紅運餐廳

營業中

休息中

大約9:00的時候來到這間餐廳，店內都沒有什麼人。喜歡安靜的可以過來試試。我們三個人叫了一個魚香茄子煲和一個炸豬扒，包兩杯嘢飲兩碗湯兩個飯。重點來了，個湯像溝水一樣，你不會吃到MSG的味道，而杯凍檸茶簡直係我飲過最難飲嘅嘢飲。咁多樣嘢入邊，算正常嘅只有魚香茄子煲，茄子算多，肉碎則很少，香味唔係濃厚，但價錢都要80幾蚊，只可以講，下次真係會嚟。不過呢間店嘅店員都幾Nice，尤其係洗碗嘅婆婆。拜拜拜拜。

路過見到餐牌嘅海南雞飯介紹圖咁大，以為會是招牌推介好嘢嚟喇，點知飯生硬又乾又唔熱，似剛在雪櫃攞出嚟嘅冷飯，雞肉不單止柴又乾又嚡又細份，得個放食物個碟好樣，可以呃下like嘅，食咗一半都冇，本來唔想浪費食物，旦實在太哽胃，不過真心係冇下次

同一個朋友，同一齊去太子，同一齊去番紅運餐廳下午茶，有咗上次經驗，我地今次叫第二樣，希望避免中伏今次小明叫咗法蘭西多士，加熱奶茶，西多外層炸得唔錯有蛋香， 裏面餡料都係正正常常，奶茶尚算香濃都夠滑。我就叫咗炸魚柳配沙律，特飲加5蚊咁抵？，即刻升級叫杯咖啡紅豆冰飲吓，但就真係唔太得。魚柳沙律見到炸得咁靚無死喇～ 朋友仲問我有冇腥味，冇腥味不過有啲泥味啫，都係啲下價急凍魚柳囉…咖啡紅豆冰都唔知係佢沖得唔好，定真係唔夾，紅豆甜係好食，襯落咖啡一齊就唔得，味道有啲苦，不過不失一餐下午茶，完！

男職員態度極差，食完飯坐多一陣就眼超超望住人，如果想講有其他人等緊位，可以同我地講聲，無問題的，但唔好用啲咁衰嘅眼神對客人。我一定唔會再 幫襯。食物亦都唔係特別出色，極知普通。

今日旺角同朋友行街， 見有啲肚餓係時候搵間 餐廳食個下午茶😂， 經過鴻運餐廳見入面都唔算多人就 坐低試下， 餐廳 環境算 闊落坐得舒服， 有好多卡位 ，餐牌上 食物種類 都好多選擇， 就連下午茶嘅選擇都好多, 最後叫咗下午茶 炸雞髀沙律同 炸雞翼沙律。＄44，份量都總算大份， 炸雞髀炸得甘香 略 嫌有點淡， 沙律如果多少少沙律醬就會更正😅， 整體 嚟講唔算出色 不過不失， 簡簡單單食過下午茶我 覺得 ok不過佢繁忙時間只能夠坐50分鐘呢樣就唔係幾ok😂

茶餐廳本身隨意，大路是十分正常，但紅運的hea已經是茶餐廳所不能接受的範圍。叫個欖菜炒飯，欖菜炒唔出味，炒飯調味唔夠，又淋，好似食白飯咁。想落些少辣椒油吊下味，呀真係吊一聲，一食就知超市桂林辣椒油嚟。辣椒油唔係自家製都算，炒都唔炒香就咁裝出來比客食，仲要擺耐咗壞壞地，食完唔舒服咗兩日。仲有杯凍檸水有八成係冰就費事多講了。冇心機煮嘢食求其仲要差啲食壞人好心咁多行點解要做飲食？當我撞車撞到冇hi咗味覺啦，最後，連茶餐廳基本function 比人坐下都唔比，限時50分鐘，嘩，睇得出你做生意非常委屈。紅運，不可一，不可再。

今早路過太子站,試下紅運.不多想,即叫.要快.沙爹牛肉+餐肉面,茶走 ($36) 沙爹雖然不熱,沙爹汁一般,牛肉一片片,又有肉味,面既熱度夠熱.可以接受.茶走,一般茶記貨色,淡咗少少.ok啦！出貨速度快,不用两分鐘.快！

呢間餐廳係第一次幫襯晚上時分，唔算多人入到去好多卡位地方都好闊落👍🏻佢有晚市套餐同全日特價快餐因為唔算好肚餓，我哋就叫咗蝦醬通菜牛肉飯+魚香茄子飯+兩杯凍檸茶，仲包兩碗例湯🔹蝦醬通菜牛肉飯欣賞佢餸同飯係分開裝唔會令到啲飯好濕餸方面份量都好多味道方面不過不失牛肉方面都醃得好林.🔹魚香茄子飯呢個比較送得飯😎份量一樣好多味道方面正正常常兩個人買單$120，都算抵食.總括嚟講： 一般茶餐廳質素，姐姐都好服務，餐牌方面都多選擇，整體來講唔算好出色，不過簡簡單單一餐飯係ok日既👍🏻

