影片
開飯介紹
來自日本鎌倉的人氣和風Cafe，供應壽喜燒、丼飯、拉麵、甜品等美食；其雅致舒適的木系裝潢，提供一個可放鬆身心享受美食的用餐環境。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
有關獎賞計劃
上次喺分店淨係食咗日式定食眼見甜品都咁吸引 所以決定再戰多次無論係定食定甜品飲品每一款都好有日式風味🍵 🔸 牛肉壽喜燒定食 薄切牛肉浸入壽喜燒湯底吸滿醬汁 超餸飯 配埋半熟溏心蛋 沾上蛋液嘅牛肉更加滑嫩鍋底有大量蔬菜 菇菌 豆腐等配料 營養又健康定食仲有白飯 小菜同味噌湯 非常又飽肚🔹 鹿兒島黑毛一口和牛定食黑毛和牛 牛味香濃 油脂部分入口即化用黑椒調味 肉汁醬汁四溢 一口一件非常配飯配上沙律菜 適合中和返肉類嘅濃味🔸 冰芒果 & 西柚紅茶 香甜芒果配上新鮮西柚 紅茶飲落味道酸甜平衡 清新解膩特別適合配埋濃味嘅定食🔹 冰忌廉抹茶拿鐵 宇治抹茶同奶比例大概係7:3 非常濃郁抹茶帶點微甘配上奶香 再加入鮮忌廉 令口感更細滑抹茶迷一定會大愛呢杯飲品(⁎⁍̴̛ᴗ⁍̴̛⁎)🔸 士多啤梨朱古力新地 以窩夫作為盛裝器皿底層有脆卜卜粟米片 及香濃朱古力雪糕以鮮甜多汁嘅士多啤梨及醬汁作為點綴中間有牛奶軟雪糕 2種口感嘅雪糕放埋一齊又幾得意 大滿足！🔹 鎌倉紅葉茶屋特製軟雪糕芭菲蜜瓜軟雪糕香甜 每層都有唔同嘅配料: 紅豆蓉 白玉 忌簾 日式抹茶啫喱層層堆疊出豐富嘅視覺同味覺享受完美演繹日式甜品嘅精緻！🚩紅葉茶屋 荔枝角長順街15號D2 Place TWO 1樓110-111號舖
繼續閱讀
今次黎到位於D2 Place 嘅紅葉茶屋❤️ 餐廳以熊貓作主題佈置，大大小小嘅角落都找到熊貓嘅蹤影😆 超級可愛令人心花怒放😎 熊貓迷不能錯過喲😘 午市時段有多款優惠套餐主食㨂👍 🐧 就㨂咗一客勁豐富嘅牛肉壽喜燒定食😋 壽喜燒大大鍋熱辣辣送上，湯香四溢極為誘人🤤 內含大量美味牛肉同埋多款入味配菜，非常足本✅ 牛肉食落軟嫩入味，配埋溫泉蛋真心正😚 🐧🐧 buddy 就㨂咗一份鹿兒島黑毛一口和牛定食😋 一口和牛一啖入口，濃郁嘅牛香滿盈，鹹鮮又惹味，伴飯食剛剛好🤩 黎紅葉每次一定會叫佢哋嘅和風甜品🥰 跟套餐仲可用優惠價換領😚 先選了一份紅葉三重奏❤️ 內含黑蜜抹茶蕨餅、迷你抹茶朱古力芭菲同埋抹茶雲石芝士蛋糕😚 蕨餅同埋芭菲都可以自選口味架😘 一次過三重享受❤️ 超滿足🌟 多選了一客鎌倉紅葉茶屋特製白玉餡蜜📍 色彩繽紛嘅賣相好靚💚 白玉軟糯綿密，嚼感十足，配埋甜美嘅黑糖漿一齊食，絕對係完美享受🤗 兩杯飲品❣️ 芒果百香果茶同埋熱抹茶拿鐵🤩 前者清新解膩，後者順滑醇香，兩者用黎送甜品都非常夾架🤗
繼續閱讀
照燒三文魚定食 ($138)三文魚煎得外皮微焦，魚肉嫩滑，照燒醬汁甜中帶鹹，魚肉入味，配菜仲有少少沙律菜點綴，另有米飯、味噌湯同2款漬菜，入口清新冰檸檬紅茶 (+$15)定食加$15有凍檸檬紅茶，紅茶香濃，飲落清新醒神，糖水可以跟據口味自行加配，幾貼心旬之野菜 (+$35)炒野菜幾豐富，有椰菜、紅蘿蔔、洋蔥同雜菌，味醂香味突出，味道甜甜咸咸，幾惹味鹽燒鯖魚定食 ($108)鯖魚烤得外皮香脆，肉質結實有彈性，鹽香突出，無腥味，帶魚油香，同樣配米飯、味噌湯同漬菜熱抹茶拿鐵 (+$25)熱抹茶拿鐵暖暖地上枱，抹茶甘香同奶香混搭，入口微甜，飲落滑溜又有層次蕃茄胡麻沙律 (+$20)沙律菜同小蕃茄鮮嫩爽脆，配上芝麻醬，入口清新爽口，簡單又健康枝豆 $28枝豆入口帶天然嘅豆香同微甜，撒少許鹽提味，食落簡單又開胃抹茶蕨餅新地 ($68)甜品用窩夫餅底盛載住牛奶雪糕新地、抹茶雪糕、蕨餅同紅豆蓉，牛奶雪糕新地軟滑，抹茶雪糕冰凍帶濃濃茶香，蕨餅Q彈滑嫩，配埋甜甜地嘅紅豆蓉，甘香中帶甜，令人回味無窮
繼續閱讀
好耐冇黎D2 Place行街啦🫶🏻行左咁耐都見餓啦 就穩左間日本菜餐廳🇯🇵呢間之前係第二個地方食過今次揀啲唔同嘅款食下先❤️和牛肉壽喜燒定食
定食嘅和牛油花細膩 入口嫩滑湯底甜鹹平衡 豆腐同香菇吸汁入味飯粒軟糯 溫泉蛋滑溜麵豉湯鮮香 前菜增添香味另跟餐加海鮮炸物盛合分別有炸蝦同蠔 兩樣食落都夠酥脆再跟餐加冰蜂蜜薑紅茶 飲落幾清甜成個份量豐富 又好食😋❤️海鮮四色茶漬飯
茶漬飯分別有三文魚同吞拿魚刺身食落鮮甜 甜蝦嫩滑香濃蝦湯滲入飯粒好入味前菜清爽開胃 飯粒軟糯帶海鮮香紅葉甘之三味三味分別有抹茶提拉米蘇 香濃微甘哈蜜瓜雪糕 清甜爽口士多啤梨奶凍 酸甜滑嫩三款甜品層次分明冰涼入口好清新畫上完美嘅句號😋
繼續閱讀
午市間間都排晒長龍要排隊，非常困難搵嘢食，唯獨是呢間唔知點解冇乜人，但係佢嘅質素都唔差喎，兩個人叫咗兩個午餐，再追加三文魚一份，最尾再嗌過抹茶Tiramisu！完美～位置坐得好舒服，而且套餐份量啱啱好，價錢合理，唔算貴，不過一個套餐裏面個飯對某些人嚟講可能有啲少，我就OK嘅～食完主菜真係一定要叫佢嘅甜品，其實個抹茶雪糕都好想試，但由於佢個Tiramisu太吸引，雪糕留返唯有下一次先食，可能因為我鍾意去上面掟彩虹，又有得泊車，間中都會經過呢個商場，下次會再食！因為我最憎排隊
繼續閱讀