾淨去。點知食完幾個鐘真係肚痛，又呵又嘔唔舒服左幾日🤢🤢🤢🤢總括黎講，啲野食又唔係好食，簡直係俾貼錢買難受，以後唔會再食。

餐廳勝在呢到都坐得舒舒服服 平時都有食開常餐 ，今次就嚟嘆下午茶試試睇下有無水準先:今次叫左炸雞翼拼薯仔蛋沙律同埋1杯凍奶茶下午茶價錢黎講就唔算平不過以尖沙咀計就差不多中等價吧~炸雞翼有3件，味道脆口同很有蒜味我很喜歡的味道而薯仔雞蛋沙律有啲驚喜圓圓的放上碟 有少許美感同埋攪碎左勻埋一齊第1次食到這口感味道就可以吧 不過份量就幾適合女士們😍

次次lunch hour都排長龍 今次算好采 只係等左20分鐘係蕃茄牛肉通 同瑞士雞翼撈丁常餐之間掙扎左一陣最後都係揀左瑞士雞翼撈丁果然茶餐廳速度最重要 嗌左冇幾耐都已經有得食撈丁有少少太咸 但雞翼好入味最後再加埋杯香滑既奶茶Perfect!!!

下午茶時間去食個tea ,今次嚟左間冰室試下本身想食常餐，不過50元都幾貴，下午茶嚟講，所以都係叫個tea set 算，見到棉花糖多士個樣好靚就試下叫左茶記必飲既奶茶，不過茶底一般，唔係好香好濃郁既茶底，檸檬茶個外表幾靚，不過要督翻d檸檬去底，中間又咁多冰就難左d😅上菜，竟然同menu 一樣樣，個多士茶左花生醬再加棉花糖同好食既朱古力醬，外面餐廳食個一d個味好差既朱古力醬，味道又假又難食，依間都幾有良心，用料不錯另外，叫左個炒公仔麵，味道一般，唔太油又唔太重口味既，好普通不過，依間坐得舒服，冷氣夠，有卡位，唔洗同人迫，幾好

由於太肚餓，本想盡快放工，在附近享用下午茶優。奈何趕到之時，茶市已過！既然來到，就食個早早的晚餐。下單後不久，餐湯先呈上。 中湯　煮到軟綿綿的鳳爪，無需任何牙力，即可慢慢＜妹＞。　潛台詞：無牙阿婆都食到。 梅菜蒸肉餅    肉餅真身勁大，直徑約７－８寸。不過再細看，是豬肉溝肥膏。肥膏呎寸很大，可以用筷子剔出粒粒肥膏。而豉油不算多，所以不太鹹，單食ＯＫ。  白飯　　雖然白飯稍微偏硬，但因為太肚餓，所以覺得白飯也佷好味。熱茶酒　　店門没有貼上花奶標記，所以不知此店使用什麼奶／白色液體來沖調奶茶咖啡。於是點茶酒。真身：無茶香，無茶味！    這個晚餐多肉，本來是難以消化。但偏偏因為太油，第二日早上就出來了。真係未曾消化已呠呠！

在尖沙咀返工，閒時都會走去附近茶記tea一tea~ 平時通常會黎呢間食茄牛面，因為天氣熱，唔想食到熱辣辣，所以今次點左個炸魚柳拼沙律。魚柳0k好脆，但個沙律冇乜味，而且感覺一d都唔凍，我估應該放左室溫一段時間。到夜晚胃開始唔舒服，仲以為自己普通胃痛食左粒胃藥以為冇事。點知半夜開始黎料，痛到抽筋、又嘔同痾到死死下。去睇醫生，話我急性腸胃炎，應該食錯野。其實我都唔想亂屈人，所以問返果日中午一齊食飯朋友，我地食同一樣野佢地都話冇事，反而我自己下午茶食左魚柳沙律大約兩個小時左右就開始唔舒服，所以連醫生都話好大機會係沙律出事而家夏天食物處理唔好好容易有細菌，希望呢間野d廚可以提高警覺，下次出現大型食物中毒，就好快玩完。不過經此一役，我應該唔會再幫襯⋯

