素來素往

營業中

休息中

呢一間素食放題lunch time $75一位，食75分鐘，款式都算多，而且味道都唔錯，如果想食齋但係又驚唔飽呢度就啱曬你。食咗咁多款嘢我覺得最好食係佢嘅蒸芋頭糕，好香芋頭味，第二好食係佢嗰個越南粉卷，入面啲蔬菜絲好fresh，排第三就係佢啲麵筋酸齋，其他嗰啲都ok嘅，始終素食嘅嘢呢度有超過20款畀你揀已經好犀利。最勁就係嗰個鳳爪，小小辣，真係成隻鳳爪咁嘅樣，口感都好似。另外佢仲有湯同埋糖水，當然全部都係素食嚟㗎啦。

11:30門外排隊入去先付款後入座，付款可以用八達通/現金，付款完有人帶入座。食品方面有前菜沙律、甜、粉葛湯、豆腐花、豬腳薑，素叉燒、素鴨腎、多款炒菜、炸蕃薯、炸豆腐泡、炸菇、涼拌豆腐、涼拌薯絲、蒸蕃薯粟米、炒飯炒麵、咖哩薯仔⋯飲品有羅漢果菊花茶、普洱茶、熱水，款式真係好多。味道方面真係有待改善，炸蕃薯、炸豆腐泡、炸菇完全唔熱而且好硬🙅🏻‍♀️炒飯好濕🙅🏻‍♀️炒麵頗咸🙅🏻‍♀️薯仔沙律冇沙律味(無味)。素叉燒、素鴨腎、涼拌豆腐、咖哩薯仔、炒菜心、蔬菜卷、蒸蕃薯粟米係好味，特別推介豆腐花係好好味😋侍應姐姐有禮貌👍🏻枱面就笠痴痴😑希望改善。整體食物味道一般，食物款式係多。

朋友話想食素，就去陪下佢啦！今次黎到大角咀。地點好方便奧運站行10分鐘到。午餐時段11：30準時開門先付款後進餐。店舖比較細小，座位較為緊迫。自助食品區提供多款熱食：有粥有飯、南乳齋菜、芋頭魚、欖菜蒸豆腐、楊州炒飯、豉油皇炒麵、炒菜芯、咕嚕麵筋最驚喜係有薑醋蛋；炸物炸豆腐蕃薯菇素鰻魚……亦有一些四川風味食物土豆絲、酸辣鳳爪、口水雞。還有沙律吧甜品蕃薯糖水湯有粉葛湯。豆腐花糕點。飲品方面有羅漢果茶款式多有些味道偏咸。價錢方面星期一至五午餐時段$75，11：0-2：30（限時75分鐘）可以值得一試。

質素好，精緻，又平 ，完全唔似素食，驚喜pizza,和炒麵，魯肉飯，環境舒服，貴精不貴多甜品南瓜布丁好食，綠豆沙好食，可以做飯堂，平過餐廳食，唯一覺得枱有點細，食物選擇可以更多

👉素食自助晚餐 $128 / 90分鐘任飲任食這個鋪位轉手幾次都繼續做素食自助餐，早前跟老公重遊故地來試試，想不到也嚐到新口味及款式。👍 素肉燥飯，我吃了2碗！沒有肉，但仿真度很高，肉燥汁調校得很好。👍 肉鬆皮蛋豆腐，這冷盤絕對無得輸👍 如果喜愛家常小菜，素來素往可滿足你一次吃多款餸菜的想望，油炸食品較之前少了，但增加了健康大眾化的小菜，例如： 金針菇扒菜螃蟹、番茄炒蛋、涼瓜鮮姑炆素根、 紅燒茄子、椰菜花炒鮮菇、麻婆豆腐等。👍 甜品方面，個人最喜歡南瓜布甸🎃！好想知點整先可以咁好食，外脆內軟。👍 飲品方面，除了有一整櫃紙包罐裝飲品任選，亦有養生的 羅漢果菊花茶及洛神花茶。

