美心MX (已結業)

美心餐牌中，鐵板算係最吸引，所以揀左個鐵板雞排餐（＄５５），包薯菜包漿汁包湯。我最唔滿意係無飲品送，另加最平要＄６，仲要係汽水。鐵板，一出黎係吾熱，倒汁落去係無sa sa聲。雞排肉地算唔錯，又幾厚肉。薯條正正常常，粟米幾甜但唔爽口。湯個蘇皮做得吾錯，只係無可能有儀態咁食，Ｄ碎飛都周圍都系。個湯系龍蝦＂味＂湯，無龍蝦，得味精。

好耐都無食過美心，因為都覺得貴又唔好食。但今晚媽咪推介窩蛋免治牛肉石頭飯。因為佢食過話又好食又平！只是三十蚊仲要有野飲，就一於試下。結論好滿足！因為好夠料！啲牛肉好夠送飯。不太濃又不太淡。重點係飯夠硬至怕食石頭飯但飯林咁就會勁溜但呢個飯岩岩好！整體非常好！真心平靚正晚飯三十三蚊一個飯加凍檸茶，真心無乜邊到食到分分鐘麥當勞仲貴。推介！

番工食晏 諗住hea 食唔同快餐店都各有特色諗到大家樂有豬扒飯 大快活有咖哩美心鎮店梗係燒味啦6寶飯有 雞 叉燒 鴨 老水牛脷 咸蛋 紅腸如果生菜都計埋 係7寶飯了飯粒黏度okay但太多鼓油雞有雞味 夠嫩 但咸咗d叉燒好惹味 唔會太硬 肉質可以鴨有皮無肉算把啦如果紅腸咸蛋都難食 就要好思考反省老水牛脷似橡皮 喊

見有韓式石頭鍋飯食，４０蚊樓下兼有一杯青檸梳打，個飯仲有牛肉／豬肉／雞肉３款揀，點指兵兵下揀了豬肉那款！等左一陣終於食得！個石頭鍋飯熱辣辣，賣相一流，一Ｄ都冇欺場！ 除左飯和豬肉之外，佢嘅配料都好可觀，製造相當認真！豬肉：好稔！點埋附上的燒汁，好有韓燒嘅感覺！飯：佢用珍珠米，口感煙韌！有Ｄ飯變成飯焦，好似食煲仔飯咁！配料：翠肉瓜（清甜），大豆芽菜（夠多），泡菜（醃得好入味，好彩唔太辣，岩我），芝麻和冬菇片（吊味又香口，為呢個飯生色不少）！

今晚一個人食飯, 想買外賣. 但去到美心, 發現裡面異常冷清. 所以決定堂食.從水牌發現大部份的選擇也超過$40. 心想原來現在美心也一點都不便宜. 點了冬瓜套餐籠仔蒸豆腐. $43包白飯, 冬瓜盅和茶. 魚肉放在豆腐上, 以荷葉放底, 外觀不錯. 份量不算很多, 但味精很少. 只是白飯質素太差又硬. 可見得美心明顯是想把定位放在中高級快餐上.想起報紙報導美心考慮在半年內加價, 那到時更加貴, 會否弄巧成拙, 流失更多的客人. 相反我經過大快活, 價格以$39以下為主, 客人可多了. 試明光顧快餐店的仍是對價格比較敏感, 質素其次.

老公的週末無薪加班日，沒完沒了，等到他收工後又到吃下午茶時間。先前已經連續四個星期六和老公上茶樓吃中式點心，實在有點厭悶，今個週末倒想轉換一吓口味。醒起早前看過食評提及「美心」有款麥嘜多士供應，相片中的烘包看來絕非一般厚度，甚為吸引，是日硬拉著老公來這裡吃下午茶。其實「美心」在幾間連鎮快餐店中，幾乎是唯一一間無間斷地推出 $2 / $3 折扣券的食肆，既然這優惠差不多是垂手可得，為何不索性在售價上作點調整，讓人人受惠，總好過要食客定期剪出減價票，過一段時間過期了又要再剪另一批，簡值是費時失事，所以我和家人光顧美心快餐的次數，實在是寥寥可數。先在舊報紙堆中翻出兩張現金券，沿路步行往這快餐店時，老公還說如果沒有我心儀的厚多士供應，大可即時轉場到其它食肆。看看餐牌，只有一款奶醬厚多士，沒有食評中那個配上餐肉炒蛋的款色，也二話不說，以這份餐為首選。奶醬厚多士配熱奶茶 ($15) + 碗仔翅 ($6) 扣減 $2 現金券後：$19老公捧著茶餐回來時，一望這份我十分期待的厚多士，吓，何厚之有呀？從賣相來說，更加是毫無半點吸引力，多士面頭色澤烘得唔夠金黃，對平時連吃蛋撻都專挑邊位較燶的我來說，實

