美心皇宮 (德福廣場1期)

營業中

休息中

約了舊同事聚舊交換情報，大家不約而同話一於美心皇宮啦！這裡是舊日大家無日無夜工作時出來抖氣的最好選擇。基本上除了茶市，酒家幾時都大排長龍，例牌來些燒味，這裡的叉燒和燒腩肉質素不錯，後者的皮也夠脆所以最受歡迎。點心方面就少不了牛肉、鳳爪，雖然味道不怎突出，但街坊的味道還是充滿回憶的，平均每位$130多一點，比附近酒家略貴，但食物水準就高一點。

原本想去翠苑,點知裝修.為有轉地方,同一集團酒樓.去到門外已經排長龍,幾十人在等位.入內環境都可以嘅.叫左:柚皮鳳爪,棉花雞,蟹子燒買,芋角,三色糕,桑寄生蓮子蛋茶,蓮蓉焗布甸柚皮鳳爪:鳳爪幾稔,柚皮幾好味又稔,不過有小小過鹹.棉花雞:好正,雞好滑又入味,冬菇好稔幾香,個汁帶有一點點酒香,所以魚肚吸左D汁後好正.蟹子燒買:蟹子冇咩特別,豬肉好滑彈牙,可惜粉味過重肉味欠奉.芋角:料好足,芋頭好香,如果可以小油D同脆D更好.三色糕:一次過試足三樣,蘿蔔糕好普通,芋頭糕同馬碲糕唔錯,芋頭糕嘅芋頭好靚好香有口感,馬碲糕唔太甜,做得唔錯.桑寄生蓮子蛋茶:好香藥材味,足料,蛋做得唔錯,剛剛好,唔會過熟.蓮蓉焗布甸:賣相唔得,但蓮蓉幾好,入口香滑.完滿地完成我飽飽嘅一餐!

今天忽然想食义燒，邊行邊諗...想到了信用咭在美心有優惠，所以便跑到美心皇宮去了。傻仔敏想吃义燒，豬頭人想吃燒肉，那就來個雙併，滿足兩人的願望。傻仔敏面對食物，總把脂肪忘得一乾二淨，所以嫌义燒不夠肥，大抵為迎合大眾的健康口味，現在的义燒大部份都是偏瘦的。燒肉皮還保持脆口，肉質亦嫩，但不夠咸香。清湯豆苗，豆苗嫩口，清清的一道，中和肉食的油膩(有點自欺欺人啊!)中式牛柳，酸甜醒胃，那酸度得宜，沒有過度人工化，牛柳炒得很香口，沒有鬆肉粉的感覺還保持肉汁。配菜的洋蔥仍然爽甜，送飯一流。

宅女午間一向很少飲茶, 但自從這個月比較閒就開始多了點時間陪陪家人飲下茶是日來到美心皇宮, 其實之前吃過感覺一向不便宜不過這裡耐不耐會有些特別又創新的點心可以試試是日點了個龍蝦湯腐皮卷龍蝦湯其實有點像意粉屋那種有點假的味道但不會好咸, 把腐皮卷浸一浸才吃其實吃起來是比較多汁, 但又沒有很突出的龍蝦湯味只是普通水準吧再點個基本的流沙奶皇包可惜原來內裡完全不流沙的吃起來也很硬, 可能是蒸得太久了其實味道大至真的很普通, 而且價格偏貴不過地方大, 環境舒適是事實.

