美都茶餐廳

營業中

休息中

外賣另外收費無講要收費$6 叫外賣無講，餐牌寫$80送外賣，已經違反商品條例食物已經貴絕觀塘，份量要小，味道已經麻麻，都唔係有心做街坊生意平時個男收銀又無禮貌，最搞笑有次我叫餐有湯跟埋🙍🏿‍♂️要咩湯呀？🧏🏻‍♂️哦要中湯🙍🏿‍♂️得白湯🙍🏻‍♂️😦...哦咁白湯玩嘢咩!!

打電話嗌外賣聽電話嘅阿姐態度已經好差都算啦（因為其實都唔係第一次咁嫁啦，但覺得野食唔差，先會再幫襯）成個杯好似係垃圾桶執返上嚟用咁成個杯口菌晒黑邊 點飲呀 即刻無胃口食其他野無下次啦 街坊要食都睇清楚先啦

已食了十多年，近排可能生意變差。經過店都會看到晚上生意不好，茶餐廳晚餐要70蚊其實唔平。不過我見近屋企，所以都有食，但昨了去了買晚餐，我話俾八達通，老闆娘問我可以俾現金嗎？近排有現金卷所以我話要俾八達通，都好正常，你俾客人可選八達成。點知老闆娘話就係你呢啲人hold住晒我啲現金。我聽到火都黎，點呀，你俾人用八達通，我又唔係唔俾錢，你駛唔駛話人，態度極差，以後唔會再幫襯。又唔係好食。

戴番頭盔先。其實未出現今日件事之前，已經經歷過同類事件，我相信重有千千萬萬間呢啲茶餐廳都會做出相同甚至更離譜既行為。先講聲唔好意思 抽中左你黎開刀。作為一個消費者，我只係覺得好似好唔抵，想申訴一下，當然你可以話香港係咁架啦，咁唔滿意下次咪幫襯囉！ of course …呢個當然會，只係希望有缘睇到既可以留意到，自己再作出精明選擇。又可能只係我叫埋啲正常人唔會叫嘅嘢先出事。（平常大家會叫沙嗲牛肉公仔麵火腿炒蛋方包$38）我都覺得自己越嚟越麻煩😰一份簡單到不得了既奶醬多熱奶茶。又唔係特別出色，竟然開價同個沙爹牛面餐只係差$5。到底係咩玩法？點定價？心唸你唔好真係俾我開到間茶餐廳，一定頂死你地呢班無良商人。心心不憤。我試過公司附近另一間$20同樣係奶醬多熱奶茶！質素差唔多 🤬

今日趕時間，見到呢條街有一間茶餐廳就入咗去食, 而且唔使等位。入邊個舖位都比較窄，裝修係比較傳統類似冰室嘅設計。我哋兩個人坐咗一個卡位，但係完全坐唔到四個人嘅，坐兩個人就好闊，但係四個人一定係超迫。是日快餐我揀咗個海鮮炒麵，嚟得超快，我諗應該係入邊炒定嘅，但好彩佢都係好熱辣辣，唔係啲凍冰冰嘅。佢個量就唔算多，材料量都算適中。海鮮材料有一啲蟹柳啦，迷你蠔鼓粒，同埋有啲新鮮迷你嘅墨魚仔魷魚頭之類嘅嘢。其實我覺得嗰啲海鮮餸係唔夾個炒麵，而且個炒麵好軟身, 唔夠硬同乾身，所以整體口感都麻麻地。價錢就都算抵食嘅， $48有湯有嘢飲！但係因為佢個味道普通，而且環境都幾迫（如果唔坐卡位就真係好迫），所以可能要等非繁忙時間先會考慮再食。

～ 牛扒腸仔茄汁焗意粉、羅宋湯配凍檸茶 ～🥩 牛扒 👉🏼 普通茶餐廳簿牛扒，超少牛味但焗完出嚟有啲脆口。🌭 腸仔 👉🏼 普通廚師腸，外皮脆口，焗完出嚟肉汁濃縮關係，會比較鹹但用嚟送飯送意粉係一流。🥫 茄汁 👉🏼 比較甜，有茄肉，唔係玻璃汁，顏色比較結實。🍝 意粉 👉🏼 粗意粉，當然唔係Al Dente，煮過龍但因為焗返啲水出嚟所以無咁淋。🥘 羅宋湯 👉🏼 茶餐廳港式羅宋湯，入面有各種蔬菜但無肉，甜酸辣比較平衡但最重要加胡椒粉。🍹 凍檸茶 👉🏼 茶底濃，一流又大杯。㊙️ 只在午餐1100至1500時段內供應，但每日午餐餐牌都不同💸 埋單 👉🏼 ＄57蚊🏡 地址 👉🏼 觀塘協和街93號地下

