紫醉軒 (已結業)

「紫醉軒」明富其實紫色薰為的中菜館 ？有大量嘅廣東菜款式，仲有酒吧可以叫酒飲中菜餐牌包括《菠蘿咕嚕肉》《醉雞煲》《豉椒炒蜆》大排檔小食….今次我哋叫咗個「花雕醉雞煲」份量都唔少㗎 ！兩個人食都夠哂啦而且湯底好足料有紅棗藥材等等另外，醉雞就上《豉椒炒蜆》就好啱《飲啤酒》依個炒蜆，又好入味喎！仲有嗌咗個《安格斯牛炒烏冬》味道都一流至於餐廳環境會不停播住廣東歌👍👍令你有種係酒吧嘅感覺 又可以同一時間食到中菜價錢合理餐廳位置OK

朋友加拿大回來，十二月四人下午六點來這兒晚餐，人不多坐得舒服，朋友在加拿大慢活慣，每次落單叫一款食物，吃完再叫共吃了八款：涼溪脆鱔、椒鹽九肚魚、黑磚豆腐、豉椒花甲王、椒鹽鮑魚、黑蒜蒸班球、百合雲耳抄蘆筍、銀芽豉油王炒麵，埋單$1038，食咗差唔多四個鐘，真係超值，四人都很滿意，因為其中一位是素食，待應有通知廚房特別安排（應該冇用豬油，因為如果有素食朋友會食得出）。一月加拿大朋友想再encore, 今次更早，三人五點便到，吃了黑蒜粉絲聖子皇、其靈龍躉球、椒鹽鮮魷、蒜香凍螺、莞香啫啫鷄煲、台山黃鱔煲仔飯，今次都食咗三個鐘，埋單$1027，今次好似冇上次咁抵食，但幾個哥哥仔服務真係超好，加拿大朋友想食煲仔飯飯焦但怕難消化，食完大半煲要求加湯再煑一下都可以，所以加拿大朋友叫我一定要幫佢寫好食評，由於冇影相（事前我冇諗過要寫食評），希望多多包涵，絕對推薦給疫情下想坐低慢慢傾吓食吓的人，因為座位距離同間隔都好有安全感，仲有清潔亞姐超用心不停清潔😬

蜜桃沙拉明蝦筒$118 呢個菜式好好食 款式同平時去喜宴食嘅沙拉海鮮卷差不多 但係比起飲宴的好吃多了 外層炸到乾身不油膩 內裏有滿滿嘅沙律醬 食落好juicy 仲有好香好甜嘅蜜桃 海鮮份量夠多 成個口感都好滿足 好有層次蔥油脆皮雞$238 同我想像嘅有啲出入 以為好似薑蓉浸雞 會是油油的 原來製成品係乾身嘅 一啲汁都冇 卻有清香的蔥油味 雞皮烤得很出色 又薄又脆 吃得多也不會膩的那一種 肉質嫩滑非常 真心好耐未食過咁好食嘅雞棉花帶子泡飯$228 見到openrice有人介紹呢個飯 提起咗我嘅興趣 一定要食 一鍋泡飯大至有四至五碗份量 外表非常吸睛 圓形一大片的是由蛋白製成 外觀上很像棉花 口感軟綿綿 湯底非常濃郁 充滿海鮮嘅味道 菜式另外附上脆米通 食之前加上去 可以增加整體層次感 脆米通吸湯能力強 完全冇白費湯底嘅精華 食落有爆汁效果 每啖都食到滿滿的帶子肉 啖啖都是幸福的味道最衰今日落雨 其實餐廳有戶外位置 天氣涼涼地坐室外一定會好舒服 室內裝修美觀 時常有摩登 相當有格調 食中菜但係有西式嘅酒吧吧檯 中西元素夾雜 別有一番風味三五知己共聚吹水 飲啤酒 食飯 確實一個用餐的好地方

早兩日喺網站見到間新開嘅餐廳喺油麻地區好有特色, 特色在於係中式嘅菜式餐廳而有酒吧嘅格調元素, 於是乎悶悶哋又未食飯所以要上去探索一下！上到間餐廳第一個感覺就係燈光暗暗哋好有浪漫蒂克嘅氣氛, 仲要播住啲浪漫舊歌, 對於我嚟講都幾touching, 肚餓啦要叫嘢食, 拎起個餐牌見到好多嘢都想食, 但係一個人一個肚一個胃總唔可以嗌得太多, 叫咗最香口嘅椒鹽鮮魷同埋蜜桃沙拉明蝦筒, 開頭仲以為蜜桃沙拉明蝦筒係啲蝦碌買咗出嚟啲蜜桃陪邊, 出到嚟原來係好似鮮奶卷咁樣有薄薄嘅脆皮包住, 裏邊有蜜桃同埋大大隻明蝦, 哈哈變咗兩味餸都係好煎炸有啲熱氣, 本應想叫多杯嘢飲但係釘啲美容師話我有啲糖分高, 所以都係冇叫. 不過夠曬火牛啲嘢食好新鮮好好味, 睇返個場地其實可以包場可以係一個團隊三四十人都都夠曬坐, 原來出面仲有多大大嘅長形露天平台可以出去飲下酒談天說地, 環境座位都幾舒服, 感覺真係幾唔錯.

