緣聚西日餐廳 (西裕街) (已結業)

難得今日放假瞓到11點先起身，早餐都未食，所以決定大擦一餐，同屋企人選擇咗食下午放題。我哋選擇咗食我話午市放題，見到圖片都好吸引。地方好大，環境感覺好舒服，可以舒舒服服食一餐。雪糕，小食，汽水可以自由選擇點心紙有十五至十六款選擇食放題點少得刺身，三文魚厚切，新鮮肥美。螺肉鮮甜爽口。樣樣新鮮😋煎三文魚頭，煎得啱啱好，不會過油，好香脆，啖啖肉。炸芋頭波波，外皮炸得卜卜脆，內裏軟綿綿，超好味👍蜆肉脹卜卜好鮮甜。叉燒拉麵-叉燒切得好薄，口感一流，吸入豬骨濃湯，好好味👍食到飽飽，有一壼消滯的綠茶，無得頂👍👍👍

放題，食到好飽跟姐姐去了一間元朗放題，叫做緣聚西日餐廳。整體來說，吃得很飽，而且甜品選擇都多，又有自助倒雪糕機，又有水果可以吃，幾適合好像我這些喜歡吃甜品的人，哈哈。當然，都食了很多熟食和壽司類等等。而因為我是甜品迷，所以我吃甜品比較多，哈哈，真是吃個飽飽的。水果類，有西瓜和火龍果。西瓜好甜，所以我食了6片，哈哈。自助倒雪糕機，可以自己倒雪糕，真好玩，倒完雪糕，還可以自己添加棉花糖，朱古力粒，軟糖，朱古力醬等等。可以一邊吃，一邊玩，真好啊，哈哈。飲品，我就一共飲了3包。分別是匊花茶，維他奶，和忌廉汔水。其實這裡的飲品選擇都好多，因為我還見到有冰凍雪梨，柑桔，檸檬茶，和各類汔水等等。甜品選擇又是很多，哈哈，我是甜品迷，真是吃得我很高興。有芒果奶凍，忌廉泡芙，木糠布甸，青檸啫喱和其他各種雪條等等。沙律，我也吃了不少。尤其吃了很蟹柳絲和蟹籽和螺肉。壽司和熟食，都好好味，熟食上枱時，還是暖熱的，很不錯。其中，蟹籽壽司我最愛吃，哈哈，蟹籽壽司上的蟹籽多到滿瀉，哈哈。羊架又好好味，肉質很鬆軟，所以我好像都叫了很多次。至少吃了8件羊架，哈哈。煎蝦，炸雞件，炸雞軟骨，亦覺得好味，因為熱熱的，外皮又脆，

好飽，超級飽，好滿足了感覺好像很久沒有吃放題，想讓自己放縱一下。所以滿懷心思想吃很多很多的東西。所以就和妹妹相約了去食放題。我們去了附近比較近的元朗吃放題。就是緣聚西日餐廳。一走進這間餐廳，見到這間餐廳的佈置頗有特色。有一些玩具放在店內，又有一些單車輪掛在天花板上。枱上放着點餐的紙。有很多類型啊。例如有火鍋配料，有刺身， 有壽司，有天婦羅，有卷物，有手卷，有軍艦壽司，有燒物，有串燒，有廚師推介，有飲品，有松業蟹，有時令生蠔，還有西日扒類等等。餐廳裏面又有自助區，可以自助式取沙律，甜品和飲料，雪糕，雪條，水果等等。急不及待，看完之後即刻就下單，哈哈。最後，我和妹妹都吃得很飽，而且很滿意。整體來說，這間餐廳的食物質素幾好，即叫即下單，上菜速度都幾快，重點是他的食物送到來枱上還是熱的。我和妹妹都叫了很多食物，而其中有很多都是叫完又叫。就好像芝麻雞翼，雞翼外皮炸到很脆口，內裏肉質夠嫩滑。煙三文魚壽司，火焰鵝肝帶子壽司，火焰鰻魚壽司，火焰蟹腳肉壽司，蟹籽軍艦，辣味三文魚軍艦，這些壽司都很新鮮，壽司的飯又不算太大，所以可以讓我和妹妹多吃兩款。鹽燒鯖魚，黃金燒大蝦，黃金燒蠔，黃金雞軟骨，香煎大蝦，澳

緣聚係好出名既buffet restaurant 元朗既location and environment 都比較清靜同光猛 感覺冇屯旦果間咁逼迫 最好食係唔同既新鮮刺身同甜品 仲有炙燒sushi