身邊有人結婚, 今日抱住興奮既心情黎到....影左一輪相, 係時候開席~乳豬 -- 好脆, 而且唔肥, 仲有好多肉汁, 唔錯蘭花鳳片鮮蝦 -- 份量好多, 蝦又爽又新鮮, 雞肉滑, 西蘭花無青菜味...好食花枝炸釀蟹 -- 太多粉, 蝦肉唔夠彈牙, 仲有少少腥, no gd翠環碧玉瑤柱脯 -- 好食, 瓜炆得好淋, 索哂d 汁, 個汁有瑤柱既鮮甜味, 加埋上面既幼苗食. 正海皇燴燕窩 – 用燕窩做海皇羹 , 第一次試, 但好食喎~ 其實好過用翅啦, 而家都主張唔食翅, 而且燕窩好食之餘又出得大場面蠔皇翡翠鮮鮑 – 個汁好鮮甜, 個人認為個汁撈咩都咁好食~ 加埋鮮鮑同生菜簡直perfect清蒸原條大海斑 – 咁大條魚都可以蒸得唔 “鞋” 唔老, 勁呀!!!!!!!!!! 當紅一品脆皮雞 – 由於每碟分量好多, 食到呢part 我已經飽到痺, 只係食左一啖雞翼, 雞又脆又香口…..鴛鴦飯 + 雙喜伊府麵 – 呢刻我已經停止進食, 真係好飽…. 其他人話伊麵好食d, 鴛鴦飯太酸喎蓮子紅豆沙 + 桂花, 紅豆榚 – 紅豆沙甜味適中, 煲到起哂沙, 蓮子又夠粉, 掂..紅豆榚其實係桂花榚裡面釀左

完全無諗過,作為一間出名嘅食府,竟然可用兩個鐘頭先可上齊所有普通菜式,唔知以為去咗飲喜宴呀,另外叫嘅菜式先上,之後再上套餐,由於上菜時間太耐,白飯都變凍都唔知叫唔佢地退番啲白飯好?呢一間美心,就算有朋友想在此處辦喜宴我一定會極力勸阻,我自己亦都一定唔會再光顧呢一間食市。

有朋自遠方來，不亦樂乎！嘗試過一頓美味魚翅後，起程去計劃之中的西貢半天遊與海鮮晚飯，可惜天公不做美，在半途中已經風雨交加，友人當中的女士們嘟著嘴，叫嚷著要更改行程，在街邊屋簷底下討論著去那裡呢？經過多番爭議後決定去 shopping , 又由我做嚮導去那裡避雨和購物，這班有錢太太有什麼地方未去過？而她們又會有興趣的呢？ 唉，頭痛！噢！猛然想起九龍灣地鐵站上面的商場和食肆，走中高檔路線，應該能為她們帶來新體驗，於是浩浩蕩蕩十二人向著這方向出發 果然不出我所料，一上到商場，她們已經開始血拼了，難為了那班男士們，只好在 Starbucks 歇歇腳了，經過三、四小時的辛苦血拼和在 Starbucks 歇完又歇之後，大家終於想起係時候食晚飯了，Honey 好識做已經在我們血拼之時，四圍尋找好的開餐地方，所以立即有決定拉大隊去了美心皇冠今天是星期四，剛好是特價日，因此可以用低廉價錢食到以下的美食 上湯焗加拿大龍蝦配伊麵底，三隻加拿大龍蝦，體積雖小但勝在肉質爽甜，上湯焗是我最喜歡的煮法，湯汁濃甜香滑，亦可以食到材料的鮮味，而伊麵又可以吸收盡淨汁液的精華，每一梳入口的伊麵也被龍蝦和羗蔥蒜的香氣包裹著，

開左個ACCOUNT咁耐,都係第一次寫食評..星期一去左同屋企人吃飯，見美心中菜做五邑菜promotion , 阿麻系新會人，所以就簡左係到食...其實美心D野不嬲都幾好食.... 我自己未食過五邑菜,估唔到有驚喜前菜有蘿蔔果d, 38 碟，不過都好貴下之後 點左鼔油鵝，鼓油味好濃，略帶甜，鵝半肥瘦，脂肪吸了甜鼓油味，正！不過吃兩件就收手，驚膽固醇超標。蒸(lim) 魚，唔太識讀個名，幾塊魚已經168！魚肉用左新會火蒜加陳皮，再加蒸魚鼓油，比起一般海斑鮮味。豆腐蒸帶子，十個好食，山水豆腐滑入口，帶子切薄片豆鼓一齊蒸，全家人都啱食，真系老少咸宜。甜品就叫左陳皮紅豆糕, 即叫即做，仲暖立立雖然埋單都唔小$$, 但值我一試~~~~

