紫丹亭後街牛扒 (已搬遷) 新店位置

今日經過灣仔既一條後街 見到有間叫做紫丹亭既扒房係一條後街度真係覺得好特別 因為好少扒房會開係一條無咩人行既後街度如果佢咁樣都生存到 咁代表佢既口碑應該都唔錯 正好係lunch time所以局長我就決定入去試一試佢lunch menu選擇都幾好 但局長由於太肚餓掛住食唔記得左影相我點左最普通既lunch set西冷扒同埋叫左一杯凍檸茶佢凍檸茶係任飲架 仲要佢寫到明歡迎你帶走 作為0.42個檸茶達人真係覺得好正 我唔小心飲左佢3杯 感覺自己好少家 但因為真係幾好飲同埋店員好好人 好nice 最尾我走果陣 諗住飲多杯但又趕時間佢話比個杯蓋我拎走 好體貼呀講返正題佢塊扒先 西冷塊 100蚊鬆d都唔期望d乜野食落又唔錯喎 我叫左medium rare 佢上到黎感覺係medium但都係ok 食落都唔會好韌既 不過由於唔係貴野 所以筋都比較多不過係絕對對得住個價 成個set仲包左餐湯 同埋沙津 伴碟仲有d薯條 夠飽 間中黎食下都唔錯呀

一直都好想試呢一間嘅牛扒但就一直都冇機會去到近排有同事話一齊食呢間咁我就好興奮呀因為之前聽同事講呢間啲牛扒好平又大份食到好飽好佢有個lunch set嘅，有西冷，肉眼扒，飯，意粉。而佢個西冷加薯條只係$88！超級抵食 二話不說就揀左呢個餐牛扒我揀左5成熟嚟到熟左少少但都ok份量好大 大到食唔晒！呢個價錢其實同花園餐廳差唔多但質素就好過佢！會再encore!

灣仔區午市一般都比較貴，搵到呢間叫後街牛扒，午餐種類好多，五十幾蚊至百幾蚊都有， 有意粉、焗飯、輕食、牛扒等，都幾多元化呢間應該係主打食牛扒嘅所以我哋叫咗牛扒呢度嘅牛扒標榜人手拍打，天然醃製，冇鬆肉粉同化學劑食得放心!餐廳環境裝修都幾新穎，幾有特色我同同事都點左西冷牛扒配薯條$98-西冷今次叫咗三成熟，但係真係煎得太生，生到咬唔開，有啲位煮到五成，所以就比較好味，下次會叫番五成牛扒有牛肉味都幾香， 薯條炸得好脆，而且份量好多! 呢個價錢真係超值而且午餐仲包大大份沙律同埋湯十二點半前落單仲送飲飲品今日有南北杏雪梨，飲落好潤，冬天啱曬

今日同同事黎食我叫左個焗豬扒飯，好大碟叫左柸特色茶，不過個茶只是茶包，又有咩味，唔係好特別，另外個飯太重芝士搶晒d豬扒味，食落覺得好油膩，另我同事叫左個邪惡真寶豬，服務員問要飯，意粉定薯條，冇同我地講要另加錢，同事覺得咁問係跟餐，點知係另加錢，有d唔開心，因為好多人食飯環境大噪，聽唔到服務員講咩，都係猜佢講咩，有d唔好，同事最後因為真寶豬太大，意粉都冇食到，同埋上菜速度比較耐，食得慢既人可能要預多d時間，因為都好多人去食，重要等位，多過4位人食飯可能唔再會考慮去。

同男朋友都鍾意食牛扒，偶爾係openrice見到有牛扒放題於是就book左星期五晚去食啦。牛扒放題188，任食西冷牛扒，薯條同沙律。薯條翻炸左好多次，好多都好乾身，調味好幾重手下。沙律正常野。牛扒大大塊但都幾薄身，我叫左五成熟，熟既程度岩岩好。但一食就知係乸過所以咁淋，而且無乜牛味。黑椒汁個味幾濃，侍應話個汁係用好多牛既頭頭尾尾掉埋落去煮，絕對唔係街邊d黑椒汁可比。但我就食唔出有咩特別，因為舊牛無乜味既關係基本上點咩汁都會搶晒味。最後我同男朋友都只係食左兩塊就收檔。唯一好既係侍應好有禮貌。任食價錢的確幾抵，如果對食物無乜要求既朋友黎呢道就岩晒，可以食番餐勁。

