美心小品

營業中

休息中

本人好鍾意食焗薯，經過見到呢間焗薯都有好多選擇！今次叫咗bolognese & Pork sausage同埋 spaghetti Carbonara !很不錯喔 蒜蓉包同薯條都幾出色 輕食嚟講環境都幾舒適！用咗暗暗嘅燈同埋環境都靜靜的，所以用餐感覺都幾舒服

作為本區居民，久唔久都會嚟小品食嘢,一向最鍾意係到叫杯latte飲。但最近想飲食健康d，叫咖啡時想轉skimmed milk/ 植物奶時， 驟然發現無呢d選擇，覺得有d可惜👀 如果貴店可以加入skimmed milk/ 植物奶更佳😳

放工想食burger，諗起之前同細佬食過，即刻唻食。上次叫左炸魚漢堡。今日叫左牛油果燒雞漢堡包檸檬茶。牛油果冇咩味，燒雞都唔錯嘅，我唔鍾意咸，所以呢個淡淡岩哂我。至於漢堡個包同上次食一樣，都係油左少少。。好彩我配熱檸茶，感覺冇咁膩。成份set $53,算係咁啦。

今日同媽媽嚟咗呢間美心小品食早餐 🥣平時多數諗唔到食咩都會揀佢 因為佢雖然食物嘅選擇唔多 但係質素非常高🌟而且都叫做有唔同種類: 漢堡、沙律、意粉、意大利飯、同埋好高質嘅薯蓉💯佢嘅粟米湯非常濃稠，不過個人比較喜歡佢嘅南瓜湯同埋蘑菇湯，佢每日都有唔同選擇俾你揀芝士蕃茄雞肉粒糙米飯🌟糙米飯，佢有一點煙韌，但絕對唔係生米嗰種硬，蕃茄汁同芝士非常配搭👍🏻酸忌廉薯蓉🌟呢個薯蓉喺呢間cafe必食之選‼️我每一次嚟到一定嗌呢個，因為佢嘅酸忌廉同薯蓉非常搭配，而且佢有沙律同蒜蓉包做配菜，豐富得來非常開胃🤤

想飲番杯咖啡又想食嘢飽下肚但又唔想咁貴，黎呢度都係幾好選擇， 主打漢堡包、焗薯、意粉同糙米飯， 叫埋杯嘢飲都係60至80蚊左右 ， 早餐午餐下午茶 ，大部分繁忙時間都差不多坐滿人， 好多街坊都鍾意喺呢度消磨下時間， 當然佢嘅咖啡又冇咖啡店做得咁Pro， 但係食個餐加少少錢 ，有杯過得去嘅咖啡你飲， 都算係咁呀。 我哋嚟呢度食野最鍾意都係食焗薯，意粉味道都OK至於漢堡包，自己就比較少食， 所以不作評論。 餐廳內餐桌大多是二人或四人座位，如果你入座人數太多， 要坐埋一齊傾偈就唔方便， 總括來說此處屬於三五知己， 飲杯野傾下偈的好去處。

Maxim’s And You美心小品煙肉配酸忌廉焗薯$45酸忌廉分量充足，完全唔會覺得太漏。焗薯亦焗得剛剛好時間，不會太淋或太硬。有煙肉碎+芝芝+麵包糠。食哂成個都唔會覺得濟，仲好滿足開胃😳芝士牛肉漢堡$45牛肉漢堡的麵面烘得剛剛好，有酸瓜，生菜，蕃茄，芝士，牛肉。如果牛肉的口感可以再厚啲就更加完美，加$12 配薯條 🍟薯條好香脆，味道少少偏咸，之前食辣更加惹味！蒜辣海鮮意粉 $73份量唔算太多但喜歡辣的不要錯過，味道非常惹味，調味很好。有蝦同少量海鮮再配一塊焗得很美味的蒜蓉包！食左甘多野麵係200 幾 仲要商場優惠可以$200 泊3 個鐘！

