羅勇泰國粉麵 (已結業)

我太耐冇食過泰國舖頭既鴨肉湯河喇，放完工試下去尖沙咀睇下有咩野食先，咁岩經過厚福街，見到新開無幾耐既泰式河粉，見他的湯底都好濃郁，於事入去試下。其實泰國船河一向以湯底聞名，而這間餐廳用羅勇地區既配方整船河。【泰式鴨肉湯河】$42非常濃郁而無味精湯頭，又有炸豬皮鴨肉芽菜通菜蔥等配料，份量不算多，鴨肉係一塊塊肉沒有骨，唔錯，麵底選取超寬粉 ，像河粉般的，稍有口感。【豬、牛串燒】厚切既豬同牛都保留到肉汁，燒完都唔乾，烤得剛剛好，還仲帶點青檸味，有些驚喜，再點上花生沙嗲醬更加美味。【青檸梳打】炎炎夏日，緊係叫杯青檸梳打來降降火。

你以為九龍城先至有泰國菜食？厚福街有好多好嘢食今次就試咗呢間羅勇泰國粉麵 點解我會特登走過去尖沙咀食？因為老闆娘係泰國人嚟 可以食下d正宗泰國菜！同朋友都好鐘意食泰式生蝦 呢到採用既生蝦都幾爽口！不錯不錯！重點係佢個汁酸酸辣辣 仲配上蒜片同辣椒片係旁邊 鐘意重口味既朋友可以夾住一齊食！我叫左個羅勇什錦湯河 佢個湯係鹵水湯全無味噌！枱面有4款調味料 可以自行調至自己鐘意既味道 呢到既河粉同平時食既河粉好唔同 佢係勁闊 好似腸粉皮咁😂😂仲有魚片豬肉丸魚蛋 面頭有d脆脆增加口感朋友叫左個海南雞飯配椰子雞湯 湯同樣係無加味噌 但都好濃好好飲 如果有得添就好啦！油飯同樣出色 雞肉都啱啱好夠送飯仲叫左杯泰式奶茶 不過我自己就覺得甜左少少 朋友就覺得啱啱好整體嚟講性價比幾高 晚餐都係$42一個海南雞飯真係好抵食 出開尖沙咀又想食泰國菜一定要試下

叫左碗扎肉金邊粉！！湯既色好深但完全無味重有啲怪怪地！！食左兩啖！！食左扎肉同菜就食完！！完全食唔落！！杯凍奶茶係掂既！！我都唔明點解有咁多好評！！sorry無下次！

同朋友行經厚福街，見到裝修都乾淨，又唔洗排隊，就求其入左去坐低。 本身唔肚餓，同埋有d唔舒服，諗住清清地叫碗扎肉泰式湯金邊粉，朋友就叫左個海南雞米粉。兩碗野都幾靚仔，見到個湯底咁深色，諗住個湯應該都濃味，點知食落口冇咩味，只有好少好少既香料味，感覺似係有d好淡既醬油湯。 我同朋友都頂唔到，食左一半都真係放棄左。。。但扎肉係還ok既。 中途聽到對面枱話串燒好食。 oh, 可惜已食唔到，應該都唔會再試第二次了。

今日同朋友都好想食泰國野，見係尖沙咀行到攰攰地，就去左厚褔街呢條美食聚集之地去覓食，行過羅勇泰國粉麵見到呢間以藍色為主的餐廳，覺得好吸引，就即刻入去試試，我地七點來到都未算多人，而且環境都好光猛，員工又好NICE，見到我心大心細時，都有介紹下有乜好西食，真係好GOOD呀，睇下餐牌，啲價錢都好大眾化，又吾貴，真係好抵呀。。羅勇海南雞飯雞肉都好嫩滑，飯都好夠味道。最開心係個汁有得選擇辣或吾辣，個汁酸酸地都好開胃，配埋啲飯剛剛好。送埋一個椰子鷄湯，啲湯好香椰子味，又吾太咸。牛肉湯河牛肉都好嫩滑， 秘製湯底又香又滑，好有泰國風味。炸蝦餅蝦的份量都吾小，炸得又脆又彈牙，正！炸墨魚餅入口香，好爽口，有墨魚味，真係好吸引！

文字嘅威力真係好大，內容寫到碗船麵非食不可，所以試左羅勇什錦河。但成碗麵是沒有內容的......無味！鴨肉飯一般。雞肉同牛肉串燒都係伏！牛肉醃得難食，但個重點係個醬。真係唔點好過點🤮

