純麵舍

營業中

休息中

北角嘅純麵舍，係我同同事有返食過一次嘅拉麵店。環境方面佢間舖就係偏細，而且近門口位嘅話會比較熱，如果大家夏天嚟的話。我自己多數會食佢嘅沾麵。佢醬油湯底非常濃帶有一種醬油特有嘅醇厚鹹香，但唔會過鹹。反而有一種淡淡嘅甘甜。每次食完沾麵就加湯飲都幾暖胃同埋飽肚。麵條方面，純麵舍選用粗身麵條，咬口彈牙，非常有嚼勁。尤其係天氣較凍嘅時候，呢碗熱辣辣嘅沾麵真係幾暖胃。叉燒嚟講嘅話唔算話超級高水準。佢嘅叉燒比較瘦，唔會係入口即溶嗰隻。整體嚟講個味道其實唔差，但係呢個水準嚟講貴咗啲。

一間隱藏係馬路邊嘅拉麵店🍜，堂食只有十個位，全部都係坐係bar枱位，對於一大班朋友一齊食就可能無咁合適。鋪頭只有三款沾麵可以選擇淡麗系豚介沾麵純MAKASE SPECIAL 麵兩款沾麵無論係沾麵湯同麵都係一樣，SPECIAL只係多左一個配菜，今次係牛蒡同胡蘿蔔絲。首先講下個沾麵汁，同一般食沾麵湯汁好唔同，係稀身嘅，可能無一般咁掛汁，但食落好清爽，好啱夏天食，汁裹面會有好多大蔥絲同芝麻，令食嘅時候口感同味，道都有所提升。而麵條經過恰當的烹煮,不但沒有過度軟爛,反而保留了適度的韌性和勁道。成個沾麵嘅份量係十分足夠，價錢黎講，真係算性格比高，比較可惜嘅係位置問題無得同一大班朋友一齊食。

Randomly came across this restaurant while scrolling through Google Maps. Intrigued, I decided to visit it twice. The first time, I went with my sis, and the second time, I brought my entire family along..Both my sis and I ordered the Spicy Fish Broth Tsukemen with Pork for our first visit. The fish broth had a delightful bonito aroma, its spiciness complemented the tsukemen nicely. The pork portion was generous and it was not fatty at all. Additionally, the egg yolk was runny.For the second vis

有時我都好自私，唔係太想介紹私藏小店！旺咗，人多就難等位🥴！不過我都希望支持出色嘅餐廳😙，今日就向大家介紹位于鰂魚涌嘅---純麵舍🍜。講明先！日元低水，唔少去過日本都會覺得香港拉麵係唔抵食🌝！純麵舍就算係好抵食！佢菜單好簡單，分別有「淡麗系豚魚介沾麵」，「辛辣系豚魚介沾麵」同埋「限定特製菜單」。我今次就試咗「淡麗系豚魚介沾麵」，湯底非常鮮甜，但都保持清爽。😋 湯底有d 蔥絲增加咗唔少風味！麵底係太麵，餸就有豚肉、蛋、紫菜同海帶，面頭就撒咗d香蔥同埋芝麻，好香好好食。🥹置於份量方面，我加咗$18升級特盛，肉同麵都加d, 好足料！絕對夠一個男人食，女士就可以應該唔需要升級。大家都試吓啦！

