羅麥記 (已結業)

Since my last visit, there are so many new dishes on the menu.The most impressive page was the instant noodles.There are at least 8 different ways they serve it.It was really difficult choosing between the laksa one and the fermented beancurd one.In the end I had the fermented beancurd so that I could compare it to this other restaurant.There was so much chicken and the fermented beancurd sauce was light but at least it wasn't cloyingly sweet compared to this other restaurant.Also had the typhoo

對於90後巨蟹座既我 真係超級無敵鐘意懷舊野，上次黎過希慎14樓食野見到間好80−90年代既餐廳，原來羅麥記開左分店係到，今日即刻捉朋友黎陪我食，一黎到淨係個門口已經用到我幾十張底片，裡面用左寫大字既作風做左副牆，仲有大排檔感覺既水吧磚頭焗豬扒飯$85必叫打卡啦！麵包磚包住茄汁焗豬扒飯，豬扒份量都幾多，已經切開左分成9塊左右，炒飯大約到麵包既一半，唔算過多，2個人食岩岩好，個包都食左大半，邊位好脆，但如果多d汁就更加好啦蜂蜜豬手仔$48香甜蜂蜜包實燒豬手仔， 香甜可口，有如食蜜餞滋味。 選材用豬手仔， 比大般大豬手雖然較少肉， 但脂肪比例卻低很多， 並無太重油膩感，是一個好小食！！蠔油時蔬$32成日出街食飯叫番碟菜食，盡可能蠔油另上啦西餐前菜都食沙律啦，中餐咪食碟菜心囉😂狂牛$38士多啤梨雪糕上有有爆炸糖，口感幾過引😆下次食雪糕都加d爆炸糖先，食完雪糕仲有3色椰果，食哂仲有利賓納梳打飲，簡直係多重口感💛紅豆粒粒奶茶$38💙真材實料！最欣賞佢除了普通冰塊外，亦加上紅豆奶茶做冰底， 再加上粒粒紅豆同手調奶茶， 絕對唔會越飲越淡，相反仲越飲越濃。 喜歡紅豆既你，一定唔可以放過， 起馬1/3

〖力推〗懷舊冰室水吧， 霓虹燈招牌， 曾灶才式大字壁，你就會搵到『羅麥記』磚頭焗豬扒飯$85麵包磚包住茄汁焗豬，豬扒份量夠多，炒飯同麵包比例各半，兩人分剛好。不過汁唔夠多， 建議另上一份特調汁點包食， 仲可以收多份錢，哈哈！蜂蜜豬手仔$48蜂蜜包實燒豬手仔，香甜，有趙口，黑椒味出。如果，呢份野用黎送酒，我應該晚晚都飲醉。 紅豆粒粒奶茶$38紅豆奶茶做冰底， 加半杯粒粒紅豆，添上手調奶茶， 越飲越濃，絕對係誠意之作。 坦白講， 呢間『高級茶記』係抵食， 每樣菜式，都係誠意之作，絕對唔似抄上抄，十分欣賞。

上次帶國外朋友黎，好喜歡香港七十年代冰室，羅麥記感覺十分懷舊，又可以食到香港經典的地道美食，今晚又帶台灣朋友黎。晚餐選擇種類多，連鐵板餐都有。窗外的景觀一流，是高樓大厦，晚上着了燈就像星星一樣。連台灣朋友都知道最佳拍檔這首老歌。最鍾意食冰室小食。凍蜂蜜奶茶($26)茶味很濃，蜂蜜都溶化在裡面，不會死甜。紅豆冰粒粒奶茶($38)新鮮組合，結合紅豆冰塊和奶茶，超多紅豆，有成大半杯。土炮小食蝦多士($60/5件)，蝦多士好吸引，都幾大份，蝦肉都幾厚，充滿蝦味，仲加左白芝麻，麵包外脆內軟。哈哈哈炒飯($68)加左蝦羔、蝦米、蝦球，飯炒得粒粒分明，不會很油，算幾乾身，有3隻爽口大蝦，蝦干也有不少，加了肉鬆味道更豐富。麥sir乳鴿仔($56)皮脆肉嫩，一口咬下去，肉汁爆出來。羅麥雞翼撈通粉($53)雞翼很入味，又軟嫩，通粉蠻有嚼勁，不過鹹了一點。

