紅跑車越南餐室 (已結業)

21-05-09 紅跑車越南餐室 Dinner四人晚餐, 點了E1 特別紅跑車招牌湯河 $58C1 紅跑車越式拼盤 $68C22 法式蒜茸包 $20C24 黑芝麻海蝦卷 $45C20 越南稔肉 $28Total $219 + $10% = $240.9E1 特別紅跑車招牌湯河: 河粉是很幼滑的, 容易入口, 牛腩很腍. 但味道來說, 還是跟一般粉麵當的牛腩牛柏葉河粉不相伯仲, 為什麼要收$58 元??C1 紅跑車越式拼盤: 當中的蝦肉春卷的確很美味, 裡面有些芝麻, 很香的. 另外亦有西柚沙律, 把胃口都開了C22 法式蒜茸包: 雖然叫做蒜茸包, 但竟然連一點味道也沒有, 就算沾了其他菜的醬汁湯汁也不能把蒜頭味帶出.C24 黑芝麻海蝦卷: 這個是推介, 外面是一層脆皮和黑芝麻, 裡面是海蝦, 十分香脆和很有鮮味C20 越南稔肉: 外表看來很像臘腸, 凍吃的, 伴着薑和辣椒, 有少許腥味. 味道......很難吃的, 不知怎樣形容, 一問老闆娘之下, 才發覺原來是生豬肉. 老闆娘說因為生豬肉用葱蒜腌了, 不怕有細菌. 雖然如此, 還是吃

男友想食越南菜，我一向在荃灣區嘅心水都係"小巴黎"，佢係openrice睇到呢間的食評都ok, 所以為了"食好d"，話同我去試下。七點去到見到唔多人都覺得有d唔對路，我地被安排坐卡位，但個位都好迫下。個menu的相ok, 我地點了大蝦西柚沙律、藍貝、香茅雞翼、招牌清湯越南濛、三色冰。全都出事！大蝦西柚沙律都算正常，但只有兩隻蝦，蝦新鮮，不算大隻，西柚兩三粒，其他都是生椰菜絲、紅蘿蔔絲，收五十幾蚊，唔係好抵。藍貝係menu個樣同上枱的分別好大，佢用水白洽完，用少少蔥、蒜炒，好唔得，藍貝肉超細粒，縮到好似五毫子咁大，無味，只係白水洽的味，藍貝離殼好唔新鮮，我食到有一隻臭咗，立即吐出來，好核突，即刻退返比佢地。個女待應知道，問都無問即刻退返入去，好似都唔係咁surprise。香茅雞翼好普通，好似茶餐廳的水準，無香茅味！沙嗲王同小巴黎都好食好多，又唔會咁貴。招牌什麼清湯越南粉，d牛腩都幾好味，但d粉太熟太稔，一pat pat，唔多好，六十幾蚊唔值囉。最後三色冰，最差係d冰，因為佢地用碎冰，但唔知點解d碎冰係結成一塊，成o舊放係我杯三色冰上面，好怪。最後埋單，就算無計個藍貝都要一百七十幾蚊，以咁

由於幾個朋友都係住荃灣既關係所以大部分食店都幫襯過見到紅跑車咁多好評又未試過所以就決定今晚係度開餐7點左右到左可能未到食晚飯時間 所以人都唔算多越南檬要(蚧)入面有一整隻奄仔蟹，多膏！好味~蕃茄湯底跟蟹的味道都好夾蟹肉仲好新鮮(金邊粉份量好像較檬粉如果怕份量不夠 可以轉叫金邊粉 會比較飽肚)豉椒蟶子因為怕椰汁味所以轉叫豉椒蟶子肥美 且份量多唯有不足係加左金不換作香料(同行朋友指出)故味道有少少牙膏味(不過尚可接受)如果大家不怕椰汁味 揀另一種煮法應該更美味！！藍貝老闆娘極力推介+半價優惠雖然已經好飽仍再加單藍貝亦都好新鮮！即使胃口細細的友人都忍唔住一食再食~服務態度亦都幾滿意老闆娘差不多每張枱都照顧到會關心食物水準