晚上7時前到達，先自行點餐，店員有禮有耐性。點了一個香蒜辣海鮮意粉、煙肉酸忌廉焗薯、炸魷魚圈、凍檸茶及凍朱古力。不用5分鐘，食物便準備好了。食物夠熱，味道也不錯，只是份量有點少，較適合女士。炸魷魚圈很香脆柔軟，配上沙律醬，很香口。香蒜辣海鮮意粉賣相也非常不錯，配一塊很大的蒜蓉包， 十分惹味，意粉也很彈牙。煙肉酸忌廉焗薯附有很多酸忌廉，只是略嫌薯仔體積比較小。煙肉碎很香脆，如果煙肉碎多一點會更加美味。

--芝士牛肉煙肉漢堡漢堡牛扒分量足，不會乾身，與其他配料配合得很好，不過麵包如果再軟身些就更好了--原味薯條薯條炸得香脆，鹹鹹的，好味餐廳性價比高，出餐時間快，味道也不錯。

環境／設施－都算坐得舒適，位置夠闊落，有梳化位特色－客人自行去櫃台叫左嘢食，餐飲先拎，然後就拎住個號碼牌，等職員送上食物人均價格－早餐 $48 至 $58左右評分－🌟🌟🌟🌟食物份量少，相對來講價格感覺不值，有啲貴熱朱古力好夠濃，我同阿仔都覺得好好味其他咖啡要加錢食物有幾款可揀，即叫即煮，夠熱夠新鮮望返舊餐牌，今次早餐應該係新餐牌韓式麵，仲以為辣，原來係蕃茄底韓國辛辣麵個麵底另一款牛乳湯意粉，味道偏淡

📍MAXIM’S AND YOU (tko)-#5🫶🏻係最高 環境：🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻-辣薯條 +$12 係脆卜卜薯條 配上辣粉 每次都必叫！ 但顏色比較深色煙肉沙樂美腸意粉 -$61意粉比較爽口 每條都好creamy 味道比較重 仲有拉絲芝士 岩哂中意食意粉同芝士嘅你果仁菠菜豆乳飯 -$59飯係糙米 食落比較健康 同意粉相比味道無咁重 配埋果仁都好夾 每逢叫左意粉或飯都有蒜蓉法包 脆卜卜 好好食 再食埋意粉 就夠哂飽 飲品同薯條要另外加錢如果星期六日中午時段食 就要排隊 枱與枱都比較近 環境都比較嘈

屋企附近既美心小品係自助Cafe既形式成日都見到長龍排隊落單😜自己搵位，落單之後羅野飲同餐具食物會有職員送黎都算方便同節省左啲人手👍食物質素都好唔錯🤗🍔牛油果燒雞漢堡（$42）燒雞漢堡賣相就冇餐牌上咁靚🤣味道都算可以😝雞肉多汁Juicy但唔係好食到牛油果味個人覺得另一個炸雞漢堡好食啲😋🍟辣薯條（跟餐加$12）辣薯條係加左啲辣粉係面，唔太辣😚我覺得原味薯條好食啲😛佢既薯條偏粗身，薯仔味都算出🤩份量亦算多，唔錯👍🍝香蕉咖哩炸雞意粉（$65）本身見到香蕉咖哩覺得奇奇怪怪都唔諗住叫🍌但老公話咁特別就試下佢喇🤣點知又出奇地好食😝日式咖哩果然加咩都好食😆香蕉咖哩真係新食法，甜甜地既香蕉味加埋咖哩又幾好食炸雞炸得香脆而且有汁👍意粉軟硬度適中仲有片蒜蓉包，蒜味唔算太重，不過烘得香脆點咖哩食一流💯☕焦糖鮮奶咖啡（跟餐加$15）Caramel Latte 味道唔錯，好香滑😋焦糖味唔算好重，相對地亦唔太甜👍唔中意咁甜既朋友一定中意🤩/📌美心小品將軍澳常寧路2號TKO Gateway東翼1樓151號舖/😋食物質素：7/10🍽️用餐環境：7/10💰性價比：7.5/10👣回頭率：7.5/10