聽新加坡朋友黎香港既時侯要特登去銅鑼灣食羅麥記，但身為香港人竟然一次都冇食過🙈舊式茶記點可以唔試紅豆冰 ($38)！真材實料，好重花奶味，而紅豆大大粒，食落好正！但糖水實在放得有啲多，愈飲愈甜😂磚頭茄汁豬扒飯 ($85) 呢個應該係招牌食物！我見到幅圖已經決定咗食呢個😆 唔好睇個飯好似好大，其實下面有一半都係包😂 茄汁舖滿哂成個飯，豬扒多到疊起哂，好似仲多過飯。豬扒整得好冧，味道幾好。但下次我黎會叫翻焗豬，因為個包食落冇咩味🙈羅麥汁牛河 ($68) 同乾炒牛河係好唔同。呢個牛河比較濕身，汁係豉油加糖既味道，比較稠。牛肉味道不錯，但個汁好唔好食就見仁見志。點可以唔叫埋小食🤣 蜂蜜炸魷魚鬚 ($48) 同蜂蜜雞翼 ($48/ 5隻) 兩樣甜甜的幾好味~ 我就覺得魷魚鬚比較好食~

晚飯時間同友人都想食d港式小炒諗起hysan 14 樓羅麥記， 係間比較有特式嘅茶餐廳2 個人叫咗2 個晚餐老干媽炒四季豆 $68可能係for送飯嘅關係la, 我覺得好鹹好重口味辣椒齋食堅辣😂同埋應該落咗好多油炒， 食落麻麻沙嗲金菇肥牛煲 $85又係好鹹！雖然金菇得好少， 不過值得一讚嘅係好多肥牛， 有落足料呀 仲有， 好夠火喉， 上咗檯一段時間食落都係好熱價錢包埋飯/意粉仲有碗餐湯 中湯係鹽水味。 飲咗兩啖就拜拜我唔知係我食得淡定真係超鹹唔太啱我口味

是日星期天約了K姐遊誠品🤓📖，傾談一起出走計劃📋。記得之前跟朋友在青衣已食過“羅麥記”，今日嚟到希慎又點唔再幫襯呀～😉😉。K姐甚少去銅鑼灣，所以根本沒試過“羅麥記”，好啦～😊😊等我帶K姐嘆一下佢哋嘅美食啦😄😄。打開餐牌選擇多到可食足1星期，我哋已經有確定目標，大家又牛魔王上身🐮🐂，乾炒牛河，夠鑊氣🔥、 沙爹牛肉包，沙爹好惹味😋、芝味牛肉蔥油餅卷，夠晒熱辣辣，🧀芝士味十足🔟，再加蜂蜜雞翼🐤🐥，香脆可口，同埋蜂蜜紅豆西多士，食到滿口豐富的紅豆蓉，甜而不膩，搽上牛油，增加點蜜糖，令西多士更香甜美味😍，超豐富的中午餐。🤣🤣飲品方面 : 我飲北海道牛奶咖啡☕，K姐就要熱奶茶🍵。咖啡不像港式的味道，不苦澀，而且有北海道牛奶的香🥛。熱奶茶夠滑，茶味香濃，K姐仲嫌太細杯，唔夠喉，再嗌多一杯。雖然今日星期日打風又落雨🌨🌩☔，都不會破壞心情去享受呢個Happy Sunday😁😁。

同男朋友去左希慎行街街，順便去埋誠品逛逛，之後去左14/F食晚飯，上到去實在太多選擇，火鍋，Pizza還有中菜同港式茶餐廳，最後男友想食呢間懷舊裝修茶餐廳，卡位最舒服如回到t七十年代咁。正門大大個燈寫著LM羅麥記！還有好多餐牌推介食物！坐低後四圍打量，好有feel嘅燈有手寫在牆嘅字句，簡單介紹佢地嘅由來同特色。晚飯套餐 A 梅菜扣肉 + 白飯 + 中湯 $68簡簡單單味道唔錯，份量較大，兩個share都夠，梅菜鹹鹹甜甜半肥瘦五花腩香軟層層唔同口感，肥肉香瘦肉有咬口，而醬汁餸飯無得輸！銅鑼灣區都做到咁嘅價錢好優惠，食物質素高。足料中湯 + 跟餐油菜 $22油菜翠綠爽甜 經典虾多士 5件 $60咬落鬆化香脆，虾膠厚厚醮點沙律醬減底油膩感，熱辣辣！好多好多懷舊特色飲品雪糕紅豆沙 $38冰室用嘅杯盛著滿滿嘅雲呢嗱雪糕球，底部全部係粒粒紅豆，有嚼頭可口！男朋友選擇左美綠暴龍 $38足料夠大杯，口味較濃郁，啱晒佢呢個美綠迷，真奇怪，同屋企自己沖點都有點分別。