尋日(10-5-2009 Sun)同男友起來,因想趁母親節,去一去拜媽媽,咁要落荃灣搭車.就順勢o係荃灣食早餐啦.男友原先話去翠華食脆脆豬仔包,我話貴.咁行經呢間佢成日話想試o既紅跑車,(其實尋晚我有提議過o黎呢間食晚飯,佢話唔好)見佢o既早餐好似都唔錯,而且平啲,而o係問口o既侍應仔話有卡位(真係識拉客),咁我就掹o左男友入去試.我o地坐尾二o個張四人卡位,都幾迫,不過算啦,呢間舖位係咁細.早晨都幾多選擇,男友想食清淡啲但又想食煎蛋,佢睇到$18.00o既F餐係健康粟米燕麥片配吞拿魚麥包多士但冇煎蛋,佢就指住餐牌問亞姐,呢個餐可唔可以加錢加一隻煎蛋?點知亞姐語氣好差咁話:’除o左D餐外,個個都有煎蛋.’我o地再睇清楚啲,唔係喎,真係冇煎蛋個喎.咁我要個有煎蛋o既餐,畀隻蛋男友食啦,反正我呢排食得太多,唔係咁好.就咁決定,我要$22.00o既B餐,沙嗲牛柳絲出前一丁,配腸仔煎蛋+鮮牛油厚多士,飲熱奶茶,男友要熱檸茶.不久,男友o既熱檸茶同麥片到o黎,我就先影相,然後我o既熱奶茶o黎到,我冇為意係邊個侍應擺低,但佢就好好咁擺埋一邊,因為見我影o緊相.然後係我o既腸仔煎蛋牛油厚多士到o黎,

今日過荃灣搵家姐食飯, 但又唔知去邊度食好,於是就上openrice度睇下有咩好介紹,結果就選擇左呢間紅跑車越南餐室,略嫌餐室迫了點,老闆娘很熱情啊, 一入去就比晒折扣我地,但這裡的確能找到新發現, 越南矇要, 完隻蟹上的湯矇, 湯底係蕃茄湯加上蟹的鮮味, 正...而且仲好多膏添, 黑芝麻炸蝦卷, 入口香脆, 陣陣鮮蝦既味道加上淡淡都是蝦肉正, 豬頸肉越式炒飯, 炒得不夠乾身, 但很足料, 味道尚可,時令的藍青口, 味道淡了一點, 但也很鮮味啊一行4人都是$330, ok抵食啊

食午餐，可加$1跟冰飲，於是叫咗涼粉綠豆冰單點個香茅豬扒撈濛，＄33跟個冰，可以接受。豬扒保持水準，配料多而亂好像一般，整體尚可。只要不要期望過高，就可以有滿意感覺的一餐。

一天辛勞之後，與同事食完飯才歸家，記得這間越南餐廳有不錯嘅食評，於事一試！店內有位男仕好殷勤招呼及介紹美食，本來想吃藍貝，可惜原來是是令食物，所以夏季會轉換了螄堪！ 所以點了一些介紹菜香茅豬扒撈檬豬扒餣得不錯，味道佳，而且魚露撈埋一齊之後，真的可再來一碗！螄堪甚少吃，但由於介紹之下，所以一試，上檯後見仍然血淋淋咁，店員解釋原來螄堪嘅汁都係紅色，所以大家見得好似唔熟咁，仲有詳細解釋一下潮州人係點煮點食，有嘢學！鮮蝦米卷店員說是即叫即整，所以亦一試，米卷包住鮮蝦及生菜，中間仲夾著應該香葉(唔知咩名)，所以味道濃濃，朋友反而不太欣賞呢！生牛肉湯河雖說是生牛肉，但用上熱湯倒入去，牛肉已淥得近熟了，湯底牛肉味濃，配上幼滑河粉，不錯！龍眼冰多龍眼，但味道頗甜，加了好多水沖淡！價錢：$205，覺得都幾抵食。服務：食殷勤，不錯！

