美味小廚茶餐廳

營業中

休息中

難得今天早收工,又是慳錢大計的時間,一於趁6點前仍可叫下午茶餐, 就要一個楊州炒飯配熱奶茶外賣回家當晚餐吧!一合滿滿的炒飯,內有蝦、蛋、火腿等配料再加上熱奶茶,比叫一個同樣食物的晚餐節省了十元多,財富就是這樣累積起來

A local and neighbourhood tea restaurant of Meifoo. Breakfast and lunch sets are standard, no surprise. Typical tea style foods in variety from dawn to dark. Bread, rice, noodles with all types of Asian style cooking are available. After a numerous visits all staffs and chefs are known to us. Breakfast is available till 1130, and we take this opportunity to enjoy brunch usually. They are now able to take our orders with eyes closed as we only eat the same each visit.

港式茶餐廳到到都有，食物也差不多，但若能沖得一杯靚茶就不一樣！A餐茶奶多奶讓我們一家幫襯了快三十年每次好旅行，第一件掛住的，就·是·它！將岩岩好的太陽蛋，放在微焦的吐司上，再篤穿，吐司吸滿蛋汁，加上火腿，切件。這是帶給我一天工作力量的早餐。

「美孚下午茶餐」依個系列真喺好耐無出過，查返對上一篇已經喺2014年年初嘅事，一來少咗晌美孚食下午茶，二來食過幾次又覺得無咩特別，都無乜好寫。本來，最近開咗間新茶記「東霖小廚餐廳」，可能喺新開，多人多到不得了，所以，改咗去轉個彎嘅「美味小炒茶餐廳」。晌「美味小炒茶餐廳」，下午茶都食過一次，但已經喺2012年嘅事。環境喺好街坊嘅茶記格局，地方細細喺逼夾啲，但勝在乾淨企理，以前食評都有講，所以，今次就唔多提。講番下午茶餐，最平就喺三文治或多士餐，$22-$28有交易，其他嘅碟頭飯麵餐或炒公仔麵餐，定價為$34，例包熱飲。蝦醬乾牛河 $34因為喺下午茶餐嘅緣故，份量比正常嘅碟頭肯定細一截，不過，以下午茶嚟講，夠晒食啦。加入蝦醬嘅乾牛河送到上枱，寧舍香。牛河炒得夠均勻，亦無炒到碎濕濕，添咗蝦醬，更加鹹香惹味。羅漢齋炒麵 $34老細揀素食嘅碟頭粉麵，一喺佢，一喺就羅漢上素飯。個炒麵睇樣就似模似樣，餸料都唔少，草菇、珍珠筍、竹筍、腐竹、木耳、白菜仔……等等埋滿面，味道亦調校得清淡，只可惜太油，食到近尾，老婆話都要放棄。熱奶茶、熱檸水仲記得佢哋嘅奶茶喺唔錯，雖未喺好絲滑咁，但茶底絕對芳香。老婆杯檸水

下午茶2:00起.小炒有鑊氣.今天吃3蕃茄蛋反.味道吾錯.同事吃了蝦醬炒牛河.味道惹味牛肉爽口.另魚香茄子反.夠鑊氣.整体食物質素吾錯,奶茶ok.下次再去試其他食物.看如何l

好耐無寫依個系列，因為，近來食嚟食去都特別可言喺之前已寫過嘅餐廳，佢哋又無咩新嘢出，所以，真喺無咩好寫。諗諗吓，仲有間茶記好似未寫過，隱身晌街市嗰邊，之前同屋企人食過晚飯，啲小炒幾好，反而，早餐就未嚟過，故今次嘅星期六早餐就嚟到「美味小炒茶餐廳」（前身叫美味小廚茶餐廳）。唔喺老吹，「美味」確喺幾多街坊捧場，九點幾嚟到，真喺要等先有位。環境喺街坊茶記格局，無咩特別好講，卡位、小圓枱，逼逼窄窄，但勝在乾淨企理。早餐款式相對其他茶記少，一頁紙睇晒，但都叫有超過10款選擇，不過，款式就大路啲，喺較傳統嘅茶記款式。早餐B $26小弟要咗火腿通粉、牛油多士，飲熱奶茶。啲通粉有少少過腍，個湯底亦無乜味，但塊火腿食得出唔喺普通平價嘢；而牛油多士可能喺大量製作，無理由影一陣相就凍晒，食落口真喺微熱都無，幸好仲有杯靚奶茶補數，雖則未叫超滑，但茶底芳香。早餐F $30老婆就要雪菜肉絲米、配午餐肉及煎蛋，熱檸水，不過，佢偏向食素，減少食肉，塊餐肉就醒俾小弟。佢話個肉絲米好食，主因喺啲雪菜無一般通病過鹹，而啲雪菜亦令個湯底無咁寡；餐肉，睇得到喺混有火腿「白豬仔」嘅貨式，比「梅林」好食。兩個早餐，一個普通，一個好

平日好少經過呢度，今日行經呢頭搵食，就一於試下呢間茶餐廳。叫左呢碟炒貴刁，賣相正路啦以呢間睇落就知唔係行高檔茶餐廳路線黎講。味道就少辣，可接受既程度，鹹就鹹左d, 不過以茶餐廳黎講係咁上下。至於配料，火腿同紅腸絲份量適中，蛋花就份量太少，而蝦當然係雪藏蝦，細粒不特止，仲有蝦腸未清理。至於貴刁就咬口度欠奉，偏淋。總括黎講味道平庸，材料質素參差，實屬又一普通茶餐廳。但咁樣碟頭都要40元，值唔值真係見人見志。

