素年 (黃埔天地百寶坊)

營業中

休息中

一直好想試下素年的餐點，曾嘗試在別間分店排隊，但時間所限未有機會一嚐。今次係星期日的晚上6:30食晚餐，朋友大概4點打電話去book位! 好好彩都仲reserve到，Lucky。餐廳地方簡潔，枱與枱之間有足夠空間，唔會好亂同焗促。一行3人order咗2份主食，1份小食。1. 不可能茄子漢堡impossible burger比想像中好，個texture好正但少咗肉嘅油膩感，d醬汁同蔬菜配搭得宜，唔會乾爭爭亦有d爽脆感！2. 黑松露蛋黃醬蕃薯條份量正常，每條都係飽滿又長嘅蕃薯條。蕃薯本身都好夠甜，黑松露醬都好出色！3. 泰式辣椒炒意粉分量好大，辣味好開胃。不過這個略嫌有點油，底部都幾多油。整體都好滿意，會想再encore試下其他菜式同飲品。

✨近年啲人越嚟越追求健康，所以呢素食餐廳都開到成行成市！今日呢就去咗呢一間長期都好多人排隊嘅素食餐廳試吓佢嘅味道啦！我哋嗰日星期日大概五六點去到，所以冇乜人，完全唔駛等位就可以直接入去食啦！不可能燒茄子漢堡包🍔我呢個係呢間舖頭嘅招牌！但係食落就唔算太過有驚喜，漢堡包嘅麵包皮比較軟身，夾住啲菜茄子同埋一舊素肉，茄子嘅味道唔突出，以個素肉食落就冇乜味，反而係個配菜墨西哥隨脆片就ok，卜卜脆，點牛油果醬一齊食都幾惹味！日式豬扒飯🍛呢個飯好大份，仲有幾款配菜，仿豬扒炸到好金黃鬆脆，加埋啲日式燒汁，真係幾可亂真！相對而言個人會比較喜歡呢一個豬扒飯！印度脆球🧆呢個成日見到啲印度人食，估唔到素食餐廳都有呢道菜，就索性試下。鷹嘴豆同脆球都幾夾，而且脆球真係脆卜卜，呢個體驗都幾特別！奇異果蘋果羽衣甘藍燕麥奶🥛呢個好好味！酸酸甜甜又好清新，個人好喜歡！估唔到呢幾種蔬果會咁夾！返屋企要研究下點樣整先😂

今日同朋友去咗一間期待咗好耐嘅排隊餐廳，呢間餐廳最近喺黃埔開咗分店，見黃埔附近冇咩新嘅餐廳就諗住去呢間試下啦。 我哋大約五點九左右喺度等位咁好快就入得啦，完全唔需要排隊。一入去，店員的招呼都好好。 咁我哋一坐低就叫咗幾樣嘢包括係日式吉列豬扒飯、 燒茄子漢堡包、鷹嘴豆泥配脆球，另外叫咗杯dirty同埋奇異果蘋果羽衣甘藍燕麥奶。上菜都相當快。 第一碟上的係鷹嘴豆泥配脆球，份量都相當多。而且鷹嘴豆泥好有印度風格，都幾好味。唯一係個Puri 可以唔好咁硬，再薄身啲就更好。 之後就上左日式豬扒飯， 呢個應該都係店舖嘅招牌菜啦，成個套餐就有一碗麵豉湯、兩個配菜、十穀飯同吉列豬。 成個餐係正常嘅所有嘢都好味， 吉列豬嘅味道相當好而且有肉汁，加上日式燒汁，個豬扒真係幾可亂真。但唯獨是係麵豉湯太咸。 燒茄子漢堡就相對麻麻地， 成個漢堡包嘅配菜都冇一樣嘢係突出嘅， 所有嘢都有味覺上嘅味道，但係冇食物的香味， 搞到成個包夾埋唔知自己食緊啲乜。配墨西哥脆片都比較新奇，個醬幾好食。 最後，dirty 都正常幾好飲。其實本身想黎食啲清清地嘅素食，但唔知點解最叫左碟碟都有炸野。如果可以加多啲淡口啲嘅選擇就好啦

