羅馬餐廳

營業中

休息中

～經典早餐沙爹牛肉麵 + 火腿炒蛋多士沙爹醬汁應該是自家調製，不過入口淡而無味。。。。牛肉醃到死實實，唯一可取的是公仔麵煮得唔錯，剛剛熟、入口重有小小爽口彈牙。炒蛋估計師傅想做到炒滑蛋效果，不過眼高手底，無論蛋漿比例，時間同火喉掌握都只留於初哥階段。。。結果係令到邊沿位置嘅炒蛋入口老柴，中間啲蛋漿重係”水汪汪”的感覺，火腿不過不失，烘多士合格奶茶合格綜合只是一間普普通通的地方茶餐廳，路過肚餓嘅可以試試無妨，唔食又唔會有損失。

呢間嘢持住喺梅窩碼頭獨攬，員工質素好有問題講嘢又大大聲，早幾日見到佢地個肥仔樓面大聲鬧個客，鬧走左個客之後乒鈴乓啷執枱執凳，而家在場所有客人都得罪咗你？你EQ咁低真係超級影響在場顧客用膳囉，我係你老闆見到咁一早炒咗你，個肥仔又勁唔衛生，眼見佢用手撩鼻屎跟手就攞之叉比個客，大佬呀，睇到之後當堂食唔落。食物又係，食個午餐啲雞扒又唔熟，乾炒牛河啲牛肉就黐埋一舊又係炒唔熟，人開餐廳，你開餐廳，真心差到冇朋友，以後黎梅窩都係去食返M記算數，呢間嘢真係癡線架。

星期四的晚上，離開梅窩之前，在梅窩碼頭附近覓食，看到這間餐廳外表裝潢非常懷舊，但價錢算是比較合宜，所以決定一試。.🍴咖喱海鮮炒飯很好食的炒飯，每一粒飯都有咖喱味，而海鮮亦都非常入味，不會像平時那些餐廳，海鮮會吃到雪氣。.🍴黑椒豬扒炒出前一丁出前一丁口感彈牙，軟硬度剛好。豬扒非常入味，而且啖啖肉，是非常好吃的一碟炒一丁👍🏻.🍴黃金魚皮要數到我最喜愛的，一定是這一碟黃金魚皮。魚皮卜卜脆，鹹蛋黃味亦非常濃郁，而且完全滲透整塊魚皮。不像一些黃金魚皮般，看到一粒粒的黃金粒，而是已經與魚皮融為一體，好食👍🏻👍🏻👍🏻.雖然價錢跟市區的茶餐廳相比略貴一點，但在梅窩來說，是一個很好的選擇，而且份量超大，其實兩個人叫一碟炒麵/飯是絕對夠飽的😋

街坊熟客，食物質素我覺得還可以， 梅窩都沒有太多選擇。但每次去食晚市，8點鍾都未夠，佢地間餐廳full house仲有大把人食緊野既時候 （好多次係我落完單既時候，或者仲入緊新客時），佢地d伙記就會開一桶有勁濃烈天拿水或滴露既水桶出來開始勁落力咁拖地，話知你大人細路喺度開緊大餐～睇得出好想準時收工。陣味係攻到你即刻想嘔番晒d野食出嚟，一路食一路索天拿。奇在出名惡死老闆娘係無出聲阻止? 似乎係默認伙記既做法。咁既環境食野對身體做成既傷害有幾多係估計唔倒。拖個地要幾耐? 洗唔洗個客仲開緊餐時喺側邊倒d天拿拖地水係咁攻人走? 你等d客走晒一次過拖15分鐘乜都拖晒啦！真係攞命！

今天一行七人由貝澳行到梅窩，原本想去碼頭附近排檔搵食，行經這間餐廳，名字似曾相識，好似老字號，但新裝修，再睇下個門口價錢菜單，價錢大眾化，望下裏面啲食客枱面食物，賣相不錯，格價比我想像中好，於是走入去一試，有張8人長枱，坐得都算舒服，原本各人點午餐一份，但最後發現可以叫小菜價錢心很合宜，最後叫左6個小菜，另加餐飲和湯，大家對食物都有讚冇彈，食到飽飽，埋單500有找，性價比一流，要介紹比大家。仲有一樣，裏面侍應人手充足，招呼不錯，眼見他們之間關係也很融洽，仿似一家人，見到也開心。

