美心西餅 (沙田站)

營業中

休息中

前日 (14-10-2023 Sat)中午同老公到咗沙田,幫女友人WK買生日蛋糕為女友人LT慶生,佢嘅budget係$200.00二磅嘅蛋糕,咁就只有美心啱budget,我睇咗價錢同重量後,就只有呢個以會員價$210.80買原價$248.00造型似盤菜嘅月圓相聚.咁我就即時登記做會員.拎到去WK家人屋企後,我就即刻雪住佢,到接近5點,其他朋友都到齊,我哋就拎出嚟食, 簡介寫話呢個係紫芋仙子,佢有芒果慕絲,芒果肉,原味啫喱碎,紅豆,芒果軟心醬,椰子慕絲,雜果同海棉蛋糕.拎出嚟睇,佢有白色丸子同正方體嘅嘢,原來簡介中冇提過,到我哋分好晒食先至知,我咬開白色丸子睇,裡面有黑色餡,應該係芝麻吧.而另外嗰啲正方體,應該係芒果同紫芋.我食嘅時候,除咗紅豆同原味啫喱碎外,好似食唔到咁多種食材嘅味道,究竟我食咗咩嘢?

今日亞仔生日，本來想買個朱古力火鍋棉花糖蛋糕，點鬼樣知，之前日日都見到有貨，係今日間間都買晒，跟住服務員好主動幫我打電話問左5間分店，最後終於搵到一間，完成亞仔心願買到個蛋糕。

🥯🍩我最愛圓碌碌嘅包包🎶 美心西餅又有新搞作😍全新 #BreadStyle麵包圈系列，麵包每日由師傅以手工搓圈製作而成，而家每日都有 Bread Style 麵包圈陪住我同埋圓圓，平時同圓圓玩完就隨時想食就食！🍩😋 今次有兩款口味，分別係 #車打芝士麵包圈 同埋 #三重朱古力麵包圈 ，兩款口味都一樣咁好味😍我就鍾意食芝士味，因為咸咸甜甜咁，唔會好漏，麵包以香軟手工搓圈配上香濃車打芝士，「芝」味十足😋 而圓圓就緊係鍾意朱古力味啦🤪哈哈！三重朱古力麵包圈，以鬆軟手工搓圈配上香濃三重朱古力，享受三重朱古力帶來嘅快樂滋味❤️圓圓都食到舐舐脷😋 🤣大家都一齊去美心西餅買返個 Bread Style 麵包圈系列，一齊Have a Good Day！💯 @maximscakeshk #美心西餅 #MaximsCakes #美心麵包 #MaximsBread #BreadStyle #麵包圈 #車打芝士 #朱古力 #每日香港新鮮烘焗

[ 美心西餅 ]之前食過呢款蛋糕嘅正常size，原來都有出迷你version，啱晒想自私Tea time食但又怕食唔晒嘅你🤭🤭✿ 迷你 Mochi 芒糍蛋糕 5 吋 $178最頂層鋪咗新鮮芒果粒🥭同埋微微燒過嘅白玉mochi ，中間夾層有好豐富餡料😋包括有滿滿芒果粒粒、煙煙韌韌嘅白玉糯米糍、芒果蛋糕、濃厚嘅Cream，仲有酸酸甜甜嘅芒果醬，口感豐富得嚟有層次。而家至 10月 18日 只要成為美心App/ Eatizen App 會員喺美心西餅門市以正價買夠3個迷你皇牌蛋糕，仲送＄60 電子現金券一張總結🫦身為麻糬控&芒果控，必食呢款蛋糕啊😻5吋嘅蛋糕買嚟同朋友食飯慶祝生日就啱晒👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿全線美心西餅@maximscakeshk @maximshongkong✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

美心最近岀咗🎂迷你皇牌mochi 芒糍蛋糕成個造型就好似粒放大版嘅😍芒果糯米糍咁非常可愛丫🥰🥰白雪雪嘅外型頂層除咗有新鮮嘅芒果肉之外仲有燒焦香嘅糯米糍😉入面夾層仲包咗粒粒芒果肉同特選台灣白玉糯米糍🥰加埋酸酸甜甜嘅芒果軟心醬，口感都幾豐富呢款蛋糕份量輕巧，都幾啱用黎做下午茶🫖😍即日起至 10月 18日 只要成為美心 App/ Eatizen App 會員喺美心西餅門市正價累計買夠三個迷你皇牌蛋糕，就會送你＄60 電子現金券一張嫁😉