打完波肚餓, 行過見呢間餐廳有下午茶餐, 裡面又冇乜人喎. 啱晒, 可以坐得舒舒服服休息一下.睇完餐牌叫左個 茶餐 D : 司華力腸 配 沙律不一會, 食物便準備好, 份量不少, 絕無偷工減料呢. 司華力腸雖然唔係好長, 但都算幾租, 罐頭雜果沙律加了幾條菜絲幾有心思, 最正係送多兩片蕃茄, 整碟下午茶的構圖即時得完整了, 非常之正!司華力腸味道 ok, 夠熱也有肉味, 沙律和蕃茄則普普通通, 不過不失咁啦.

返完大陸山區做嘢，無啖好食，一返香港，放低行李，最想去就喺茶餐廳，好懷念港式美食。都因為已經成兩點幾，一於又嚟個下午茶啦！美味小廚藏身晌百老匯街、吉利徑裡頭，都幾隱隱蔽蔽，相信區外人唔易搵，加上門面又唔光鮮，嚟親都喺熟客或者街坊多。下午茶炒粉麵餐，2:00-6:00pm供應，送埋啡茶，款款都喺$28，非常之平，不過份量比正常少1/4左右。由於老婆6:00pm有飯局，所以佢淨要份三文治就算，而我就午餐都未食，當然又喺要份頂得吓飽肚嘅下午茶餐啦。菠蘿雞絲炒飯 $28份量望落確喺細咗啲，幸而炒得飯粒幾爽，唔算好油，菠蘿略少，雞絲反而多喎，都算過得去。之不過，個奶茶好失望囉，唔夠香亦唔夠滑，真喺好少晌茶記飲到咁無水準嘅奶茶架！沙嗲牛肉三文治 $15三文治本身喺散叫，不過店家亦有賣三文治或多士餐，前者$20（單料）或$23（雙拼），而後者多士餐就$18，兩者既為餐自然跟熱飲。個沙嗲牛肉三文治做得幾好，沙嗲牛肉調味恰當，沙嗲幾香，牛肉食落軟腍，又唔似用鬆肉粉勁「揦」咁，無種太散爛嘅感覺。不過間嘢真喺好無乜客，一枱喺附近做嘢嘅銷售員，另一枱得個阿伯晌度打躉睇電視。成間茶餐廳好hea咁，唔似快餐店乒乒

星期一, 因為老細係香港, 為了爭取所有野於一日內搞掂. 搞下搞下, 隨時8、9點. 呢個鍾數, 都係外面搞掂算數. 今次沒有目標食肆, 而且人又倦. 都係回家先...係屋企樓下, 在決定煮公仔麵同茶記食碟飯之際, 我選擇了後者. 事因, 美孚仍有不少茶餐廳未去過. 不想過籣秀道那邊, 係百老匯街近街市, 就有一間未試過. 美孚的茶記, 好多都用 "美孚" 黎 "美"化其名. 呢間叫 "美"味. 是否真的美味, 就一定要試過先知.一個人, 叫下一碟菜遠叉燒飯. 加一杯奶茶. 盛惠30大元. 係街坊茶記中, 佢不算平, 但都好平民下. 因為位於內街, 夜晚到訪, 大多是一些無飯街坊, 邊食, 邊看黃子華. 份量都幾大, 叉燒加上茨汁, 味道方面尚可. 不過, 食慣的菜遠飯, 通常都用白菜仔. 但這裡用的是菜芯. 有不同而這不同沒有傳統的好.奶茶就普通啦. 街坊店, 不會突出, 又不會太差. 不過, 美孚選擇多, this one, go down the picking order.

雖然住在附近, 也很久沒有幫襯, 因為以前的印象欠佳, 廚房師傅手藝麻麻, 時常太多油, 太鹹.今天下午因事忙, 四點鐘也未吃午餐, 泊好車後, 因為就腳, 姑且給它一個機會.下午茶餐只售廿五大元, 選擇頗多, 粥粉麵飯也有, 加熱飲, 凍飲要加兩元.叫了沙爹牛肉炒麵加凍咖啡. 十五分鐘有得食. 賣相也不錯, 八吋的碟子裝得滿滿的, 色彩繽紛, 一食之下便知外貌的不可靠,最致命的是鹹, 鹹, 鹹,一點鮮味也沒有, 沙爹味又欠奉.四五片牛肉十分韌, 蘇打粉也對待不了,想不吃, 又肚子餓, 又肉痛那廿五大元.惟有吃幾啖才放棄. 凍咖啡也不濃不香好不到那裡, 這店名美味, 但離美味實在太遠了.

自從上一個廚走後，依家唔得la.依家個廚係之前個服務態度幾差既伙記肥仔，佢煮野一味咸同落味精。救命！唔好食都冇所謂，最慘係勁唔健康呀！

我諗佢同美孚新既歷史差不多,細個個陣成日去個度食野.不過已經好耐冇幫襯.環境麻麻,食物味道唔係特別出眾(唔係話佢差).我想講既係以前好鬼鍾意食佢早餐入面既通粉,唔係話佢D通粉好(都發得幾大),而係唔知點解好鬼鍾意飲佢個溝稀忌廉罐頭湯湯底.真係抵死.