假日同朋友黎梅窩玩😙成大班人諗住近近地就入左間茶記叫左個黑白西多、鰻魚炒飯、炸髀薯條同芥末雞扒包。🍫黑白西多賣相吸引，朱古力+煉奶既組合無得頂。🍲鰻魚炒飯係隨便叫既，點知就最驚豔！燒汁夠晒味又有鑊氣，成碟食晒！🍔炸髀同雞扒包就不過不失。值得一讚係侍應哥哥服務態度好好👍座位都坐得舒服，推薦！

一家三口到梅窩渡假梅窩環境幽靜，人吾多去完沙灘游水，好肚餓便到碼頭附近搵食餐廳選擇唔多，部分仲已經閂咗門見到羅馬餐廳仲有開(營業至9:00pm)就即時入去坐低叫了三個小菜配白飯沙嗲金菇肥牛粉絲煲 $72 (跟白飯)第一眼覺得份量吾多，原來都好飽肚，味道都吾錯，可能好肚餓，味道尚算吾錯菠蘿生炒骨 $68 (跟白飯)配有菠蘿，紅椒，青椒，黃椒，酸酸甜甜汁可以餸飯生炒骨就不過不失椒鹽豆腐 $68 (跟白飯)普普通通，冇特別驚喜+$9 跟凍飲+$9 跟合掌瓜紅蘿蔔湯整體來說，附近冇咩選擇下，呢間係抵食📸環境指數🌕🌕🌑🌑🌑🤵🏼‍♀️服務指數🌕🌕🌕🌑🌑👅味道指數🌕🌕🌕🌑🌑💰抵食指數🌕🌕🌕🌕🌑👍推介指數🌕🌕🌕🌑🌑

嘆返餐羅馬菜先！港扒總有她吸引之處。凍檸茶走甜，極清淡的茶味，冰茶清爽的，顏色通透的。青紅蘿蔔粟米湯，沒有羅宋湯只有中湯都可以，清淡而蔬菜味較特出。腸仔太陽蛋沙嗲牛肉出前一丁，腸仔高質熱狗腸，嚥嚥韌韌，味濃不過咸。牛肉片反而有點不夠新鮮，食得到隔夜雪櫃味。太陽蛋微暖滑溜帶焦香，整隻啪入完美消滅。居然係長洲覓到高質出前一丁！久違了的爽彈麵條，撈埋香甜沙嗲汁可口醒神，掛著無敵香滑蛋汁啜得更加開心無比！黑椒汁，嚐得到黑椒香辣味十分喜歡，再辣一點就更暢快！先辣後甜兼厚身不水，配意粉或配扒類同樣美妙。羅馬鐵板餐黑椒汁雞扒意粉，估唔到重量級有兩大塊雞扒，厚身脆皮肥美真煎雞扒，無馬虎無求其無偷懶掉落炸爐自生自滅，有誠意不讚不可！雞皮金黃焦脆，雞肉白滑肉汁澎湃欲滴，肉味甜撞醃味清新，黑椒汁助攻，我心滿意足。茶記意粉全熟但濕中帶滑，掛滿香辣黑椒汁狠狠地捲狠狠地塞，飽飽滿足。羅馬鐵板餐黑椒汁牛扒，落重本厚切西冷扒，最討厭薄衣衣的！厚身更鎖肉汁，牛味更濃郁，外層微焦更香口，中間嫩紅滑滑帶肉甜，不太鬆不太醃我喜歡。

離島食乜好。羅馬餐廳梅窩有間街坊飯堂，雖然係茶餐廳，但食物質素都唔錯㗎😋 大家如果有時入梅窩玩，想食吓中式嘢，可以一試😉🌟推薦佢哋嘅鐵板餐，大大份又好味😋

羅馬餐廳同frd係梅窩hea咗一日就求其搵間餐坐低食嘢。 —————————————————————    坐低見到有扒餐就即叫一人一個雜扒餐，因為大家都好肚餓，可以食到勁多嘢。呢個扒餐勁抵，首先有紅湯，有豬扒，雞扒，火腿，腸仔，薯條，仲有得揀白飯or意粉，仲要係鐡皮上，仲有嘢飲。雖然唔係話好好食，但質數都真係唔錯，同埋咁大份，好啱我呢啲人食，豬扒雞扒都係大大塊，好滿意。—————————————————————  羅馬餐廳地址:  大嶼山梅窩碼頭路11號銀輝大廈地下A號舖

I ordered a cup of hot coffee and condensed milk & butter toast. That’s just cost me $27. Cheap price and nice taste. The waitress has very high efficiency. A bit crowded as the tables are quite closely placed and the customers are so many. So I am so appreciate the effectiveness of the waitress of fast allocation of the seat of different customers.

