紅茶冰室

營業中

休息中

今日到了紅茶吃晚餐，是日晚餐是「夏威夷菠蘿煙肉豬扒」。要了兩個晚餐，一個要紅湯，令一個要白湯。餐湯普普通通冇乜特別，反而哥夏威夷菠蘿煙肉豬扒非常好味，建議菠蘿同煙肉要同豬扒一齊食，個味道非常夾，感受到廚師的用心。厚切豬扒味道很好，肉汁鮮味，完全沒有雪藏味。仲包左一個餐包同飲品。咸餐包非常鬆軟，好好味！熱奶茶當然係好飲啦。如果唔係平時就唔會成日好多人排隊等入去啦。座位坐得舒適，唔會迫夾，服務OK，下次會再嚟。

😋呢間餐廳由朝到晚都好多人排隊🧐今朝行過見唔係好多人😅排咗5分鐘左右⏰就有位可以入去試吓佢嘅早餐喇❤️..🧂環境好乾淨座位亦都好舒適👍招呼亦都好週到👍服務員反應好快又好勤力👍最緊要係今朝叫嗰兩份早餐性價比好高☺️❤️正呀。雖然我平日真係唔係好鍾意排隊食嘢，但係排隊去食呢個早餐我覺得今朝係值得㗎👍👍👍😋😋😋..🍽早餐A🔥鮮味仿鮑魚是火腿通粉 $37😋包餐包和餐飲，炒蛋好滑呀，麵包亦都好新鮮👍一絲絲嘅😋..🍽早餐G🔥西冷牛扒半德國腸 $43😋呢個麵包係丹麥酥，又香又新鮮，好邪惡但係真係好好食😋值得一讚係佢塊牛扒真係好大塊👍唔會好似出邊嗰啲咁有啲「根」食唔到❤️正呀👍..☕️餐飲：我飲熱奶茶❤我算係奶茶精😋呢杯奶茶亦都唔錯，奶同茶好平均，熱辣辣👍..🍍🍞見到好多人食完早餐都加多個菠蘿油 $12🧐一場嚟到我都試咗一個😋個菠蘿包好大個好新鮮好脆口，非常之好食😋我覺得一定要是試菠蘿油呀😋😋👍👍..服務：🌟🌟🌟🌟🌟食物：🌟🌟🌟🌟🌟環境：🌟🌟🌟🌟🌟..💰$92 / 2人 (早餐)..📍荃灣大壩街39-51庚發樓地下

在荃灣廣場睇完戲又想食小小嘢。行去後面出口，見到呢間叫做紅茶。外面有新鮮出爐蛋撻和麵包，價錢又唔貴。走咗入去。試咗個炸雞肶餐，店員好窩心，解釋要等二十分鐘。果然係即炸。熱辣辣，大大只，最緊要，冇雪味。加埋凍檸茶，茶味夠。果然冇改錯名🤣

唔好以為茶餐廳就乜嘢都有得食，今晚我就中咗伏喇。本來諗住食個蒸鷄飯諸如此類嘅嘢，搵間比較大嘅連鎖店諗住冇衰，誰不知就係冇，唔單止冇蒸飯，甚至乎冇排骨，冇肉餅，冇雞柳，港式西餐係多選擇嘅，不過今晚唔想食，千揀萬揀，揀咗個香蔥蝦仁炒滑蛋飯。點知飯一嚟到，玻璃蝦嚟嘅！雖然個蛋炒得唔錯，可惜玻璃蝦已經扣晒分，其實唔介意俾多啲錢食啲好啲嘅食材，$56食個玻璃蝦炒蛋飯真係唔係好冧囉！仲有，呢間餐廳要排隊入座㗎，排咗我10分鐘，出面仲成浸臭臭味，唔知係咪樓上爆屎渠，感覺衛生環境好差！

