美中·鴨子 (荃灣廣場)

營業中

休息中

今晚晚餐前半段時間是很愉快的，因為每一道菜都唔錯，但下半段時間就令人不愉快，食完3道菜等左很久的北京烤鴨仲沒送來，眼見限定食用時間，只剩下半小時，便禮貌地同服務員講仲有北京烤鴨沒來，服務員不耐煩地回應：“北京烤鴨係要等，快則8個字”。但用電話落單時，冇提示這道菜需要花點時間等，那我們催促是明知故問？再望見限定食用時間，只剩下10分鐘，同時有服務生見我們桌面已經沒菜，便走來看看，我們便再說仲有北京烤鴨沒到，這服務員語氣好點，說呢道菜要耐d,但邊說邊急速離去，之後呆等多左，北京烤鴨終於來，除左用來包著鴨肉既面皮係熱，鴨肉則是有點餘溫，等咁長時間換來咁既食物，失望。

自從佢開咗喺荃灣廣場之後，我哋一班同事就成日嚟幫襯。因為每碟餸都好好味。老闆亦都好鍾意。每次都會帶北京填鴨！皮又脆 又薄！又唔會好肥。蟹鉗，入面真係有蟹肉鰻魚飯，每粒飯都包住鰻魚汁，平時都唔鍾意食甜野，但係呢個飯就唔會覺得好甜，剛剛好每次都食咗好多嘢，不過都冇逐碟影相。佢已經係我覺得荃灣廣場最好味嘅餐廳

同事說荃灣廣場開左美中。鴨子，想去試，今日4人一齊去，中午12點幾去到，冇乜人的，呢度算大。環境幾靚的！！鴨形鴨壼，玻璃隔熱杯，好欣賞這個杯，好輕同隔熱好方便，又靚！餐具也好靚同有鴨仔圖案，好得意。cute我們四個人叫左四個午餐，午餐一個主食+一個小食，我想食小籠包，初初以為只是1~2粒，原來有4粒咁多，皮夠薄，湯都多，好味呀。砂鍋鰻魚炒飯，原來好大鍋，上菜聞到好香，用料足，好多鰻魚，葱同粟米粒，味覺就比較濃同單一。也算乾身的。煎蘿蔔糕，這個也好大碟，估唔到有蛋仲有蝦，有驚喜，蘿蔔細細粒，呢個好味。豉油皇煎腸粉，好油反光的，都好味的，不過油太多豉椒牛肉炒拉麵，好香呀，牛肉，青紅椒，洋蔥，這個味道幾好，比較豐富同惹味。但也是比較油！香芋海鮮焗飯，其實已經食飽了，這個等的時間比較長，我們打包了一個飯走。海鮮比較少。味覺Ok的，飯粒係炒飯的，分明的。整體是好味的，份量大，只是好油！！

一直想試吓佢哋嘅北京烤鴨好耐，終於係呢個聖誕節如願而償。起初都擔心食北京烤鴨會試唔到其他嘢，但佢哋呢度嘅份量安排得剛剛好，係3-4人嘅份量，每人都可以食4-5件，而且係即叫即片，非常之新鮮熱辣。至於用嚟包烤鴨嘅粉皮亦做得很薄，剛剛好有點咬口，所以食咗4至5件都唔會太飽。另外我哋仲叫左小籠包同酸甜玻璃蝦球，小籠包就沒有什麼特別，但佢哋嘅酸甜蝦球做得好出色，每隻蝦都非常之大爽口，十分醒胃🤭，但一碟只得5隻左右。如果3-4人同行又想試吓京菜/烤鴨，這間是不錯之選擇👍🏻

首先前菜點左個雞絲粉皮上面勁多青瓜😍好爽好爽之後雖然唔記得哩道叫咩名但佢上面係鴨皮，中間有沙律醬同桂花糕最底係塊薯片，幾特別既一味餸小黄魚同小籠包都係我最愛條魚脆卜卜，可以連d細骨都咬爛食埋當然條大骨唔得啦小籠包正正常常，入面有好多汁😍😍😍到哩個蟹鉗真係不得了。入面真係一隻蟹鉗有蟹肉唔似得岀面d餐廳得d膠，只係係到扮蟹鉗炸雪糕一開頭會以為係一球球估唔到佢係咁樣上配埋d卜卜脆同柚子，個味道不錯😍

經朋友極力推介下今日終嚐到鴨子😄😋果然冇介紹錯，一入門口感覺餐廳好優雅好有自己風格，餐具亦好別緻。客人一坐低就送上餐前小吃就咁睇平平無奇細心睇筷子托係一隻鴨仔🦆你筷子頭裝飾都係一隻鴨仔🦆茶壼都似一隻鴨仔🦆點餐好自動化可以透過手機落單簡單利落，又或者不懂用手機的也可直接叫侍應人手落單，非常體貼顧客需要😊今日點了吼北京填鴨半隻好細心每塊餅皮都有一張紙墊住唔會互相黐住👍🏻餅皮薄到連餐碟底下的花紋都睇得一清二楚，証明餐廳好用心搓餠皮，片皮鴨食落去完全唔肥膩而且還有淡淡香味，好好食食完一塊又一塊。😋味道完全和以前食開的餐廳不一樣無錫灌湯小籠包同樣又係皮薄餡靚又多湯汁完全冇得輸😋👍🏻淮揚嫩雞煨麵，麵質好滑🍜蟹粉百業包又係冇得輸好好味好濃郁嘅蟹粉食完今次後決定無數次再嚟食歌

見到荃灣廣場有美中鴨子店將會開！一路等！最終開啦！帶爸媽去試！叫左一隻填鴨、雞𢇁粉皮、宮寶蝦、蟹粉百頁加碟菜！飽飽的回家！首先填鴨、皮肉分開、皮入囗即溶、肉又好juicy.好味！雞絲粉皮啲粉皮好多又大條，絕冇偷工減料！最驚喜係蟹粉百頁、蒸左百頁（裏面有肉）加蟹粉佈滿百頁上、撈埋一齊食、美味得很！仲有員工服務態度非常好！值得讃好👏👏下次再去試牛肉餅！