紅磡冰室 (已結業)

最好味茶餐廳☀️吃個醒神早餐😆最愛紅冰啲餐每樣食品都好有水準，一啲馬虎都無😋茶餐就吃得多，唔知大家有無試過紅冰早餐？一般茶餐廳一係炒蛋唔夠滑、一係麵包太薄太硬，但紅冰就樣樣做到足，而且份量超級多。✅早餐E（吉列魚柳、嫩滑炒蛋、蘑菇薯茸、牛油多士 、飲品）$35：個餐真係好大份，但因為太好味所以獨力吃嗮！兩大塊吉列魚柳外脆內滑，口感十足，仲配埋他他醬真係好窩心。炒蛋就一向出名嫩滑綿密。厚多士牛油香撲鼻，佩服烘得十分到位，外皮薄脆內裡軟熟😍

Went here for afternoon tea.Have few tea sets average $40+ per set. Each set comes with a free hot drink. Have to add $3 to change a cold drink.Ordered set B $44:- either Swiss soy sauce pork or chicken wings with instant mixed noodles.- soft scramble eggs with choice of toast/garlic toast/bun- free hot drinkRating: 4/5

又到星期日出動食早餐時間，一直都有食紅磡冰室的早餐，長期捧場～今日叫左個B餐，沙嗲牛麵熱咖啡～一定要轉個餐包做蒜蓉包，因為個蒜蓉包真係最重要必食的。D蒜蓉超級香濃而且是即點即做，最好的是雙面都有蒜蓉，厚多士配上咁足料的蒜蓉包，呢＄3值得加！佢地既炒蛋都好滑同出面連鎖餐廳的早餐店是完全不同，若果對炒蛋有要求的，不妨試下。沙嗲牛肉都，麵質偏淋而牛肉偏甜但牛肉肉質唔錯同大片。麵來說就俾80分。個人選擇黎紅磡冰室都是因為個炒蛋同蒜蓉厚多士，因為坊間的確少有咁岩自己口味。

最愛冰室💕持續高質🍳開心下午茶☕️我地星期五下午四點幾黎到，呢個時間吃下午茶最少人。吃過紅冰無數次，唔使睇餐牌我地目標一致揀左常餐B。✏️我們的食單✅常餐B : 瑞士雞翼撈麵+蒜蓉多士+炒滑蛋（包飲料）$44✅常餐B $44：非常滿意！瑞士雞翼入味，大細合理。撈麵軟硬度適宜，同雞翼一樣汁。蒜蓉多士好正！多士夠厚，外脆內軟，蒜蓉味好香，就咁吃都唔會覺得寡。炒蛋夠滑。非常難得有茶餐既每一樣食物都咁高水準。🏠裝修同一般茶餐廳差唔多。👳🏻‍♀️服務正常，沒有特別意見。

每次食紅磡冰室都要等位，不過唔好俾佢嚇到，好快就會有位，因為真係快靚正！公司附近有佢真係一件太幸福嘅事。其實我每次都只會叫依個常餐B瑞士汁雞翼撈丁，配炒蛋同蒜蓉包。落單後幾分鐘就會有野食咁鍾情佢都有原因嘅，首先麵質軟硬啱啱，因為我中意食有少少硬嘅麵，佢就正中我心，雞翼就煮得好淋又入味，醬汁甜甜哋，唔會好咸。而炒蛋都真係次次都冇失手，好滑。以女仔嘅食量黎講，依個餐每次食完都會好飽，但係價錢就好合理，咁有份量都係$44(送熱飲)座位就真係好逼，但係以依個味道同價錢黎講就真係超值。

常餐B👅依度既蒜蓉包同喜喜有得揮🤤❤️極厚切之餘亦鋪滿蒜蓉😍微微燶 又夠香😭超推介!! 仲抵讚既係個包放左好耐都唔會濕同腍☺-炒蛋幾滑既 可惜有兩個大問題👇🏻就係唔太熱同份量都幾少☹️大概係平時茶餐廳份量既一半😣招牌瑞士雞翼撈公仔麵🤤都幾滿足足足有三隻雞中翼呀😆雞翼夠腍又夠入味☺相反 公仔麵略為失色😭雖然麵條煮得剛好 有咬口 但味道對比雞翼實在唔夠😣🙋🏻重口味既人 比個tips你地 不防落d辣椒油 會仲好食☺😍😂

今日又黎左平日食開既食堂！紅磡冰室，簡稱紅冰！放工好攰之下諗唔到食咩就叫餸食飯啦，4個人叫左3個餸都夠有土魷蒸肉餅，不失水準，好好味，肥瘦肉適中西蘭花炒班腩，班腩好大舊，抵食最後叫左最愛既薯仔牛柳粒，應該係食過最好味既餸之後飲埋個例湯，每人都係$60，好滿足！

話說經過黃埔見到呢個紅磡冰室，一心以為好似普通茶記咁有常餐之類嘅野食，點知原來晚市得晚飯小菜，仲要勁大碟，一個人根本食唔晒。不過小菜好夠鑊氣，有d似大排檔食嘅感覺。一個小菜配白飯+例湯大約6x-7x，價錢偏貴，但抵過係酒樓食就真。當晚兩個人叫左一個菜同西檸雞。西檸雞值得一讚係佢個醬調得好，酸得黎又甜甜地，配上炸雞塊真係一流，完全唔係hea煮嘅小菜。要食好味嘅西檸雞真係唔易，呢到真係煮得唔錯。佢嘅湯都幾好飲，唔算好重味精。成個set真係好豐富，建議多d人share黎食！

