美味佳 (已結業)

Students from poly u know this place with no doubt cos they love having late night snack hereWe were not that hungry so we ordered 4 plates of skewers and pan fried rice noodle rolls with eggspan-fried noodle rolls are crispy on the outside and soft on the inside with chunks of fried eggs.We drizzled different sauces on top of it to give it more flavours!Nomnom:3/5

相信住係紅磡或者係紅磡讀書返工嘅，冇乜人會唔識美味佳，雖然我以上各種類都唔係，但聽朋友介紹認識美味佳都已經幾年時間了，而呢幾年仿佛美味佳都冇乜點變過，也許呢種都係我哋呢個年代嘅回憶。食物：我都唔每樣講了，相信大家食開都知，呢度串燒即叫即燒，所以由入單到擺上枱都要10-15分鐘，但都可以接受。坦白講，味道呢度一定唔可以叫好，我略嫌味道唔夠濃唔夠香但勝在夠平夠抵食大件，出面食串燒閒閒地承惠$200一位，仲可能食唔飽，但呢度相信$100己經可以食到你捧住個肚。環境：街坊小店，回憶嘅裝修！

讀Poly嘅時候，成日都會同啲同學嚟呢度食嘢，因為價錢平，又好食。但係出名越夜越多人，等得耐，同埋唔可以吹佢快啲，所以以前唔夠時間真係唔可以嚟食～今次帶着男朋友重遊我嘅舊地，六點幾就黎到美味佳，依個時間唔算多人，個姨姨亦都好有禮貌咁招呼我哋入嚟，遞埋點菜紙，教埋我哋點樣寫～我仲見到牆上已經冇咗唔可以吹佢嗰張紙添！由於好肚餓嘅關係我同男朋友每人都叫咗一碗車仔麵，車仔麵最抵食嘅食法，梗係叫一隻雞全翼再夾另外兩個餸啦！然之後我哋再叫咗另外一啲串燒。車仔麵最正嘅係個湯底非常足料，有薯仔啊豬骨啊等等等等，佢亦都會比埋啲湯料一齊上，變相多咗幾個餸添！啲串燒就咁多年都冇變過！仍然係咁香口咁好食！可以辣可以唔辣任君選擇！我最鍾意嘅梗係雞全翼啦，蒜蓉金菇都唔錯㗎。不過我哋叫咗牛脷同埋雞腎，兩串都係黑色細細粒，淨係睇個樣係分唔出邊樣打邊樣囉

突然好想BBQ，拿拿聲約朋友去美味佳頂住檔先🤣每次必食雞中翼 $27/3串，超抵食👍雞翼唔會燒到好乾，肉汁仲可以keep 到另外，仲點左紅腸，豬頸肉，燒賣，牛脷，魚皮餃，墨魚丸，煙肉腸，雞軟骨同雞肉腸估唔到豬頸肉都好juicy，仲要啖啖肉最後，仲另加燒菠蘿🍍超甜超juicy每串都好好味，灑上孜然粉香料，十分惹味🤤火喉好好，唔會燒到燶左價錢相當吸引店內位置唔太多，經常爆滿但從未試過漏單😛不過食完會沾上油煙味😐

今日經過紅磡，見到好多間串燒店，最後揀左以前同朋友成日食既回憶 - 美味佳 由於好早食，大約6點度，所以仲有好多位，姐姐亦燒得好快，基本上落左單5-10分鐘就有野食，極快手蛋炒腸粉好味道如果鐘意啲脆脆地口感既人就唔可以錯過，佢既腸粉炒得軟糯面外皮香口，加埋蛋配搭一流，必食既鎮店之寶串燒（雞腎、牛脷、麻吉燒、墨魚咀、韮菜、燒賣、雞肉、雞翼尖、雞全翼）好味道串燒整體口味中上，調味足，份量亦對得住價錢個人口味會推薦韮菜、雞肉、燒賣、麻吉燒鐘意食辣可以嗌姐姐調整大中小辣野飲店裡面有雪櫃自助拎，當日飲左支津路價值$10

