美心西餅 (太子站)

營業中

休息中

🎑一年一度中秋節，點都要介紹一下中秋月餅，美心西餅出的流心奶黃月餅，最初新推出時，人人都想買它，購買潮導致賣斷市，近年才回復正常。現在流心月餅雖然沒有賣斷市情況，但不代表它沒有吸引力，它今年更取得2024年世界品質評鑑大會Monde Selection金獎(金球獎)，證明它的品質愈來愈高，絕對有保證。流心奶黃月餅，顧名思義是月餅中心會有金黃餡心流出，外層是濃香奶黃，由酥軟餅皮包住，一啖有3重口感，美味爆燈。

最近朋友忙得不記得自己的生日了我們決定給她個驚喜因為她平常經常喝咖啡☕️所以買了美心秋意特濃義大利芝士蛋糕這款蛋糕主體是咖啡朱古力蛋糕，有點苦苦的，吃起來不會太甜，搭配具有香濃咖啡酒香嘅手指餅，很有口感。還特選了義大利芝士慕絲鋪滿了表層，芝士的濃郁香味配上幼滑的義大利慕絲入口即化。朋友看到我們為她準備的蛋糕很感動，說這個蛋糕讓她很滿意整個蛋糕吃起來有雙倍的咖啡滋味，鍾意食提拉米蘇和喝咖啡的你不要錯過這款蛋糕哦

在買之前已經聽說過美心抄襲台灣米滋崎的楓糖布丁乳酪蛋糕，都知道味道一定沒有台灣那個好，但從未想過如此一般，但叫價如此高昂，完全不明白賣點在哪處，值得這個價錢，性價比極低，是非常失望！一切開時，上層啫喱已經開始跟下層芝士蛋糕分離，而佔絕大部分面積的芝士蛋糕是極普通，跟一個在便利店買的芝士蛋糕毫無分別，只是多了上層的啫喱！而且上層咖啡啫喱跟下層的芝士蛋糕的味道並不配合，完全不明白將兩樣食材放在一起的意義！蛋糕的創意已經是抄襲，而且食材、口感極之普通，毫無驚喜，究竟價錢昂貴的原因在哪裏呢？

生日要買生日蛋糕慶祝， 諗咗好耐今次買邊間餅店的蛋糕好呢？ 到最後決定到美心， 不過之前買的都是芒果系列的， 其實除了芒果系列之外亦有很多選擇 ，今次試下甘栗系列的甘栗鐵觀音茶蛋糕$138，細滑忌廉，配上香甜軟腍栗子， 雙重口味，口感獨特，甜而不膩， 加上栗子蓉令蛋糕更加細滑好味。 真材實料食落每一啖都有栗子粒， 還有鐵觀音茶的清香，好味啊！喜歡美心經常都會有不同款的蛋糕登場， 經常保持新鮮感， 加上每一次的蛋糕質素也很好， 有品質的保證。

今日晏就食完飯之後未飽，想食下飯後甜品，於是就同同事一齊去地鐵站既美心西餅睇下有咩蛋糕可以買黎食下過下口癮😆😆 雖然大家一心想買西餅食，但見到牛乳卷有特價，兩點至五點只售$58蚊，十分抵食，切開一人一件，五個人除返都只係十零蚊左右😍😍首先卷蛋真係好大條，足夠我地五個人食，仲可以每人分到好大仵！🥰蛋糕質感鬆軟得黎帶點結實，同時都好濕潤，入口既感覺好好。而中間既忌廉都好香牛奶味，仲有一粒粒既牛乳布甸係蛋糕入面，奶香既味道再提升多一個層次，口感亦十分豐富！非常好味，好值得食！

美心西餅係連鎖大集團，都可以話係信心保證，食物未必好有驚喜，但至少都不過不失。今次令我要寫篇食評，主要係因為我買左三件朱古力撻，但店員竟然用左一個細盒擺！我係返到屋企先發現佢擺到咁，因為當佢擺唔落個撻既時候，係完全無問過我介唔介意咁擺，又無問過我或者主動幫我轉大盒。雖然個撻無爛，但係一開出黎感覺好差。而且啲撻如果係用黎招呼客人既話，感覺就有啲失禮。如果店員可以先問一下介唔介意咁擺，比我有個心理準備就會好啲。

最近男朋友生日，本身佢比較傳統，鍾意食傳統嘅生日蛋糕，尤其是海綿蛋糕！之前一直有買新穎小小嘅蛋糕，佢都唔係好鍾意~ 所以今次佢生日都係去返美心西餅買返經典款好啲✌🏻 佢比較鍾意食芒果，所以一定係美心西餅嘅招牌芒果蛋糕～ 都幾靚架，全部都係芒果！買嘅時候唔知裏面係啲乜嘢，淨係印象中覺得係海綿蛋糕！吹完蠟燭之後分嚟食，切嘅時候已經覺得好唔同，芒果蛋糕變得好有層次感，佢而家嘅款式都好多層！除咗有海綿蛋糕之外，中間仲有幾層cream，有一層朱古力脆脆（仲係幾好食嘅）夾一啲mousse~ 好新穎！食落去好有口感之餘，芒果超級甜，其實美心西餅嘅蛋糕都幾有水準，佢嘅水果每一次食都唔會覺得好酸👍🏻👍🏻

