羅勇泰國粉麵 (已結業)

睇完戲，心血來潮想食泰國嘢🇹🇭，行吓行吓🚶🏽‍♂️就去咗厚福街呢間羅勇泰國粉麵。補充小小，其實"羅勇"泰語：ระยอง，Rayong) 是東泰國的一個府，府都為羅勇市，唔係人名嚟㗎! 入到去地方都幾闊落，環境有少許泰國feel，頗有親切感😆！坐底咗就開始睇吓食乜，餐牌上嘅美食都充滿泰feel，而我哋就叫咗海南雞飯，牛肉金邊粉(可由河粉轉金邊粉、油麵或米粉)，牛肋條及豬肉串燒，每樣食物嘅味道都不俗，分量適中，上嘢食又快，服務亦不錯，價格以尖咀地段嚟講尚算合理👌🏽。如果大家途經附近，泰癮起嘅話，諗諗佢😝，相信你嘅「五臟廟」應該唔會投訴🤣

一黎見到個湯顏色深，以為味濃！湯苦苦地，但d粉可以完！全！無！味！勁！我好似食緊無豉油既腸粉咁！$5x幾蚊勁細碗！細碗都唔緊要！佢完全無味！！！連難食都稱唔上！！！!!!!!!!!!!!!!!!!!!!!!!!!!!!!!!

都有一段日子無黎過厚福街食野，今日經過尖沙咀，又好想食海南雞飯，所以就黎左羅勇試一試新野。餐廳的環境舒適， 牆上有不同的裝飾，充滿著濃濃的泰國氣色。羅勇什錦湯河，湯底的味道不會太濃，魚味及肉味非常突出，配上豐富嘅配料，口感一流。羅勇海南雞飯，雞肉好嫰滑，飯嘅份量亦都好多，秘製醬汁有得揀辣或者唔辣，咁我就揀咗唔辣，雖然唔辣，但都好開胃。椰子雞湯，好香椰子味但又唔會太咸。我地仲點左4串串燒，牛肋條，豬肉，雞肉，泰式臘腸，即叫即烤，配上惹味的沙爹醬，正。青檸梳打，不過不失。

1. 豬肉什錦湯河（＄48)佢地用左傳統泰式船河嘅濃豬血湯底，河粉係偏粗身嘅泰式河粉，特別欣賞豬潤有新鮮潤味，而丸類又好彈牙，幾唔錯😋彤樂評分：8/102. 羅勇海南雞飯（＄42)🐥🍚今次比左雞胸，外皮滑，但入面就乾硬啲啦🙈油飯粒粒分明，點上醬汁伴海南雞一齊食，帶點味蕾刺激，而且食海南雞飯仲跟個椰子雞湯， 雞味好香濃👍🏻彤樂評分：7/103. 炸蝦餅（＄58)🦐泰式蝦餅係即點即炸，外皮真係超級金黃香脆，而入面嘅蝦肉堅彈牙，點少少酸甜醬更入味🤤彤樂評分：9/104. 豬頸肉串燒、雞肉串燒、牛肉串燒（＄15X3＝＄45)串燒特別推薦豬頸肉，唔乾唔油，又多汁，記得點埋個沙嗲醬，就岩晒啦😁彤樂評分：7.5/10

月中已經糧尾... 唯有喺OPENRICE搵下尖沙咀$200蚊人均以下食店喇就搵到呢間 羅勇泰國粉麵 ，夜晚７點人唔多，所以唔駛等位。兩個人叫左4樣野。＊泰式奶茶 - 搵番泰國既味道！佢應該為左配合香港人口味，所以無正宗泰式奶茶咁甜＊泰式鳳爪 - 唔係太辣夠哂我，配料都好足＊牛肉湯河 - 我本身叫金邊粉，但黎到都係河粉咁無所謂唔轉黎轉去。我喺食評見好幾位都寫呢碗係 船麵，我諗佢地誤會左。呢碟應該係一碟用好多材料餚成既 湯河，（而且MENU都係只寫牛肉湯河 ）如果你用船麵心態去食呢碟湯河，當然湯底係唔同味。＊青咖哩軟殼蟹飯（可配油飯或炸米餅） - 價錢唔貴喎，都係88蚊，我見出面係100蚊起錶。（店主睇到呢度唔會突然加價）味道唔錯，食到最後想加多碗飯！最後埋單$204，以為去尖沙咀食飯又多個選擇

有時候在尖沙咀唔知食咩好～就同朋友行左去好多野食的厚福街搵食，見到這間環境整潔的泰國小店就去試試<<羅勇海南雞飯 $42>>賣相非常好 雞肉肥瘦適中，肉質鮮嫩而油飯就飯粒分明，帶有淡淡椰香 整體味道十分鮮香，配上秘製的醬汁，有點微辣，增添了味道的層次 另外，這個飯還會奉送椰子雞湯，充滿椰香，味道清甜<<豬頸肉串燒 · 牛肉串燒 每款$30>>豬頸肉口感不會太肥膩 燒得恰到好處能保留肉汁牛肉串燒牛味香濃 配搭上秘製沙嗲醬 味道一流～<<炸蝦餅 $58>>色澤金黃 口感鬆脆蝦餅又厚又彈牙亦食到鮮蝦味 與甜酸醬非常夾 真係出色<<青檸紅茶 $28>>飲品就簡單選擇了青檸紅茶 青檸非常新鮮 茶味不算太濃 帶有淡淡茶香食完味道較濃的主食 配返杯紅茶 感覺非常清新整體味道不錯，而且性價比高～ 值得再encore!!