船河近來相當hit，植入式廣告效應下，經過附近，心思思，大件事，一齊去整翻碗先😜羅勇什錦湯金邊粉48無味精湯頭，有炸豬皮扎肉魚旦丸物芽菜通菜蔥等配料，份量不多，金邊粉無河粉特色，牛丸卻挺有咬口，豬肉丸有肉香嘛！個人口味重，面食味道感覺淡，所以另加辣魚露，就頓時好吃多了。秘制滷水豬手湯河48這兒河粉最特色，獨有風格，一大塊的面條，更易索上湯汁，令味道十分豐富。豬手沒有可惡的毛在，含骨膠原，吃完感覺皮膚會好很多😂牛肉串燒15燒完都唔un，而且香料幾入味，沾上花生沙嗲醬食更美味。豬肉串燒15厚切保留到肉汁，烤得恰好，還帶青檸味，有驚喜，一串又一串，相當過癮。豬頸肉串燒15有咬口嚼頭，肉質富彈性，是三者中最吸引。椰青38好大個，味道原始清甜無什質，解渴兼價錢便宜呢！泰式奶茶20有別於平日的奶茶，茶味獨特留香，茶味更勝奶味。食後感：價錢方面，沒有加一很親民。

係口福間搵間便便地，又唔係街邊小食，又可以坐底食嘅餐廳，不妨試下這間泰國野，雖然個餐廳名有d 難記得。.入到去 佢個餐牌價錢相當合宜，比尖沙嘴茶餐廳價便d, 裝潢都唔錯我地六點入到好，餐廳無咩人，心諗，會唔會伏伏地，落完單後，有一半都坐晒人。 兩個女仔係細食d, 叫咗個海南雞河粉，河粉好滑，比港式嘅粗d, 湯底好飲，雞係髀位，好味！試咗佢個泰式奶茶，同泰國飲到嘅差唔多，茶味同奶味幾配合，奶茶都滑，掋讚係佢俾客人自己加糖，避免咗泰國果d 俾甜嘅。試咗佢幾樣串燒，牛，豬頸肉，雞肉， 豬肉。肉本身醃得入味，燒到有小小焦，個漿有小小辣。都好夾。最後黎咗個燒魷魚。全晚最正。魷魚外焦，入面都啱啱熟好彈牙。同平時食果d overcook 嘅原全唔同，加埋漿，幾野成碟食晒。下次經過尖沙嘴，唔想食大餐又想掋食，會encore 呢間餐廳。Menu

即興之約遇上禮拜五，又眞係好難唔洗排隊就食到心儀嘅餐廳。一行三人來到厚福街，縱觀全條街介乎間間都要排隊，我哋都係懶鬼，拒絕熱💩辣辣等位，抱著試下冇壞嘅心態行咗入去。餐廳唔大，餐桌擺位等設計有點茶記feel之餘再帶點懷舊。細看menu，食物選擇比坊間其他泰菜餐廳略少，但特色食物均一應俱全。第一時間order一個椰青消暑降溫兼下火。夠曬冰凍清甜！串燒有小驚喜，肉嫩微焦又惹味，連嗰醬汁都唔係普通嘅沙爹，幾特別。朋友嗌嘅青檸梳打就不過不失。秘制豬手湯金邊粉，湯頭濃香，秘制的豬手看似肥膩卻屬肥而不膩，有少量通菜，還有幾條脆脆豬油渣。金邊粉是我喜愛的口感，應該只是略略滾一下，口感爽滑，不會太腍。濃郁的湯頭已經蓋過了蔥花的清香。哇～ 好大隻吊桶！原隻醬燒，鮮味爽口絕不韌。沾埋酸酸甜甜嘅醬汁，停唔到口～三人之中，有個好鍾意食海南雞嘅朋友，所以lee餐飯又點少得佢呢～ 整體望落，雞肉還可以，但油飯一般。細嚐過後，最驚喜的是這碗椰子雞湯！未入口已經搵到雞湯香味，淡淡椰香，湯甜又滋潤，仲有明目的杞子，只係望落有d油。油飯的米飯質素一般，但油飯仍帶油香。雞髀去骨，嫩滑，嗰醬都唔錯。以尖沙咀週末三人簡餐來講，C

時日假期，來了尖沙嘴閒逛，記得朋友介紹過來厚福街吃飯，街頭巷尾隨處都是食店，發現原來這裡有間泰國食店，一於入內開飯啦我們點了秘製滷水豬手飯、羅勇什錦湯河、炸蝦餅、泰式凍奶茶，及泰式凍咖啡。嘩！每款味道都很好，特別喜歡炸蝦餅，蝦味十足，入口熱辣辣，而什錦河加了四式調味後，倍增美味，大家一定要來吃啊下午茶時間有飲品優惠入到室內就好像去了一個貨櫃般Yum yum 蝦餅，蝦味十足船粉非常地道，原來侍應介紹，很多食材都是由泰國入口的豬手夠稔及味濃椰子雞湯料足火喉夠四式調味配船粉最正奶茶很香咖啡夠濃

位於厚福街較入位置, 都算易搵店員亦都唔錯, d雞有問題都即時換過碟點左三樣野1) 羅勇雜錦湯河闊河粉好滑好特別, 魚蛋同丸都好彈, 湯唔會太濃2) 滷水豬手湯河豬手d肉唔知去晒邊, 得少量豬皮可以食下3) 海南雞飯 (唔辣)飯有點硬, 雞都唔錯, 個醬好味, 跟嘅椰子湯咸左d**不過全部分量都比較少, 價錢亦都唔算平

