影片
港鐵太子站 E 出口, 步行約2分鐘
繼續閱讀
電話號碼
23368326
23368321
附加資料
營業時間：7:00-2300
以上資料只供參考, 請與餐廳確認詳情
大約9:00的時候來到這間餐廳，店內都沒有什麼人。喜歡安靜的可以過來試試。我們三個人叫了一個魚香茄子煲和一個炸豬扒，包兩杯嘢飲兩碗湯兩個飯。重點來了，個湯像溝水一樣，你不會吃到MSG的味道，而杯凍檸茶簡直係我飲過最難飲嘅嘢飲。咁多樣嘢入邊，算正常嘅只有魚香茄子煲，茄子算多，肉碎則很少，香味唔係濃厚，但價錢都要80幾蚊，只可以講，下次真係會嚟。不過呢間店嘅店員都幾Nice，尤其係洗碗嘅婆婆。拜拜拜拜。
繼續閱讀
路過見到餐牌嘅海南雞飯介紹圖咁大，以為會是招牌推介好嘢嚟喇，點知飯生硬又乾又唔熱，似剛在雪櫃攞出嚟嘅冷飯，雞肉不單止柴又乾又嚡又細份，得個放食物個碟好樣，可以呃下like嘅，食咗一半都冇，本來唔想浪費食物，旦實在太哽胃，不過真心係冇下次
繼續閱讀
同一個朋友，同一齊去太子，同一齊去番紅運餐廳下午茶，有咗上次經驗，我地今次叫第二樣，希望避免中伏今次小明叫咗法蘭西多士，加熱奶茶，西多外層炸得唔錯有蛋香， 裏面餡料都係正正常常，奶茶尚算香濃都夠滑。我就叫咗炸魚柳配沙律，特飲加5蚊咁抵？，即刻升級叫杯咖啡紅豆冰飲吓，但就真係唔太得。魚柳沙律見到炸得咁靚無死喇～ 朋友仲問我有冇腥味，冇腥味不過有啲泥味啫，都係啲下價急凍魚柳囉…咖啡紅豆冰都唔知係佢沖得唔好，定真係唔夾，紅豆甜係好食，襯落咖啡一齊就唔得，味道有啲苦，不過不失一餐下午茶，完！
繼續閱讀
男職員態度極差，食完飯坐多一陣就眼超超望住人，如果想講有其他人等緊位，可以同我地講聲，無問題的，但唔好用啲咁衰嘅眼神對客人。我一定唔會再 幫襯。食物亦都唔係特別出色，極知普通。
繼續閱讀
茶餐廳本身隨意，大路是十分正常，但紅運的hea已經是茶餐廳所不能接受的範圍。叫個欖菜炒飯，欖菜炒唔出味，炒飯調味唔夠，又淋，好似食白飯咁。想落些少辣椒油吊下味，呀真係吊一聲，一食就知超市桂林辣椒油嚟。辣椒油唔係自家製都算，炒都唔炒香就咁裝出來比客食，仲要擺耐咗壞壞地，食完唔舒服咗兩日。仲有杯凍檸水有八成係冰就費事多講了。冇心機煮嘢食求其仲要差啲食壞人好心咁多行點解要做飲食？當我撞車撞到冇hi咗味覺啦，最後，連茶餐廳基本function 比人坐下都唔比，限時50分鐘，嘩，睇得出你做生意非常委屈。紅運，不可一，不可再。
繼續閱讀