紫醉軒（ 旺角）今日來到呢間餐廳真是令人有意外驚喜，昏暗的紫色燈光，好有氣氛。而且放著一些流行的歌曲，簡直讓人沉醉於浪漫的空間， 簡直是一個拍拖勝地。 餐廳座位寬闊，而且設有吧檯，擺放著各種名貴的酒。 如果想欣賞一下旺角街頭的霓虹燈，不妨走出餐廳的露天座位 享受下。1. 薑蔥生蠔煲$188薑蔥炒嘢食不嬲都好惹味。大大隻嘅蠔肉鮮甜多汁，同埋用咗薑蔥去腥，廚師爆得好香，甩美爆滿。2. 其靈龍躉球$188： 呢碟餸好精緻，廚師用咗冬菇金華火腿夾著龍躉肉， 底鋪上荷葉去蒸，面層鋪上蛋白。龍躉肉好有咬口，口感豐富。3. 台山黃鱔煲仔炆飯$178 大大煲黃鱔冬菇，仲有紅棗好養生。冬天食個煲仔飯好温暖，好多飯焦好正。啲鱔好新鮮，冇乜腥味。4. 龍蝦湯糖心帶子伊麵$88（位）龍蝦味好濃，加埋糖心帶子甜甜地味道好有層次，之前都未試過。帶子有鮮味，伊麵好煙韌！* 值得一提的是店員 招呼周到 ，令你有賓至如歸的感覺。

今次同呀爸慶祝生日一家三口嚟咗喺油麻地嘅紫醉軒食晚飯估唔到中菜館嘅裝修都咁新潮仲有bartender 調酒😲原來仲有室外位置薑蔥生蠔煲 $188用砂鍋裝住 一上枱就熱辣辣噴唒煙都有成7-8隻蠔 而且size唔細啲蠔索唒個汁 好惹味！😍😍紫醉鮑魚雞煲 $218又係 一上枱就噴唒煙🤩呢個係非一般嘅雞煲因為入面係有鮑魚😏一隻切開4舊都有2隻啲雞肉質都好嫩滑碧綠海皇煎米粉 $138真係好耐無食過煎米粉估唔到呢到會有上面嘅海鮮好足料有蝦有帶子🍤配上豉椒汁令煎米粉食落一啲都唔乾金薯潮汕牛肉餅 $108其實唔係牛肉餅 係蜜糖薯仔牛柳粒🤔薯仔煎到外脆內軟好有口感略嫌牛肉有啲羶味🫣魚湯花膠津白 $138叫咗咁多濃味野叫返個清清地嘅菜魚湯仲有埋花膠就知個湯有幾滋補津白吸收唒啲精華😍人均價錢: $300 （Dinner）味道: 7/10環境: 9/10服務: 8/10回頭率: 8/10

環境服務可以食物質素欠奉。雞煲翅價錢$688（標明4位用）。雖然兩個人吃，但朋友想試也即管試了！質素卻很差，翅嘅用料是發水翅皮，半隻雞加10粿小棠菜，味精湯，完全不鮮甜！極不維介。荷芹油鴨片$118, 荷蘭豆好老有渣，油鴨片份糧少，炒得唔夠香，味道麻麻，一般水平以下。不推介。蒜香凍螺頭$118，味道可以，已經係全晚最好的菜式。蟶子皇$88一隻，叫了兩隻鼓招炒，味道一般而且有沙😨蜜桃沙拉蝦明蝦筒$118， 有六件，脆槳厚簿適中，味道ok!埋單$1367， 食物質素欠奉。不會有下次。