這所真正躲在後街小巷的扒屋，若不是太太告知的話，小弟也不知道她的存在....聽說這裡有一個$88任食牛扒的選擇。但小弟早就過了這個年少輕狂的時期，若要叫我來一下這種任食唔使本的風格的說話，我想便要立刻走入醫院去治療了.....從a la carte餐牌挑，絕不浪費之外又能點自己愛吃的，這才是享受嘛....眼寬肚窄，竟從餐牌上點了三味，諗住一人一碟，怎知每碟的份量卻大得不能說笑，最後很努力地每人皆發揮食力小宇宙，沒有浪費廚房的心機....小友點的黑松露卡邦尼蟹肉意粉，一上檯望見小弟就知大不對勁了....一整碟嘢水汪汪的樣子，說實在睇到也不想吃。黑松露味及香氣若有若無，蟹肉冇味之餘份量又少；意粉咬勁亦一般....基本上，這是一碟攞了零蛋分數的出品....但之後的Fish & Chips就來個三百六十度大逆轉....一上檯，三人不禁嘩一聲叫出來....怎麼會那樣大份的 ?魚炸得漲卜卜，炸粉沒想像中的厚而且十分酥脆；內裡的魚肉軟嫩多汁，非常有水準；粗薯條香脆不油膩，百食不厭....初時還以為會被這碟龐然巨物KO，最後卻反而成功KO了它，好不高興....兜兜轉轉，最後的一味，還是回到牛扒身邊..

今日有人舉手想食西餐，想食牛扒，所以決定入嚟呢間食個豐富嘅午餐。佢同佢嗰啲名一樣位處後街，內裏裝修唔錯，店員服務態度亦都好好。我叫咗佢嘅雞扒加薯條，佢嘅食物其實都明碼實價， 睇你自己想點樣配搭。佢呢度有一個賣點， 飲品係可以refill ga，如果lunch嘅時間多少少，又或者真係唔介意想飲兩杯茶或者咖啡，其實都幾抵架。下單後佢便送上熱湯一杯，味道都OK。然後雞扒上場，勁大塊，我叫嘅係黑椒味雞扒，食落先知原來佢嘅雞扒好重香茅味。本身都鍾意香茅味既，但感覺佢嘅香茅味實在有點過重，相對地黑椒汁嘅黑椒味就很不足。講返佢嘅薯條，一樣係分量充足，好脆好熱。

一行5人後食生日飯，雖然位於後巷，灣仔人都未必知道呢間餐廳，但係我地一致認為呢間小店係值得推薦！透過Facebook book 枱，可以order 任食牛扒餐。肉味濃，肉質林身但絕對唔係用梳打粉”lar” , 再加上香草同蒜蓉真係好正， 仲有任食薯條同沙津呀😍😍價錢超值，每人唔洗$200就可以任食牛扒，無加一，亦都無切餅費同開瓶費🎉最驚喜係上蛋糕時，店內音樂突然播起生日歌，真係估你唔到😍😂 成晚service 都好好，所以即使無加一我地都自發比多少少做service charges 👍🏻

今天放假去久別再去的後街牛扒，雖然是加了一點價，但牛扒質素更勝從前，我點了七成熟的牛扒，但肉質更勝以前的五成熟，相當美味及鮮嫩，喜歡食牛扒的食家不妨試試，店員的態度也很親善，令我有很舒服的感覺

返工每天都會經過後街牛扒 卻從未想過入去用餐 本來當天打算去食風雲丸 點知多人到要撤退 就到附近既後街牛扒試一試入到店內裝修同外面相比差好遠 感覺很休閒很有風格既裝潢友人不食牛肉 所以未能試牛扒質素如何豬鞍 （唔記得全名）落單時店員問我地要幾成熟時真係嚇一嚇 豬可以唔熟嫁咩 店員解釋返非大陸豬 推薦9成熟最好食上枱一切開 內裏呈粉紅色 食落唔會好韌 豬肉好香嫩 伴碟都非常有質素 洋蔥烤得十分香口 菠蘿十分juicy炸雞芝士火鍋呢個芝士火鍋不得了 芝士不是拉芝 但芝味勁重勁香略嫌炸雞太少 食曬啲炸雞但仲有好多芝士喺度 唔想浪費 所以又叫多個洋蔥圈黎點芝士汁洋蔥圈一上枱 嘩 咁靚既 呢隻洋蔥圈並唔似一般連鎖店嘅洋蔥圈咁又油又淋 非常高質 炸皮表層超級鬆脆 入面既洋蔥食得出係新鮮洋蔥 不是雪藏貨 忍唔住一口接一口另外飲品點左凍檸茶 只係普通凍檸茶 但20蚊可以有refill我覺得唔應該有要求 我飲左3杯😂😂