冬至晚上, 是一個與家人一起食晚飯的時間. 如果我們十八個人出外到酒樓食飯, 最起碼要二千至三千元吧, 又要限時段. 因此, 我們選擇留在婆婆屋企食飯---訂購美心到會本來預計送貨時間是晚上七時, 但大約6:50pm就送來了. 我們order了一個10人套餐及另外散叫一些食物. 散叫食物:香燒羊架: 我沒有食羊架, 但食了鋪底的菜, 而大家都認為羊架ok, 但鋪底的菜好fresh, 好硬, 是未熟的三式薯仔沙律: 鋪在表層的有火腿, 鮮果和吞拿魚, 這個沙律有好多薯仔. 麵包布甸: 布甸好滑呀, 質素與酒店的相若10人餐:芒果蝦沙律: 蝦大隻, 芒果新鮮, 賣相吸引, 有很多種鮮果, 但沙律汁帶點酸.蜜汁豬仔骨: 蜜糖味重, 甜, 豬仔骨大件芝士焗三蔬: 每件蔬菜都很大件, 不太硬, 芝士味濃東瀛風味拼盤: 有炸雞槌, 墨魚丸, 豬串燒, 雞串燒等等. 炸雞槌和串燒比較硬, 不太咸, 但墨魚丸無味越泰知味拼盤: 有蔗蝦, 炸蝦餅等等. 份量好少, 蔗蝦好硬牛肉炒烏冬: 牛肉腍, 可是汁好咸, 有好多醬油鰻魚雞粒炒飯: 鰻魚有不少, 份量足, 這個炒飯不咸, 賣相也很好.芒果布甸: 好

上星期日趕時間，但好肚餓，唯有隨便找個地方先祭五臟廟。照常理當肚餓時應該食乜都好好味，到康山美心快餐為求穩陣，盡點大路貨色，唔好搞花臣野喇。(1) 焗豬扒飯：一大缽獻(絕對唔係汁)鋪面配一塊2寸半長 x 4寸闊 x 1/2寸厚的無味豬扒，一口咬落，雪味濃郁；投降!!$36就此報銷。(2) 豬軟骨湯麵套餐(配日式餃子)豬軟骨騷味爆燈，湯底味精勁重手，扒兩啖後覺得應該更為自己腸胃設想，再投降! $36再報銷!日式餃子：賣相酷似呻完鼻涕的紙巾，用筷子篤兩野質感卻極其堅韌，未知是否鍾嘉欣所代言之紙巾所包成。浪費了$72，罪過!抱歉沒有零分或者負分可供選擇。

今晚試左美心的火鍋...我覺得價錢貴左，食物少左，牛肉只有4片，豬肉都只係4片.. 以前肥牛的份量係多D...面都係以前的好食...店中都唔係好多人打邊爐，我相信價錢係一個原因，今季的火鍋亦欠缺特色...就黎食完時，店員係度拖地，其實咁注重清潔係好值得一讚，但係因為有好大陣漂白水味，令到食緊野的客人，食得好唔舒服...呢點真係要留意下...

天氣勁熱，懶得行，也懶得去找。身懷美心的優惠券，就索性吃個快餐。未致於沒有胃口，不過鴨腿湯飯一向是我其中一個優先選擇。這裏的陳皮香茜鴨湯飯，湯與飯是分開上的。湯底味道不算濃，並不過鹹，陳皮味則幾突出。燒鴨肉已腍軟，但味道仍在，分量亦不小。珍寶牛仔腸併雞扒則是典型港式快餐碟頭飯。腸夠大條，雞肉嫩滑，加上洋蔥汁幾香，沒什麼可批評了。