來到美味佳燒夜，叫了不少食物。招牌雞全翼x2 +燒雞肉x1 ：超抵食之選，27/3 串。味道一般，雞肉沒有什麼味道。串燒雞脾菇：友人說雞脾菇燒得太乾而且十分韌，不過我吃的尚可。串燒豆卜：燒得外脆內軟，而且外面灑上香料，十分惹味。推介。豬腩肉：入口爽脆，肥膏與肉大概3，7 比例，沒有很肥膩的感覺。而且燒汁帶有甜味，十分開胃。推介。肥牛韭菜卷：入口超濃韭菜味，肥牛不韌，不過完全沒有牛肉味。蜜汁叉燒：與燒味舖的完全兩回事，不建議叫。雞軟骨： 雞肉沒有味道，當搵啲野咬下都不錯。美味佳的串燒稱不上美味，不過價錢亦比很多串燒舖便宜，一分錢一分貨，不能要求太多，亦可叫做物有所值。如果想搵個地方，與人吹水聊天，又不太介意食物質素，美味佳不失為一個好選擇。

大家如果有食開串燒既話都知道呢個價錢係相當吸引一劈頭就叫左佢蛋炒腸粉係我食過最好食既腸粉簡單冇地方可以挑剔黎尼度必點既野食叫左兩串韭菜食大大份又夠味唔會話好辣尼串豬頸肉同平時食開既唔同佢係特別彈牙而家係幾juicy每次食串燒燒茄子都係我隆重期待既野食佢好係好在成條燒俾你唔好既係 唔夠蒜蓉味道唔得平均平個啲就有味內面個啲就偏淡Overall來講尼都算係一間貼地既店舖啲員工又有講有笑好好禮貌我會翻尋味架

提起美味佳好多人都會諗起串燒，不過今日同朋友就入咗去食車仔麵。三餸車仔麵連飲品，盛惠$34，老闆娘仲送埋湯渣添😂。湯底好甜好正，料足而且新鮮，碗麵亦都夠曬大碗，大家下次黎除咗串燒都可以試吓佢地嘅車仔麵。

今日男朋友突然提議不如午餐食串燒🙆🏻‍♂️💁🏻‍♂️🙊😎 於是就帶小妹去左美味佳, 之前已經食過一次外賣, 今次就試下堂食先😋 我地叫左蛋炒腸粉同幾款串燒🍢蛋炒腸粉, 蛋香濃郁加埋嫩滑嘅腸粉, 口感十分豐富, 好味😋串燒(少辣), 有芥蘭, 翠玉瓜, 豆角, 雞脾菇, 雞軟骨,雞腎, 雞翼同燒賣, 全部都燒得唔錯, 味道夠但唔會太咸, 仲帶有少少蜜糖嘅甜味😊 肉類入味, 蔬菜爽口多汁, 果然保持水準!👍🏻燒金菇, 熱辣辣蒜香味重, 非常惹味😊

今日有啲空閒嘅時間，同朋友嚟咗理工大學扮工，扮咗工成日，到夜晚時間梗係想搵一啲好食啲嘅餐廳啦～朋友介紹咗紅磡嘅一間串燒店，係我人生第一次嚟串燒店食嘢以前讀香港大學嘅時候，好鍾意去西環嘅一間小食店叫炒腸粉，但係嗰間炒腸粉成日都整到好油，食咗幾啖都唔想食，呢一間串燒店製作嘅蛋炒腸粉一啲都唔油膩，我同友人清晒全部腸粉，可想言之係幾咁好食！有少少似土匪雞翼嘅味，咁多串燒之中我最鍾意食雞翼串燒～韭菜肥牛都幾油膩，牛肉都唔夠嫩滑。朋友鍾意食翠玉瓜，我就淨係試咗韭菜，不過太油膩啦，食咗一半都冇食。嚟間餐廳嘅話，建議大家都食佢嘅雞翼串燒！