五個人....食左:柚子大蝦沙律 - 份量奇少....大家都呆左....小食拼盤 - 有沙律 (彌補番大蝦沙律之不足)....扎肉....春卷....牛肉沙爹....香矛雞翼....當中春卷最好味....其他一般....馬拉盞通菜 - 相比之下...呢個可以不叫...但因為想要D菜..先揀佢...牛油雞翼 - 好味.....外脆內軟....一送上檯已經聞到好香....面頭D蒜蓉好好味....烤原隻魷魚 - 爽口彈牙....好趙頭椰皇蟶子 - 老板娘推介的.....又係一送上檯就聞到好香....好香椰子味....又係爽口彈牙.....正!咖喱蟹 - 一D都唔辣.....個汁超好味....配蒜蓉飽一流....送飯也一流....老板娘送左一碗飯俾我地....連平時唔係臭米氣的同事都自己獨霸半碗.....隻蟹好大隻....隻蟹鉗勁厚肉.....正到暈!!!生牛肉湯河 - 聽講呢間D生牛河好味....臨尾都叫番碗黎食....大家都飽到不得了....但係實在太香....個湯底勁好味....勁濃味....河粉勁滑.....牛肉已經變成配角.....淨係呢個都值十粒星.....必食推介....老板娘仲

午飯特地撘地鉄過來，十二點幾不用等位！叫了生牛粉、牛油炸雞翼、廚師推介的特色越式炒飯，然後靜靜的期待著上菜。生牛粉，先試湯底，淡淡的湯底卻有濃濃的牛肉味，不錯！芽菜是刷熟的，港式？吃片牛肉，味道甘香，最讚的是越式粉，很有口感又滑，也是我從澳洲吃過後她們也做不到的水準！炸雞翼，非常不錯，果然是招牌小食，皮脆肉滑，加上越式香料，配合的天衣無縫，加分！再來的越式炒飯， 索價$35，是很普通的揚州炒飯，只不過把叉燒和蝦改爲扎肉，是較大碟沒錯，不過實在是不明白特色在哪裏．．．還是廚師推介．．扣分！好的地方是我們漏了一袋東西在餐廳，幾個小時後才發覺，返去拎店員態度很好，還有紙釘著我們之前的枱號在袋上，細心加分！

14 April, 2009放工黎食,時間為9:30pm,經過門口,唔知入唔入好..因為入面冇人..= =望真d,原來都有一枱客.....心諗,又話好食既,點解冇人......坐低左就見到好多野飛黎飛去....................= ="睇餐牌....真係好似揀唔落手....個男人可能見我地睇左好耐都未叫野食,於是走黎介紹..佢講個d我地又唔岩..haha..最後叫左兩個湯河,一個粉卷算數...望下d野食點先..野食黎到....沒什麼驚喜....個湯河似牛腩河...不是什麼越南河吧...坐坐下,多兩三枱客...叫埋單,叫左好耐都未埋到....都唔知做咩....走人去食糖水lu~

落開荃灣，想吃碗PHO，就來了這裡。坐低就叫了碗生牛肉粉，先喝湯底，味道濃郁，夠熱，都算有水準。又是那句，味精一定有，但吃越南菜吃到味精，真係有幾咁奇？牛肉用滾湯淋過，只五、六成熟，肉質幾鮮嫩，不錯。河粉吃落淋了一點。整體而言，單計這碗牛肉粉，比以前在紅跑車食的差了一點點。這裡賣的越式食物其實不算特別高水準，同外面食開幾間都差不多。店員的服務是十分好，對待我這個只吃一碗粉的「運吉」客人也都笑容滿面，老闆娘收錢時也多謝前多謝後的，值得一讚。加一杯越式咖啡，埋單42蚊，沒有加一小賬，相當之經濟抵食。其實都幫襯左這裡不少次，不覺得特別好，但當然不是差，如果在荃灣區，要吃越南菜會來這裡。

11-4-2009由「大西北」折返市區, dinner 決定到荃灣搞掂, 拉了朋友0黎到自己期待已久的呢間越南餐廳 (點解: http://forum.openrice.com/forum/viewthread.php?tid=1124&extra=page%3D3), 0黎到門口已超興奮! 先0黎朋友的椰青, 清甜度 ok, 但完全唔凍的, 個人而言接受唔到. 小食係「黑芝麻炸蝦卷」, 即春卷皮混入黑芝麻粒, 捲入海蝦拎去炸, 可用生菜包住 and/or 蘸酸甜雞醬食 -- 食了幾件連蝦尾的, 炸得脆口無油, 可以食埋蝦殼! 海蝦肉亦鮮味結實爽口, 再包生菜及甜多過酸的泰式雞醬, 正! 唯一要彈的就係 d 生菜, 唔係塊塊都完全新鮮, 感覺一般.主食揀了期待已久的 (無辣版)「越南檬要」-- 0係其他地方食過蕃茄及蝦醬煮成的「檬饒」湯底, 呢度仲多了蟹的鮮甜, 先飲到蕃茄的酸甜, 再嗒到海鮮獨特的濃甜及蝦醬香, 勁正! 又因為 d 湯太正, 檬粉索晒 d 湯, 又係勁正 配料有爆晒羔的原隻 (奄仔?) 蟹,「溶」晒的蕃茄, 通菜, 炸過的蒜粒, 大量蔥花, 洋蔥及鵝蒂