朋友介紹，有間特色中菜配酒吧既餐廳，地點又方便係旺角，趁今晚有時間黎品嚐一下。一出𨋢門已經見到間紫藍色做主調既餐廳，環境裝修有格調，坐位寬敞舒適，餐廳仲有個酒吧，可以相約一班同事朋友飲下食下。 依度環境咁好，未睇menu, 仲以為食物價格好貴添，點知一睇價錢相當大眾化。 薑蔥生蠔煲： 最緊要多係多薑蔥，生蠔份量多，肥大肉厚好鮮味，醬汁味道都唔錯。奶香黃金蝦： 份量十足有睇頭，蝦超大隻又多，熱辣辣外皮好香脆，啖啖肉蝦仁好鮮味，一定要食。黑蒜蒸斑球：依個配搭同味道第一次食，有新鮮感加特色，黑蒜有益又好香，魚下面有一層薯粉，三樣野夾埋一齊食好惹味好夾。莞香啫啫雞煲： 味開煲蓋已經聞到香噴噴，雞肉好入味，完全吸收晒d醬汁，味道惹味濃度適中（有d 餐廳有時會太濃太咸）雞肉又嫩滑，肉質一d 都唔鞋，食到停唔到口。依度真係好正，有時想食下中菜同朋友傾下計，但酒樓會太嘈，真係唔會傾得耐。依度中菜配酒吧，有音樂播放，但唔會嘈吵。仲有個露台可以坐outdoor。 服務員態度有禮貌。真係一間好全面周到既餐廳。

有質素有情調中菜酒吧❣️餐廳嘅怖置好modern 座位夠晒闊落冷氣夠晒足播嘅歌又啱聽呢度有happy hour本身諗住咁多瓣嘅餐廳主觀嚟講本身對食物冇咩期望點知令我大跌眼鏡佛跳牆係椰子雞湯底抵讚嘅係濃味得嚟唔會好咸勁足料有花膠鮑魚雞腳湯頭夠熱又清甜小炒王食小炒必點嘅小菜貪佢夠晒香口又有多重口感有炸銀魚仔魷魚🦑腰果菜圃韭菜花蝦乾樣樣都係佐酒一流成碟嘢足料到好似韭菜花嘅比例應該只佔一成黑蒜蒸斑片有四塊勁厚切嘅斑片魚肉結實配埋上層嘅黑蒜食真係超惹味下層仲有薯粉吸晒魚同蒜嘅精華好邪惡但又真係好好味海皇雜菜煲有斑片鮮蝦魷魚蝦乾大蝦勁爽口彈牙～雜菜就有椰菜花🥦西蘭花同菜芯比一般餐廳只用生菜白菜仔感覺更健康呢度仲有好多酒類供應唔會出現有餚無酒嘅情況

椒鹽鮑魚 $118呢個鮑魚做到外脆內軟嘅感覺，唔會炸到好硬好乾，好鬆脆🤩有驚喜黑蒜蒸斑球 $128黑蒜配班球個味道好夾，魚好新鮮，下面嗰啲薯粉好有彈性，好煙韌，仲吸晒成個菜嘅精華😋京蔥爆牛肉 $108好有乾炒牛河嘅味道🤣牛肉掛滿醬汁，好惹味蝦乾啫啫芥蘭煲 $128芥蘭煲好有鑊氣👍🏻仲有好多配菜，蝦乾同豬肉咁泰式海皇炒飯 $108炒飯又係有超級多配料，味道就甜甜地，好多唔同種類嘅海鮮配料，好足料👍🏻

呢一間位置於旺角近油麻地既粵式菜館以西式酒吧餐廳既風格裝潢，融合中西既風格文化以現代烹調手法製作傳統中菜，全新既中菜體驗完全以另一種風味同方式去感受粵式菜，或者你都會一試愛上黑磚豆腐 $98八舊好黑既黑磚豆腐，對於淨係睇賣相已經非常好奇會係咩味道表皮完美既黑色包覆住每一舊滑豆腐，無任何醬料或醬汁提供下味道依然突出表面既炸漿有經過調味，外皮夠薄身而且炸得非常脆，脆度連放入口後都可以保持"索索聲"既脆感味道同鹹度都足夠，所以完全唔需要加任何醬汁，滑豆腐唔會鬆散，豆味夠香濃需且好嫩滑椒鹽九肚魚 $118六大條既九肚魚，炸漿炸得好夠酥脆表面灑上大量既炸蒜,辣椒同椒鹽，淨係咁樣都已經非常惹味九肚魚魚身原本唔細條，所以魚肉都唔少，而且肉質非常嫩滑之餘連骨都可以食到沾上小小醋汁，令到鮮味更加出，完全係一道岩晒飲酒既菜式黑椒茄子牛仔煲 $128成個煲勁熱，滋滋炸炸既熱鍋響聲出晒煙，勁香既黑椒，豉油，洋蔥，牛肉香味霧晒出黎翻一翻個底見到有唔少既茄子同三色椒，茄子同三色椒吸收晒牛肉同醬汁既精華，牛仔骨夠淋身成個牛仔煲唔會太油，而且因為個煲夠熱，愈食愈香愈入味台山黃膳煲仔炆飯 $178不得了既煲仔飯，因為份