呢個星期開始決定每逢放假冇嘢做都要落去APM做一做運動，唔可以再咁懶😜之前每個weekend都會專登搭車過海食我最喜歡嘅大排檔早餐，不過隨着時間嘅流逝，人去樓空，就連大排檔入邊嘅人都走下一個走下一個，而家好似去都冇乜特別意思咁，仲好啦慳返啲車錢。其實搭黎搭去真係幾無聊，又嘥時間有晒錢。決定咗於是就由屋企行去APM，途經其中一間茶餐廳就去買個外賣早餐，再攞去做運動嘅地方慢慢食其實我買得嘅輕便早餐來來去去都係三文治或者多士嘅啫，應該點都唔會太難食嘅，係爭在個烘底烘得好唔好同埋杯奶茶最關鍵，當然一定唔及堂食咁好食啦！叫咗蛋牛治烘底加熱奶茶，始終都係烘底嗰度出事，都明嘅～啲倒汗水俾個膠袋焗住晒個烘底又點會好食丫😓奶茶都尚算可以啦，我習慣咗唔落糖，不過點講都唔及大排檔嗰啲咁香咁滑😥所以要取捨囉，一係就要專登搭車食好啲一係就唔可以要求咁多🤪

放假懶得煮，食茶記外賣😂😂我系全日24小時都想食早餐同甜品嘅無嚟正經人嚟，當然去到茶記都嗌翻個特餐啦😂😂。呢間茶記喺正路口，所以次次經過都好容易買咗🤭🤭。叫咗個一餸粉(揀咗榨菜肉絲通粉)，佢加配個火腿奄列，不過外賣比人掉埋落水😂😂仲有個牛油餐包(一片大方包分量)，當然有清暑凍檸茶啦哈哈😂😂。凍檸茶幾好飲🍋🍋，茶記嚟講佢茶底唔澀，翻到屋企都夠凍。通粉厚身無坑紋，我嚟講都ok呢隻。湯底夠味不過榨菜啲油落哂去無原湯底咁好味。榨菜好食不過肉絲有啲鞋。奄列系我鍾意嘅，因為唔會滑山山唔熟(我一定要全熟先食到)，但你唔會覺得鞋，蛋香夠味，蛋都入咗啲火腿味。😂😂幾滿意。好似唔知$36定幾多，總之正常價啦哈哈。

又是一個人下午茶時間去輕鬆美食！食個不一樣的下午茶通常我地都係食炸雞脾薯條，西多士。 呢度有多款炒麵，炒飯，湯烏冬，三文治！其中我覺得好特別的就是咖哩牛腩撈烏冬～感覺不會在茶餐廳見到的！因為通常撈麵同飯甚至薄 餅！ 咖喱汁深黃色、很香濃，不會水汪汪！亦不會一塊塊，恰到好處！　相信加入了椰奶，令到咖喱汁香滑！而且很傑身 。相信是經過非常有心機處理！牛腩同埋啲薯仔好入味~讚! 不是粗製濫造的！不太辣適合大部份人吃。用來撈烏冬！ 下午茶時間細細碗！爽口彈牙好食！，很快就吃光了 好幸福好滿足 ！小店雖然舖仔細細, 不過, 人流卻很多！簡直坐無虛席！

觀塘有好些比較舊式的店子和餐廳，今天路過，忽然想懷舊一番。看看仍未過6時，仍是下午茶時段，真配合我!門面不大下午茶的款式不少我點了咖喱牛腩撈烏冬。每逢到茶餐廳，飲料我大都會點奶茶，因為一般來說，它們的茶味都較濃，即是我們很多時會說的“有茶味“。下午茶餐，份量當然是迷你的，但絕對是足夠的。咖喱味道剛剛好，不會太辣，還有些八角香料的味道。混在咖喱汁內，真的吃到有一两顆八角碎。牛腩一般吧!牛腩部分，肉質比較乾了點，牛筋可以煮淋一點。至於烏冬，是比較粉的那種。不過，我當然沒有期望它會用上凍櫃的那種。奶茶奶的比例略嫌多了，茶味出不到來，有點兒失望!但餐廳的人物、環境和氣氛，都令人感受到“街坊“的那種情懷。其中一位阿姐對客人的語氣一點都不客氣，但應該都是街坊熟客，從他們的對話自然會感受到他們的親切。