是日放半日忙裏偷閑同屋企人荃灣shopping, 行左2個鐘又攰又餓就揾個地方下午茶休息下啦！荃灣廣場行出黎大壩街一過馬路就係，好方便，同埋可能係平日，唔洗等位，不過客人都唔少！一家三口揾到卡位坐低，黎到梗係要食佢地既鎮店之寶～冰火脆皮菠蘿油+紅豆冰真係外脆內軟好好味，阿囡到話，而且$30好抵食！再叫左炸雞翼+薯條茶餐！$41+3(凍飲) 呢個正常野，不過我地覺得薯條太少食飽休息過後行多陣就返屋企喇！大家下次黎開荃灣廣場行到攰可以考慮下！

今日又黎荃灣行街睇戲,一向都好鐘意食紅茶ge我本身諗住今日食第二啲餐廳,但行街行到忘曬形都唔記得左要食飯,得返九個字就夠鐘入場睇戲,睇完場戲又過左十點無得堂食,一於又黎紅茶食,快靚正不過今次張枱就污糟少少,有條菜係度,食之前都忍唔住要自己再抹一抹張枱先今次又係食特餐,岩我口味又夠飽肚特餐經典組合，沙嗲牛肉麵配丹麥多士同火腿奄列 ，平靚正花生醬厚多士多士脆，花生醬特多，仲要係我最鐘意嘅粗粒👍,花生醬仲要暖笠笠,食到流到成手都係,認真足料

今日放假，想帶孩子行吓一田，所以就喺附近食早餐。呢間紅茶冰廳，有新鮮出爐麵包供應，印象中都幾好味😋。記得上次大排長龍，可能今日係平日，竟然唔使等位就直入。我哋嗌左兩個早餐再加一個菠蘿油。鮑魚火腿通粉，味道正常，湯底濃郁。榨菜米，就好辣，我唔係好食到。😢不過真係要讚下佢個滑蛋，炒得好香好滑。比孩子搶咗八成去食。奶茶還可以，不過如果奶多啲口感會更好。餐飲幫孩子轉鮮奶（加$6），佢一飲就知道係北海道奶，非常開心。🥰啲夥計好勤力，成日都想收我哋啲餐碟，即使係未食完嘅時候。呢方面真係要留意吓，其實我哋都唔係坐咗好耐，而且門口冇人排隊，咁樣會好騷擾我哋用餐的感受。

今晚朋友相約了我放工行荃灣廣場同Aeon百貨，主要是行Aeon百貨，因星期三所有貨品都有8折，我們是會員额外再有折，真得很平，我們行荃灣廣場第一時間想起那兒有不太貴同舒服的坐位，一想就想到去紅茶冰室，這間吃過了幾次，味道不錯，這晚等了一會，已有位給我們，平時我自己會叫常餐吃多，今次我自己冇叫常餐，朋友叫了豬扒湯米，常餐包括了炒蛋同多士，豬扒很霖同嫩滑，多士烘得香口同脆，自己今次叫了菜遠脆脆魚柳炒河，河粉炒得軟硬適中，很有口感，魚柳炸得很脆，很有魚香味

呢個星期終於有返丹麥多，唔食洗再食牛油多點知早餐B價錢由34蚊加至37蚊，如果外賣再加2蚊，就要成近40蚊一個早餐，已經唔抵食了食物質素方面，丹麥多士得之前既一半大細，沙嗲牛肉麵味道也比之前淡，食食下見到隻小強周地走，真係乜味口都冇晒

今日6月16號放工之後同我朋友行過荃灣廣場對面有一間紅茶其實之前呢喺各區都見到有紅茶呢間餐廳一直都想試今日就入咗去試試佢個常餐，跟住我哋坐喺卡位度嗌左個常餐豬扒米粉加煎蛋火腿同埋多士做乜埋杯嘢飲都係$48蚊而我朋友帶咗個菜遠脆脆魚柳炒河佢話呢度有炒河都好好味好大碟，加$3有杯菜蜜，朋友嗰份呢總共係$61，我發個紅茶餐廳呢度嘅常餐嘅豬扒好大塊放入口都係好有豬肉味，如果煎蛋都係好滑好香呢，加埋個火腿啦同埋嗰個多士呢都係好鬆脆好香口，今晚食完呢個宵夜都唔使食😌😌

