美中·鴨子 (荃灣廣場)

營業中

休息中

冬至團聚飯，在2人限聚令(6點無堂食)情況下，今年深切體會“團聚“呢兩個字，2點相約在荃灣廣場美中鴨子聚一聚。家人都喜愛片皮鴨所以叫咗一隻烤北京填鴨(6折)好食但有點油雪花松葉炸蟹拑也是家人喜愛，大大件又彈牙配甜酸汁一流回鍋肉炒拉麵，豚肉爽但有點辣蔥油餅夠酥脆蔥味很香紅油抄手見家人食到舔舔脷無錫灌湯小籠包皮薄多湯汁侄女趕住返工所以點了個午市套餐食先～四川擔擔麵＋香煎蘿蔔糕，想要辣椒醬但餐廳只有豆板醬佢話個醬好好食兒甥鍾意食鰻魚所以也點了個午市套餐：砂鍋鰻魚炒飯＋香煎蘿蔔糕，鰻魚飯可以比美日本餐廳，蘿蔔糕好味到要pack走兒甥最愛雪碧汽水甜品豆沙窩餅皮脆豆沙饀不太甜，正炸雪糕其實係一片班㦸包住個雪糕加脆皮喺面，名不副實希望下次再聚時地球已回復正常，冬至快樂

每次去尖沙咀都排唔到隊就走人！原來荃灣廣場開左一間，我都唔知難得唔洗排隊，當然要試試啦扁皮鴨做緊六折，非常抵食又好味🤤🤤小朋友都爭住食水煮 魚辣度剛剛好，  魚又滑，正🤤🤤仲有寬粉係底，好正好好味小籠包即叫即蒸，熱辣辣，好味👍🏻👍🏻仲叫左芝士香芋焗飯同炒菜苗如果焗飯白汁芝士少d會好d , 太多食到有d流整體上係好味既👍🏻👍🏻👍🏻難怪甘多人排隊最緊要係扁皮鴨

星期六晚在荃灣廣場搵食，今次想去未試過嘅食肆，咁啱睇到呢間餐廳做緊北京填鴨6折優惠，加上好耐冇食過京滬菜，雖然差不多9點，但全場9成滿座，好彩仲有一枱空位，於是二話不說入座了！一入門口已見左邊廚房，端上一隻隻好有份量嘅北京填鴨出來，預備送上給客人。因為我哋得兩個人，但又想試多啲嘢，所以今次我哋點咗4碟餸 (其中一碟當然唔少得係鎮店之寶--北京填鴨半隻) 。沒想過每碟餸都超有水準，特別係香芒沙律蝦球，呢碟係第一碟出場嘅，蝦球及杏仁碎好香口兼配上濃郁沙律醬和沙律菜，所以非常開胃，令我對餐廳印象分大增！接著出來嘅分別係牛肉餡餅 & 小籠包，2碟共通點都係熱騰騰及好多肉汁，令到肚餓嘅我覺得好滿足，之後鎮店之寶-北京填鴨出場，雖然做緊6折優惠，但味道和賣相依然相當吸引，絶不馬虎！最後點咗一份糖水 - 蛋白杏仁茶，不過味道較為普通，糖水比較稀！整體而然食物質素是及得上星級酒店的，所以我會再來！

真心推介！美心中菜我唔會專登食，但呢間真係超有驚喜。呢度嘅相係兩次夾埋嘅。片皮鴨半隻我覺得唔錯，塊皮係透明麽麽皮，唔係平時食開嗰隻厚身皮。鴨片嘅厚薄得宜。餐廳當時做緊推廣，價錢半價，百幾蚊半隻真係好平，幾乎張張枱都叫片皮鴨。桂花糕凍伴鴨件呢個超有驚喜！由上至下：鴨皮>青瓜>桂花糕>薯片超有層次感，桂花糕同青瓜可以去左鴨片油膩感。不過4件88蚊貴，但又值得呢個價錢，呢個我極之推介！我覺得值得食過片皮鴨。韭菜餅我唔記得叫咩名，因為我揾唔返。普通嘅韭菜餡餅，冇乜大特別。松子蝦球沙律呢個必吃呀！晚市我食過兩次，兩次都叫左呢個！蝦球兩節食指咁大隻，一共5隻，蝦係彈牙唔係嗰啲雪左幾廿年嘅雪蝦。嗰啲一條一條係青蘋果絲。整個沙律黎講好清新，我覺得做前菜都唔錯。後面兩道菜：田園蟲草花炒翡翠苗同個豆腐，我唔記得個豆腐菜名喇，都係大路野，不過都做得有心機。總括黎講呢間係高質中菜廳。每次過黎都要等位，一等就係一個鐘，所以要去食嘅真係要早啲去排隊呀～

好耐以前去過海港城嘅美中，覺得環境食物都唔錯，隔了差不多十年，見荃灣有得食，仲唔使等位，即刻試下。叫了松子魚、半隻片皮鴨、黃金蝦。片皮鴨都算OK，但其他野真係麻麻地，唔知食左啲乜。加上緊排去過魚塘鴨子，更加將呢間比下去。