星期天和朋友參加活動後, 只想簡簡單單吃一餐. 沒有book位也沒有特別去揾， 隨意進入了紅磡冰室。本來以為晚餐的價錢會好貴， 看了牆上餐牌後， 大約都係喺70至到90蚊之間， 已經包咗個小菜，白飯，例湯，同埋飲品。我哋揀咗咕嚕魚柳🐟， 咖哩牛腩🐂， 飲品揀咗特飲要加八蚊 ，柑桔蜜+蜜桃蘆薈梳打蜜桃蘆薈梳打， 有驚喜最底層係蘆薈肉， 然之後係有6-7片 厚切水蜜桃， 特別喜歡提供嘅係梳打水而唔係七喜。 成杯特飲有果味之餘唔會太甜。 只係加8蚊非常之抵 菠蘿咕嚕魚塊， 金黃嘅魚塊配上酸酸甜甜的醬汁， 不過菠蘿嘅份量滿足唔到我，如果可以多番少少就更加好啦。咖哩牛腩， 比較是葡汁， 椰汁味比較重 比較creamy， 牛腩鬆化冇渣。 呢個咖哩係冇配到薯仔嘅， 只係配咗啲洋蔥同埋青椒。熱柑桔蜜 總括嚟講，呢個價錢係十分超值。而且特飲係非常之好飲， 小菜嘅份量比同類型嘅餐廳係大碟。只係餐具比較立黐黐， 應該係洗碗嗰間公司洗得唔夠乾淨， 但亦都可以接受， 問侍應落杯水在洗一洗就ok啦

超大份而且真的蠻好吃的，兩個人也吃不完的份量！還點了一個xo醬豬頸肉炒泡麵！份量也是很大，口味也夠！真的是有水準的！希望大家不會錯過這家餐廳！六點前還有特餐可以點！

紅冰真係由細食到大，由少少嘅一間小店到而家各區都有分店，佢嘅常餐好食就大家都知，但由於常餐只係供應到夜晚六點，晚黑肚餓就要食其他嘢黎醫肚！雖然餐牌上嘅餸同普通茶記大同小異，但都煮得好用心，用料幾新鮮。呢個係茄子炆倉魚，如果唔鍾意茄子可選苦瓜。茄子炆得入味，倉魚亦都煎得香口，個汁好惹味，價錢唔需要過百，值得一試。西蘭花新鮮，熟到啱啱好唔會變咗黃色，蝦仁爽口有肉地，加埋彩椒，不但令賣相好吸引，食落仲好開胃，最啱配碗大白飯。

今日終於來到此店幫襯。但未進入餐廳內，已見到一名穿著制服嘅職員係門口食煙。頓時對餐廳印象大減。算吧！叫個餐蛋麵食。午餐肉係厚切，但味道一般沒有驚喜。隻蛋又煎🉐️核突。再加上受到之前嘅員工行為影響及餐廳環境一般。所以，應沒冇下次了。除非叫外賣返公司食啦

去開紅磡黃埔嘅人一定知道紅磡冰室！佢地嘅瑞士雞翼撈公不嬲都有水準，依家愈開愈多分店，要食都幾方便！我地叫左兩份瑞士雞翼撈公仔麵配煎熟蛋，一份配香烤蒜蓉包。瑞士雞翼味道濃郁，正！而公仔麵煮得剛好，唔太淋又唔會偏生，有瑞士汁嘅味道，又唔會過濃。食過紅磡同尖沙咀分店咁多次都保持到水準，很不錯！蒜蓉包鬆軟，蒜蓉味夠，不錯。煎蛋就正常啦。而另一份就係配奶油酥。奶油酥做得十分岀色，烤得酥脆，食落層層分明又保持麵包嘅鬆軟。奶油酥嘅入面當然有奶油啦，牛油加煉奶組合十分岀色，絕對值得加錢轉食佢啊！

近年香港多咗好多連鎖式嘅冰室，我都試過好多間，紅磡冰室就未試過。今日經過見到有位，就入去試一試好唔好味啦。我叫咗個常餐B，要瑞士雞翼撈公仔麵，反蛋蒜蓉多士。價錢都係$50，唔算貴呀。本身以為只係薄薄一片嘅蒜蓉多士，點知原來係厚切多士，我都幾surprise，因為厚切真係好食d！反蛋亦煎得好好，個蛋黃熟曬，蛋白冇燶，又唔油，師傅處理得幾好。至於個瑞士雞翼撈公仔麵，我都覺得唔錯，個面夠乾身，唔會水汪汪，隔咗水先撈非常好。瑞士汁甜甜地，唔會話太鹹，食多都唔膩。雞翼好入味好腍，出色！下次會再嚟食。