眼見荃灣又有間新餐廳開喇﹗就走去試菜啦﹗諗住初初見佢開張就同同事2個人走去試，門口似西餐廳，入到去先有dd越南feel。正當我地諗緊想食咩既時候，有位肥姨姨介紹我地食個越南檬要，但我同事好醒目，佢叫我叫第樣食(先賣個關子)。後來我叫左個鮮茄牛腩筋湯河，我同事就叩左個生牛肉湯河﹗2杯熱檸茶﹗點解要賣關子？原因係響我地黎既之前有一個客人因嫌等個檬要等得太耐撇左，到個檬要到既時候先發覺個客唔見左喇﹗所以當見到我同我同事黎果陣係咁諗想食d咩既時候，就介紹左個走佬麵俾我地食，點知我地唔賣帳，就算姨姨極力推介話新張期內加6蚊有你著數既特飲，我地都唔肯要，堅持要2杯熱檸茶就係咁既原因喇﹗我地率之等左20分鐘後2碗麵到喇﹗我果碗鮮茄牛筋河，除左頭果啖湯係好勁蕃茄味之外，成碗都搵唔到半粒蕃茄，咁我就諗.....會唔會係做左湯底呀？再睇返d餸....即係牛筋...得3件，就係全碗既賣點喇﹗而我同事果碗生牛肉河仲搞笑﹗點搞笑？就係d牛肉不特止熟過9成，仲厚過10蚊銀兼又咬又扯都食唔到，真係食到冇野好講﹗正當我地等緊個麵既其間眼見有好多人入黎幫襯，而果碗賣剩麵就推介左俾我左手面既3位師奶既其中1位喇﹗講到底，

幾個月前食過晚餐, 我覺得味道一般, 尋日再去食LUNCH感覺好似好食左, 三個人點左一個二人餐再加一個一人餐, 超飽! 安格斯牛肉, 本來以為係湯河, 原來係湯浸牛肉, 牛味好重, 不過湯底好咸 馬拉炒通菜, 好大碟, 不過D菜炒得老左少少 越南蒸粉卷, 好大舊, 不過好膩, 粉皮略厚 菠蘿海鮮炒飯, 好味! 味道甜甜地, 好開胃 椰香辣椒雞絲河, 湯底好香濃, 河粉亦好滑 炸蝦餅, 質素普通, 唔夠彈牙 千層糕, 熱辣辣好味 熱檸茶竟然有5塊檸檬, 材料十足!食到飽飽埋單都係$133 仲唔使加一, 超值之選!

還未到晚餐時間，肚子已向我投訴，去到荃灣立即想起cheap兄介紹我來的越南菜。這間應該開張不久，但內裡已有點殘舊。5點半下午茶時間，下午茶餐只是廿多元，再看看主餐牌，以價錢相比，決定食茶餐，相信是只份量大小不同，味道應該差不多。蕃茄牛腩湯河-橙紅紅的湯底，除了鮮蕃茄，應該還加了蕃膏來增加色澤及味道，先呷一口湯底，味道濃郁，很有濃烈的牛肉香，再呷第二口，發覺蕃茄味不夠，兩者不能做到平衡。牛腩軟腍入味，很不錯；而河粉很幼細滑溜，果然是招牌菜。香茅豬扒撈檬-檬檸粉太零碎，而我要撈檬過關係，要額外加多$8，真係唔值。而豬扒很腍身，似沒有彈性，連香茅味我也不覺。還未夠飽，再要一客軟殼蟹卷，外層的米紙視乎較薄軟，沒有煙韌嚼口感覺；而軟殼蟹雖夠酥脆，可惜唔夠肥美，很懷念泰國的軟殼蟹。