和媽子行完the one ，係度搵食。 見到呢間店，用人名黎命名好特別，就入去一試。 泰國菜，見到廚師像是泰國人，店員很熱情的招呼我們，雖然餐牌選擇不算太多，但想要的泰式食品也有，叫了我最愛的海南雞飯。舖頭裝修都幾特別，兩邊牆完全唔同感覺，一邊拼貼風，一邊工業風，岩晒我地打下卡。 店仲送了一個椰子雞湯，香香的椰子味，相當滋潤。雞飯黃薑味重，油份量適中，配上店舖自製醬汁，很好送飯。媽媽點了她的最愛鳳爪，配以不同泰國香葉作調味，相當入味，加上已為客人去骨，相信細心。 蝦餅，咬開看到是打到起膠的蝦，即叫即炸，入口脆卜卜，裡面軟綿綿，滿有肉汁。 最後不得不提，羅勇家的什錦湯河，湯底是以豬肉熬製無味精，食完不會口乾，配料也相當豐富，最愛是勁闊身的河粉。相當特別，期待下次再去試其他菜式。真心估唔到尖沙咀都有咁抵食既泰國菜，下次shopping 後又有好選擇。

一放工，超級肚餓....一行七人，去左尖沙咀，揀左呢間。因為雜誌 ，因為open rice 就黎試試.....但係我地食左$100一人...都唔知食左咩！！個個羅勇什錦湯河係完全冇味😤😤😤個湯好深色....有四碟醬俾我地落哂....都完全冇味....飲落去淡過啲水！black list ....我地個個係咁加啲調味料落去，都冇任何甜酸苦味....除左越食越辣之外。成條街得呢間店係冇人，如果唔係OpenRice 推薦...真係唔會入去明明真係好肚餓....但都食唔曬早知就食對面麻麻辣辣或者雲貴香

尖沙咀沒多少家泰國菜，最近發現厚福街的〔羅勇〕，看到餐牌上有鴨粉，實在不再考慮，直接入坐。正好下午茶時段，沒想到人流不斷，二人坐四人枱最好佔一邊。望見餐牌，款款都想食，結果兩個人一碗鴨粉、一碟海南雞飯、兩個小食，就好了鴨粉 湯底極濃郁還帶點藥材味，不像坊間的只有甜味，挺特別！麵底取選寬粉 (喜愛死了)，像河粉般的，稍有口感 ; 鴨件就比較遜色點，只有兩三件肉，其他都是骨，也許會有些人喜愛食骨香味，但我就偏向大啖肉朋友的海南雞飯雞肉很嫩滑，跟上油飯，好好味喔跟的竟然是椰汁雞湯唯獨雞件份量跟飯未成正比，做成最後有飯無餸的情況出現，能多加一兩件雞就好了泰菜必點炸蝦餅及泰式雞腳🍤蝦餅真材實料，炸得好香又彈牙🐥雞腳份量好多，好夠味跟粉麵飯飲品只加$5 ， $5就飲到凍泰式奶茶咖啡，不能錯過嘛！

記得上次食的時候間鋪得2枱客 今次明顯地多左好多🙈.椰子雞湯 HKD15；不專業評級：5/10未上枱就聞到好濃郁的椰子味🤤 乳白味既湯 薄薄的一層雞油 仲加左2粒杞子做點綴🙈 飲落好濃烈的椰子香味甜味同埋雞味 對得住個名👍🏻 店面雖然寫住不添加味精 但唔知點解好重味精味😥 而且偏咸 飲一啖已經feel到飲哂成碗會覺得好口渴.秘制滷水豬手湯河 HKD48；不專業評級：6.5/10湯底味道好複雜🤣 滷水味中帶有甜味 飲飲下又覺得好似有陣微微藥材味？🤣 不過重點係一啲都唔油 唔會有好重的味精味😍 不過相對上次的湯底無咁甜 而且香味無咁濃郁 退步左😔 上面仲有少少炸蒜同埋一舊炸豬皮🤤 好香口👍🏻 豬手切成一片片 本身係凍既 需要利用湯的溫度浸熱佢🙊 唔可以急住食 豬皮好正🤤真係做到入口即溶 不過我無食到佢的泰式河粉 轉左金邊粉😆 金邊粉都入哂啲湯底的滷水味 就算齋食金邊粉都覺得好好食🤣 我喜歡的芽菜同通菜都得好少 有啲唔開心😭不過以HKD48咁既質素同份量真係唔錯💗.豬頸肉串燒 HKD15；不專業評級：3/10真心唔好食😥 豬頸肉厚切呈粒粒狀 雖然口感好淋 唔韌 但真係好油 用HKD15食呢串