羅麥記一間幾多特色食物嘅餐廳，以前係康怡廣場有分店，但食物好差，現已結束營業！所以一直對呢間餐廳無乜好感，但今次試試，竟然無失望！午市有套餐，有湯有飲品，加20幾元有碟油菜，但碟菜心好硬，份量仲得好少！例湯係木瓜湯，味道都算Ok! 套餐揀了咸蛋蒸肉餅飯，大大隻咸蛋，肉餅都好大碟，唔會好䶢，味道適中！杯凍檸茶好有茶記feel，茶味香濃！套餐就好快到，但三文治就要等比較耐，可能唔係套餐，要另外整，所以等得耐，呢度好奇怪三文治竟然冇得烘底，我叫了餐肉火腿三文治，餐肉同火腿都輕輕煎過，味道很好，唔會係啲好鹹嘅餐肉！餐廳店員好有禮貌，但可惜如果要杯水都要叫先比，環境都算乾淨。我見到一個人嚟午餐嘅客人都唔需要搭枱，一人一張細枱，服務都好好！

茶餐廳真的可代表香港飲食文化之一。以前的人為了生計，都會去茶餐㕔佳因又快又平，懶理裝潢，懶理衛生，只要飽肚。但現今己進化了，無論裝潢，水準都有所進步，顧客們的要求也提高了。今晚去了希慎廣場上的一間茶餐室，裝潢懷舊，有卡座，還可遠觀景色。炒河己有一段曰子無食過了，心癢癢叫了一碟避風塘牛肉炒河。上枱時己聞到一陣鑊氣香味，勁邪悪。牛肉份量頗多，肉質軟熟有肉香。由於是避風塘炒法，味道帶辣，好惹味，炒得乾爽，還有芽菜和蔥條增加口感。久違的炒河無得輸。另點了一隻西檸蜂蜜乳鴿仔，肉質細嫩，啖啖肉香。外皮沾滿了西檸蜜汁，甜甜蜜蜜好開胃。整整一餐只是一百多少少，非常抵食，水準也不遜於大酒家，值得推介。

同家人行銅鑼灣買月餅做好準備迎接中秋節，順便去左羅麥記嘆晚餐，趁外甥仔放暑期帶埋佢一齊，其實羅麥記係香港首間懷舊概念店，以70年代嘅冰室做主題，啱晒我地70後嘅人懷念下兒時。當然媽媽會最有感覺啦，辛苦照顧我同妹妹。好場景feel 晚市推介多款A - G 款式還配飯或意粉及例湯G脆片蒜香雞半隻 $88心水之選，賣相超得，食落皮脆肉嫩又肥美，真係出色醮點蒜香汁更夠惹味！ 例湯都ok 粟米紅蘿蔔湯 跟餐另加$22 可選紅酒牛脷比媽媽牛脷煎香再落紅酒汁，夠晒鹹香有嚼頭，而且牛味都好濃下！竟然比外甥仔發現左兒童餐，佢話自己揀喎！白汁普普通通唔算濃味，薯條用上粗身波浪夠壞舊，還有Qoo飲品！飛機食物盤蠻可愛 羅麥汁炒牛河 $68賣相吸引，味道好但個汁就偏甜，除牛肉外還有四季豆，即時諗起亂棍打死牛魔王！ 熱檸蜜食飽左幫助消化，大滿足！ 估唔到銅鑼灣高級地段可以有咁經濟價錢食物而質素又高！

友人來電相約飯敍，餐廳由我決定，不過就有兩個要求，講明吃飯地點要在銅鑼灣區和想吃港式美食。其實銅鑼灣區嘅本土美食多的是，一時間真的有點難以取捨。記得希慎廣場有間叫「羅麥記」嘅懷舊冰室，餐廳以香港六七十年代做主題，由門面到內裡裝飾都充滿老香港氣味，加上店裡嘅食物，傳統得嚟又有創意，所以都幾受食客歡迎，就一於不作他想，希望會符合到友人嘅心意啦！餐廳位於希慎廣場 14 樓，門口嘅紅色鐵閘非常搶眼，閘外掛了一個鐵皮信箱，而旁邊就擺放咗一系列六七十年代嘅日用品，包括有舊電視、古董收音機、熱水瓶、早已停產嘅火水燈同電風扇等，全部都滿載著港人嘅集體回憶，配上階磚地板，裝潢懷舊得來卻又令人有份親切感。據說「羅麥記」的誕生，是源自於兩位生於七十年代的東主，一位姓羅，另一位姓麥，由於他們對香港有著深厚的感情，因此開設了這間懷舊冰室，藉此帶大家回味一下舊時嘅 Good Old Days。至於另一邊嘅用餐區，牆身上就貼滿了懷舊廣告招牌，當中有好些產品其實早已經停產，令入不勝唏噓！打開店員送上的餐牌，食物分門別類，除了有一系列羅麥經典美食外，其它選項仲包括有土炮小食、蜜糖系列、三文治厚多士、向世界撈面、磚頭焗飯

