經典冰室

營業中

休息中

今日懶得煮飯就諗住嗌外賣，叫個蕃茄通粉比阿女食😐😐😐😐😐😐😐😐😐😐😐😐😐😐好彩係分湯嘅，咁啲通粉都仲食得淨係倒咗啲湯另外叫咗個揚州炒飯自己食但係食咗幾啖就諗緊會唔會😐😐😐😐😐所以最後都係無食😐😐跟餐叫咗熱阿華田同熱好立克兩個餐加埋外賣費$139平時去餐廳食飯先睇openrice食評，估唔到原來叫外賣都應該要睇，下次我都會睇完先叫最後變咗都係要自己煮嘢比阿女食

屯門碼頭有好多間港式嘅茶餐廳.每個星期放假都會出街食早餐.但係呢個星期.天氣實在太熱.都係買外賣返屋企慢慢享用.今次揀咗近美樂花園附近輕鐵站嘅經典冰室.我order咗一個外賣早餐.沙爹牛肉麵.牛肉新鮮嫩滑,濃濃嘅沙爹汁.還有花生味,依家買外賣會分開湯,咁樣就唔會將啲麵浸到淋曬.牛油多士.如果拱耐啲,有啲脆脆的,就更加好食.炒蛋略嫌炒得老咗啲.熱阿華田跟普通嘅茶餐廳沒有分別.整體來說:外賣早餐都唔會要求太高.

今日blue monday 食咗個breakfast 之後tea time時間開始肚，要食返個tea充返啲energy落咗去經典冰室睇下menu有咩食la睇門口tea menu都係嗰啲咩炸雞扒豬扒薯條沙律french toast之類，就入去坐，冇乜人打把empty seat可以任choose入到去打開menu發現有百搭餐叫咗炸脾搭西多見到余德承飲奶茶紅豆冰都好想飲奶茶紅豆冰加7蚊幾好飲奶茶幾濃隻脾就唔多掂啦 啲皮咁燶，食落仲唔多脆有啲chewy 失敗雖然入面有肉汁，唔柴，肉嫩但炸脾個皮好緊要西多冇乜特別 唔難食唔好食咁囉42蚊

岩開張都幾好,但依家炒蛋好油同老,多士hea到就咁加牛油上面,烘都唔烘多下,而且食得出個包應該係烘左有一段時間,仲要唔只一次呢到多士有呢類問題, jam搽唔勻。希望負責人睇到留言,跟進下啦ps圖既炒蛋已經特別叫炒生d

新開張，所以入去試一試，裝修用返之前山葵大部份嘅材料，但係改裝左，貼左新嘅牆紙、枱亦鋪過晒新嘅貼（包左貼）、換左新既椅（懷舊椅）、環境都算乾淨、衛生都OK。我哋叫咗個芝士雞扒滑蛋撈丁，另一個係厚切西冷牛扒煙肉配意粉。整體味道屬於普通，芝士既汁無咩芝士味，好粉溝出黎既味，但確實係經典茶餐廳會整嘅味道。而厚切西冷牛扒並唔係厚切，係正常嘅厚度。黑椒汁夠味，滑蛋整得好滑。所以味道係符合返餐廳個名，經典嘅普通茶餐廳既味道。店員都好有禮貌，雖然味道普通，但服務態度值得加分。

Sunday剛好經過屯門碼頭一帶要搵食，海趣大部份已經食過晒，想起group友提過美樂有間新開茶記，於是去試試...先黎個揚州炒飯，$48連飲品，超大碟，足料，夠晒鑊氣，最後食唔晒打包 👍🏻👍🏻👍🏻雞髀薯條，3X連飲品，薯條新鮮即炸，但雞髀略嫌乾身咗d。奶茶0茶超大坏，夠茶味，正宗hk茶記style 總括抵食有水準，另外果度d姐姐十分有禮貌，下次會再去，(注意!! 好似開到下午4點，請自行fact check一下)

今日同老公去咗經典冰室，叫左食個星洲炒米同楊州炒飯👍🏻😋同平時餐廳食嘅完全唔同好有鑊氣🔥味道剛剛好，環境舒適😊，老闆及員工好親切🥰，下次都會再嚟幫襯，會推介比啲朋友。

近來美樂開咗好多間餐廳，每一間都會去試但係每一次都係失望，見到呢間餐廳晨早六點幾開咗門，乾淨企理，雖然冇乜期望，見到餐牌都幾吸引，決定俾一次機會佢試吓。港式早餐我最鍾意食沙嗲牛肉麵，樓面姐姐招呼唔錯，提我跟餐厚多士可以免費配兩種醬，又或者要加兩蚊可以轉丹麥多士同埋脆豬，再揀北海道3.6牛乳炒滑蛋餐肉腸仔嗰啲，咁多野轉啱晒我，最怕食嚟食去都係得牛油方包落完單食物好快送到，估唔到個沙嗲牛肉麵係超沙嗲汁香濃有花生味，湯底同個沙嗲汁係超夾，牛肉新鮮嫩滑有口感仲係熱嘅多士我揀咗奶占多，醬料揸得均勻亦都食得出係香脆即烘，餐肉同蛋都係即煎，有誠意凍奶茶我一向飲開走甜，茶夠香亦夠滑，掂！食到一個完美嘅早餐，就算星期日要返工，心情都特別舒暢