好一陣無同屋企人食放題了，佢地一向鍾意呢間緣聚，貪佢啲位濶啲，食物選擇又多啲。是晚九點後入座，二人同行一人半價，價錢就抵好多啦。罐裝同紙包飲品在雪櫃內拎，仲有奶茶咖啡等可落單點的，有阿爸好like嘅紅豆冰先來一盤刺身，魚生高級左，新鮮厚勁又肥美，嘩，啲拖羅靚左好多，連平時唔多like吞拿魚嘅阿媽都大讚。熱食類，至愛焗蠔芝士沙律醬勁正呀，燒牛舌厚切正，燒三文魚頭多肉多魚油，又係好好味。壽司點左好多但漏單…師傅整唔切喎，黎左芝士鰻魚卷同芒果炸蝦卷，軟綿綿細細粒幾好味，再加單下一輪壽司就有了，都唔算好甩漏。手卷又係正，勁細條，手指咁上下大條，但都好多料，紫菜脆口，正。天婦羅係新鮮炸起，又香又脆，鍾意蕃薯同南瓜海鮮粥無敵鮮甜，又綿又滑，阿媽encore又encore。印度薄餅加朱古力醬，煙煙韌韌好食。好特別的海鹽雪糕，鹹鹹甜甜又夠滑，好味喎。其他自助甜品，仲有好多雪糕雪條軟雪糕等，甜品控大愛呀梗係要番兜拎多幾樣啦。仲有得打邊爐，牛扒，意粉等，勁多野食又無乜漏單，上菜亦算快，一家人食得好滿意。

今晚約左朋友去食放題元朗大把好野食呀，點解入到黎會去食放題呢，因為呢間係我朋友極力推介，再加上自己之前又食過一次。今次再食，依舊都係咁抵食且款式又多不是我唔係元朗人，我覺得個入口位有點難搵，但皇天不負有心人，兜左幾圈見到啦入到去座位都不少，而且食客都唔少啦勁多野食可任點好正想食咩就隨便食有刺身、壽司、炸物、小食、甜品、燒物、火鍋、飯、拉麵應有盡有我當然快快手order左d先啦，之後去拎下野飲三個大大既飲品櫃放著不少野飲任拎仲有大量甜點、雪糕、雪條正呀，已經九秒九睇定一陣會食咩啦食放題又點會唔食刺身呢呢度另一個優點係，你寫幾多片，就真係黎足幾多片抵讚三文魚超靚帶子都好鮮甜，每款都不錯好鮮壽司類都好正架我有幾款都之後再有加order再食壽司不會太大舊，咁樣就可以食多幾件都唔怕過飽啦，又可以試多幾款口味呢款芝士大蝦同芝士蠔都係超正芝味無窮食完一隻又一隻，放題真好食放題，串燒、雞翼等等又點會唔叫呢呢款瑞士汁雞翼瑞士汁香香甜甜令雞翼好入味，而且雞翼肉興炆到好腍，好滋味另外雞肉串燒都好入味串燒仲有好多款其他肉類同口味，食左既食物太多，不能盡錄芝麻雞翼又香又脆好正呀脆卜卜既外皮加上了香香既芝麻中間肉

琴晚同朋友即興約食飯，一個想食生冷野，一個想食熱野，所以一人讓一步，去食西日放題。緣聚西日放題有2個鐘任飲任食，9點前埋單都係$238咋，不過地點就有少少難搵，係要落地庫既。一坐低我地就即刻寫紙落單，把握每分每秒。侍應都好快手，9秒9就幫我地收起ｄ單，唔洗10分鐘已經上菜啦～讚一個！先黎一份鐵板蒜香牛柳粒，掂喎！牛柳粒唔會太老，咬到中間仲有少少肉汁，而且落左新鮮既蒜粒同炸左既蒜片，好香啊！瑞士雞翼夠入味，肉嫩，亦唔會無味。雞肉串煮得好淋，用燒汁黎煮，有少少咸，但一個人食4-5串都唔會厭。卷物﹑壽司﹑刺身亦隨之送上。芝士鰻魚飯卷－芝士有用火熗燒過，夾埋鰻魚食，更香更滑。香芒炸蝦卷係新野，芒果酸酸甜甜，解左炸蝦既油膩感。其他壽司種類都算多，質素亦唔差，我就唔一一記錄啦～刺身就值得寫，我地叫左兩次，最好食既係帶子，鮮甜又爽口！象拔貝亦都好新鮮，d肉唔霉，不過就切得細條左d ,一個人食10片都未夠喉……大甜蝦既size係細甜蝦既兩倍，又滑又甜！中拖羅就冇乜特別，有d根位都難咬。三文角就不過不失啦，略嫌唔夠肥美，鐘意食冇咁多油脂既朋友就岩哂啦～其他熟食，如清酒煮蜆﹑炸雞軟骨﹑一口腸﹑芝士焗蠔都係

