影片
營業時間
今日營業
08:30 - 18:00
星期一至六
08:30 - 18:00
星期日
全日休息
以上資料只供參考, 請與餐廳確認詳情
相關文章
食評 (66)
🐟魚片粥 $39多薑蔥，魚片滑，多魚片，粥軟綿綿質地偏稀.🥣皮蛋瘦肉粥 $39瘦肉份量多，不過偏鹹🫢.✨系中環難得搵到老字號粥麵店，估唔到都幾多遊客都會去，店鋪招牌菜鯪魚球，鯇魚腩粥仲要系每日限量，小店座位唔多，每次去都覺得冷氣好大風😂.
繼續閱讀
記憶中第一次幫襯羅富記已經是 37 年前，今日中午路過見入面人小小一於坐低慢慢嘆吓世界，順便回味一下。鯇魚腩粥 個人理解鯇魚腩粥係屬於老餅粥、Uncle 教落食魚腩粥一定要配碟胡椒粉鼓油（自已溝），先呷一口粥、熱辣辣軟綿綿，幾十年完全無變過，師傅功力足。查網上資料食粥在中國有數千年的歷史，是中國一種獨特的傳統飲食方法。不同地方的粥有不同的濃度，而不同地方對其他地方的粥也有不同的別稱。廣東和香港的常見粥品是「生滾粥」，生滾粥是盡量縮短肉類食材受熱的時間，避免肉類因長時間烹煮而變得粗糙，以保持肉類原有的嫰滑口感。生滾粥的做法是從一大鍋粥裏，搯出約一至兩碗份量的粥到另一個較細小的鍋子加熱，然後加入肉類、海鮮或動物内臟等新鮮食材，煮至肉類剛剛熟就立即停止加熱，以保持肉類的鮮嫩香滑。與老火粥的不同之處是生滾粥較強調突出肉類食材本身的味道，盡量保留新鮮肉食的原汁原味，肉類食材在一碗粥中所佔的分量也較多。羅富記師傅原全能表現出煮粥的精粹！魚腩肉質鮮嫩剛剛熟，要挑剔的話魚腩份量偏小，只有約半個魚腩。。。唉、生意難做？！。。。魚片皮蛋粥大至如上、魚片和蛋蛋合格，粥底正！菜心 賣 $23蚊，份量同賣相都不值呢個價錢。。。蜆蚧鯪魚球 （半份） 靈魂嘅蜆蚧水汪汪。。。薑絲都冇條，鯪魚肉一般般，似係雪櫃拎出嚟嘅行貨，油溫控制又不當。。。失望中嘅失望。。。綜合係一間認真做嘅老店粥舖，不過感覺上老板已經年事已高，有啲嘢顧唔到咁多（或者已經退咗休唔想理）。。。希望有認真想做嘅接班人𠄘傳落去。。。
繼續閱讀
又到星期六，同男朋友一早去健步到灣仔中環海濱長廊，再到上環覓食。最後去中環羅富記食中式早餐😄😄店內人唔多，姐姐們都好友善，為我介紹下⋯油條 - 都幾大條，脆口，配粥一流😉及第粥 - 有3塊豬潤，2粒豬肉丸，豬肚和豬腰。豬潤要比like 和讚👍🏻，好好食，好嫩口，唔會覺得鞋；豬肉丸好彈牙，相信打左好耐先有呢個口感；粥底唔太結，是我地喜歡既質感，幾好😋😋蜆蚧鯪魚球 (小) - 忘記影相😅，係有3粒。炸好上檯係幾大粒，幾香口。充滿有陳皮味，但魚肉唔會係好實果隻，加埋蜆蚧醬，味道好夾呀。牛腩撈麵 - 個幼麵好大個，爽口彈牙，鹼水味唔太重，口感上乘，反而牛腩就一般。姐姐們都友善，係會感受到老店的人情味，而非一些小或老店會唔理人。應該會再返來食粥😆😋
繼續閱讀
中環返工唔知食乜好 加上最近腸胃都差 諗住食粥清清地 同事推薦呢間羅富記 好呀 幾個一齊去食囉店面同裝修都好懷舊 非常古色古香 見到細煲仔滾緊粥就已經流口水 坐低一睇餐牌 喂 有面食 不如食面 見佢鯪魚球好似好得 推介晒又周圍貼 就要左個鯪魚球面 食粥呢家嘢都係下次面質爽口彈牙 但鹼水味特重 係人生食過數一數二重 唔落醋真係食唔到 佢隻鯪魚球係 偏鬆軟 但都唔係冇咬口 同唔係出面好死實果隻 中意彈牙朋友可以免試 另外陳皮碎都多 我個人幾中意 可能有啲朋友就一般啦 湯底 唔係純大地魚湯 但飲到大地魚已經好叻 呢個時世 九成面檔個湯求其 唔會同你做大地魚總結不過不失 三四十蚊 中環鬧市 仲想點呀溫提 個面都算快淋 趁熱食唔好玩手機啦
繼續閱讀
聽講呢一間係好出名嘅粥麵店，喺中上環一帶好似已經有好多年歷史，今日真係第一次幫襯，叫咗腰潤粥、豬膶牛肉粥、雲吞麵、同埋炸鯪魚球。腰潤粥真係唔錯，難得佢嘅豬腰同埋豬膶兩樣都好食，佢啲豬腰夠爽口而豬膶亦都夠嫩唔會鞋颯颯，最重要嘅就係豬腰無尿味，粥底唔錯。豬膶牛肉粥嘅豬膶當然好食，不過佢嘅牛肉都ok，作為生滾粥，佢嘅牛肉無煮over，唔會成塊牛肉剛乾咁。雲吞麵嘅雲吞都唔錯，入面嘅餡都幾新鮮，d蝦嘅肉質都ok，爽口彈牙。呢間店嘅炸鯪魚球好大粒好好食，點賣蜆芥汁就very good了。
繼續閱讀