美味佳 (已結業)

去完好朋友爸爸送別禮，大家都未食野，有人餓，有人唔餓，食串燒岩哂，其實我通常都係食美味佳，知道同區都有幾間串燒，但我都未食過今晚六人食左$450 其實都夠哂🔸蛋炒腸粉🔸搞笑爆汁臘腸，蕃茄肥牛，雞翼，麻吉烤，翠玉瓜，燒賣，牛肉，墨魚咀，雞軟骨，牛脷，有好多好多，不能盡錄同朋友吹水食串燒真係好正，鋪面係地道店好似係屋企食野咁，不過老字號就唔好預佢十分乾淨，枱面都係油油地，怕污糟建議就唔好放電話上去但野食係唔錯，夠惹味夠爐氣！正！

夜晚宵夜，真係一定要去呢一間串燒舖，依家位於喺紅磡嘅串燒舖，有三個字去形容，平，靚，正！勁多唔同類型嘅串燒，雖然舖頭唔係好大間，但係串燒嘅款式都唔少㗎。我夜晚大約9:00去到，都坐到滿晒，要坐到喺門口位置，勁多客人。我同朋友總共點左大約20串串燒，每串串燒都要時間去整，所以大家都要預返個時間呀！佢哋嘅串燒勁有火候，味道真係好好食，又脆又熱，仲要有勁多唔同種類嘅嘢食。我最鍾意食佢哋嘅司華力腸，仲有佢哋嘅雞腎，佢哋除咗串燒之外，蛋炒腸粉都係好好食嘅。真係要試吓。

好耐無食過串燒，上次食串燒係深水埗，不過唔係我理想中嘅味道。諗起以前朋友帶過我黎美味佳，懷念呢種港式串燒香味。所以今次我都特登帶另一個朋友黎再試下。味道果然冇令我失望🤤$23/3串雞全翼/雞中翼，好抵啊。上菜嘅時候熱辣辣，雞翼Juicy，皮脆脆地，好香的孜然粉，同記憶中嘅味道一樣好食。而雞中翼少少蜜糖味。韭菜都算嫩嘅，份量多，我地兩個人叫一串都夠。獅子狗無咩特別。白菜幾鮮甜，翠肉瓜，雞脾菇好都juicy。腸粉炒蛋好食😋之後仲叫左燒茄子，燒菠蘿，又係熱辣辣。不過都唔係樣樣好😂今次粟米唔甜，比較老，唔鍾意食。雞軟骨都燒得唔夠火候，無咩味道。掛住食，冇再影相。另外，畢竟係一間小店，環境衛生比較一般。不過冷氣夠涼爽。不過Overall，我都好鍾意美味佳，鍾意雞全翼，燒茄子，燒菠蘿，雞脾菇，同一種港式串燒味道，真係平靚正！

美味佳(16/7) 星期六 晚上6:30特式：紅磡都有唔少串燒店，但美味佳相對都係有返d歷史同一定程度既知名度，佢紅磡區有一間係有堂食，另外仲有一個舖位係紅磡雞蛋仔旁，就只做外賣。食物：今日同行有4人去食，有少少眼闊肚窄同埋太多野想試，所以叫到成枱都係野，不過都無浪費，佢d串燒可以自行揀辣/唔辣，以下就逐d評價下重點食物，因真係太多，難以一一介紹。醬料 - 佢枱面有辣椒油同埋沙嗲醬可以用嚟沾食物，辣椒醬就冇用過，沙嗲醬就得個甜字唔覺得好香或者辣。雞全翼 - 係全餐最好食既野，佢亦係本身店舖最推介及暢銷既食物。雞肉串 - 好普通，唔沾下醬就根本冇乜味。司華力腸 - 正常，沾左沙嗲醬會好食d。牛脷/雞腎 - 無特別，但偏硬。墨魚咀 - 呢個幾好食，沾埋沙嗲醬會仲好。花甲粉 - 幾好食，有幾香嘅胡椒味，粉絲都多同埋花甲無沙。燒茄子 - 抵食夠大條，蒜蓉味同辣味都唔夠，叫咗兩條，有一條燒得唔夠淋。燒京蔥 - 冇特別同有少少濃，但都算好食。燒京蔥牛肉卷 - 有埋牛肉嘅加持，比起淨燒京蔥好食。金菇牛肉卷 - 都係一般正常味，都係沾沙嗲醬會好食啲。杏鮑菇 - 正常燒杏鮑菇味。燒韭菜 - 呢樣野通常去