對住鰂魚涌地鐵站既純麵舍，每次經過都有小小人龍，今日lunchtime黎到同朋友仔排左一陣隊就入得去嚕。等位個陣，店員姨姨會先俾餐牌人客睇，再仔細咁介紹沾麵款式，入到去就座至到埋單，每個店員都好親切，小店人情味十足！🥢純makase special麵Specical款姐係同普通一樣價錢但會有埋當日蔬菜，我同朋友仔去幫襯個日就係煎翠肉瓜🥰第一啖先試沾麵汁，入口好清甜再品嘗到淡淡既魚介香，有別於一般重口味既醬汁。沾麵汁屬淡麗系，質感比較薄同稀身，掛汁力偏弱，但麵條放入沾麵汁一齊食又幾夾，似清淡魚介湯拉麵，食完無油膩飽滯感。仲有巨量大蔥，芝麻同鰹魚碎，令到湯汁更甜口！麵條係黎自彩aya，粗身爽口，麵身有好多麥粒充滿麥香，而且份量好足！配料亦值得一提，有三大片薄切叉燒，糖芯蛋，紫菜，昆布！餐廳用上本地豬，望落好似好瘦好柴，但入口出奇地嫩滑。所有食材都好輕盈，簡簡單單咁烹調，配合得毫無違和感🫶🏻🍆和式醬汁燒茄子有四大舊茄子而且售價只係十五蚊，係百物騰貴既香港真係買少見少。雖然係咁，但處理得一啲都唔馬虎。鰹魚片同茄子分別都燒過，再配上鹹鹹辣辣既醬汁，都幾開胃！📍純麵舍 鰂魚涌英皇道963-967A

之前行過幾次都已經想試佢個沾麵，今晚終於有機會試。純makase special麵其實即係淡麗系豚魚介沾麵，special嘅意思係多咗幾塊脆肉瓜。個沾麵汁係香嘅，但偏稀，唔夠杰。個麵還可以，但因為個汁好稀，所以其實係唔掛汁的。叉燒都好稔，合格。蛋都流心，合格。其實成碟嘢最有驚喜反而係個脆肉瓜個脆肉瓜係煎香咗，好好食總結：唔難食，但係又未去到好好食。哩個價錢嚟講我覺得可以一試，但係又未必會再返轉頭幫襯

上網睇資料先知道原來呢間係由彩拉麵班底開嘅新舖🍜大學時期已經經常幫襯「彩」係質素嘅保證不過舖位比較細 平日夜晚7點幾去到 都等左一陣先有位每日有3款沾麵湯底 淡麗系豚魚介沾麵、辛辣系豚魚介沾麵 同埋 與每日不同嘅Special ($77/碗) 小麥麵底同配料一樣嘅 有叉燒🐖、溏心蛋🐣、海帶 係個湯底唔同我今次試左淡麗系豚魚介沾麵 湯底比起以前食過嘅其他沾麵清新 唔油膩 不過我覺得比較普通 下次去會試其他味👍🏽麵質好彈牙帶 而其他配料嘅份量亦好足😋

一人前 第一次食呢間小店快食之選 選擇不多 但勝在快靚正$15有辣拌茄子小碟 有少少咸 唔算辣落單十分鐘上湯+麵湯夠熱 麵夠彈牙爽口食完個口唔咸 吧枱上有水供應 全自助式埋單現金或8達通

一次由服務到食物質素都好舒服嘅用餐體驗。服務：帶位姐姐好體貼，雖然佢都幾忙但都會主動而有禮講解菜單，估唔到小店都可以做到咁，重要係今時今日嘅香港，一般店舖都係你自己睇自己要去問。食物：好輕盈清新，但好足份量，無太花巧，肉和麵及沾湯都有各自嘅特點及味道，但配合起來又無違和感，小食見到隔離叫左最後一客，有得睇無得食唔到無得評。地方：一個字細。但乾淨整齊ok。人多係有D迫，但店員都同我地講抱歉地方細另我地坐得唔舒適。佢地員工係堅體貼有。價錢：沾麵77，小食15，飲品10同5，呢個價同質CP值極高。*一定會再返去食返佢個小食， 個薯仔沙律好似坐山咁。

位置在測魚涌既小店，多位在太古坊工作既朋友一直推介，最後我同朋友今晚一齊去試吓，店舖應該坐到十個人，入到店裏，員工親切推介3 款麵同小食，最後叫左個小食，燒茄子同沽麵。燒茄子🍆非常好味👍🏻，性價比非常高，只是15 蚊。另外沾麵有豚肉、昆布、溏心蛋。湯味道非常既清甜，完全沒有油膩感覺，豚肉肥瘦適中，最後2 個人埋單不用200元，性價比高，值得再試。

