群記清湯腩 (已結業)

來大埔多次，想一試群記不果，不是關門便是賣光，這次終於成事。在門外排隊等了二十分鐘才有位，我們四人瑟縮於牆角檯，食物方面，除了牛腩、牛筋外，還有一些較特別的部位，如牛面珠和牛鞭，我們點了清湯爽牛腩河 $45X2，清湯牛面珠河$37及清湯牛腩麵$39。價錢絕不便宜，四十多元一碗粉麵，可等於茶餐廳一個套餐，不要期望這裏的份量會很大碗，可能還比其他粉麵店略小。我和小妮子都點清湯爽牛腩河，爽腩是一邊連著片厚筋膜，兼有些少肥膏，腍滑、煙韌帶爽，很合我的口胃，味道亦調得不錯，河粉質素中規中矩，清湯味道濃郁，清清純純，據說是用牛骨熬成，入口有膠膠的感覺。我在其他牛腩麵店曾喝過有加入羅漢果同熬的清湯，味道帶微甘，是我最愛的版本。小妮子契媽的清湯牛面珠河，牛面珠炆得很腍，腍得像棉花，入口即融，牛味亦濃。賢內助吃的清湯牛腩麵，醶水太重，她不喜歡，牛腩少肥多瘦，也算有水準。價錢不便宜，又要排隊，再來的機會不大。

星期六入大埔行下, 一場黎到, 梗係要試下大埔既美食。係OPENRICE search 一下....呢間好似好多like wo, 於是試下la, 點知一去到...好長既人龍, 一場黎到無奶油黎唔排, ok 就等等。一邊等一邊望下佢間鋪, 鋪頭細細, 坐位不多, 而且婉面係米好熱呢....0的人入左去好耐都唔覺出黎咁。周圍望望,我發現佢只係1:00-8:00pm 營業, 星期日休息。好似真係好勁咁, 令我勁期待.....等呀等呀等呀...around 30 mins, 終於到la佢特別在好多牛既部分都可以食, eg, 爽腩, 牛鞭, 牛面珠等等......而我order左牛面珠河, 見佢既報導介紹, 一只牛有2邊面珠, 每邊面珠好似只可以做3 碗, 出面好少有得食, 就試呢個。等左一陣, 黎la細細碗, 不過面珠既份量都ok.....一食.......um.....唔係唔好食, 只係勁期待, 以為好正, 不過又無個種"好好食" 既感覺, 只係覺得可以, 同源記差不多。值得一讚既係個牛面珠好"淋", 而且真係好鬼特別未食過!真心覺得份量不多, 不過價錢貴, 細細一碗, $37, 加埋野飲$

牛腩，可以話係喺絕大部分茶餐廳、大牌檔同港式粉麵店都有得售賣，亦連繫左部分香港人既回憶。看似平凡既牛腩，其實絕不平凡，要做得好，何其簡單？其實牛腩新鮮定雪藏、熬既時間、唔同部位以至唔同牛既品種都會對牛腩既好食程度有所影響。試問大家，好食既牛腩，大家覺得香港有幾多間做到？過去幾年我去到港九新界，心水只有幾間，呢間係其中一間。群記清湯腩門面想食呢間食店既人要注意既係，開店時間係星期一至六既下午一點，有時會提早少少比食客入內，星期日休息。雖然食店寫明話開到夜晚八點，但如果食店既貨源賣晒會提早收鋪。所以要食就趁早！同埋有時會幾多人排隊，可能要等成半個鐘先食到，食店入面得大約五張枱，必須搭枱，而服務方面雖然落單既人木口木面咁，但不能奢求甚麼服務既，主要係為左食物先嚟。牛爽腩河 ($45)食牛腩最好當然係叫爽腩，好多人唔知爽腩係咩，其實即係崩沙腩，係位於牛肚腩，近橫隔膜既位置，較一般牛腩更為罕有。爽腩顧名思義，食落確實係比一般牛腩更為爽口，肉質嫩滑，腍得嚟唔會無左肉既應有質感，完全唔chewy！而呢碗湯底亦都係做得好，望落有少少油，全因用上五十幾斤牛骨熬成，飲落濃稠漿口，牛味幾香濃。河粉唔會太腍亦

大埔群記清湯爽腩早已在食客中稱譽，每天任何時段都會見到門前有人龍；早兩天經過，竟然無人等位，簡直是少見。望望餐牌，原來已加至$42，等於人一餐大家樂飯餐價錢，不平宜。呷一口牛湯，散發濃郁的牛香，是加了牛骨去熬的緣故，麵條「脫鹼」做得好，沒半點鹼水味，爽腩肥瘦得宜，難怪收得貴，果真是一分錢一分貨。