之前食過牛扒唔掂，今日行過同事話要食呢間，因為要食薯條，唯有諗住伏多一次啦。今日叫咗個焗豬扒飯，同事叫牛脷伴薯菜，又係互分小小試食啦。牛扒唔掂但係牛脷竟然掂喎！焗豬扒飯整體味道唔錯，冇諗過佢地個豬扒炸完咁軟淋淋，簡直係入口即熔咁，正！

今日lunch 就黎食下西餐，店內裝修都幾特別人就唔算多，一去到就有位佢地有lunch menu既我地落完單之後就即上面豉湯1杯好搞笑美國西冷牛扒配薯條5成熟（塊排好大塊，牛排食落就覺得麻麻地薯條比較少同埋係凍既，但佢既黑椒汁係好食既都唔記得呢個係咩名喇，係黑松露卡邦尼汁，味道都可以既，但份量太少另外可以加$15飲凍0茶，仲可以不斷添飲而服務員既態度係好好

今日生日 lunch 完行去 Sogo，途中經過後街，記得之前尼間舖有任食重次次行過問都滿坐～ 點知今日一問話今晚有位所以 book 咗～ 不過一定要用 Facebook 去 book~ 🤤🤤🤤晚上一到又唔見超多人喎～ 小雞 3/4 隻，坐底坐位同枱都好大又乾淨又舒服～ 😲😲😲佢個任食餐冇得選擇，所以坐㡳等食就得喇～ 唯一係冇包嘢飲，所以加咗 $15 任飲凍檸茶（只得一樣冇得選）😹😹😹一開始黎咗 2 杯檸茶，等咗 15 分鐘先黎個薯條 🍟～ 開頭有 D 奇怪點解咁耐㗎～ 再問一問係咪有和風沙律 🥗 先再黎埋，之後再 5 分鐘就上牛扒了～ 🥘🥘🥘見到好大塊又厚的確嚇一跳，表面鬆脆內裏鬆滑～ 叫咗 7 成也差不多～ 之後食完即叫，每塊間隔不太耐平均 10 分鐘上，最後我女友食咗 2 塊 2 杯，我食咗 4 塊 4 杯，因為不想食到過龍太辛苦，所以停止～ 😹😹😹 期間我女友叫他們幫我們影相話俾人知因我今天生日 🎂 ～ 他們熱情地幫手和對我講生日快樂食多幾件～ 超 Nice~ 👍🏻👍🏻👍🏻叫埋單想俾錢的時候他們竟然上了 2 盤心太軟給我們，我們開頭以為係跟餐甜品，但他們説是特別的 ㊗️ 我「生日

放假同三五良朋黎到後街牛扒歡聚午餐。叫左霸王別雞炸魚薯條黑松露卡邦尼雞肉意粉肉醬意粉以灣仔黎講, 位位五十蚊內算係平到喊出黎。😂味道黎講係中上, 食物夠熱, 有應有既食物味。佢地既薯條最抵讚, 即叫即炸。可能基於大家提倡"健康煮意",所以意粉味道偏淡, 但你可以問佢地拎鹽自己加。意粉夠彈牙乾身, 唔似茶記果D腍到一pat既意粉。最有印象係入面既待應姐姐。因為佢會問食唔曬既客人係咪覺得食物唔好味, 從而收集評價，反映比廚房知。以呢個價錢, 呢份細心, 真心抵讚。

呢條街既餐廳裝修都幾有特式，後街牛扒有九龍皇帝既墨寶，一開始比呢間餐廳吸引到係見到餐牌寫住百幾蚊有任食牛扒，有日中午就同同事來試下set lunch，五六十蚊既意粉都有，我就試左88蚊西冷牛扒，有碗細湯送，叫左三成熟，都食得過，有啲位太un好難砌，薯條就超大條，不過我覺得食落去好粉，味道一般。食下環境，都係一間唔錯選擇。