知道素年開咗新分店喺黃埔， 朋友想食素所以我哋就決定係呢度食afternoon tea！ 香辣泰式炒意粉 $98有豆乾,雞髀菇,金不換, 車厘茄，蘆筍，芫荽，花生！  意粉質地很好不會過淋,  適合芫茜控！  而且有微辣， 很惹味！😍 黑松露蛋黃醬蕃薯條$68蕃薯條份量幾多， 炸至金黃， 條條都脆卜卜👍🏻👍🏻👍🏻 煙燻茄子燒汁不可能漢堡$138不可能肉造得好似真牛肉！  Burger有焦糖洋蔥，蕃茄,牛油生菜,自家製燒汁!  醬汁調教得很好！ 牛油果醬配墨西哥粟米片一流！  估唔到素年自家製的墨西哥粟米片都一樣咁正！

素年呢個餐廳名，好耐之前已經聽過好多次啦，估唔到近年越開越多，今次嚟到黃埔試、睇下好冇食先！餐廳舖面唔算大，但lighting 較得幾舒服，可惜音樂太大聲，想傾計都唔係好傾到。呢次嚟叫咗兩個，一個係「照燒椰菜花扒伴紫薯蓉」，大大個椰菜花，加埋自製紫薯蓉，口感特別，唔會太dry又有咁吊味，唔錯！第2個係「不可能蘑菇芝士漢堡」，有啲失色，冇咩驚喜咁，牛肉一切就爛爛地，不過總括嚟講ok.嘢飲方面叫咗杯mocha, 一般般，有啲甜😔

知道素年在紅磡開了分店，又過來打個卡。💛新店位於黃埔近半島豪庭。店內的裝飾簡單，比起深水埗分店，打卡位置較少。每張枱上都放有花束，門外同樣有露天座位。不可能蘑菇芝士漢堡 | $138漢堡煎到半熟，Impossible meat與真牛肉百分百相似，有芝士及蘑菇、番茄、生菜絲，漢堡包皮烘得脆脆。墨西哥脆片份量多，可以點牛油果醬。日式吉列豬扒定食 | $138本來想點牛油果意粉，但剛好售罄，轉點了豬扒定食。定食有味㬝湯、十穀米飯、涼菜及小食。吉列豬扒上加了梅林醬加白芝麻。吉列豬扒味道與真肉相似，但肉質較鬆。十穀米飯煙韌有嚼口。凍伯爵茶 | 跟餐茶味濃，但伯爵茶香味較淡。凍朱古力 | 跟餐加$28上層有奶泡沫，朱古力味道濃。點了少冰，不怕溝淡了朱古力的味道。

上星期六晚上差不多7時，我倆才在黃埔會合👫，當時，已頗有饑腸轆轆的感覺🥲，雖然有很多素店想光顧，但都不在黃埔範圍，正所謂「遠素不能救近饑」，如果再乘車🚍到其他地區找素，恐怕會引起腸胃的嚴重抗議。於是，我倆作出了一個不太抱厚望的嘗試………我：「你好，請問大約10分鐘後，會有2個位嗎？」職員：「有的，一陣見」收線後，實在覺得是太幸運了🥳。素友們都知道，如果要「即興」到 Be With Years 素年 YEARS HK 用餐，其實是挺有難度的。不論是素年的深水埗、荃灣、黃埔店，都很受大家歡迎。所以，這次抱着姑且一試的心態致電📱店方，竟然成功訂位👏，真的有些意料之外。更幸運的是，當到店後，侍應原本安排我們坐在近入口位置的4人座位，但這位置卻有少許熱。於是，我們又抱着姑且一問的心態看可否調到其他座位，侍應竟然為我們提供了一個更為舒適的6人座位！🤩今晚實在是太幸運了！在這幸運的晚上，胃口也特別好😋。當晚，我們點了2款主食，再額外加上2款小食，十分滿足。1️⃣小食系列黑松露蛋黃醬番薯條、天婦羅拼盤兩款小食都是脆而不膩。配搭番薯條的是黑松露蛋黃醬，如果黑松露的味道更濃郁一些，會更為吸引。天婦羅拼盤款式