令人一試難忘嘅牛面珠河！今日出開大埔墟，途經群記，剩係企係門外，已嗅到陣陣牛骨湯味！即時被吸引住，所以決定再試，等咗15分鐘到就有位，格局如舊，座位少而且迫，簡直成個趕客格局！我叫咗碗牛面珠河，唔洗5分鐘就上枱，哇…！濃郁嘅牛骨湯真係無得頂呀！飲咗一啖就已經有種欲罷不能嘅感覺，而牛面珠亦非常有牛味，而且腍到可以唔洗咬，完全唔韌唔嚡口，不過河粉份量實在少得驚人，一個女仔都唔夠食，更何況係男人！可能重質不重量啩！最後我都食咗兩碗先飽！不過整體而言，咁嘅價錢，食到咁好嘅質素，絕對會長期幫襯嘅！

群記清湯腩，相信很多人都聽過它的大名。今天天氣不太好，不想外出，於是母親外賣了瘦牛腩河給我祭五臟廟由於外賣時已要求湯分開，所以河粉沒有發漲。先嘗一口牛骨濃湯，湯面泛著油光，湯裡有不少牛脂。湯有點鹹，喝後滿口都是牛油。瘦牛腩為數不少，但肉質十分嚡口，而且仍附著很大塊脂肪。河粉分量只夠女士享用很吸湯很滑下次會試普通牛腩或牛面珠河，希望沒那麼嚡口

可能係夏天關係唔多人次次去食都係起爽腩或是根腩河之間難以決定今次食根腩根好諗 入味 完全唔似食緊牛根 好似食啫喱咁腩肉其實我反而覺得一般如果係爽腩就唔同彈牙同肉香多d其實爽腩定根腩都係因為個湯底先可是襯托到個味道湯底有花膠的感覺肉味唔係好濃但我就覺得岩岩好次次都必飲曬湯底先算食完價錢唔平但質素搭夠有餘

中午去吃的，早就听说群记的大名了，终于吃到了。12点五十到，等了差不多20分钟就有位子了，这家的汤汁特别鲜美，算是在香港吃的最好吃的那一类了，牛腩也很劲道，很有嚼头，值得等待的时间。

因其名而山長水又遠到此品嘗。大約點幾鐘到，剛剛好有位，看到openrice推介面珠，於是點了一個牛面珠河，一問之下原來此店並無本人尤好之坑腩，又不愛吃爽腩，此店更不可雙拼，唯有選了一個淨肥牛腩。大熱天時當然配番枝大可樂。聽到鄰座老夫婦交談內容說是常客，又讚何其美味，於是滿心期待著。牛面珠河先上。聞一聞先，無牛味。再試湯，都係無牛味。試件牛面珠先，林但無嘜牛味，心想或許是此牛的面珠不太多脂肪吧，可能不像魚那樣有着滑滑的面珠吧。於是期待著淨肥腩的來臨。吃到一半，淨肥腩終於出場。聞一聞，小小牛腩味。湯。。。當然和牛面珠河一樣味但slightly濃少少，不過都係無牛味。試件一大舊肥膏的牛腩先，林、軟、但鞋而無嘜牛味，就連脂肪都無牛味。再加上煮過火了，有少少似煲湯肉一樣。總括而言，差。

早年在下入大埔，只是限於踏單車或者燒烤，甚少在區內覓食，而在下正式入大埔覓食，連同今次，卻只有三次，還是要長途跋涉，山長水遠才能到大埔，是有點費時失竊的感到，可是為了覓食，再遠一點也沒所謂。上次在下入到大埔原想在群記吃個湯湯腩，可是事與願違，無緣吃到，也要擦身而過，原因就是群記在星期日休息，而上次來的時候就是撞正休息日。今趟可以如願以償，入內一謔。入到小小的店子，牆上掛滿相片和餐牌，無不好熱鬧，在落單時已經說明了要一碗爽腩麵加支Cream Soda。爽腩麵終於來到，半肥瘦的爽腩加上牛骨熬製的清湯，就是在下午餐的主角。爽腩有點入口即溶的感覺，爽而不韌，麵也是幾爽的，而牛骨湯湯則較為濃郁，較天后華姐的和灣仔的大利清湯濃，話雖如此，在下喝完清湯呢！來一支Cream Soda，是舊有的支裝汽水，喝一口清清舌頭的濃郁味道。而上環的瑞記卻用它來盛載奶茶呢！爽腩麵味不錯，湯也較濃郁，是好吃的麵食呢！