最近陪老公找素🌿 Go Green朋友推介我地試位置📍大角咀呢間素來素往💚 食物質素好，款式多，裝修同服務態度又好，最重要系性價比超高！晚市 $128/位，講緊系任食各類粉面飯類、涼碟、炸物、湯品、甜品、水果。帶長輩黎食仲有長者優惠，可享全單9折❗️我地平日晚市去得早，6點幾入座餐廳已經坐左幾枱客。環境別緻，落地玻璃窗配襯木系擺設，空間寬敞，感覺清新又舒適，唔講仲以為系文青Cafe。中間位置擺放自助區，分食物類別擺放，仲有食材成分提示，標明蛋奶素，一清二楚，貼心茹素者嘅需要😊呢度嘅炸物脆卜卜，煎釀三寶都系餐前必食！最鐘意系素鰻魚、黑椒薯仔牛柳粒，蘿蔔炆牛腩，夠曬惹味😋 味道幾可亂真嘅賽螃蟹👍🏻甜品火焰雪山、素肉豆腐蒸節瓜環、時令水果西瓜又甜又起沙，仲有木桶裝嘅豆腐花，清甜又有香濃豆味。食物類型數都數唔曬，芝士pizza 🍕 、芒果糯米飯、素菜壽司🍣統統都食到。飲品有自家煲嘅五花茶、洛神花茶、豆漿，飲品櫃內嘅紙包、樽裝飲品仲系晚市時段免費。呢度食完晚餐飽到捧住肚走，先係$128/位。環境靚、食物質素佳，下次又黎找素先🙌🏻

原來而家素食有好多選擇，甚至可以做到比肉更好食！今次到了大角咀嘅素食餐廳「素來素往」，自然風綠色色調的裝潢，予人舒適的感覺！有很多選擇！食物質素同價錢都合理，cp值好高！ $158/pp△ ▽ △ ▽ △ ▽ △ ▽ △ ▽ △ ▽△ ▽ △ ▽ △ ▽ 🔹◉粉麵類包括拉絲的pizza、炒飯、伊麵等，賣相不錯，雖然無肉，但係仍然夠惹味 ，配料都配搭得好好！🔹◉川菜近年大熱嘅川菜！又廚師設計的素菜皮蛋豆腐、口水雞、涼拌薯粉等等！口感同味道同平時食嘅肉都有幾分相似！太開胃了！🔹◉甜品大菜糕、綠豆糕、紅豆糕、豆腐花、綠豆沙、麵包布丁！最愛麵包布丁🍮甜度適中，入口柔軟細膩！晚市飲品任飲，而且長者、小童更有優惠！

邊個話素菜無啖好食？素菜都可以比肉更好食！呢間素來素往，假日到訪$158/人！選擇好多比肉更好吃！ 🌿🌿🌿🌿🌿🌿🌿🌿🌿🌿🌿🌸冷盤夏日炎炎當然要試下開胃的冷盤！酸辣土豆絲、青瓜、四川涼拌薯粉，皮蛋豆腐、鳳爪⋯⋯ 還原度超高，除了仿真川菜，沙律及涼拌菜都好清新，絕對能夠消暑！ 🌸亞洲菜有羅漢齋、茶葉蛋、皮蛋瘦肉粥、飯麵🍜等等，惹味但係少油少鹽，健康又好味！皮蛋瘦肉粥，特別一讚鰻魚，還原度極高！🌸西式西米布丁，甜而不膩，芝士pizza餅底薄，香味濃鬱，仲會拉絲，超級邪惡，南瓜湯🎃香濃順滑！ 🌸甜品豆腐花豆味濃郁、仲有紅豆糕、綠豆糕、麵包布丁🍮水果方面🍉還供應香甜西瓜！

最近同朋友傾開想搵間素食餐廳試吓，比我搵到大角咀呢間素食自助餐，有好多款式揀，啱晒我地😋。餐廳會每人提供碗碟餐具🍴，食完野就要自己放返去清潔區位置。食物方面有提供好多中菜、炸物、粉麵、沙律、涼小食、湯水、壽司、蔬菜卷、甜品，啲素食食物種類好多可以每樣都試下。我覺得呢間素食餐廳食物質素唔差，味道唔會淡味，性價比好高，自助餐嚟講款式真係好多，而我最鍾意食佢地個煎釀三寶，完全唔似食緊素食，中間個素魚肉好彈牙。下次會帶埋屋企人嚟試吓。

🍽️下午茶自助餐 （不限時）⚡️自從食過一次🥦素來素往就翻唔到轉頭🤣實在太好味同性價比高！二訪食物水準依然高質，依然大愛涼拌青瓜、豆腐、薯粉，辣得好滋味🌶️炸物類都好出色，炸蕃薯、茄子等等香脆可口，特別推薦炸脆鱔（香菇）好juicy！確實有肉嘅口感老闆娘同員工都好nice好好客，今次特別試咗羅滿果茶，好清甜滋潤～甜品都有新menu，唔同類型嘅糕點依然咁Q彈有咬口！真心推薦食肉獸嘅大家嚟try try+清腸胃🤣🙌