老公生日🎂🎂🎂🎂🎂朋友買咗呢兩個蛋糕同佢慶祝🥳🥳🥳🥳🥳開頭朋友話係俾佢個樣吸引住😍😍😍😍覺得好得意好搞笑🤣🤣🤣🤣🤣🤣點都估唔到原來個蛋撻蛋糕係咁好食🙊🙊🙊🙊個個都爭住食🤤🤤🤤🤤🤤🤤🤤🤤🤤🎂🎂個雞蛋仔都唔差但要比較之下蛋撻5分鐘就冇晒😆😆😆😆😆😆😆😆😆😆😆佢哋話下次邊個生日再買😅😅😅😅😅😅😅😅😅😅

芒果糯米飯…蛋糕?係啊，無睇錯，真係蛋糕黎!今日行街見到呢款「Take a Thai Break美心芒果糯米飯蛋糕」仿效芒果椰汁西米糕造型真係好得意～選用來自「芒果之鄉」菲律賓時令芒果製作，食落啖啖肉，鮮甜又多汁，好JUICY。蛋糕頂層為椰子糯米布丁，另附椰奶可自由添加，切開即流出金黃色芒果醬再夾雜新鮮芒果肉，餅底係煙韌又軟糯既糯米飯，食落甜而不膩。鬆軟海綿蛋糕配清新斑蘭忌廉呢個組合真係好創新，成個蛋糕既口感同味道層次都相當豐富，泰式風味十足。

美心一向都動作多多，常有新款蛋糕推出，今個呢個 MOCHI芒磁芒果蛋糕，非常推介外層由椰絲忌廉覆蓋著，蛋糕面舖滿新鮮芒果肉同埋糯米糍粒。砌開之後更有流心芒果溶，口感QQ嘅糯米糍融入當中，而且蛋糕亦富有芒果味，重達1.8磅，份量十足父親節當日更有83折各位芒果控不能錯過

這晚剛在沙田逛完, 臨入車站前才醒起未買麵包, 便到美心看一看. 發現麵包做緊價惠, $24任選兩袋袋裝包, 於是便買了一袋牛油排包及雞尾包.其實排包間唔中都有食, 買來夾蛋、火煺或芝士. 因為排包本身已有牛油底, 不用再另搽牛油了. 而佢本身較為軟身, 可以不用再“叮”, 直接食用都好味的. 當然, 再“叮”一下, 會再好味點.而雞尾包就比較乾身, 內裡的涵料比較少, 但一袋有5個, 這算是化算. 如過要用正價購買, 那就不會考慮了.

經過美心西餅，本來是想買麵包留待早餐享用，却看到一盒四款的西餅撻只售$27，無論款式和價錢都引起我的食慾和購買意欲，再看見小海報顯示購買餅店產品，可享優惠價$12購買一件栗子蓉西餅撻，最多可選購兩件。回家後與家人分享的下午茶：我喜歡吃栗子，自然會愛栗子蓉西餅撻，雖然現在成本關係都會用罐裝栗子蓉製造栗子蓉西餅撻，但罐裝栗子蓉並不代表不可口，栗子蓉的甜糯和配合少量忌廉，有著香滑甜美的口感享受。撻之一：有兩層的蛋糕面設計，視覺上有點兒超凡感覺，果仁撻面灑遍榛子果仁碎粒，咀嚼間，口腔滲出陣陣著香脆果仁和蛋糕的芳香，兩層蛋糕的中間還有少許鮮忌廉，吃得更滋味！撻之二：綠色開心果仁和紅色果醬似在撻面爭輝，其實誰也不能爭鋒，果仁和果醬的美味，最終我是美味的得利者。撻之三：撻面雖然比較平凡但有內涵，一片鮮菠蘿令西餅撻充滿果香。撻之四：主打都是多款果仁碎粒，因為我享用之前都輕微焗過，撻面與撻邊都是非常香脆。