忍唔住要寫第一次比食評：有心理準備先好去晚市無帶位，無服務，自行用QR code去落單啦但係連加水都嗌左10分鐘先有人，未埋完單已經收晒你啲茶杯碟，其後突然之間連我杯特飲（未飮完）職員話你唔飲㗎啦，我幫你收埋佢！

行開荃灣廣場 完全唔知呢度有間美中鴨子之前成日經過尖沙咀個間但永遠都好多人排隊 所以次次都冇試過但今次係呢度竟然冇人食 完全唔駛等位不過可能時間尚早喇 所以今次就可以試下喇入到去 環境好闊落 一坐低仲有前菜比你食周圍都有好多鴨既裝飾連筷子托都係鴨仔 好可愛黎到呢度梗係要食鴨喇鴨皮好香 但又唔會話好油配住餅皮加青瓜條 好好味😋再叫左個椒鹽豆腐 豆腐皮好薄好脆但咬開唔會好乾炸得勁香 但都係唔油 好犀利連隻碟都唔見有油仲有嗌左小籠包 掛住食唔記得影🤣但小籠包皮都好薄 咬落仲好多湯汁💕仲嗌多左個紅油抄手個汁好香 雲吞皮好薄沾滿晒汁 勁滿足❤️

約左朋友食飯, 有個BB揀餐廳要花多少少心思. 環境要好D又坐得舒服D諗住由荃灣廣場頂樓一路行落去睇下有咩啱. 黠知朋友就話想食中菜,  環境又幾好唔會太嘈太迫, 就入左去時間早, 6點鐘, 唔洗等一入去, 人都未坐低問飲咩茶又問食唔食鴨, 餐牌都未知放係邊, 我真係答你唔好喎, 問左茶先, 坐低睇下先啦亞姐姐拎茶黎又話"如果食片皮鴨我同你落左先, 因為要等............而家做半價"    原來如此 ----- 因為平個個都會叫. 就叫半隻啦. 水煮肥牛 $ 138 - 唔算太辣, 但都幾多油, 粉皮煮得太淋, 好易夾到散哂, 肥牛分量好少 酸甜松子魚 - 炸粉太厚, 唔熱唔脆, 個汁太杰, 放左一陣已經一舊舊小龍包 - 唔錯既, 皮薄多汁片皮鴨  $168 (有半價)- 太耐冇食, 我記得正宗既應該要有少少肥, 皮脆肉嫩(係咪既呢?!)我知而家都係追求健康走肥, 但肉好鞋, 皮唔脆又唔香?! 但塊蒸皮做得唔錯, 好薄好煙韌KEEP到熱.埋單先知小菜都有8折, 加2碗白飯汽水同茶錢. 5百幾蚊.... (佢D茶芥都幾貴喎) 值唔值就......冇半價同8折應該要7-8百我就唔

爸爸節+生日，我地揀左去食鴨，因為做緊優優，我們等台等了一小時有多，接近收工才可入座。我們拿拿林點了「扁皮鴨」份量適中，略嫌未夠太熱，包皮略嫌濕潤，味道尚可。「小龍包」皮簿足料有湯水，好正呀（好似好食過 鼎xx)。「水煮魚」味道尚可內有粉皮，滑滑的。「高力豆沙」好耐無食過。「擔擔麵」好味😋麵質爽口。「醉雞」香濃酒味，但太多雞胸😟。「蒜泥白肉」未夠蒜香。「炸雪糕」感覺新奇，口感唔錯。「龍蝦帶子湯」香濃龍蝦湯，感覺似西湯。備註：盡可能食早輪，可能當天我們尾輪，上菜超快，而且趕收工。

兩個人叫到成枱都係野 樣樣都想試個片皮鴨好正🤤趣卜卜架 d肉唔韌 唔似人地個d想分開兩啖食都咬唔開個蝦球大粒到唔知點形容 超正 好爽口個龍蝦湯都好好飲 不過如果大碗d就好喇小龍包就麻麻地 d肉麻麻 但但皮好薄 做得好好整體都係好食😋我見今日某d菜式仲要有65折 都好抵食下真心而論 美心最好就係請到一班好廚師非常有水準 佩服佢地對野食既執著 先有咁好食既食物👩🏻‍🍳👨🏻‍🍳服務都唔差 睇得出佢地唔夠人手 d員工都好忙下 希望可以請多d人手 服務又再好d👍🏻