呢間舊式茶餐廳屹立於觀塘十多年在官塘深受街坊歡迎下午睇睇餐牌叫左個午餐 火煺奄列，蛋炒得吾太熟 剛剛好，火煺絲微溫油多微暖烘得不太脆沙嗲牛麵,沙爹汁幾濃都算唔錯,牛肉幾稔但就冇乜肉味,麵淋得滯,湯底係重重味精湯環境一般啦,食物大部分都係普普通通,真係無乜特別老實講食乜都無所謂既求的是這一種街坊風情

颱風天兔打到來，臨近黃昏的街市蔬菜竟然一掃光！晚餐索性食完先回家。觀塘裕民坊一帶將近拆卸，附近可選擇的真的不多，美都是其中一間可以選擇的茶記。晚餐承惠$48有湯、有小菜、白飯及飲品，無咩特別。叫左兩個餐同老公share食。1. 蝦醬通菜炒"牛肉" = "肥牛片"?? 肥牛片量頗多，吃起上來亦沒有一般炒通菜加了大量生粉撈的牛肉那糊糊的食感，但炒"肥牛"替代牛肉，是因為打風買唔到鮮牛定係此店特色?不得而知。味道OK，份量足，好送飯。2. 啫啫雞煲 , 調味不錯，雞肉夠份量，沒有配料多過雞的通病，亦是送飯的好菜。星期天，讓Bill Tai Tai 休息一天，吃罷拍拍"蘿友"就走，不用煮餐死、洗餐死，輕鬆又一day!!

十二月下旬‧晴去練習，要吃得飽一點，在這裡吃早餐。火腿煎蛋加個沙爹牛米，再來一杯熱啡，就要28元，相當貴。蛋及火腿無咩好講，米粉爽口但份量少，吃完還不似吃過東西似的。沙爹牛是疏打牛，意料中事。還好杯咖啡不錯，力挽狂瀾。

話說中學時代是在觀塘上課的，是日又剛巧來到這區，便順道回味一下這間以前幾乎隔天就吃的茶餐廳。一進店看到衛生情況不太對勁，本打算一走了之，可是晚餐餐牌卻令我心頭一動，決定橫死掂死食一次！於是就點了金菇雞絲玉子豆腐煲試試……很久沒在茶記吃到這樣有水準的食物了！這煲不咸也不淡，味道剛剛好，而且雞絲的份量亦算多。唯一可批評的就是白飯的份量太少了，又不像街市一樣可以白飯任添(話說叫多一碗白飯可要七元呢)。忌廉湯倒沒什麼驚喜，咸了點是真的。凍奶茶也不失水準，叫熱奶茶/茶走可能會比較好吧！埋單只需五十大洋，而且不用等位，算是物有所值的。題外話：這店的店員好像不大喜歡有人拍照……小弟拍的時候有個靚女立即走過來問我為什麼要拍 - -

午歺有焗意粉，抵食..又用等位牛扒腸仔焗意粉 - 即焗要等15-20分鐘，鋼兜...觀塘舊區...I Like it今次就多咗油，味道咸和酸，意粉較硬身，好OK囉，牛扒淋而沒雪味和梳打味火腿奄列 - 仔仔最基本食物，今次賣相味道都OK多士 - 底下嗰件太濃，只一般因為欠麵包香味沙嗲牛肉麵 - 今次仔仔大讚，煮得彈牙，沙爹沒燶，又沒過量洋葱凍咖啡比凍檸茶大杯 - 仔仔叫一定要影低，有投訴。 咖啡一般，檸茶沒有檸檬在杯中，奇景。仔仔話嗰杯真係鮮檸檬茶，並不是開粉或礶装羅宋湯 - 沒有肉碎有肉味，奇怪70幾80元左右