嚟咗一間中西合璧嘅餐廳😘主打藍色😃仲有露天茶座🍹我哋習慣早食嘢嘅😊嚟到就冇乜人😉但係坐落一陣😃就不停有人上嚟😁見餐牌，今日有個推介👍🏻就試吓啦😋豉汁蒸白鱔～一啖咬落去😘隊好厚肉喎👍🏻好夠味道😘京蔥爆牛肉～夠晒鑊氣👍🏻牛肉超滑😋簡單嘅配搭，但炒得真係非常之好味🤤招牌八寶石岐乳鴿~細細隻乳鴿，但係裏便仲精彩～分量十足👍🏻(火腿絲、冬菇、蓮子、臘肉、乾瑤柱）仲係用糯米飯嚟蒸😘😘😘😘😘再嘆番杯～生薑茶☕️夠晒薑味😍當然整個甜品紅豆沙🥣美味食物🤤舒服環境😌動聽音樂🎼識食嘅朋友仔就一定要來試👍🏻👍🏻

收工約咗班同事食好西 當中有位好鍾意捐窿捐罅搵美食 佢帶咗我哋去譽發廣場 四樓食中菜 這家中菜館非常特別 並非一般傳統懷舊又老派的酒樓 其實唔睇餐牌真係唔知佢係食中菜 外觀上似一間有格調情調嘅酒吧 當然同時有酒類提供 美酒配佳餚餐廳嘅菜式好別緻 菜色配搭係精心設計 部分菜式名字改得很特別會讓食客提起興趣與好奇心蒜香凍螺 $118 先來一個凍食頭盤 我好怕食啲好大隻嘅花螺 怕肉質會好韌 細細隻嘅花螺就最合我心意 肉質好爽好鮮甜 醃製咗一段時間所以好入味 又唔會過鹹 超好食 加咗兩塊荷葉伴碟 一碟普普通通嘅花螺就變一樣 賣相好精緻紫醉小炒王$138 雖然呢到唔係大排檔 但係佢個小炒王都整得好出色 好有鑊氣 炒得夠乾身 銀魚仔 蝦乾 鹹鮮味突出 仲有炸過嘅腰果 靈魂係幾粒小紅椒 辣辣地勁開胃又惹味蔥油脆皮雞$238 呢隻雞真係有驚喜 食過好多雞 呢間嘅雞可以話係數一數二好味 首先雞肉非常之嫩滑 其次係佢嘅雞皮又薄又脆 感覺好似食就緊酒樓嘅炸子雞 不過我係不一樣嘅層次 這個是超班水準的 旁邊有琥珀合桃配襯 蜜糖加芝麻包住合桃 真係食到停唔到口 淨係食合桃都值回票價 呢隻雞絕對會是我下次再光顧的

><明明話係約食中菜去到餐廳佈置似酒吧🤣原來既有新派粵菜亦提供西式雞尾酒 兩者兼備黑蒜粉絲蒸蘇格蘭蟶子皇($88/兩隻起)肥美厚肉 軟滑帶點爽脆味道鮮甜 粉絲吸晒d海鮮精華 加埋黑蒜調味幾好食其靈龍躉球($128)厚切龍躉片梅花間竹鋪上金華火腿片同冬菇魚肉彈牙嫩滑 沾上鹹香又伴隨着荷葉嘅清香蜜桃沙拉明蝦筒($118)好耐都冇見呢款炸物香脆薄皮 滿滿沙律醬湧出泰式海皇炒飯($108)炒得乾身 少少辣幾惹味><><><><><><><><><><紫醉軒旺角彌敦道560號譽發廣場4樓

從來都冇諗過中菜可以配埋紅酒白酒嚟食😌呢一間新式餐廳真係打開我嘅眼界🤣雖然係樓上鋪，但係裝修非常之有特色，亦都好華麗😗食物水準亦10分不錯😆😆尤其係個涼溪翠鱔😋唔食鱔嘅我見到呢啲頭盤，都食咗差唔多大半碟☺️因為甜甜地脆脆地，好開胃，用來配酒真係一流然後呢度個湯嘅擺盤都好特別，我叫咗一盅椰子燉老雞湯，佢係用一個花瓶裝住，內有乾坤，打開就係碗湯😆好香嘅椰子味，隻雞都好冧，好易咬仲有個茄子牛仔骨煲都係正嘢😌我係超鍾意食茄子嘅人，呢度嘅茄子好有鑊氣，好入味，唔會酸😁配埋啲好冧嘅牛仔骨，女仔出街食都唔怕😝仲有個其靈龍躉😍😍😍個龍躉嘅肉質好實，好有咬口，夠晒清淡健康，日日出街食都咁油膩，呢碟餸就好似突如其來嘅一股清泉咁樣🥰食完都覺得自己年輕左10年最後就係蜜桃沙律明蝦筒😝炸到脆脆的，每件都有兩隻大蝦，再有唔同嘅水果，配埋沙律醬，好懷念呢種感覺☺️紫醉軒 (旺角)旺角彌敦道560號譽發廣場4樓