第一次黎食，係門口見到姨姨係到燒雞翼，比佢吸引左入去試。38蚊3個餸車仔麵仲包野飲，改飲涼茶加2蚊，絕對係抵食。車仔麵一黎到，呀姨仲加埋啲湯料比我地，有薯仔同排骨，而且碗麵份量都唔係小，如果車仔麵揀雞翼尖，仲會係串燒雞翼尖添。另外仲叫左串燒雞軟骨同墨魚咀，價錢都好平，不過就乾身左啲同唔夠惹味，枱面亦都有沙嗲醬同辣椒油比你點。衞生方面尚有進步空間🙈食個陣都有啲小飛飛，不過放心，食完之後無肚痛情況出現。

📸 美味佳紅磡街坊或者附近既學生哥都一定會識既串燒店🐷當日未夠6點去到 鋪頭已經7成滿一坐低已經即刻叫咗碟煎腸粉食住先每次黎都一定要一個人食一碟先夠喉💛8.5/10煎得非常香脆另外仲可以揀蛋煎腸粉今次叫得唔多揀咗雞軟骨 雞腎 豬頸肉獅子狗 茄子 娃娃菜 雞髀菇 黑椒腸兩個人夾埋都只係$127人均唔洗$70食到飽街坊生意 啱曬糧尾唔夠錢開飯食🐷要特別介紹 🍴燒茄子因為係原條上！🤪燒到軟糯既茄子鋪滿蒜茸同孜然粉一絲一絲咁食 非常過癮餐廳仲有車仔麵食 不過為食妹就仲未食過💛設分店專做外賣 方便分流餐廳唯一唔好係開放式廚房食完個人會成身油煙味

同事以前讀理工大學話好掛住美味佳既串燒同好出名。我從來都未聽過呢間但好想食串燒便跟同事去。同事話以前未有疫情會坐到出門口食，好誇張。我順便去附近觀音廟拜完就去美味佳，餐廳俾自己帶酒精飲品，好爽可以一邊串燒一邊啤酒。我叫左佢地出名既蛋炒腸粉，係用雞蛋去炒腸粉，雖然好簡單咁但好好食好香口。之前再叫左全雞翼同雞軟骨，呢d都係我最鐘意食既串燒食物。雖然款式唔算好多但價錢適中。其他串燒物我無食過，因為上面3款係我最愛

屋企有事喺附近處理完事都已經 9點多禁晚市下差唔多無餐廳開打去美味佳，姐姐話開到四點即刻碌過去落order不過人多都要我三個字先有得拎拎完即上的士返返去屋企開餐蛋炒腸粉：同之前食嘅味有少少唔同，無炒嘅感覺，可能同外賣焗住咗有關，所有幾時都話堂食最好，下決心開返堂食要去😋😋😋😋😋其他串燒類不過不失。係一個移咗民嘅朋友介紹我去，佢一直都話想約我去食，但佢已經移咗民我哋都未一齊去過。近排好多人走，大家都會珍惜身邊嘅朋友同佢哋每一次聚會

今次又黎食美味佳串燒，次次黎都係咁多人。試下未食過的串燒，蟹柳、花枝丸、雞翼、肥牛韭菜卷、磨菇。配返個沙嗲醬，款款都好好食好香，食完都覺得值得下次再來。呢度選擇好多，每次來試幾款，好有新意。

以前讀書時期成日都幫襯既一間平民串燒店，翻左工之後少去左好多。今次經開紅磡，就去重拾一下d讀書回憶啦。咁耐冇黎d裝修差唔多，老闆娘都係化濃妝係到燒呀燒，個妝都係永遠都唔溶🤭唯一唔同左係老闆娘好似鐘意左d 重base music，d 夜店音樂強勁到個心都震埋😂😂如果想一路high住食串燒可以黎試下d串燒水準都係都以前差唔多，翠肉瓜燒得好香好juicy其他肉類都不過不失，調味有d偏鹹，但性價比高，成班朋友一齊黎過下口癮都正

