美至雞 (已結業)

呢個雞真係好正啲肉鮮 同嫩 原隻雞 可以靠自己手撕雞成隻雞髀大大隻met落黎一人一隻大雞髀2個人食一隻雞就差吾多佢仲有個小食送 連埋飯百幾蚊 超抵食又健康😂咪話我吾介紹你食好西

第一次去，叫了口水雞同薯仔絲，問佢要幾耐 佢話即刻有，因為當時仲有十零分鐘有巴士，點了比左錢後又招呼了兩個客人落單，我就忍哈住開口問「請問幾時整？我趕時間」一個中性打扮女職員即勁惡：「嘩見唔到人做緊野咩！而家咪整比你囉，整都要時間家麻！你話要就即刻有咩 都要整⋯⋯⋯」一輪咀！口水雞同土豆絲係好味既，後來經過見個女人唔秋系度，就入去買左燒雞食，唔得：雞難又老，係香既 味道都唔錯，但口感好乾 唔會再食，現在知道口水雞同土豆絲都唔會有 個男人話去分店先有，下次去分店買，希望唔好見到果個女人。

今日晚餐家人想食雞，於外賣平台揾到美至雞，睇過餐牌認為可以試下，就叫咗一隻蒸雞，再加其他配菜。滋補蒸雞一隻，首先隻雞收到後，放咗一陣都仲好熱辣辣，香味撲鼻，我用手就咁扯開啲肉分俾家人，真係幾好味。跟雞涼拌土豆絲，份量夠多，味道亦唔錯。紅燒豬手，都夠入味，豬手本身就唔多肉，但都係好食的。涼拌青瓜，家人係唔食的，所以青瓜係全部我食晒，味道都夠惹味的。檸檬無骨鳳爪，未試之前諗緊檸檬味會否好怪，食落覺得都幾好味，去晒骨好方便。整體食品質素唔錯，會繼續試下其他食物。

幫襯過幾次，試過古早蒸雞、燒雞、麻辣雞，上一次買左燒雞及麻辣雞，燒雞好乾，雞翼位好似木魚咁硬，麻辣雞半隻，麻辣汁味道好，但好多骨，少肉，搵唔到雞髀及雞翼位置，見佢小本經營，都冇寫食評講返出來，今日再光顧此店，同女職員反映番意見，個女人不斷話燒雞唔會乾，乾係正常，麻辣雞唔會係咁、唔會係咁，態度越講越差，越講越激動，仲要講到我呃佢咁，上次果一餐因為呢兩款雞，我比屋企人埋怨到癲左，我都未發脾氣，佢仲惡過我，我未出到門口，仲話我痴線，個女人仲話要我早啲通知佢，下一餐佢送返一份麻辣雞我，我不斷拒絕，因為由頭到尾我都冇諗過要佢嘅著數，我亦冇講過要任何賠償或折扣，今次都係比足錢。當時個腦轉唔切，我應該俾返隻雞佢，退返錢咁隻唔食，蠢咗此店已經列入永久的黑名單中，老老實實，當初比好評此店，只要食物出品不是非常差，都會比好評支持一些小店。好心着雷劈，一心支持小店，才光顧，點知結局係俾錢買難受做好人係冇好報

下午5點到美至雞買外賣做晚餐上次食過滋補蒸雞，今次試埋古早燒雞古早燒雞一隻$98呢隻古早燒雞一定出爐左好耐時間，雞皮已剿，雞皮唔香口，雞翼、雞腳、頭尾位置好乾好乾，味道是好的，如果新鮮出爐應該會正好多。今日見到新出品，麻辣雞煲(半隻)$88，要提早預訂，因為朋友想買，就入去詢問有沒有職員回覆：你要嘅話，我而家即刻整俾你， 10分鐘後有得攞。朋友就立即付款啦，此雞辣度是小辣，朋友要求中辣，味道如何？我就不得而知啦，因為我冇份食

元朗水車館街美至雞知道咗呢間舖頭好耐，都聽過好多人讚口不絕一路都未有機會幫襯，今日天時地利人和，買一隻雞返屋企做午餐佢有一款蒸雞及燒雞，每隻$98詢問店員邊一種好啲，佢話：燒雞香口，蒸雞就滋補及肉質嫩滑今日就滋補一下，買一隻蒸雞回家，原隻用錫紙包好，返到屋企大約用咗45分鐘，隻雞都仲熱辣辣原隻上，沒有半隻賣，不會斬件，附上手套及秘製辣粉親手手撕雞原汁原味肉質真係非常嫩滑，適合長者及小朋友食用，幾乎入口即溶，個人覺得配水煮蔬菜、白飯、米粉會好啲，因為雞肉調味濃郁，香口惹味。要計劃一下，下次去買燒雞食

＄98抵到爛啦講真 嗰日我同個friend兩條友食都夠飽 不過一定要加辣粉 個辣粉真係好食到傻 佢個青瓜同埋雞翼就還好 雖然都好味但係$39 4隻對我黎講太貴 所以總結都係去買成隻雞係最抵

肉質嫩滑，啖啖肉，超級Juicy味道好配合呀！遠遠都聞到香味！即叫即蒸，返到屋企仲熱辣辣食完一次有下次仲想試吓佢地隻台灣古法烤雞98蚊一隻又唔貴😎值得一試😋。