新年常食的糕點非蘿蔔糕莫屬,每年媽咪偶然也會自己弄,但經常朋友或親戚都會送,所以今年叫媽咪不用太辛苦自己做,前日妹夫又帶了一盒回家~~翡翠瑤柱蘿蔔糕~~,原來是他公司的人給他禮卷,不過要自己去取.這盒蘿蔔糕都好大吓,材料有臘肉,蝦米及瑤柱,分佈幾平均,今晚媽咪用平底鍋煎,所以煎得幾靚吓,聞到都好香蘿蔔味.色,香都有,味道方面,由於粉的份量佔有唔多,食落好軟滑,而且食到有絲絲的蘿蔔,質感幾好,有些兒食不停口

母親生日老爹決定到美心食客家菜, 前一天已訂位了, 一行四人大約七時正到達, 人流不算多. 訂枱時待應還說還有客家菜, 但看看餐牌沒有客家菜只有南、番、順, 看似已轉款了, 再問待應確認一下, 原來真的剛轉了, 不緊要啦唯有試一試新菜式. 南、番、順即是中國廣東南海、番禺、順德三縣一帶的菜式, 就試試美心怎樣炮製吧~牛耳跟茶一齊奉上, 是免費的前菜. 牛耳比相像中好食, 不會太硬身.小食果然是小食, 公雞碗好細隻但腩肉份量可以每人都吃了兩至三片味道不錯不會太鹹. 腩肉下層還有豆腐吸了腩肉汁和蝦醬確實一流~非常彈牙的蝦餅下層還有一隻蝦, 好爽口真是有驚喜, 看看蝦餅面頭還有一粒粒細少蝦子, 但蝦子太少了未能顯示它的味道. 整體來說這個菜式是有驚喜的大家一致說好味看似很少其實內裏都不算少啊..只是排骨有點肥, 酸酸甜甜很醒胃啊~一粒粒黑色的是欖角味道不錯.這個不知是什麼魚, 但我覺得不錯, 可能是我本身喜歡吃魚的關係, 但味道偏鹹, 還有一些粉絲在底, 如果不太鹹便十分滿意了~這個賣相不像還有一個木桶盛裝住, 可惜真是不太好食, 苦瓜很爽口味道頗苦, 但食不出是蒸什麼, 究竟是蒸蛋還是蒸肉

計環境就唔駛講啦...又大.又衛生.坐得舒服.圖中見到的位..高度將人客遮住..談心都不怕給陌生人聽到..呢點我十分滿意.店員效率又高,又有禮,無可批評燒賣:4粒.賣相就唔錯.不過比較乾身.而豬肉.肉味唔濃..顯出粉.比豬肉多.比較失色...炸雲呑:好好味..上枱時夠熱.完全無油...入口鬆脆...鳳爪:只要醃得味道夠.少油,,唔鹹.已經好好...埋單96元...在環境好的地方食...很合理

成日都去九龍灣美心飲茶，好少食佢晚飯，由於方便帶埋個女出街同老公家人食飯，於是決定光顧。坐得幾舒服，光猛企理。服務細心，不錯不錯。 最近賣緊一個套餐係「盆滿缽滿九大簋」，好吸引，就試試。 用咗印咗公雞嘅大碗或者竹盆上餸，好傳統好懷舊，非常喜歡!茄汁大蝦碌，大蝦大大隻，茄汁做得好醒胃，略嚴美極味濃咗d，鹹咗少少!一品發財素菜盆，買相好普通，食材有馬蹄、菇菇、枝竹、豆卜、粉絲、髮菜等，但出奇咁清甜有味，味道唔平凡!砂盆燉陳皮鴨，鴨唔肥膩，肉質鮮嫩，配埋陳皮、豬肉同芫茜燉成老火湯咁，好夠火喉又清甜!撈到盆滿缽滿，買相靚仔又夠大方，冬菇隻隻都又大又厚身又飽滿，同場仲有夠味夠腍嘅海參和鵝掌、花枝片咁，相當正!老圍煮金蠔，用油鹽水煮成，蠔好細隻，食落味道算可以，唔見特出!酥炸鮮門鱔，門鱔大大件，新鮮肉質配上薄身嘅脆漿，掂!生炒上肉排，香脆可口，汁濃稠得宜，豬排唔多肥肉，炒得好好!農家炆豬肉，用咗五花腩整，食落唔肥膩，炆得好入味!紅蔥頭走地雞，頭抽加蔥香，雞都滑，ok!芋圓蕃薯糖水，薑味十足，正!