間餐廳好明顯自助嘅咁等位出面無人serve 無人等位咪行入去自己搵位點知入到去個侍應叫阿傑嘅話無位叫我地出去排隊 佢話我地排第二 咁我地一去到見無人等位先行入去，出到黎就話人排第二，成日餐廳等位根本就無system, 完全無人睇住，如果響出面排要等人安排坐位 咁就唔係叫自助啦 阿Man, 知唔知咩叫自助呀？阿傑阿Man 祝你地響美心工作順利工作愉快

超耐無嚟呢度食，有一段時間都好鐘意，價錢好，又算好味，但某一天實在覺得差咗，所以停咗無嚟。 今天再試吓，居然唔多人，可能係時間關係🤨 是但，坐得仲舒服😁 其實，呢度真係好抵食，咁嘅價錢有咁嘅質素！一百三十幾蚊就有兩個主菜同埋湯👍🏼 有啲西餐廳，百幾蚊先得一個意粉😝揀個好位，同女友再諗諗叫咩，餐牌依然，好似得一個比較新，可惜我倆都唔食青口 🤭女友要番食開嘅忌廉野菌意粉，我就揀果仁菠菜豆乳汁糙米飯，今天係蘑菇湯，加$12要一個兩份😛 湯到先，終於唔用佢個飲品杯嚟裝湯👍🏼 正正經經用隻碗 😏 佢啲一向都ok嘅，似新鮮自己整，唔係罐頭湯，同埋又夠熱😋 女友個意粉都到，呢個意粉以前係有黑松露嘅，而家無咗，但問題大，味道好味番喎！女友好滿😄 又夠熱👍🏼😋好快我個飯都到埋，個份量好似比之前大，但味道就淡左少少，我就接受㗎，食開淡口，都煮得好香，幾好味㗎，但對好多人都會覺好淡，尤其是我女友😏

Maxim’s And You 週末去咖啡館坐下，嘆個下午茶，係我們的文青指標。今日試吓坑口這家性價比超高美心小品! 二百幾蚊竟然可以叫到成枱滿晒!性價比好高! 睇嚟好啱年輕情侶去拍拖🥰▪️果仁菠菜豆乳汁糙米飯 $59賣相漂亮的純素料理，冇諗過個蔬菜汁咁入味！第一次嘗以糙米煮意大利飯，嚼感其一般意大利米強，值得一試！▪️吞拿魚沙律焗薯 $45陣容超鼎盛🤩多到寫出嚟的餡料! 真係超有誠意! 坦白講食半舊都夠飽▪️芝士牛肉漢堡 $42 賣相同味道都可以與某我連鎖快餐店匹敵！ 塊漢堡扒仲要又厚又多肉汁，絕對唔係fast good quality!▪️black coffee $26/ Cappuccino $24 可以提供豆奶和燕麥奶選擇! 素食者又多地方揀!

下雨天要食返啲好野🌪🌩🌨美心小品位於厚德商場，同simply life差唔多平時食飯時間行過都幾多人今次8點鍾左右就冇乜人🤭係好似快餐店咁既自助型式出奇地味道唔錯，性價比高🍝忌廉蛋汁沙樂美腸意粉（$61）意粉軟硬度岩岩好，唔會太林😊醬汁亦好掛麵，好濃郁😍唯一係沙樂美腸變左煙肉，圖文不符🍔黑醋脆雞漢堡（$39）脆雞漢堡有啲似Mos Burger果款好香，而且雞都大大舊😍好食🥔原味薯條（+$12）薯條係我中意食果款薯條👍份量都算幾多，而且好香脆一流🥗凱撒沙律（+$12）沙律鋪滿芝士係面菜亦好新鮮，不錯🥤凍檸茶（+$13）茶底有啲似果茶，加埋檸檬都好香甜🍫熱朱古力（+$13）朱古力好濃郁，唔錯🍰開心果奶油紅茶蛋糕（$34）蛋糕就反而麻麻地一黎唔夠鬆軟，二黎奶油偏重😵食落有啲漏開心果味亦唔太突出👎不太推介/😋食物質素：7.5/10🍽️用餐環境：7/10💰性價比：8.5/10👣回頭率：8/10/📌美心小品將軍澳常寧路2號TKO Gateway東翼1樓151號舖