臨近聖誕，我就梗係要四出shopping買吓嘢裝身同買定party嘅聖誕禮物啦！M佬被迫陪我行咗成日，所以今晚食乜由佢話事！嚟到尖沙咀，想搵食又點少得去厚褔街啦！跟住M佬由街頭行到街尾，我哋就俾呢間藍色既招牌，主打船河嘅羅勇泰國粉麵吸引住，一於試試啦。串燒每次食泰國嘢點都好似要叫番幾串串燒，今日叫咗兩串雞翼同一串牛肉串。雞翼串燒多數都係雞全翼，但呢度係雞中翼，食落較方便；仲有啖啖肉，牛味香濃嘅牛肋肉。串燒嘅重點又點少得沙嗲醬呢？呢度嘅沙嗲醬有好多花生粒，椰香味十足，夠晒惹味。招牌什錦河招牌什錦河比泰國食嘅船河份量較多，配料有豬肉丸、魚旦、魚片、扎肉同通菜，而河粉係泰式粗河粉，好滑溜！而食泰國菜又點少得辣椒醋、醋、糖同乾辣椒粉呢，每碗都係獨一無二，你最喜歡嘅味道。滷水鴨肉飯滷水鴨肉顏色比較深，但唔算好鹹，夠入味。配上酸酸甜甜嘅鴨肉醬，好開胃！隨飯仲有椰子雞湯，相當滋潤。飛天炒通菜最後又點少得少少辣又惹味嘅飛天炒通菜呢？

下午茶時間。又係去行下食下，見厚福街有間泰國粉麵。就試試下午茶餐牌都多選擇👍🏻👍🏻👍🏻👍🏻👍🏻。最後。見有油麵都想試試。見到都聽不住食。材料多。先飲湯。味道幾特別。好濃似豬骨濃濃湯味。再試食配料炸豬皮。湯料吸入炸豬皮。食落幾特別👍🏻👍🏻👍🏻。海南雞好滑好好淋。其實配飯我估快食清，入面再配上通菜，下午茶下說都幾滿足。再叫魚餅。有😲😌5件，其實我都怕吃不到。點知咬了口。魚餅彈牙，加入泰醬仲開胃左。5件好快就食清最後叫了熱奶茶（只加5蚊）熱味都濃。有小小泰或茶底。好完美一餐

趁著女友做瑜伽的空擋，自己快速係尖沙咀附近揾間餐廳食個lunch~~之前幾日去左曼谷，雖然已經瘋狂食船麵，但仍然想睇下香港有無具有一定水準既船麵店，反正行到厚福街，就順道試下裏面既一個泰式船麵專門店~~~《羅勇泰國船麵》快速望完餐牌，就隨手叫左以下食物：羅勇雜錦湯河 $48 - 試完湯底，味道同之前係泰國食到既味道不太一樣~~據老闆娘話，湯底係調配方面比較偏向泰國南部既口味~~甜中帶有少少藥材味道~~湯河配有炸豬皮，牛丸（尼個有驚喜）等，係一碗幾足料既船麵~~湯河采用相對粗身既河粉，因此比較索汁同有咬感~~~而跟船麵加$5蚊的泰式奶茶，則只屬合理水平~~~炸蝦餅 $58 - 炸得幾乾身同幾香，食落唔油~~但食到最後兩塊覺得稍微散左少少，不夠結實~~埋單大約$100蚊，考慮食物質素，算係一個唔錯抵食既選擇~~~

厚福街是個可以大飽口福的地方，餐廳琳瑯滿目，不管是地舖還是樓上舖，目不暇給。這天人有點懶惰，不想走太多，於是在馬路旁，找個一個人也可暢快用膳的地方，最終選擇了>>>羅勇泰國粉麵<<<。 俐落的裝修，可說是其中一個吸引我的地方，沒有太濃厚的泰國風情，取而代之是帶點清新悠閒的設計。 食物選擇不算太多，以粉麵為主，也有幾款飯餐及各式小食、串燒及飲品。 這晚選擇羅勇海南雞飯(HKD42)，賣相簡潔：一碗油飯上邊擺放海南雞，再加幾塊青瓜。點餐時，侍應查詢是否需要辣醬，但既然個人不嗜辣，所以無謂浪費。這款海南雞飯是泰式 做法，旁邊配上雞飯醬，味道很香；海南雞肉無骨，啖啖肉，肥瘦均勻，不會太油膩 ，肉質嫩滑，欲罷不能，真想多吃幾件。油飯是滿滿的一碗，是我吃不完的份量。 飯餐均送椰子雞湯，不算太油膩，椰子香挺吸引，只是味道略咸。 小食是炸蝦餅(HKD58)，侍應推介，然而價值不菲，一碟四塊，比羅勇海南雞飯賣得更貴。炸蝦餅即叫即炸，等候需時，然而其鬆脆彈牙卻又值回票價，加些甜酸汁，更加滋味。 是晚消費剛好HKD100，齊頭不用找錢。

