紅豆冰室

營業中

休息中

肉類只有火腿絲，令人非常失望的進食經驗！名字吸引，但見到不想吃！想節省成本，但引致沒有回頭客。價錢比同區餐廳貴，內地來港遊客不用試。去大陂坊衫記食碗38元的雲吞麵，不會失望，必能滿足。

諗住試下，點知真係有稍稍驚喜🤩🤩蔥油豬扒雙強魬🍛嗰塊豬扒大過個面盤，餸嘅份量都好大，豬扒炸到金黃酥脆蔥油嘅嗰陣香氣濃郁到極點，完美咁滲入豬扒入面，每啖都好有味道，食到停唔到口，欲罷不能。而且套餐仲送熱飲，加多 💰$3 可以換冷飲🌟🌟🍫朱古力奶西多呢個朱古力奶西多真係招牌名副其實🌟陣陣朱古力同牛奶嘅濃香撲鼻而來香到痹。炸過嘅吐司，外皮脆卜卜，入面軟綿綿，再配上濃郁嘅牛奶同埋幼滑嘅朱古力粉，甜度啱啱好，一啲都唔會過甜膩口。食嘅時候一定要趁熱，咬落去嘅口感，簡直就係鐘意食甜嘢嘅人嘅天堂💓食量唔大嘅朋友，兩個人點一份飯就夠食，個份量真係多得嚇人🥢🥢

去餐廳食嘢，除咗食物質素要好，服務都好緊要。 服務差，隨時食到一肚氣。話說新年假期去食， 一坐低就睇下有咩餐啦 ，個阿姊仲走嚟話， 邊個邊個餐今日冇， 之後就走開咗，咁就自己手機落單啦。結果上到嚟，乜咁清呀，塊多士去咗邊？？？ 咁就叫返個阿姐埋嚟，問係咪上漏咗呀？ 個阿姐答：無呀，今日無麵包，乜包都無呀。 咁我哋問：咁你換啲咩畀我？ 阿姐再答：無呀，乜包都無，冇嘢可以換俾你。 咁我哋就問啦：咁嗰餐係咪會平啲？？？ 你餐牌寫明有嘅嘢，依家無咗喎。 阿姐話：無平呀，咁今日無麵包呀嘛，冇㗎啦。 其實個麵包同蛋係送㗎嘛，送少樣囉。 真係厲害嘅說法呀，餐牌寫明嘅嘢，原來係送嘅。 咁真係無嘢好講。首先餐牌有嘅嘢，你畀唔到我，有否違反商品說明條例？第二，由入餐廳，同事帶位到話畀我聽邊個餐今日無，都無人話過今日無麵包。 如果有講，我哋仍叫，咁就完全無問題。但係無被通知而無咗，仲要俾個咁嘅答法，好無言。倒返轉嚟講，如果我要求個餐加多塊麵包， 係咪免費？ 點解少咗食物，就大條道理，無貨就大曬？？？食物質素一般， 唔係特別出色，咁樣嘅服務態度， 唔會再幫襯囉。

今日（6-12-2024 Fri）又同老公請假整嘢，回收咗啲嘢後，老公都攰喇，搵個地方食啲嘢休息吓，我提議去今年年頭嚟過嘅neighbor(https://www.openrice.com/zh/hongkong/r-%E9%84%B0%E5%B1%85-%E8%8D%83%E7%81%A3-%E7%BE%8E%E5%9C%8B%E8%8F%9C-%E6%BC%A2%E5%A0%A1%E5%8C%85-r739252)，上次食評係2024年1月27日刊登嘅呢篇：https://www.openrice.com/zh/hongkong/review/yeah-%E8%A5%BF%E5%86%B7%E5%B7%AE%E5%92%97%E5%95%B2-e5264984，但老公話貴，咁下次至再幫趁啦。咁去邊喥食？佢話嚟呢間。啊，咁去啦，嚟到時都有幾張卡位，坐低後研究menu，研究咗一段時間，都唔知食乜好，女侍應行過，指住牆話有午餐，我望望，見有$62.00嘅XO醬三絲炒銀針粉，加$8.00就有椰汁紅豆冰，於是我要呢個。老公睇中$38.00嘅沙爹牛肉公仔麵，就要呢個。咁落單啦，我哋講咗要呢三樣