星期日約了表姐去了銅鑼灣逛街，大熱天時緊係去商場裏面逛下啦。之後去了希慎的高級茶餐廳羅麥記食午餐。茶廳在14/F，景觀開揚，有很多懷舊小食，而價錢跟街邊茶記差不多，但坐得比較舒適。蝦多士一份五件望落去以為會很飽，其實麵包很鬆軟，厚切麵包不會太飽，表面釀上蝦膠，爽口彈牙，而且只煎過表面，沒有炸過，所以一點也不油膩。水牛芝士炸雲吞中或炸雲吞加上水牛芝士，裏面啖啖蝦肉，半溶芝士流出，香脆惹味。黑汁墨魚鬚墨魚鬚爽脆帶甜，有點似海鮮醬味道。芝士菠菜吞拿魚焗通粉表面舖上芝士，菠菜同吞拿魚味道很夾，芝士亦不會太膩，通粉爽口，比其實肉類焗飯更清新。紅豆冰粒粒奶茶&生薑蜂蜜水冰粒裏面全部都是紅豆，整杯有一半都是紅豆粒，奶茶香濃幼滑，茶味十足，是必試之一。

一真都很欣賞有本土元素的東西，這間看似懷舊茶餐廳的食店位於大型購物商場內，最適合我與從英國來港的朋友飯聚。要用「變種茶餐廳」來形容這店，其實是新式的食店，但從裝修，以至食物，都加了很多本土元素。我點了北海道牛奶咖啡，香濃。朋友點了名字較特別的狂牛，初時以為是黑牛，但內裡加了點椰果、啫喱等，很久沒有回港的朋友十分喜歡。豬頸肉芝士撈公仔麵，帶少少甜味的芝士汁為本身無味的麵條調味，幾特別。小食方面，我們點了避風塘雞翼，一碟五隻，超好味！香脆的雞翼，加上辣味和蒜頭，外脆而内滑，推介！最得意的是這款磚頭飯，我們選了茄汁豬扒磚頭飯，是平時甜品的厚土司之變種，要用「滿到瀉」來形容這個飯！起初有點無從入手的感覺，但店員一早已放多一個碗給我們。要把份量很多的豬扒先移開才可以起動。要讚的是：飯是炒飯，炒得粒粒乾身，而且可以把本是盛器的磚頭切開來吃，令人吃得高興。

之前去過青衣嘅「羅麥記」，已經非常喜歡，印象最深就係佢嘅「全院滿座」霓虹光管，估唔到希慎廣場嘅「羅麥記」，更得我心，是香港少有懷舊情懷的餐廳，令人有時光倒流的感覺未講食物之前，先講下佢四周都是懷舊風情，涼茶舖的水吧、古董的電視📺、收音機📻、風扇、汽水盤⋯⋯等等，使人重拾那些年的感覺紅色吊燈、綠色掩窗、雞公碗，還有牆壁上刻意用「九龍城皇帝」的筆跡，原來是寫着「羅麥記」這餐廳名字的由來，原來老闆是有一個姓羅和一個姓麥的人合營，非常有趣Menu 也值得一讚，除了圖文並茂之外，特色的美食實在令人垂涎三尺，想吃的實在太多了，所以點餐的時候也費煞思量紅豆冰雪糕，炎炎夏日必然之選，懷舊的玻璃杯，絕對是六七十年代冰室所用，紅豆夠腍身，若然能用刨𣲙就更加完美另外一杯是北海道牛奶咖啡☕️，北海道牛奶特別香、滑，咖啡味香濃，好夾哈哈哈炒飯，淨係聽到個名都已經開心，原來係鮮蝦、蝦米、蝦醬為之三🦐，所以叫哈哈哈，未食已經贏咗一半，真心講，呢個炒飯真係好好味，蝦醬嘅香，蝦米嘅煙煙韌韌，仲有大大隻嘅鮮蝦，上面再鋪左一層肉鬆，呢個飯，我絕對要比滿分💯麥sir乳鴿仔，我估應該係老闆麥先生嘅傑作，來到銅鑼灣希慎廣場，食隻乳