素食界人氣爆燈嘅素年係黃埔開左新分店啦🥳相信呢間分店嘅賣點一定係新岀嘅精進九宮格料理同即叫即炸嘅天婦羅拼盤，今日一於試曬佢🍴精進料理$178🍱(九宮格詳細menu在最後)好精緻，前菜到甜品都有，有埋金平牛蒡飯團🍙，實夠曬飽。大部分都好好食，尤其係配日本豆腐嘅高湯啫哩，清得來好濃味👍🏻👍🏻👍🏻牛油果意粉$128🥑加左紅桑子脆片即刻變得高級，可惜牛油果唔太係我杯茶，淡左啲😂天婦羅拼盤$88🍆勁豐富，事實証明除左蝦，仲有好多蔬菜可以炸成天婦羅。炸得好香脆，粉漿厚度適中，唔油膩😋柚子青瓜蘋果醋梳打$44🥒健康嘅味道🤣熱朱古力$38🍫望落好濃郁，飲落都唔錯，冬天飲到會更滿足😌❤️

今日去紅磡食素食「素年」，呢幾年都好熱門的素食cafe!平日下午過左lunch hour 去都好多位，有好多款不同的主食餐牌可以選擇，仲包埋飲品，好抵食！「日式吉列豬扒定食」$138 豬扒炸得10分香脆，炸皮很薄，咬下去口感十足真的豬扒！其實真的很難分辨這是素食哦！仲配埋10穀米飯，唐辛子豆腐等配菜，口感10分豐富也有層次！食完好滿足！另外叫了「不可能蘑菇芝士漢堡」$138 ，呢個見到好多人都有嗌！嚟到個burger好大個，肉是用上了不可能豬肉，煎得10分香口肉質豐富！加上了純素的芝士同埋蘑菇，香氣撲鼻，十分之好食！旁邊仲用上了墨西哥粟米片配上牛油果醬10分滋味！嘢飲升級了做oat milk 咖啡,燕麥奶香濃,拉花亦都好靚! 凍伯爵茶沒有加糖感覺10分健康!

呢日同朋友去咗一間新派的素食餐廳，這間餐廳的食物賣相較西式，較吸引年輕人到來打卡，也適合一家大細。不過如果想預約的話，就要留意這餐廳只有晚餐6點後的時間，才有留枱服務。我們點了四個主菜，包括牛油果意粉，不可能漢堡包，黑松露蘑菇漢堡包，吉列豬扒日式定食。牛油果意粉的賣相好靚，最適合打卡，這個意粉的特別地方就是一定要連埋糖片一齊食，令整碟意粉味道更升華一級。不可能漢堡包和黑松露蘑菇漢堡包均配有牛油果醬和脆米片，進食份量都較大。素肉的賣相跟真肉也相似，整體味道豐富。我特別喜歡配牛油果醬，感覺較健康。由於太好味的關係，忘記影吉列豬扒日式定食的相。吉列豬扒值得一讚，賣相及味道跟日本餐廳的豬扒好相似，整個定食包括了健康的糙米飯，柚子汁豆腐和麵豉湯。飲品方面，另外單點了熱朱古力，熱培茶燕麥奶，凍培茶燕麥奶和凍髒髒咖啡。熱飲有好靚的拉花，髒髒咖啡挺特別。整體來說，位置舒適，服務和食物都值得再去食，十分滿意。

久唔久食下素食，健康一下，亦都幫助氣球暖化嘅問題 知道舖頭新開張，好多人，所以一開門12點就即刻去排隊，啱啱號有位。Impossible burger $138 - 同平時肉類漢堡包價錢差唔多。 麵包皮- 係看得脆入邊有秘製醬汁，漢堡唔係蘑菇，係新派素肉，有啲好似肉碎漢堡嘅感覺，不過無肉味。感覺還好，唔會覺得特別好食。附送薯片，不過薯片林咗啲，唔夠脆。薯片上面有啲香料，再點牛油果醬，味道有啲唔係咁夾最好食應該就係番薯條🍟，夠脆，夠熱，即叫即炸，再加上白色醬汁，非常嘢未！點左一杯凍咖啡，味道普通，奶味好重，唔係咁好飲知道佢每一個餐份量都好大，佢好貼心喺Menu都有提及，所以一個餐兩個人食再加一個小食剛剛好。總結： 叫咗兩個嘢飲，一個漢堡，一個薯條一共要$310落樓，有啲進取嘅價錢。而味道又唔覺得特別好味，未必有下次……