約左人食生日飯，點知咁大雨，都無阻雅興繼續食放題。地點有D難搵，唔係成日黎元朗未必識黎，係嘉誠廣場後面。九點後二人同行一人半價，提早訂有九折。加錢要埋生蠔蟹腳任食，D蠔好新鮮，食落爽口，蟹腳都唔差，一樣鮮甜，但食得有啲麻煩。鵝肝多士好鬆化，正呀～黃金蝦，勁多鹹蛋黃勁正。焗蠔都好正，芝味十足，encore又encore。再食多士同埋生蠔，爽！蕃薯仔又係正，牛油焗又甜又香。鮮甜蟹粥，唔食有損失。炸餃子至愛，飽滿好味。甜品都食左好幾樣，呢個椰子味雪條好少見，勁椰味，好似椰汁糕咁。

今晚同屋企人去左緣聚食放題，呢間西日放題都已經黎過幾次，食物種類都幾多款式，有炸物，壽司，主食，一品料理，串燒，刺身等等。叫幾多黎幾多，唔會俾少。上菜夠快，收拾速度亦一d都冇怠慢，值得一讚呀。呢度刺身包括三文魚，中拖羅，鮑魚片，鮮帶子，像拔蚌，甜蝦，賣相唔錯，款款都肥美鮮甜，象拔蚌爽口彈牙，而且好乾淨👍壽司同手卷，細細件，唔會好快飽，咁就可以試多幾款。我地叫左花之戀，火炙和牛壽司，火炙鰻魚壽司，芝士鰻魚飯卷，牛油果軟殼蟹卷同香芒炸蝦卷 等等，我地最中意食芝士鰻魚飯卷🍣芝士加鰻魚呢個配搭都唔錯，所以再encore多次。澳洲羊扒同香煎雞髀肉好食，燒得金金黃黃嘅羊架，非常吸引，見到已經垂涎欲滴。食落非常香口同入味，肉質嫩滑多汁另外，蟹粥，瑞士雞翼，雞肉串都同樣好食，不可錯過。蟹粥綿綿的，入口帶海鮮嘅甜。天婦羅方面有番薯，茄子，脆炸三文魚骨，南瓜同蝦。天婦羅炸得幾脆，南瓜同番薯好香，咬落唔乾。蝦天婦羅外脆內軟，仲有三文魚骨好香三文魚味，連唔食三文魚嘅呀豬媽試左之後都愛上。鵝肝多士，鵝肝份量非常夠，厚身而有鵝油嘅香氣，煎得剛好，入口溶化亦充滿鵝肝獨有嘅油脂香，非常好食。飲品選擇亦好多，有清酒，梅

緣聚西日餐廳裝修有型的日式放題，好有格調的裝修，感覺上都幾前衛，外觀就似以貨櫃、金屬、貨倉等要素做主調，別具一格。刺身賣相好靚， 色澤好光鮮，刺身全部厚切，食落有口感。三文魚沒有雪藏味，有魚鮮味，反而突出了豉油的鹹鮮。象拔蚌刺身爽口；最有驚喜的是帶子，非常爽彈。壽司推介花之戀，同埋帶子壽司。三文魚壽司有黑松露喺上面，食材好新鮮，好濃嘅黑松露味。至於花之戀，就有蟹籽同埋沙律面醬配搭，都好有鮮味。食落去一大啖，好有滿足感。羊架、雞扒、西冷牛扒上枱都好唔錯，味道好好，扒類食物比想像中好味，最值得一讚就是羊架 ，肉質不騷而且很淋，而且加上醬汁，非常美味。炸蝦天婦羅炸得很鬆脆，上枱嘅時候要即食， 蕃薯和南瓜超甜。 我最中意食嘅炸蝦同埋燒雞翼，兩款都好美味。甜品方面有，有各款糕點甜品，還有冰涼的豆腐花，啫喱和雪糕，雪條等等，仲有平時比較少見嘅藍戰士、牛奶雪糕添。呢度除了有汽水外，仲有啤酒、梅酒和清酒都是任飲，所以來呢部度飲吓酒食吓嘢都係一個唔錯選選擇。作為元朗既日式放題，價錢質素亦係唔錯，行完商場後就黎大食一餐都係一個唔錯既選擇。

一行5人，有老人家又有小朋友，最好不過就係食放題啦！元朗就哂腳，經過昵間（緣聚）見到張海報有咁多野食，就比佢吸引咗入去！🍨🍣🥗🍤自助雪糕機，小朋友至愛！炸香蕉，炸榴槤必食，真正外脆內軟！新鮮！蠔味偏重，淡淡的海水味！