出席熊貓酒店的座談會前，午餐選擇了附近的「紅豆冰室」。這家港冰室方便快捷，非常適合快速解決一餐。我點了一份番茄濃湯豬潤通粉，加了少許辣，再搭配餐包和滑蛋作為套餐配搭 🍞🍅番茄濃湯的味道較為普通，酸甜適中但稍嫌欠缺層次，湯底的濃郁感不算突出，但好在熱騰騰送上，非常暖胃。豬潤的處理還算不錯，口感爽口。通粉煮得軟硬適中，整體表現中規中矩，符合一般茶餐廳的水準。搭配的餐包稍微加熱後送上，外表鬆軟但未帶脆感，配上滑蛋一起吃味道算是和諧，但也並沒有特別出彩之處 🤔整體而言，紅豆冰室的食物表現普通正常。以方便快捷為主，環境舒適而簡單，適合作為忙碌中的一頓快速午餐。若沒有太高期待，這裡仍是個解決溫飽的地道選擇 🌟🌟

好耐冇去荃灣， 都隔咗幾個月， 今晚約咗2個friend去行千色店， 去返上次嚟過的這間千色匯商場內的冰室， 記得之前好似係新開業冇幾耐， 當時食的小菜款式記得都幾好味，茶記嚟講有水準👍。 今晚再試，仍然有水準， 見有家常便飯套餐，確係扺食，$168 揀一條豉汁蒸魚，配一個小炒菜式的餸，有中湯，有白飯，仲有埋飲品，扺到呀， 熱辣辣的， 最驚喜係碟蒸魚的豉油汁好鬼好味，蒸的魚的熱度夠，好嫩滑， 成份蒸魚差唔多我一個人ko曬。 呢間如果近我附近就好囉， 唔使煮飯，慳水慳力。

這裡每周的午餐都會變動的，食物種類繁多，中西日韓式、咖哩、焗飯、燴飯、炒粉麵飯、廚房小菜、潮州打冷、滷水套餐、煲仔飯、鐵板餐，真係多到😀 點都會有一款啱心水的吧。我哋其實經常幫襯的，本來沒什麼好講的，不過今天的午餐就😓有啲不似預期🫣😑😑回窩肉公仔麵+ 照燒汁雞翼簡直是油浸公仔麵，成碗辣油似的，好似食咗好多豬油落肚，撇開呢樣，豬腩肉其實整得好食的，仲好多，照燒雞翼就一般，只是外皮好有味，內面完全唔入味！由於太多款式，又多位，所以仍會幫襯的。

前日（13-10-2024 Sun）朝，老公去完教會，就會合佢食個早餐至買餸，去邊喥食，不如落荃灣，咁荃灣又食邊間？我諗唔到，由老公諗。佢就諗到呢間，話選擇多。好的，於是行嚟。嚟到時有一組兩個客人等𡁵位，但經理問咗我哋幾多位後，就即俾枱我哋，係啱啱有人走，未執嘅卡位。我哋睇完menu，就決定要：2. 早餐中嘅3.6牛乳炒滑蛋，自家製餐包同腸仔牛乳炒滑蛋真係好嫩滑，唔錯；腸仔唔知咩腸，睇返第一次嚟食2024年3月30日刊登嘅呢篇食評：https://www.openrice.com/zh/hongkong/review/%E8%B6%95%E5%BE%97%E4%B8%8A%E6%97%A9%E9%A4%90%E5%98%85%E5%B0%BE%E7%8F%AD%E8%BB%8A-e5382582係唔同，我形容唔到咩味，普通；自家製餐包就暖暖地，有塗牛油，口感鬆軟ok嘅。3.67分5. 早餐中嘅太陽蛋，自家製餐包同腸仔呢份係老公嘅，煎蛋正常冇問題。1. $45.00嘅龍蝦湯餐肉粒通粉餐肉粒唔多，食落，餐肉粒同通粉都腍，有啲腍過龍；龍蝦湯杰身，但龍蝦味唔夠，甚至唔似龍蝦湯。2.5分4. $

同陳皮妹上完芭蕾舞🩰堂，撞倒同學一齊食晚飯🥣，揀咗紅豆🫘冰室，星期六晚都係7成滿，本身坐近門口位，但太大浸酸菜雨味改坐入面。陳皮妹叫咗仿鮑魚火腿通（$38）可惜冇餐，但味道唔錯😌。我叫咗椰香咖喱燒豬頸肉飯（$82），椰香咖喱🍛送飯正，燒豬頸肉香，份量足，仲有羅宋湯同熱華田

點了咖喱雞飯和瑞士雞翼撈麵。首先是咖喱雞飯，然而我對這道菜感到有些失望。咖喱雞飯冇咖喱味，味道相當淡，令我感到有些失望。此外，醬汁也相當澀，讓整道菜的口感不盡如人意。接著是瑞士雞翼撈麵，這道菜也讓我感到有些失望。撈麵的味道相當淡，完全冇瑞士味，讓我無法感受到瑞士料理的獨特風味。總的來說，這次的用餐體驗讓我感到有些失望，希望餐廳可以在菜品的調味上做些改進，讓顧客可以品嘗到更美味的料理。真心無第二次 慘過食屎