幾時都話，海南雞飯絕對係減肥嘅恩物！飽肚之餘又好食！今日去尖沙咀行街，行行吓肚餓，就去咗一間泰國餐廳食野！之前收到友人情報，話呢間嘅海南雞飯非常出色，特別係個醬汁，會食上癮！餐廳位於尖沙咀厚福街入邊。藍色嘅店舖外牆，加上logo有大笨象，一眼就知道係食泰國嘢嘅餐廳！餐廳入面嘅裝飾都以泰國為主題，大量嘅掛畫、雕像都為餐廳增添唔少氣氛！餐廳亦以工業風作設計，有泰國特色之餘亦不失型格。翻開餐牌，一早心入邊已經係想食海南雞飯，再睇下有冇其他小食，最後就揀咗一串串燒雞同串燒豬，另外再嗌多左杯青檸紅茶添。枱上嘅嘢放滿香料醬汁，畀客人自由選擇添加！大概兩3分鐘左右，青檸紅茶就到啦！平時青檸梳打就飲得多，青檸紅茶就第一次聽！青檸酸，同紅茶異常地合拍！感覺非常清新！串燒都燒得好好，肉質係嫩嘅，仲保留左啲肉汁添，配上去自家製嘅沙爹汁，惹味十足！之後就到海南雞飯！套餐亦會有一碗椰子雞湯奉上，味道清甜，飲完一啖之後就會好有衝動一口氣飲晒佢！因為實在真係太好味！因為正值減肥，所以將個雞飯變咗做白飯，配上佢秘製嘅辣椒醬汁，成個飯即刻升level！絕對係有層次嘅辣度。雞件亦都啖啖肉，肉質嫩滑，係encore自選啊！

今天去了尖沙咀一間泰國餐廳，環境營造到一般泰國街邊風格，很地道，環境很整潔。我們點了一客泰式海南雞飯，很便宜，$42連椰子雞湯，海南雞很嫩滑，黃薑飯也很香，飯質很好。椰子雞湯的椰子味夠濃。泰式切鴨金邊粉，鴨塊數量比想象中多，有6-7塊，也很嫩滑，配菜有芽菜、莞茜、炸豬皮等等，旁旁有辣椒粉，辣汁、砂糖供自行調味，整個格局和菜式令我想起在泰國的地道餐店。炸蝦餅熱騰騰很彈牙，而且看到新鮮蝦肉，十分美味可口，一試難忘。串燒：豬、牛、雞、豬頸肉各一串，豬比較出色，醬汁有花生醬調味，但個人認為醬汁可以調得濃多點。

朋友極力要帶我來一試（他自身家族是泰國人， 所以他很想一試）而一入屋確是有一番泰式風味， 真的抱著歡喜！ 但可能真的是100%泰風口味， 我真的是不懂，亦自問自己真的吃不慣， 湯底是黑色底的，看得出是用特別材料熬出來， 並帶有點藥膳味道， 但吃出來是淡淡的，所以自行加了很很很多醬油， 而且還發脹了，奈何真的吃不下了！ 同行的2個朋友都吃不下了， 但若真有下一次， 我會選擇叫海南雞飯， 看其他桌的飯類都不錯。

星期六晚飯時段係尖沙咀行完街去左食呢間泰國船麵 之前係網上見有人介紹過所以都幾期待 一入到去好少人 我地兩個人一共叫左三樣野 海南雞飯 滷水豬手湯河同原隻尤魚筒 另外再加泰式奶茶但可惜幾樣味道都好麻麻 幾令人失望 海南雞飯味道一般加上唔係幾熱 但跟餐既椰子雞湯相比之下幾好飲 滷水豬手湯河啲豬手幾淋 但冇乜肉味 湯底幾濃 但唔係之前係泰國試過既味道 原隻尤魚筒本身以為唔會太差 但黎到都係一樣唔係幾熱 啲醬汁係個啲雞翼酸辣醬 味道唔係好夾 所以成餐飯都係失望告終

當日因工作關係試左不下十間嘅泰式菜 由九龍城轉戰到尖沙咀 嚟到厚福街呢間羅勇泰國粉麵🍽門面幾靚仔～大約四五點去到 下午茶時間人唔太多 見到有店員串緊串燒 我地都叫左嚟試下 一串牛一串雞串燒味道唔錯 點埋個沙嗲醬！幾香幾惹味架🤤又食船麵喇 試左幾間對船麵了解十足 呢間真係唔掂喎 😩 個湯有陣好怪嘅味 五個人都食唔曬 😰😰😰😰因為湯真係好重要 湯一唔得呢 碗麵其他都唔想食落去 真係搞唔掂仲有叫左個燒魷魚桶 正常水準啦!但係我道未必會再幫襯喇