自從美心推出左流心奶黃月餅之後，我一值都好想試，但呢買左2年都買唔到黎食😭😭。今年我都係一樣買唔到黎食🤦🏿‍♀️、知道同事搶到，所以叫佢私捨一個比我🤤🤤。原來賣斷市真係有原因。個月餅好有誠意，雖然細細件，一啖都食得哂，但我都分開左2淡食。打開包裝已經聞到好香既蛋黃味，再咬開一淡，入面底部同2邊充滿住流沙黃金，真係好香好好味。食完又唔會覺得好製。不過可惜得一個，有機會既話，希望出年可以買到一盒返黎食啦😍😍

平時屋企冇乜野食，咁啱朋友結婚又有餅卡，所以就去美心西餅揀了一打餅！😊我男朋友淨係鍾意呢幾款，所以我就淨係揀左呢幾款！好好味～ 最傳統既味道！蛋卷最好味，蛋糕軟綿綿，一啲都唔硬！夾埋cream好好味，另外，黑森林都好食，黑森林係其他餅店都有~ 但都係冇美心咁好食偶爾食下都算唔錯！👍🏻有一種傳統回味嘅感覺。

搭地鐵經過美心西餅，唔覺意見到買蛋糕都有下午茶特價時段，兩至五時就可以優惠價$39.- 買到了，這個確係心動價，二話不說就買了個回家。車厘子朱古力蛋糕，正價亦不過是$58.-朱古力慕絲夾層，餅底軟軟的，朱古力味非常濃厚，中間夾着車厘子肉，我個人覺得比起正價＄200.-個的蛋糕完全冇分別，現在$39.-就可以買到，而且真係好好味，一家人作為飯後甜點，超級值呀，唔知優惠可以做到幾時，推介大家快D試試👍👍👍👍👍

放假第三擊之我愛甜食again呢排成日行街都會見到美心新個朱古力蛋糕廣告一直心思思想食好耐復活假最後一日 終於dick起心肝過食會一會佢點知原來係冇切餅ga退而求其次 就揀左呢個脆榛朱古力蛋糕一件$22 而家做緊promotion 買三送一層次非常豐富餅㡳為朱古力脆脆 我比較愛呢種餅多過消化餅餅㡳 脆脆餅底冇咁濟第一層係榛子朱古力蛋糕 濕潤ge朱古力蛋糕加上滑一滑ge榛子醬 口感完全冇得頂第二層 朱古力mouse 朱古力味濃 mouse口感滑第三層 朱古力海棉蛋糕 呢層朱古力味較淡 正好緩和一下前面濃濃ge朱古力味頂層為再為濃少少ge朱古力mouse 好正如果你係朱古力控 我誠意推薦你食 但如果你唔係太好朱古力 就可以唔洗試 因為你會覺得甜同有d漏

剛剛老夫子餐廳吃完lunch,行咗一陣聯合商場，又有點餓。3點半，食tea時間。於是去美心西餅店看看，買些西餅回家作tea食。見到呢幾款cupcake好似幾好味，更有優惠，買5送1， 於是整番半打回家試下，味道不太甜。不錯！ 有朱古力、士多啤梨和藍莓三款不同味道。我覺得朱古力味最掂，好香濃。甜味濃度適中。而蛋糕的質感不太鬆軟，略為結實少少,忌廉不太膩，好食。而雪凍了食還得，味道保持到，這款cupcake用來邊食邊飲杯綠茶，好配。

前排路經美心西餅, 見到有款牛乳甜品杯, 個杯幾靚有乳牛pattern又白雪雪咁都幾吸睛, 所以用餅卡換左兩杯再加杯芒果甜品杯回家做飯後甜品.牛乳杯入面主要係牛乳奶凍, 奶凍上面有舊細細地既cream, 上面插左一張乳牛紙卡仔, 感覺有少少唔環保.  奶凍牛奶味幾香, 質地頗軟滑, 如果可以再滑溜D就仲正, 但勝在唔會太甜, 而底層仲有少少海棉蛋糕, 海棉蛋糕都算鬆軟, 所以$16一杯都試得過. 至於芒果甜品杯比左屋企人食, 聽佢評價就一般般啦, 芒果粒都幾酸.

當晚，我們幾位好食友一起走到太子人氣餐廳 <老夫子餐館> 食飯！ 除了友人送上日本北海道手信，其他食友也交換小禮物！ 大家都好客氣！ 多謝哂！其中 C 食友送上購自 <美心西餅> 的檸檬味杏仁條！檸檬味杏仁條一包 6件，打開包裝袋，散發芳濃厚牛油香， 檸檬味輕滲，不算突出，表面鋪滿香脆可口的杏仁片，咬下去是千層酥的質感，口感些少硬脆，甜度頗高！伴上麥皮食是不錯的選擇！

由於生病了，收工便隨便買些吃的去送藥，在地鐵站買了這個綠茶紅豆卷旦。見正在做特價，才不過廿五元呢。一個人吃，份量都不少，胃口普通下，剛夠送藥。我是看這沒什麼cream才買下呀。回家後，打開見到未切件，切開五件後，拿上手，有點鬆散，紅豆賣相不小，原粒的樣子不怎細軟，但咬上口又竟是甜糯。cream 是薄薄的一層帶咸味。而主角的綠茶旦糕層雖然鬆軟，但較甜，沒啥茶香，想要的濃郁綠茶味倒沒有，卻是預期內，沒期望沒失望喔！