一入去我跟門口個待應講3人，跟住待應帶我哋入去坐，之後有個帶眼鏡叔叔好冇禮貌呼喚我（你幾個），帶我入坐個待應即時答果位冇禮貌叔叔（3位），之後我同朋友討論果位叔叔態度，我就明白點解我點D食物遲遲未到。其實D老細係咪吾知呢D待應幫佢趕客？

今晚躲懶不做飯 : 放假 懶惰不想做飯，3個人便在外解決。喜歡吃＂夾餸扒飯＂式中菜的我們， 好耐冇去荃灣shopping. 諗住去下千色果度行下街，再去搵嘢食， 行出商場門向眾安街果邊落扶手電梯，見到一間 紅豆冰室 ，好特別下，門口麵包架賣緊好多種類的包，行埋去睇，見好多人買，原來入邊有自家做麵包的房， 當時有人排隊，排埋一份先，雖然排隊又入得幾快， 茶餐廳嚟講，都好多選擇，我哋叫左小菜，羊架鐵板， 好有水準，有驚喜， 唔同一般茶餐廳咁求其， 可能新開，坐位都算舒服，待應態度又幾好，以茶記嚟講，整體都加分。

從未諗過一間茶餐廳，算是新開嘅茶餐廳，可以用極差嘅質素嚟形容。所有店員態度超差。可能覺得價錢大眾化，茶餐廳格局，所以可以一點禮貌也沒有！受氣不止被編排、一定被編排去坐某一個位置，亦店員抹枱時將所有上手剩下的垃圾，求其抹枱撥晒落凳，完全不再理會。客人要自行再重新抹枱抹凳一次食物質素不好，而且員工送餐時全部拍落張枱度，好彩玻璃沒有爛，可是差點也將米線撥落客人身上，未食已經有米線掉落枱，也在員工手上有米線。這一間店舖希望盡快執笠！

路過荃灣千色一期，食肆選擇唔多，見呢間餐廳門面有棵櫻花樹好靚咁，就試呢間！入面木色系設計為主，多卡位呢個唔錯！但走廊通道位地板有點濕滑幾乎滑倒，沒有放小心地滑牌，希望餐廳注意！睇餐牌都知係茶餐廳出品，所以自己會先降低少少期望，但估唔到味道喜出望外（除左白飯較硬）！👍仲要唔使加一，咁就更抵食！我地兩個人點左兩個餐，先黎鐵板蜜椒薯仔牛柳粒$95 大大碟，一上枱香噴噴，而且牛柳質感柔軟有焦香，薯仔外層有焦糖脆口效果😋，我地覺得好好味！加$15有飯及例湯，我地揀左中湯都幾潤，而白飯對我地黎講較硬，軟返少少就好！再黎一個全日特餐 All Day Breakfast!, 本身個人幾鍾意食全日特餐，其實餐牌幅相影得麻麻地，但見$69 咁抵就試下！ 結果一上枱，我地兩個都嘩左聲，咁大碟！👍👏 個餐包左脆魚柳、薯脆餅，兩樣都香口好脆👍，而日式腸唔係食開果d 廚師腸，唔太鹹幾啱我！牛奶炒蛋夠滑唔老，個牛角包比較實，即係較飽肚，但估唔到入面仲有碎蛋及蛋黃醬！成個餐都好啱我口味，幾飽都食晒！👍😋每次去茶餐廳都鍾意點熱杏霜，但呢間個粉好糊狀，唔似平時飲開果d, 但想飲野結果都飲晒！

噚日(1-6-2024 Sat)同老公食個晏,去邊喥食?光榮冰室(https://www.openrice.com/zh/hongkong/r-%E5%85%89%E6%A6%AE%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r649136),因為堂食每位嗌個快餐,就可以以$1.00要一隻炸雞中翼,數量不限,不過由於我哋冇乜食力,於是唔食,就去搵第二間嘢食,邊行邊諗,老公話去neighbor(https://www.openrice.com/zh/hongkong/r-%E9%84%B0%E5%B1%85-%E8%8D%83%E7%81%A3-%E7%BE%8E%E5%9C%8B%E8%8F%9C-%E6%BC%A2%E5%A0%A1%E5%8C%85-r739252)食,行到嚟,見有人等位,咁唔幫趁住,嚟呢間啦.我哋嚟到時都有人等位,不過好快,大約2-3分鐘就有位,我哋睇完menu,就要:4. $21.00嘅熱檸水老公飲,我冇飲到,佢都冇comment.2. 跟餐叫以傻惠價$15.00要原價$30.00嘅雪糕特濃朱古