今日約咗師傅嚟整電話，點知個師傅鬼咁晏都唔嚟，後嚟仲話要星期一先可以整，見時間已接近 7 pm, 懶懶地都係費事煮飯，屋企有張美心 $10 coupon, 就行過嚟食晚飯算啦。喺大家樂食扒餐就食得多喇，但從未試過喺美心食，於是就叫咗兩份肉眼牛扒鐵板餐，一份配香煎豬扒，另一份配香煎魚柳，每份 $42, 減咗 $10 優惠券，即係 $74. 件牛扒無大家樂嗰塊咁大咁厚，雖然唔韌，但都無乜肉汁，塊豬扒同魚柳就一般喇，未至於難食嘅，但亦毫無驚喜。個汁竟然一啲黑椒味都無，幸好薯角仍有少少脆口。整個餐份量算少，飲品可選即磨咖啡、汽水或西湯。老公仲話點解實物同牆上宣傳海報內相片相差咁遠嘅？ 點解啲牛扒唔係好似張相咁一格格嘅？ 臨走前有個女店員過嚟執拾枱面，見我地預備離開仲主動同我地講多謝及拜拜，服務質素蠻不錯啊。

幾大集團快餐店, 一向好少OR人寫食評, 等我客串下.報紙有coupon, 加上火鍋料半價, 吸引左我倆試下晚餐一直未有機會試大快活的火鍋, 其最吸引的是翡翠螺.大家樂就試過, 冇咩特別吸引. 記得d餐係一定有牛, 同吉野家一樣, 我唔食牛, 冇得試.美心:$42包括 牛乳湯底, 放d菜, 一滾即飲, 香甜. 加湯之後淡晒, 要加鹽. 醉雞, 生/熟都冇酒味, 冰鮮雞, 不過不失. 蔬菜包, 用保鮮紙包住, 感覺衛生d. 烏冬半個, 滑, 但唔彈口, 都預左. 送的芝麻醬點野食好好味, 我要多套筷子, 哥哥仔主動比多份醬, 醒目抵讚 另加(半價後): $5 豚肉, 有6-7片, 滑滑瘦肉味, 食肉獸欣物. $5 餃子, 有8隻, 菜肉餡, 又正. $3 烏冬, 1個, 早知唔叫. $5 蟹子蝦鲛, 裝唔滿, 不過都幾彈牙好味. $5 嚮鈴, 即係腐竹卷, 幾好豆味. 本來想加杯酸梅湯飲下, 但收銀姐姐話食滿60有凍檸樂送, 所以至加個嚮鈴, total $65-$3 coupon. 服務方面, 除左比多個醬, 一埋枱即有人點火, 加湯要叫, 收野快手, 都可以一讚. 有電視睇住撈飯

食 lunch 無人陪, 就會就去美心mx 用下 coupon今次食 雞鮑翅湯飯, 就分開黎講雞:味道係 ok既, 不過肥得黎無咩肉食... 鮑:味道無乜, 質感就合格既翅:味道唔得..... 有同無差唔多總評..唔係差既, 非常普通啦無咩好選擇既話, 可以間中食一次既

夜晚同媽咪黎食火煱，叫左個Shabu Shau 和味火煱 (六寶)，要北海道牛乳南瓜湯底 $58另外叫左一個叉鴨飯 $36 - 依個我就無食，因為我差唔多一星期都食幾次美心...不過媽咪話un左d，可能因為都夜晚啦，放左咁耐講番個火煱，真係北海道牛奶!唔錯，佢另外搵個兜仔裝住d南瓜蓉俾你自己加落去，我加曬全部，真係幾正!個煱仔本身有兩舊cut左ge粟米，有D蓮藕片咁(不過係非常薄)。分左兩個盒，一個盒有和牛，不過得個3大塊lor...>< 但都唔錯啦。有兩大塊雞，4塊豬肉片，兩塊魷魚片(好細塊)，3隻蝦，有蟹籽蝦滑，下面一堆生菜。 另一個盒有兩片日本魚蛋、3塊南瓜片、幾塊蓮藕片(非常薄)，一小半串金菇，兩隻冬菇(一大一小)、下面有一半係生菜，一半係烏冬。個湯底幾好味，用料都ok，唔差，只係份量少左d。話就話6寶，但其實一個人食都食得曬，兩個人食反而我覺得唔夠飽。

美心找來阿So大買皇牌焗豬扒飯有幾好，作為大家樂焗豬扒飯的粉絲，決定來個比試。飯：炒飯底，不過不失豬扒：沒有大家樂的厚身，肉汁不夠；可能沒有加蛋煎的關係，味道好一般汁：夠多蕃茄，茄味十足；聽說是加入了豬和牛肉汁精華而成特色：豬扒早已分成小塊，不用因豬扒難切而狼狽，有心意我的結論是... 還是大家樂焗豬扒飯是「一哥」！