係人都知美心餅店早已進駐各個港鐵站嘅高人流鋪位已久，尤其是依間喺沙田站的分店，簡直好似唔使錢咁成日都勁多人塞實哂，唔知道真係以為Ｄ人要排隊買Ｄ咩驚世美食。但大家都知，熱點鋪賣嘅食物，可能80%都去左交租，以致供應的食物就成了空心包之流！家人突然要想食西餅，其實係想清清家中積存已久的餅卡，就去換打西餅食下。可能時代唔同左，而家Ｄ餅店早就推出左好多五花百門的高級美點，咩水果撻芒果撻，總之最BASIC最MINIMAL的依種 "冇料"西餅，可能價錢低，就非常被美心忽視。點解？想換一打BASIC嘅西餅，竟然都話賣哂，要第日再黎過！一係叫你加錢換依樣果樣咁，總之一副拎餅卡黎換打BASIC西餅好似同佢乞米咁嘅樣。好啦，終於換到喇 (仲要只係搶到一堆比較不受歡迎的款式)。WELL.... 我以為自己眼花，件瑞士卷蛋，好似瘦左身咁，以我用肉眼睇都睇到佢明顯切薄左好多，同忌廉花餅一樣都係拎上手輕飄飄，好似一陣風都吹得走。一啖食落，勁乾，勁輕，好似蛋糕糊同忌廉都發到無限大咁。之後食埋個椰撻，想講粗口，成個餅底都係濕的，係濕到個撻起唔返出黎，一劈野咁，乜料？據了解咁樣一件西餅，散賣要成$5.5，真係4個字，執

每年美心都會推出好多新款嘅蛋糕，但基本上都係伏黎嘅。所以我每次買蛋糕都只會選擇魔鬼蛋糕、天使蛋糕同芒果脆脆尼三款，完全吾敢試新嘅蛋糕。但係今次推出嘅大富翁系列吸引左我，我就冒住中伏嘅風險買左個大富翁朱古力慕絲蛋糕試下。尼個蛋糕基本上所有大富翁嘅元素都係吾食得嘅，包括上面插住嘅鈔票同側邊圍住嘅紙牌。攞走曬之後，佢就係一個普通嘅朱古力慕絲蛋糕。整個蛋糕吾會太甜，朱古力味算濃，重要嘅係朱古力味吾假。而且中間嘅朱古力慕絲頗滑，同朱古力奶凍好夾，係一個我會再買嘅蛋糕。

一年一度的端午節又到啦！市面上已有林林總總的應節粽子售賣，真是花多眼亂。今年特意擺脫傳統，買了冰粽過節，一來可應節，二來也可作甜品。～果蜜系列一盒四隻，包括了黑糖味、芒果味、蘋果味和楊枝甘露味。四種果餡都比較清新，以芒果味最為濃郁。外皮晶瑩禿透，不會糊口。冰粽顧名思義是雪凍吃最佳，冰涼感覺最透心。～甜品系列四款包括了綠茶紅豆味、芝麻味、柚子蜜味和紫薯味。個人認為，甜品系列較甜，其中芝麻味的餡非常接近芝麻湯丸裏的餡，較甜又有芝麻粒粒。柚子味甜中帶清，紫薯顏色及味道也討人，綠茶紅豆味可以說是一箭雙鵰，喜歡吃紅豆和喝綠茶的人一定不能錯過。

最近有同事last day，請我哋食西餅，有好多款式選擇，有cheese cake、泡芙等，我揀咗泡芙！😎·🔸 芒果泡芙原來美心出咗呢種泡芙，今次第一次食咋！3粒為一組，睇落好似的的骰骰，但其實都幾大粒，頂部嘅芒果🥭酸甜美適中、感覺清新，而底下嘅cream就好出色，好creamy呀，平時食蛋糕我都一定清晒d cream，今次都唔例外！😍 至於個泡芙就中規中矩，質地偏軟，不過味道都ok！·整體嚟講都唔錯，值得再食！😋

今日買了一個伯爵茶雲朵蛋糕，伯爵茶熱開始減退，不過本人喜歡伯爵茶，因為伯爵茶的甜品一般不會太膩，比較清爽。這個蛋糕外型不錯，以奶茶色為主調，貫徹茶的主題。頂層有忌廉，一切開，裡面是伯爵茶的海綿蛋糕，一層疊一層，頗吸引。不過吃起來就出事了！因為伯爵茶的味道很淡，取而代之是甜味，茶加上甜其實很不搭，很明顯茶味不足以甜味去填補，是敗筆。那種茶味再細細品嚐，也許不是茶，總之很怪。一般茶味蛋糕很少失手，頂多是不好吃，這個蛋糕是難吃。