素年一直都有聽聞過，之前去過深水埗見到勁多人排隊就知一定幾高質～ 結果最近喺黃埔開咗間，身為黃埔居民當然即刻衝去食啦🤤 拉咗屋企人同我一齊去食，其實本身我地兩個都係食肉獸，所以一開始都擔心啲嘢食係啱素食者🙈 我地分別點咗日式吉列豬排定食同不可能肉醬意粉😛先講個定食，除咗個飯之外仲有湯同埋兩個小碟，以定食嚟講真係好足料！吉列豬排真係好好味，咬落去個陣素豬肉好似真肉咁🤩🤩 而且吉列部分炸得好香口，但同時肥而不膩🤤 特別一提個飯仲係十殼米，健康之餘唔會覺得味道太淡👍🏻 平時食吉列豬排飯都會好有罪惡感😭 但今次真係冇🤣🤣肉醬意粉係我屋企人點嘅，佢食咗一啖之後已經驚歎好好味，我試咗之後發現佢絕對係我食過嘅肉醬意粉之中最好味嘅一碟🤩 真心冇講笑就係佢究極好味，一路食一路諗「不可能肉」係咩秘方😹因為肉質好真實😍而且意粉汁勁香口，獨特一點係醬汁帶少少甜味，唔覺得突兀之餘仲好配個意粉💯 佢大碟到我地要打包返屋企食🙈份量超多！點餐會附送飲品，我地都點咗凍伯爵茶，茶香濃郁，要嚟配正餐真係一流🤤作為一個食肉獸，真心好推薦依間素食Cafe，食物非常高質，而且仲要係良心店💛 更加要多多支持呢❣️

例休星期一的我，專門出外搵好野食🤤，今日來到了紅磡，見到這間裝修文青，原來專門食素菜的餐廳🤩「焙茶燕麥奶」焙茶味好香，用燕麥奶有另一番感覺🥰🥰「青紅蘋果檸檬果汁」好fresh❤️而且好開胃😍「黑松露蛋黃醬番薯條」好脆口，番薯條好甜，配上醬汁，👍🏻yummy「煙燻茄子燒汁不可能漢堡」份量十足☺️包面好香脆👍🏻👍🏻備註：🔺好有特色的裝修，令人舒服感😌🔺不一樣的素食👍🏻👍🏻🔺下次再來試其他先😂🤣😂🤣

Too many meat in mid autumn festival so we chose this newly opened vegetarian restaurant in whampoa for the PH meal. Impossible burger is juicy, tho the taste is rather bland. The avocado dip for nachos is 😋 yummy!We ordered also the roasted cauliflower zucchini sweet potatoes dish, satisfying enough for the night. Mango pineapple smoothie is ok but not impressive, I personally think it can be slightly sweeter. Service is really good, the waiter pays attention to the details. We also observed th

今日天氣熱到溶，喺街度行完一輪去食晏，一坐低嗰下熱到係咁撥扇其實只係因為出面熱先會咁熱，坐落就會慢慢涼番但一個好貼心嘅店員專登幫我哋整咗把專用風扇，嗰刻真係覺得呢間舖嘅服務非常之有心，值得一讚食物方面非常好👍🏼我哋食impossible burger 同牛油果🥑意粉兩樣都好好食，清淡得嚟夠味，唔係淡戊戊嗰啲一般人印象中嘅素食都係無味嘅，或者唔好食嘅。其實係佢哋未遇到好味嘅素食啫如果香港多啲有質素嘅素食店，應該會多啲人唔抗拒食素