初初入POLY讀既時候，大部份FRESHMAN都會接觸到呢間叫美味佳（肥婆雞）既餐廳。通常黎講響POLY趕完PROJECT/住HALL都有機會落去食宵夜。呢間鋪頭主打係食串燒同燒烤野，另類少少既有蛋炒腸粉，平心而論蛋炒腸粉係幾好味既。但係依樣優點COVER唔到佢既缺點。首先等既時間過長，有時可能要排成個鐘，冇位既話大熱天時要坐出去流晒汗咁食。另外成日叫完野都會漏單，然後催佢又話落左單叫等下，到最後隔左半個鐘先發現真係落漏，道歉都冇句。講返野食方麵，除左蛋炒腸粉其他都真係麻麻，鋪頭既主打係串燒，但係佢地既串燒質素好浮動，有時太乾，又時又燒得唔夠耐，食得好唔好味真係好睇你好唔好彩。加上價錢比同類餐廳貴１－２成左右。

美味佳竟然開埋外賣專門店以前在此叫野食例不准催因為要即燒催谷就會有機會食炭真係士別三日人地已經風生水起這次叫兩串收22元最化算是3串只係27元可惜下午茶時段由外國女傭燒烤雞翼燒得唔夠脆孜然粉落了但竟然絲毫不辣差少少就差少少而且今日達30幾度這裡冷氣不夠真想不到

說到串燒不得不提起美味佳還記得小時候都喜歡回到鄉下說美味的串燒但自從鄉下不再開串燒檔便久違了那種味道在朋友的推介下還記得第一次到美味佳吃飯時就被串燒的椒鹽味道喚起那小時候的回憶串燒不但有肉的選擇還有一直很懷念的燒韭菜😍現在想起也想瘋狂吃串燒店內位置少經常爆滿所以若要品嚐就要花點時候等候但絕望不會令你失望

美味街真係我由細到大食過最好食嘅港式串燒店之一🤫佢平日已經吸引到好多紅磡附近Poly嘅學生同埋街坊嚟幫襯，平日令身啲人龍同外買都係多到爆嘅，今日我就要介紹我認為係佢鎮店之寶嘅蛋炒腸粉😍😍😍 ========================蛋炒腸粉 $16腸粉唔係單單係蒸爐攞出黎剪一剪炒兩炒就完嗰種🙅🏻‍♀️師傅會純熟地首先係鑊嗰度攞落啲油，將腸粉剪兩剪倒入去炒，等佢嘅腸粉炒到邊邊有少少焦脆同煎香左之後就再加蛋🍳唔使比一陣蛋到好快脆咁熟咗上碟🤘🏻跟住又落夠足本嘅豉油甜醬麻醬芝麻，一碟完美充滿回憶嘅蛋炒腸粉就出現咗啦😭唔係我吹大左但係佢每一條腸粉都係真係有煎香過，夠熱同辣手之餘可以食得出佢好有鑊氣，蛋同腸粉嘅焦香味兩者都令人食過返尋味🤩唔夠醬料又可以自己再落，平日想簡單有滿足感有幾難？食碟蛋炒腸粉就得啦💗💗========================巧味道指數👅：👧🏻👧🏻👧🏻👧🏻👧🏻再食過指數🏃🏻‍♀️：👧🏻👧🏻👧🏻👧🏻👧🏻錫荷包指數💸：👧🏻👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻========================📍 美味佳 (紅磡)紅磡寶其利街2號

讀大學嘅時候，成日過嚟食宵夜。今次過返嚟食，有返以前的回憶覺得最近啲阿姐禮貌越嚟越好，明明記得以前佢哋好惡嚟咗咁多次，必食嘅一定有豬頸肉，墨魚咀，雞軟骨，韭菜，雞中翼仲有蛋炒腸粉！識食一定要加辣！啲辣粉同孜然粉加埋一齊真係好香，啱啱燒出黎食落口仲係熱辣辣好新鮮。唔食辣嘅朋友，都可以叫佢分開上啲辣粉俾你地試下，不過一定冇一齊燒咁正。仲有佢嘅價錢都係比出邊便宜，大件夾抵食。蛋炒腸粉真係好岀色，係第二到食唔到。強烈推薦！其他仲有好多例如燒茄子，燒金菇都可以試下