又係享受好食既時候，來到呢間好有食野氣氛既羅馬餐廳行入去就有食欲，來杯養生又解渴的凍檸檬水少甜少冰，開胃增加食慾，是個理想的前菜，番茄汁牛扒配細腸德國廚師腸火腿片意粉，黑椒雞扒亦有相同配置，咪睇小細腸看似平凡，食起上黎先知原來係好嘢，細心求證後先知係傳說中既德國廚師腸，其實用呢條咁好食既細腸做主菜也不為過，同樣係配菜既意粉相當爽口好味，牛扒與雞扒都係水準之上，全部都係令人印象深刻之作！最後每人六十蚊埋單算喺好抵食了！

天氣微涼，陽光普照美麗的一天，同幾位閨蜜一起到梅窩離島一日遊。一落船行過對面巴士站就見到呢一間羅馬餐廳，小店形式，服務熱情，員工有禮，已經大有好感。坐下在看餐牌已經非常肚餓，更加上餐廳老闆夫婦，熱情推介餐廳特色小菜，亦都非常期望呢一餐，美味嘅午餐，因為一早已經出門未有時間食早餐，肚裏面已經都鼓鼓聲！小菜好快已經送上，果然沒有失望！很美味的一餐，冇想到梅窩一個小小嘅離島，竟然有咁好味嘅餐廳，好滿足！點左以下嘅小菜：椒鹽鮮魷，牛肉粒炒四季豆，薑蔥炆鯇魚腩，蜜汁黑椒雞翼最後再加一個公司三文治。非常美味，依家諗起都想再食！而且老闆好用心地去問我哋對每一道菜嘅意見，希望能夠吸收客人嘅意見，再精益求精為餐廳煮出更美味嘅食品！敬業樂業嘅精神真係冇得頂！👍因為食得太飽已經唔可以再食其他嘢啦，但係一路坐響餐廳，見到不停有其他客人order嘅菜式好似，乾燒伊麵，鐵板餐，同埋set lunch樣樣都好好味! 真係希望我個肚可以再裝得落一啲其他嘅食物,可以一次過試晒佢唔同嘅食物及菜式! 😋飯後老闆夫婦更加知道我哋之前好耐都未嚟過梅窩，特意介紹一啲景點要我哋一定要去啊！很寧靜舒服的一個飯後的散步，環境優美，路人

羅馬餐廳喺梅窩碼頭附近的茶餐廳, 婆婆今日出梅窩送貨, 肚仔餓, 順便食埋個午餐才搭船走人, 在碼頭附近行了一圈, 這間比較價錢合理! 午餐多款選擇, 全部均一價$52!午餐 : 麵豉醬蒸排骨飯 (包餐湯及熱飲)$52 一個午餐如此大堆頭羅宋湯 ~ 足料夠濃, 內有很多蔬菜及紅蘿蔔, 辣辣地, 唔鹹, 好飲麵豉醬蒸排骨 ~  飯餸分開上, 碟豉排骨份量好多, 足夠兩個婆婆分甘同味, 碗飯都係大大碗的, 講返碟麵豉醬蒸排骨, 排骨半肥瘦, 腍滑入味, 麵豉醬香而不鹹, 很好餸飯!奶茶 ~ 茶味夠濃, 略欠少少滑度!

This cha chen tang is so rural, its in Mui Wo. Close to the pier, turn right after Jockey club. However, it has one of the best HK Style Tea set here. I had deep fried drum stick. It was super hot when served. The skin is extremely crispy. I can literally here the big noise I made when chewing on the crunchy skin. Oh just the thought of it waters my mouth. It comes with crinkle- cut french fries. They are equally good as well.