難得放假又約咗屋企人， 去食放題放盡一下， 呢到次次泥親都咁多人其實我最欣賞就係呢度嘅酒精類飲品夠曬多款式， 真係可以飲個痛快唔飲酒精都有好多嘢飲等咗成晚其實已經好肚餓拿拿林食番幾嚿壽司填飽個肚先再嗌碗烏冬畀個女食鐵板蒜香牛肉， 肉質鮮嫩， 加埋大量嘅蒜香非常惹味Join咗佢個套餐仲有 生蠔，長腳蟹， 鵝肝 ，黃金蝦 任食， 見見我剛都大大件㗎 ，第一次食放題有鵝肝多士可以咁痛快咁食 ，都幾開心生蠔就唔再講啦，咁梗係食返佢十幾廿隻啦😂， 今晚淨係食佢都飽其他乜都唔想食黃金蝦好大隻呀，彈牙 又好肉清酒煮蜆， 估唔到都一樣好大隻，味道都幾清甜在食返少少小食送啤酒， 傾下偈雪糕同埋甜品我就好少食 返咗團薄餅食下 做番個終結。

屋企人生日，有長輩又有小朋友，最好不過就係食放題吧！家住元朗，每次都經過昵間（緣聚）見張海報有咁多野食，就比佢吸引咗了😊我，食物有好多選擇，加＄118 重可以任食生蠔，蟹🦀，鵝肝同黃金大蝦🍤勁多野飲，啤酒都係任飲，清酒，梅酒都有！自助沙律吧！真正的刺身船😌，十款以上刺身，三文魚肥美，蝦鮮甜，帶子食落夠實，晤會散收收！燒物，芝士蝦同芝士蠔，即焗即食，味道香濃，保留到海鮮的味道同時亦唔會好乾身！👍👍雞翼尖，樣子普普通通，但味道和B仔雞翼尖的味道一樣，好入味！石鍋蟹粥，熱辣辣，好暖胃！必食甜點，焦糖3.6牛乳雪糕香濃雲呢拿雪糕，加上焦糖，再火燒一下，面層脆脆的，內裏軟滑，份量少少剛剛好，超好味！👍🏻👍🏻

今日囡囡生日，我哋選擇咗食放題但係老公又想食生蠔，經朋友介紹下就去咗緣聚西日餐廳，又可以食放題又有生蠔食，所以就打去book位。鋪頭位於大街後面，一到門口好似一間西餐廳，完全唔似一間日式放題。入到店內裝修簡約特別，燈光昏暗環境都幾舒服。未到七點已經差唔多滿坐，好彩一早已經訂左位✌️食物方便有好多種類，有些是季節限定比較特別。特別推介榴槤炸彈同埋芝麻雞翼，炸得脆卜卜，好香口，必食👍👍👍刺身船一遞過來即時嘩一聲，種類好多好豐富，擺盤好有心機，三文魚，八爪魚，螺片，帶子，都好新鮮，鮮甜。生蠔一啲都唔腥，鮮甜肥美。蟹腳好多肉，好好味🤤🤤🤤雞翼尖有少少辣辣地，好淋好入味。蒜香牛柳粒熱辣辣好惹味，入口軟綿綿。又一必食推介芝士蝦，芝士燒得好香好濃，蝦肉爽口入味😋😋😋食到舔舔脷。

今天朋友來香港玩, 於是便帶他們來到元朗這家放題朝聖。他們之前沒有吃過放題, 所以對於陌生日式放題的他們來說, 味道最為真實。我推介了他們2人, 食日式食物當然少不了刺身及壽司;這裏的刺身款式不少, 我們點了三文魚刺身, 中拖羅刺身, 八爪魚刺身, 鮑魚片刺身, 大甜蝦刺身, 鮮帶子刺身及希靈魚刺身; 而壽司, 以花之戀為我的最愛, 火焰鵝肝帶子壽司, 火焰鰻魚壽司及火焰蟹棒壽司;而另一個朋友則點了一個鍋, 日式牛肉昆布湯底鍋;一大盤刺身端上, 各式刺身厚切, 鮮紅肉色的三文魚, 魚油豐富, 入口即化.  洁白的八爪魚, 清甜爽口; 鮑片厚切的, 甜甜的肉汁, 爽口無比; 晶瑩剔透的甜蝦, 顯得格外新鮮, 蝦味濃郁; 鮮帶子, 帶子味清甜幼滑; 黃黑相間的希靈魚, 肉質有少少脆口, 鮮甜但帶點兒腥味;而壽司方面, 花之戀為我的最愛; 三文魚四方八面地包裏著飯團, 上面撒上鮮紅色晶瑩透亮的蟹子, 咬下去蟹子的精華爆出, 十分鮮甜;  配以酸甜的沙律醬, 為壽司增添了多重味感;我試了一下朋友叫的牛肉昆布湯底鍋, 清澈的湯底醬汁, 能一眼看到底, 醬油味十分濃, 喝下去較鹹, 配以三文魚腩骨