一直念念不忘它的“丹麥酥多士”，坐下來，不用多說，先來常餐！常餐中“金寶豬扒湯通粉”的賣點，不但是那塊煎豬扒及濃郁的湯底，更抵死的是那通粉！通粉的最大優點是像船一樣，可把湯承載著，一口一口的通粉連湯送進口中！正呀！但不知為何，只隔了一個寒暑，丹麥酥多士已變成普通厚多士，雖然它味道也不錯，但還是極度失望！失望還需要繼續，但有選擇困難症的娘娘，如常要用十分鐘才決定寵幸這“焗黑椒雞扒飯”，話雖如此，常餐吃罷了15分鐘這個焗飯才上檯，但就是這15分鐘，已令這只吃得半飽不餓的我，更期待這焗飯，看著飯面的芝士汁撲通撲通的跳動著，熱騰騰的，很新鮮、很味美，彌補缺少了丹麥酥的那份遺憾！

我們於1/5（六）約早上八點到達餐廳，入面已經有很多人，我們叫了3個餐：脆脆魚柳伴德國腸；西冷牛扒伴德國腸；全日早餐。❶脆脆魚柳伴德國腸（$40）配炒蛋及鮮油厚多士❷西冷牛扒伴德國腸（$42）配炒蛋及鮮油厚多士❸全日早餐（$52）：吉列魚柳，昆布蘭腸，黑松露炒蛋，煙肉，茄汁豆，鮮油厚多士鮮油厚多士：多士係厚，但冇乜牛油味，也不是熱的。吉列魚柳：很大塊，就算放到最尾食也還是熱騰騰的，而且又有嫩魚肉，非常好吃。西冷牛扒：有足料茸蓉醬👌🏻黑松露炒蛋：不太能吃出黑松露味另外，看得出來待應很忙但服務態度尚好，以冰室來說，可以接受。

下午時分,想不到吃什麼,就到附近茶記吃午飯。這家茶記都頗為出名,每每到午飯時候,外面都排長龍的。店內環境不錯,惟座位有點迫。每次我都是點常餐,這次看到每日精選午餐 – 紅酒汁肉眼排。可惜遲來,肉眼排剛賣光,所以餐牌轉了薄牛排。以為薄牛排不好吃,但味道和口感還可以的呢。牛排口感都嫩口,配上燒汁,味道不錯。是次是叫了配意粉,但如果是配白飯會更好。這個午餐set 有配湯及飲品的,是次叫了中湯,但湯方面就偏鹹。但熱奶茶往往就是我必叫的。

平日中午時間排曬隊今次終於有得一試4人叫了炒河炒粉炒粉無影到😢但整體多材料，又不多油夠香口重點係河炒比其他食店炒得夠鑊氣之餘仲食到香口感。最讚個魚柳無雪味細細件有4到5件好滿足，更無反炸感覺。唯一就係等得耐🤣

今次係本人第一次寫食評。真係唔寫唔得！中午嗌左個咖喱飯 食到一半啊仔竟係話食到硬物！即刻一望 先知道係鋼絲刷的碎塊。。。個飯還剩反一大半但係都唔敢食了。。。真係離曬大譜！還有，近幾次叫外賣午餐 紅茶都自行改餐牌但係又唔通知顧客！開咗來睇先發現個飯錯嘅！卡邦尼汁變左茄汁！西冷牛扒又變雞！但又照收我同一價錢！今次又無比餐具 仲竟然食到啲異物！一向都幾中意呢間餐廳，好食還好食但質素真係下降了！！！唔會再食了真係！！！