今日又係忙碌的一天，經過太子嚟個快食下午茶餐，餐廳環境都幾寬敞，大量卡位可以選擇。以前起附近返工，今日想再回味一下，佢既酸麻辣湯底好正。就算係下午茶時間，餐廳坐位每張卡位都巳經有客人佔用，所以要搭枱，一坐低，店員即刻拎塊隔板嚟隔一隔開，雖然疫情巳經放寬，但餐廳既防疫意識一D都無鬆懈。點左個酸辣粉系列，記得點餐既時候要跟住step 1 > step 2 > step 3呀。step 1: 要咩湯底，我㨂咗秘製麻辣米線step 2: 㨂主餸，今次㨂左香茅豬扒step 3: 小食，㨂左魚皮餃香茅豬扒肉質唔鞋，湯底既辣都足夠，但係麻感唔係好出，魚皮餃既皮厚度適中，煙煙韌韌，餡料調味都夠，好食既。🔍紅運餐廳📍太子彌敦道789號建峰保險大廈地下2A號舖(太子站E出口)

勸大家真係唔好食呢間餐廳好垃圾話說呢我叫咗個海南雞飯凍檸茶例湯 仲有個火腿奄列首先講吓 去骨海南雞真係難食到 冇出邊傳統嘅味道凍檸茶OK嘅 不過列湯全部一啲湯嘅材料都冇垃圾請大家真係唔好食

第一次咁嬲要打負評，走去投訴，事源我同事打去落單，想其中一碗酸辣粉多酸，個阿嬸即刻態度極差話㩒唔到，要等經理返嚟，下一句夠膽死叫我地「唔好叫 唔好食」，我地話不如你寫低同廚房講聲就得，佢話「廚房佬鬧死我㗎！一陣我唔記得落有咩差池點算呀！你想我死呀！！」然後我哋問佢經理幾點返，佢話兩點，叫我哋兩點先再打嚟，之後串過馬撚call埋線，我地莫名火起，叫知外賣都俾阿嬸串，再打去問佢態度點解咁差，「你有錢邊度都可以食，唔好幫襯我地啦！我就係撳唔到！咁點呀！」，香港地壓力大到食餐飯都要俾個收銀阿姐鬧，大家真係要諗清楚先幫襯。

之前幫襯過D員工態度都不算好，有時行開都入去食D野就是，前兩日行過入去發現原來個好老嘅事頭婆都好無品，不單止不理你唔同你落單，見到你想落單都唔會叫下D同事幫手落單，咁痴線都得，佢應該唔係好想做生意，雖然D野食唔貴但都唔使咁對D客仔，我自嗰次之後都決定以後唔再幫襯，但其實食物方佢間野都差左好多，好多時食物唔熱，就連杯奶茶都係暖架，更食過個蒜泥白肉竟然有幾隻🐜，再咁不思改進以上所以問題係好難做得長，以前睇住佢開而家要睇佢幾時摺埋。

成日叫外賣 都係食呢間餐廳，今次同朋友落去餐廳食個下午茶。餐廳乾淨，寬敞，上菜同外賣既速度都快，我次次都食佢既沙爹牛肉麵，佢既湯底味道唔會好咸，牛肉又滑又唔韌，奄列炒得唔過火，烘多士烘得岩岩好，搽上香滑既牛油，呢個下午茶個份量岩岩好。另外，晚飯既小菜都炒得幾好，如果去開果邊，呢間餐廳可以一試👍🏻

依家天候咁焗熱，真係胃口都麻麻不過唔食又唔得架喎...... 咁今日就黎個late lunch啦外賣下午茶餐：乾炒牛河 ＋ 熱檸茶 ($46，外賣85折所以實收$40)份量不過不失，睇樣都唔太油，不過牛肉唔多，比較細塊。佢用粗河炒我就覺得幾好，首先比較有咬口，食落又飽肚整體感覺唔太咸唔算油膩，加埋杯茶夠晒飽$40好抵食啦～P. S. 不過餐廳入面都幾凍，我企係門口附近等外賣都凍到我起雞皮(不過出面又太熱喎😅所以我都係凍住等好d) 。

首先係超級難食，仲要態度差，差到要第一次寫食評用外賣app叫外賣，送漏咗一個飯，打返電話過去，竟然叫我自己聯絡app,或者叫我自己過嚟拎。講多兩句，仲cut我線