影片
港鐵長沙灣站 A2 出口, 步行約5分鐘
繼續閱讀
電話號碼
95495595
附加資料
店名 Im Aroi 意思為又飽又好味, 希望客人食得開開心心 招牌菜: 泰式炒乾河 (採用泰式河粉), 菠蘿炒飯, 泰式豬頸肉, 泰式香葉肉碎, 金邊粉
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
今日中午呢繼續喺深水埗覓食，咁就搵到呢一間泰國餐廳啦，咁我見個侍應呢都係泰國人嚟嘅，感覺覺得好似唔錯就入咗去坐啦咁我就叫咗呢個雞肉炒金邊粉啦，咁咪炒得幾香嘅有少少甜甜地又泰國嘅風味，都算係十分之好食。而且$60呢個價錢，我覺得絕對物有所值啦，仲要包埋一杯泰式檸檬茶添！絕對推介推介大家嚟食呀。
繼續閱讀
我諗我食咗呢間泰國餐廳不少於20次😂 多數都係食午市嘅，鍾情佢嘅冬陰功金邊粉或者豬肉船河。 最喜歡嘅係佢無論門面又或者係廚房都係由泰國人士主理，味道亦都好似喺泰國當地地道嘅餐廳咁，唔會話特別為咗香港人而改口味，真正保留住泰國嘅風味。午市冬陰功金邊粉包一杯飲品68蚊冇加一， 冬陰功湯底好濃厚，感覺同散叫一碗湯嘅感覺一樣，另外仲有幾隻蝦，大量肉碎芽菜，仲有隻煎太陽蛋😋 每次冇乜胃口或者宿醉之後就特別喜歡過嚟食呢一碗粉，食完好開胃😂
繼續閱讀
Intro: 呢一間隱世泰國小店真係番工嘅食堂，好多餐都係即叫即炒，仲會送埋泰式奶茶/檸檬茶，不過位置同人手比較少，有時放lunch會好快無位。___________________🍽 辣肉碎煎蛋飯💰 58 （送凍泰式奶茶）⭐️9/10✍🏻 正常坊間嘅肉碎煎蛋飯都係預先準備，但呢到係會即叫即炒，所以黎到嘅時候會喺熱辣辣咁食；✍🏻呢到嘅肉碎炒得好惹味，仲帶點辣，連埋豆角辣椒同埋九層塔一齊炒，好適合撈飯；✍🏻 肉碎煎蛋飯最緊要係隻蛋，至於今次嘅蛋就比較熟，冇乜好靚嘅流心效果；✍🏻 整體份量偏多，足夠一個男人嘅份量。___________________🏠 imaroi thaifood no.21📍 深水埗營盤街118號⭐️ 9/10___________________
繼續閱讀
朋友住附近成日食推介話要食既泰國餐廳今次終於食到喇！好地道嘅泰國小店位唔多但夜晚都坐滿的泰式炒寬粉炒得有鍋氣！粉又有Q彈感好好食😋！泰式船面呢個更出色 好有驚喜 金邊粉軟度煮得剛好香濃既泰式湯 香料配菜都夠但又唔會覺得係合成味 只係辣左少少 明爐泰式烏頭但今日冇烏頭轉左鰂魚但魚肉都好滑嫩 但個人覺得湯唔夠酸
繼續閱讀
收工約咗住深水埗朋友去食飯，大約晚上6點見到有間细細間泰國餐廳，睇吓門口餐牌，價錢好抵食，又見到店內全部泰國人主理，又唔使等位，一於試吓，餐廳環境細，大約150尺，有大約四張四人枱，全部摺檯及圓凳，裝修簡單整潔。冬蔭功湯（細碗$ 69）冬陰功湯好足料熱辣辣，入邊有六至七隻蝦，蝦都好大隻，有兩至三種不同菇類，配合：辣椒辣味、青檸酸味、香茅、蕃茄、椰香及乾蔥頭等配料，味道十分好，飲完好開胃，正宗泰國冬陰功湯口味，兩個人都分到兩大碗。綠咖喱配雞肉及白飯 $59（可以配豬肉、雞肉及牛肉），（額外可以選以下其中一樣：白飯、薄餅或蒜蓉包）綠咖喱唔辣並帶甜味，清新可口，雞肉嫩滑，雞肉份量都有七至八件，好足料配合蔬菜、矮瓜、長青豆，綠咖喱汁送飯絕配。馬拉盞炒通菜 $52，正常馬拉盞味道，唔太鹹。串燒拼盤 $79，六串（豬、牛及雞），串燒火候適中，唔會太乾，保留到肉汁，一小碟沙嗲醬味道香濃，少少椰香味及少少花生碎，完全泰國味道。飲品：椰青$38，新鮮清甜。青檸梳打$25，青檸及糖漿甜味適中，正常味道。環境及餐枱，座椅普通，但以這個價錢食到泰國菜，由泰國人處理的正宗味道，十分抵食，我第一枱客入座後，大概30分鐘後，餐廳已坐滿人客。
繼續閱讀