今日同女朋友去荃灣行街，行到晚上經過荃灣廣場，見到美中鴨子門口比較多人，就去睇睇，原來做緊優惠，見到扁皮鴨做緊半價，普通小菜就75折，難怪咁多人啦，我地2位就等位，好好彩2位就好快有位。入到去環境唔錯，比一般的美心隻團，裝修更加靚一坐低就有個前菜及茶放抵，先睇睇餐牌先我哋兩個人叫咗半隻片皮鴨，一個咕嚕肉，同埋一碗牛肉麵，牛肉麵及咕嚕肉好快就到咕嚕肉味道幾好，但唔夠脆，牛肉麵好味，牛肉炆得好琳，但係要衡量嘅就係$80碗，等左20分鐘北京填鴨終於到啦！個皮好薄好正，隻鴨一啲都唔吝嗇，除咗俾咗皮你之外仲有唔少嘅肉，但係個皮嫌佢唔夠脆，隻鴨都唔錯，2人埋單$270總結：抵食，餸菜夠精緻，味道普通

久違了的填鴨，趁著疫情漸入佳境，便馬上出動品嚐，更可藉機試試荃灣這間新店。還沒有到六點鐘，門外已排了一條長龍，幸好侍應亦很快安排入座。內裡裝潢新穎簡潔，用具器皿頗有特色，由於現時仍有距離限制，故空間感寬鬆闊落。這兒採用開放式廚房，對於廚師們的工作一目了然。由於製作需時，故坐下之後先點半隻填鴨，然後才細閱餐牌。先來個富貴蜜汁火腿，這是必點的摰愛，金華火腿肥而不膩，加上薄响鈴，再蘸上蜜汁，鹹甜融合，鬆脆軟腍，共冶一爐，不容錯過。接著來過邪惡的黃金蝦球，香氣撲鼻，蝦肉爽甜，更帶著濃厚鹹蛋香味，簡直一絕。再點了一份孜然羊小腿，肉嫩味鮮，不覺羶味，有身處新疆感覺。最後填鴨終於上場，半隻份量好像不算太多，附送的薄餅真的很薄，配上香葱及青瓜，絲毫不覺肥膩，令人不停地吃，亦可能因為疫情下餓得太耐，有如猛虎出柙，狼吞虎嚥。這頓疫情下的填鴨，真令人難以忘懷。

面對全球4個多月的新冠肺炎疫情肆虐，很多香港人都擔心受到感染而足不出戶，居家抗疫，從而令到很多香港的餐飲業因受疫情影響，紛紛出現放無薪假，停工，裁員，甚至受不住沒有生意下結業及倒閉，而本月初限聚令實施後，疫情稍為緩和，很多市民都急不及待出外活動舒展身心，外出食飯透透氣。而本人經常到荃灣廣場一間食肆美中鴨子用餐時，雖然此店之前在疫情下生意減少不少，但因為商場和店舖也辦了很多優惠，生意反而大大的增加，門外經常有食客在等候位置，而員工在沒有足夠人手下，也辛勤地默默工作，為的是想追回之前疫情影響下失去的生意額，眼見樓面只有4名員工，卻要招待30多枱客人，由帶位要量體溫，落單，沖茶，執枱，消毒，傳菜等不停地跑來跑去，本人見到也深受感動，而其中有一枱食客因為未等到片皮鴨而大發怨言，雖知道此店在推出半價優惠後，每枱食客也落單排隊等候，但這枱食客卻是剛點不到半句鐘卻不停責怪員工，員工除要面對人手不足的壓力外，又要應付不耐煩的客人，本人看見的是他們的敬業精神，專業的服務態度實在令人敬佩，餐飲業本身也不是一個討好受歡迎的行業，工時長又需要長時間體力勞動，很多年青人也不願意入行，香港經歷過去年的社會運動，到

今日去荃灣探姨甥仔， 家姐想試美中鴨子， 我地1行8人去到餐廳， 疫症下要分開2枱坐。同1碟餸菜我地叫了雙份不同枱上。美中鴨子而家做promotion, 全菜單有68折。 食鴨就好抵啦個青瓜花生豆腐前菜好食，青瓜夠凍同脆。我地試左唔同主菜同咸點。小籠包味道普通， 但有肉汁胡椒餅夠鬆化但味道冇驚喜烤鴨皮脆但同樣冇驚喜炒菲翠苗清爽少油肉絲夾餅夠入味， 可能我地坐風口位， 太快變涼而失色金華火腿炒飯， 粒粒分明， 夠咸香鴨肉香菇包可以唔洗試總括正價黎食， 我只會食炒飯同烤片皮鴨。埋單1千完左右， 人均125蚊

老公今日放假，帶我同奶奶出去商場放下風，喺屋企實在太悶喇，行下荃灣廣場，去美中鴨子食午餐片皮鴨一向都好有水準，皮脆充滿油香，而且埋餅皮夠曬煙韌有咬口小籠包每次都皮薄半透明狀態，一口咬落去真係爆到成日都係湯！鍋貼煎到個底好脆，肉涵又係充滿肉汁豆腐牛肉羹入口順滑，有少少菇粒好有咬口最正係椒鹽魷魚鬚，新鮮又夠粗壯奶油金華火腿津白，d火腿有d咸，唔可以就咁食虎皮尖椒係雙色椒，紅紅綠綠，顏色好鮮艷，未食已經增加食慾，釀嘅係蝦滑，好味