来香港2年，吃了30、50次红磡冰室，好食+抵食！挚爱京都猪扒、瑞士鸡翼捞面和冰室奶油酥，绝对都是令人惊艳的水准。而且在吃过几十次之后，每一次再吃到的时候还会有那种“世界上还有这么好吃的东西”的满足感和幸福感！每次有朋友来香港找我玩，也一定会带他们来吃！

紅磡冰室開店6年，每逢食飯時間人龍依然咁長，抵佢開咁多間分店。今日番工經開紅磡排左10分鐘到就有位。黎到紅冰首選緊係特餐雞翼撈，炒蛋多士！瑞士汁雞翼夠入味但皮又唔會太冧，多士夠厚又做到外脆內軟，炒蛋夠滑但有時可能份量做得唔好會淡左啲，加多杯凍奶茶，冇得頂！

紅磡冰室顧名思義係一間位於紅磡嘅冰室，雖然而家全港亦都有非常多嘅分店，但係身為紅磡街坊當然都係幫襯返第一間鋪頭。紅磡冰室嘅雞翼撈非常出名，雞翼撈面加上蒜蓉包炒蛋，份量啱啱好。撈麵嘅豉油甜甜地，唔會太鹹，非常開胃。除咗雞翼撈之外仲有豬扒撈，豬扒煎得啱啱好，本人鍾意加上佢嘅辣椒油，有啲蒜香味，亦都唔會好辣。紅磡冰室可以開到咁多間分店都係因為佢有實力，所以佢嘅嘢食一定有保證。

曾經有朋友提及過，在紅磡有間冰室，名字是紅磡冰，於是萌生想去一趟，終於安排了今天來一個午餐吧。話實是冰室，但卻又不見到有冰室出爐的麵包，只是感覺上似茶餐廳的午餐和碟頭粉麵飯。雖然是有午市套餐，但是還是點來即炒的粉麵飯，看來是好過預先做定的食品。從眾多的炒粉麵飯中，挑選豉椒排骨飯，一來豉椒是香草之一，炒起來也夠香口，二來配合肉類也是很夾。當豉椒配上排骨，同樣地是夠晒香口外，還有的是夠惹味，而且排骨沒有那種令在下討厭的腥味道，令食落有點與眾不同的味道，而且肉質也較新鮮。加多幾個大洋，就可配一杯熱奶茶當餐飲，奶茶最重要的是茶香茶味夠，一向對於冰室茶餐廳出品的奶茶，都有信心的。適逢午市，人多起來夠熱鬧，也坐滿整間冰室，是時候離座。

放假當然要hea下輕鬆下, 睇完戲當然要依番個肚啦! 黃埔橫街其實有好多嘢食, 放假又唔想同迫所以簡左比較簡單既茶記紅磡冰室有好多分店, 質素唔錯嫁! 不過比起同類型的茶餐廳價錢就比較貴, 套餐包白飯&中湯, 不過就唔包飲品, 要另外加錢今日係蓮藕雞腳湯, 味道清清地唔係好濃開動喇😍😍😍👍🏻黑椒薯仔牛仔粒 $73份量超級多😂😂😂 第一次見呢d餸菜會係肉多過薯仔牛肉同薯仔食落頗林身, 但牛肉粒品會林到冇晒口感, 而且黑椒味都幾香, 唔錯!西檸雞 $70上次食既時候見到格離格叫西檸雞極之吸引! 今日黎到當然要試下! 呢道菜真係呢餐既靈魂😍😍😍一大個長碟送上滿滿嘅西檸雞數十舊既西檸雞比起出邊嘅份量真係多好多而且呢度嘅西檸雞同平時嘅做法有啲唔同, 唔係用雞件而係用上一大塊雞扒, 首先將雞扒炸起然後再切開西檸雞炸粉薄薄的沒有很厚身, 食落鬆脆而且雞扒內裡保持到一定水份, 配上檸檬汁食減輕炸物帶黎既油膩感, 好食的🤤

紅磡冰室的常餐一向都好出名，但今次我特別去試左佢嘅蕃茄通粉，真係超級濃郁! 作為，我食完之後依然念念不忘!先介紹返呢度佢嘅炒蛋及多士真係世界級!我個人覺得呢個炒蛋好食過澳牛…個蒜蓉包都非常有心，兩邊都有蒜蓉醬兩邊都焊左底! 我最中意將D炒蛋放上多士，食完就超級滿足!!入正題! 外面食蕃茄通粉通常都係好稀，好似罐頭開一樣，但呢個通粉，食得出啖啖都係番茄肉，味道濃郁! 佢加嘅牛肉更加加分…因為係滑牛…仲要係入曬味，軟硬適中，絕對係高標準的常餐!另外…我發現無論其他食物多好食，我個男人都只會食瑞士雞翼撈公仔麵…呢D可能係佢嘅浪漫!價錢方面---都要$40幾，但佢樣樣大大件…我個男人牛高馬大都飽到上心口，咁足料…抵比啦!Rating:味道: 8環境:6價錢:7

紅冰最出名梗係食瑞士汁雞翼撈出前一丁，加炒蛋蒜蓉多士。份量勁多，個蒜蓉多士勁好食，勁香，平時唔多鐘意食包都會好快食晒成個。炒蛋都係好滑，成件事係超足料，就算係跟餐包加蛋，食完都已經包左一大半。另外個撈丁係好出色，d 麵夠乾身，但係仲好彈牙。雞翼唔洗講，好香好入味。成個餐會包埋飲品，都好似係四十幾蚊，抵到爛👍🏻排隊都要食呀😋