極受歡迎嘅串燒舖頭👍🏼好多理大嘅學生或者住喺附近嘅居民都會去食！一入到去已經聞到好大浸孜然粉！！好似返咗大陸食串燒嘅感覺！！價錢來講佢又唔算好貴，最平$23有三串！！！其中燒雞翼，雞腎，豬腩肉都係好深刻好好食！！唔會燒到好乾，入面好juicy!!!不過食完真係會有一陣味走🤣

朋友介紹黎到紅磡好出名的串燒小店 價廉物美 又好好食的串燒7點幾來到店舖等左10幾分鐘入去 一黎就拎張紙點串燒 即叫即整 新鮮熱辣堂食最重要有佢呢罐沙嗲醬 可以無限地淋 配佢D串燒真係好好好好食 非常難得 所以大家記得選堂食推介勁好食的串燒:燒茄子 茄子配有 孜然粉和蒜蓉 係食茄子的最高境界 而且又大條 啖啖茄子肉 正燒雞翼 & 全翼 唔洗講 食串燒必備燒雞翼 味道岩岩好 好香脆燒韭菜平時去BBQ 都燒韭菜 個人特別鐘意 呢度的韭菜好嫩口冇渣 加埋D串燒粉真係好夾

一講紅磡串燒，相信大家都會諗起呢一間餐廳。近街市嗰邊有一間係外賣串燒，而呢一間就係堂食嘅串燒。夜晚如果七點先來嘅話，有機會要等好耐先有位，試過夜晚八點幾過嚟，完全等唔到😂今次過嚟食佢嘅午餐。佢哋晏晝嘅車仔麵超級平，仲要包埋嘢飲！佢哋嘅湯底係薯仔豬骨，三個餸，一個麵底，湯底仲會比幾舊薯仔同埋豬軟骨，超級飽！湯底冇味精，鮮甜，豬骨亦都好好咬口，類似煲完湯嘅豬肉！另外當然叫埋佢嘅串燒，晏晝嘅串燒即叫即整，超滿足。特別推介佢嘅蛋炒腸粉，每次來都一定要叫！

呢一間真係住喺紅磡嘅人 或者係住喺Poly既人 一定會識同一定會食過嘅一間串燒店 價廉物美 非常抵食既串燒🤤店鋪一直都人頭湧湧 成日都要等好耐位先可以入到去坐 入到去點單仲要等一陣時間食物先會黎 我去果次都已經算早 晚上7點幾都等左10分鐘先有位 入到去等20分鐘先有野食 但好味點都需要等🤤🤤真心有幾樣嘢必定推介嘅🍆燒茄子 茄子夠大條 調味落得啱啱好 孜然粉蒜蓉 配合得天衣無縫🐓 燒全翼 燒雞翼唔會燒到特別燶 脆皮得黎好好食🍖 燒台灣腸 司華力腸佢腸嘅味道 真係可以媲美台灣嘅夜市 足料好食而且重點最特別堂食 可以係咁淋佢啲沙嗲醬 佢會擺係張枱度比你任點 佢啲沙嗲醬真係世界級好食 真係非常之推介呢間串燒鋪

平日晚上去食，唔洗等就可以食，鋪頭門面污糟，兩個人叫左雞翼，牛肉，豬頸肉，娃娃菜，芝士腸，燒菠蘿，落單後等左足足三十分鐘都未有野食，其間問左兩次先知原來係漏左單，可能因為漏單唔想我等太耐，所以食物黎到都係唔太熱，而且食物味道十分鹹，味精多，食食下見到佢地將未燒既食物放係地下到，同朋友見到即刻唔食走人，冇下次。食物味道差，衛生環境差，落單後又要等好耐先有得食，仲要難食，十分強烈唔建議。PS附近好多曱甴