由於尋日既繁忙.所以俾其中一個叫出嚟請飲茶.但一向早茶慣既我,自然就會叫佢地起早身,由於我仲要去企業廣場驗眼.LOCATION就落咗去德福.不過......美心皇宮同翠園,卒之都係去咗美心皇宮(翠園好似去過)先開好茶..睇一睇MENU:大點$17中點$15小點$1211:30前埋單$6一位茶中位價錢.再望一望,先叫兩樣:4分:足料火腿.魚肚..YUMMY3.5分:呢個幾惹味,唔錯唔錯再嚟多個蟹子燒賣.發財大利賣3分:呢個好似蒸乾水.見到煎炸車.有炸雲吞同菠蘿叉燒飽4.5分:同上次葵芳嗰次一樣正3.5分:有D似賣唔去,但都幾脆回顧同上一次翠園比.呢間似乎好少少.兩個人埋單$140.

專程過去九龍灣聽桂格麥皮的講座,雖然下午才開始,不過我晨早十點就到德福了因為早晨派怎樣呆也呆不到下午出發.手持兩張美心集團一百蚊現金券,和老友決定飲早茶先,在翠園和美心皇宮二選一,最後都是去我們熟識的皇宮.(因為翠園好似再貴點點)時間早關係,所以知客請我自己去選位.此皇宮比屯門店大得多啊!!門口有四個超型格的馬蹄形疏化位,可惜已給坐滿了.然後伸展前邊左邊和右邊,好入好入都是皇宮的佔地!酒樓以紅噹噹為主,所用燈飾非常華麗.開好茶後就看看點什麼吃,開始時有很多推車仔在身邊轉呀轉,約十一點過後就少了很多.而不難發現平均兩部車是賣同一堆點心,所以實際計上來總點心款不是太多而已.首先有瑤柱蒸蘿蔔糕,件頭少少的,經指示下阿姐加入少少胡椒粉和大量蔥花...蘿蔔糕內佈滿臘肉,臘腸和蝦粒,瑤柱講真就唔覺有,蘿蔔絲不算多,和糕身一樣是糊糊淋淋口感,味道靠那甜豉油,當加香蔥後原來味道正很多!香氣大發.之後食鮮蝦菜苗餃,望落樣子好掂下,晶瑩剔透,而餃皮不會黏筷子,口感QQ,蝦肉多過菜,裡面的汁夠豐富,非常好食的一味.隔了半小時再點個瑤柱蝦肉蒸節瓜甫,這個平時在屯門皇宮食開,大大粒蝦肉加荀為餡,爽口甜美,而節瓜

在這裡用午膳, 環境很靜,很衛生, 等位時間都要10分鐘, 都算太長, 但能吃到懷舊點心, 都算值得. 最好吃就是鮮蝦腸粉, 又爽又滑; 蠔油鳯爪, 又焾又入味; 糖水有紅豆沙, 芝蔴糊, 西米露等, 多花款又甜; 山竹牛肉, 帶有少許皮果味, 很正; 蛋散又脆又甜, 其他酒樓很少有得賣了; 蘿蔔糕有很多蝦米和臘肉, 很正. 可惜價錢真不平宜. 今次一行六人的同事, 吃了很多點, 各付了$65.00, 但如果到同區的"稻香"吃 , 只需付$55.00, 所以, 偏貴. 服務都算很好, 但結脹很慢, 趕返工, 真急死人呀!