這家餐廳自認為自己的食物都很好吃，不停推介，但實際上並不是這樣。每次都會用『有禮』的方式硬銷自己的「限量」小食，這種行為可能會讓顧客感到不舒服。此外，餐廳的整潔衛生程度也很差，甚至可以看到他們食物材料擺放位置不整潔的情況，這樣的環境可能會影響食物的品質和安全性。為了確保食物品質和衛生環境，建議顧客可以考慮到其他餐廳用餐。在選擇餐廳時，可以先查詢網路評論或詢問朋友的建議，以確保用餐的品質和衛生環境，希望讓其他人可以參考。

拉麵同沾麵我都好鍾意，今次黎到鰂魚涌呢間純麵舍，店家主打淡麗系沾麵，同一般出面見到好濃稠好厚身既沾汁好唔一樣，個人覺得好值得推介！另外值得一讚既係呢間店鋪人情味十足，服務態度一百分！排隊既時候知道我地第一次食，好認真咁介紹佢地既沾麵，一路排隊，佢仲派支裝礦泉水比我地飲住等！仲要係凍既！入到鋪頭店員都好有禮貌咁招待我地～好好😍無論食物同埋鋪頭既態度都真係值得大家黎呢度到訪！  1⃣️純makase special麵（$77） 每日既special都會有唔同，今日呢款麵比起佢最basic既淡麗系豚魚介沾麵多左蓮藕片，蓮藕片爽脆面頭有少少甜甜地既醬汁。成個沾麵配料好豐富，有糖心蛋、紫菜、海藻仲有幾片叉燒。沾麵麵質彈牙帶麥香，配上佢既沾汁，好食！個沾汁望落清澈但係沾麵食既時候都掛汁，唔會好鹹好重口味，食落係帶魚介同醬油香，仲有木魚絲同埋蔥係入面～除左麵、汁之外，每一樣配料都好食！叉燒係大大片，帶肉香，偏瘦但係唔會鞋。另外蛋都好好食！半熟流心狀態而且醃得好入味～性價比極高🤩  

鰂魚涌嘅小拉麵店，次次lunch time 行過都排長龍，有次見人少少就食下先🍜淡麗系豚魚介沾麵呢度得3款沾麵，我叫左最普通嘅沾麵，三大塊叉燒，好淋肥瘦適中，仲有半熟蛋同紫菜，配料好豐富，麵質彈牙，暖暖地，魚介湯幾清甜，唔會太濃味如果唔使排隊我會再去食😌

又黎介紹食拉麵，我都覺得自己太鍾意食拉麵就黎變拉麵達人。 適逢又約左親人黎港島食飯，一於順便繼續我地既拉麵hunt 經過呢間位於鰂魚涌嘅拉麵小店，門面唔大，店都不大，但經過門口位置 店員小姐主動有禮介紹拉麵。仲諗緊試唔試佢好既時候即刻印象加分，好啦 食！ 入到去叫左個招牌沾麵，店內得一位師傅一位店員，不過個麵都好快就煮好，絕對沒拖時間。碗面黎到既時候我哇左一聲，唔好笑我誇張 因為真係好耐無食過碗拉麵係有咁多肉！ 再望多眼個價錢，唔貴。 我係絕對會encore同行有位auntie 有話覺得麵有些少硬，但我覺得係ok 既，我估有需要同廚師提出都可以做到煮林d 既最後食到飽一飽，店員仲有extra service(或者係特色） 問需唔需要換個湯底飲，我更係試啦！ Ok 既 唔錯第一次咁長食評係比讚既，唔洗諗都知我大讚佢。 支持小店，我比五星

純麵舍以其簡單而精緻的菜單贏得我既心，他們的麵條總是做得恰到好處，口感彈牙，讓人驚艷。他們的湯頭煮得濃郁豐富，充滿層次感，加上新鮮的配料，讓每一口都充滿美味。我特別推薦他們的特色拉麵，配方獨特，風味豐富，每一口都讓人驚艷。此外，他們還提供各種小吃和配菜，值得一試。