第一次去食素食自助餐！係時候健康人生啦～ 餐廳好有愛心 有搞免費飯盒同長者優惠等～食物好多選擇 有甜品 湯水 熱食小食等 假日晚市每位$158 最平平日下午茶$68 係可以食到飽自助餐！估唔到都幾多人食 個人最推甜品類 豆腐花 同西米焗布甸同香蕉蛋糕 好好食～ 主菜就推薦咖哩雞煎釀三寶等等都不錯 有養生茶同冬瓜湯 西式湯仲有渣渣等小食方面炸物好食！大家記得要自己清潔番d 垃圾啊素來素往 (大角咀)大角咀博文街28-38號地下6號舖

朋友介紹我試吓奧運站附近呢間素食餐廳，下午茶有個抵食嘅任食buffet，餐廳裝修好文青風，好似去咗coffee shop 咁，令人耳目一新。當日大概3:30左右到，入座率都有8成，可能大家都想食得健康，素食已經成為新嘅趨勢！食物選擇多到眼花撩亂，除咗凍盤、口水麻辣鳳爪、南瓜布甸、Pizza、煎釀三寶、仲有手工素餃子，全部都好食，唔會太多味精另外推介嘅仲有皮蛋豆腐，夠晒滑！口水麻辣鳳爪亦好香口。另一個好受歡迎嘅就係Pizza，新鮮出爐，芝士厚厚，顛覆咗我對素食嘅印象！

今晚同爸爸去咗一間食素嘅自助餐，都唔錯喎！提起食素，好多人會覺得淨係食菜冇咩好食咁，但係其實素嘅自助餐都可以好多款式㗎。晚餐既素自助餐，每人$128 ，前菜、主菜、甜品、湯、飲品都一應俱全。先講主食，炒飯、粉麵都有，仲有自製滷肉飯添，滷肉飯食落都好惹味，同真嘅滷肉飯有得揮😆。炸物方面，我幾鍾意素鰻魚，素鰻魚紫菜喺底，上面有芝麻粒，調味岩好。而熟食有我至愛既煎釀三寶，暖暖既南瓜🎃布甸🍮都幾特別。至於聽人講必食既口水雞同埋酸辣鳳爪我當然有夾啦，麻辣口味好好食😋，鳳爪真係整得好似，好爽口，幾可亂真。除此之外，仲有好多街頭小食，茶葉蛋、腸粉都有。甜品方面，竟然有芒果🥭糯米飯食！豆腐花、有火龍果喺入邊嘅啫喱、雪山都睇得出係誠意之作，中式糖水有綠豆沙。美中不足係每人得一隻大碟，要重覆用番自己既大碟🤣自助區得細碗攞～

小編和友人在星期一晚上相約吃飯, 恰好大家都想吃得「養生」一點、「健康」一點, 同時又bookmark了素來素往這間新式素食自助餐, 抱著一試無妨的心情去品嚐一下。首先餐廳的位置很方便, 在奧運站B出口步行不用5分鐘就到。用餐形式是先付款, 後入座, 雖說限時90分鐘但因為當時沒有人等位, 就算夠鐘也沒有店員請我們離開, 非常好的服務。付款形式只接受現金、八達通或支付寶, 這點需要留意。裡面有一整排的自助區, 有沙律吧、熱湯、粥、飯、素菜的熱炒、炸物、甜品、水果。餐廳很貼心, 每款食物旁邊都有個小牌, 說明是什麼食物和辣不辣。飲品也有茶、罐裝和包裝飲料。食物種類很多, 基本上每款試一下就已經飽了。最得小編歡心的是西蘭花賽螃蟹、芝士pizza和螞蟻上樹, 這三款在別的素食自助餐廳很少見呢。當晚的西湯是西蘭花忌廉湯, 入口綿滑, 滿滿的西蘭花蓉口感, 讓小編這個西蘭花控非常欣賞。其他食物也質素正常、溫度微暖。店員的服務態度也很好, 如果有新菜剛剛上桌, 也會主動介紹食客去品嚐。總括而言, 素來素往價錢合理, 和其他素食自助餐廳比較, 甚至更為便宜。食物質素有保證、飲品選擇多, 位置方便,

是晚放工同朋友黎食素食自助餐，揀黎揀去都係去返素來素往，平日晚$128一位，長者咭仲有九折，折完$115一位超級抵食🤤是晚七點多來到，全店滿座得返bar枱，店內熱鬧非凡，但食物源源不絕供應，唔使爭唔使搶的😋必食pizza同煎釀三寶，勁正🤤中間嘅魚膠用咩做嘅呢？味道同口感都勁似墨魚膠。今晚仲多左川味系列，素鰻魚，素餃子等，全部都好食。最後唔少得食埋甜品，綠豆沙、豆腐花、鮮果雪山蛋糕，正呀🤤太好食，決定買外賣比未放工的家人，$58一盒自由裝，仲送一碗湯或糖水，入到滿晒好重手，超抵🤤