雖然群記清湯腩的大名如雷灌耳，但大埔對我來說有點遠，因此一直都未有機會到訪。之前聽網台節目－為食麻甩騷，主持人提到只限堂食、謝絕外賣、嚴禁打包的爽腩，我就決心要去大埔跑一趟。上星期六，有幸得前大埔之花，今天的元朗Chiling帶路，終於有機會去大埔見識見識。我一出東鐵站就直奔大明里，群記一時開門，我大約一時四十分去到，店前已出現人龍，排到龍騰閣的門口。我已經在抱怨人很多，擔心爽腩會沽清。美女食友大約二時左右來到，人龍已有兩個鋪位的增長！二時十五分，我們終於入座了。美女食友與老闆是舊友，因為她以前每星期都會去群記兩、三次。我們要了一碗牛骨淨湯、淨爽腩、牛脷米（扣底，$35）和牛面珠河（扣底）。牛骨淨湯（$10）當然是牛骨的精華，是純粹、濃厚的鮮牛味！美女食友著我試試湯中的啫喱狀物體，原來是牛骨內的骨髓被熬出來了，當然還夾雜了牛脂。為什麼跟骨髓炒三鮮的白色骨髓不同呢？這是之前在飯局，有人問金牌飯局搞手－KC的問題，原來骨髓被滾水燙過就變成白色了。我試了半口骨髓和牛脂，脂肪和膽固醇的確可口，但也令我充滿罪惡感…（笑）我的牛面珠河（$35）來了。牛面珠的膠質很豐富，有一點黏，我很喜歡。這裡用的

以前順路同專程都試過黎食，兩次都冇開門，真係吹到脹一脹~蘊釀已久，今日再試一次，因為小豬B女出門前要搞呢搞路，加埋少少塞車，去到門口都4點五十幾分，一家三豬加埋姐姐坐低叫完O野，O的食物未黎齊店主已經棟O左個牌晌門口話所有食物沽清，好在我地一黎到就咁O岩搵到車位，唔係又要白行！黎之前諗好晒，不過去到時已經冇晒河粉，唔緊要，就兩碗牛筋麵同一碗牛面珠米，再加一碗淨爽腩，阿姐同CF再三確認LAST一份，遲我入黎O既人再叫都冇，罪過罪過！食物晌圖片隔離會寫評言，先講麵，唔同出邊呢類麵店食到Ｏ既鹼水麵，呢度Ｏ的麵好幼身又有咬勁，有咬勁黎又夠軟，我隻小豬Ｂ女都食到，正！米粉有少少米香，唔硬有口感，好難得！湯底同其他清湯腩店Ｏ既湯底好唔同，一般其他店慣常加蘿白同八角之類去煲，加埋CF後湯底係甜O既，呢度用牛骨（睇其他食評講，我唔係專家唔知），湯飲落膠膠地，真係有Ｏ的「厚道」，但味覺方面唔算太突出，不過我都飲到清晒！我覺得佢同豚王Ｏ既豬骨湯晌質感方面有Ｏ的似，味道當然完全唔同啦。另外有師兄話個湯唔夠九記好，我未試過一定要搵日去試試係咪咁正！而八十蚊一小碗爽腩，我忍唔住問阿姐係咪叫錯SZIE，佢話正常咁

未夠1點正，已經出現人龍，可想而知，有幾咁famous!!!　單係外面排隊，都已經聞到陣陣牛味!等左約十分鐘，就可以入去坐，選擇唔多，由於事前已經知道份量唔多，所以C仔都重複問Lahris要唔要加底，最後，我都係覺得一個正常既女人既胃口，係應該只可以食一碗，如果唔係，我既身形，應該等同後面果位大隻佬先生一樣啦!!雖然話份量較小，其實相當足夠，而且，以呢個份量泥講，腩，算係多嫁啦! 但可能係Lahris唔受得牛，一個鐘後，背脊有種極熱既感覺，喉嚨仲好乾渴添!以下是Lahris五位朋友既評語/表現，(三個食爽腩河，一個食瘦腩河，一個食雙併，但我唔記得左==)A(男): 雙併河上枱後，一粒聲都唔出過，密密食，十分鐘內食完，連湯都飲晒B(女): 爽腩河上枱後，都係密密食，十五分鐘內食完，之後仲LAMLAM脷C仔:「因為湯好味，無咩味精，所以連河粉都覺得好好味」E(女):吐返D筋出泥，「下次我都係要瘦腩」之後，收到F既電話，想叫我地幫佢買外賣，但聽到價錢後，只扔下一句「咁貴，唔食啦!」p.s.營業時間13:00至20:00，講就係咁講，但係賣晒就收檔，而且星期日例休Lahris專登請教過從事飲食

大埔，本來是個自己頗熟識的地方，但數數手指，原來已經有二年多接近三年沒有來過大埔這個曾經很熟識的地方。這天正好要到北區工作，趁中午時份路過大埔這裡，到群記吃一碗清湯腩才再上路。踏出大埔墟港鐵站，感覺熟識得來帶點陌生，沿路向大埔墟方向走，約十分鐘後便來到群記這裡。剛來到的時候，門前有數位食客在排隊等候入座。幸好這日的天氣涼快，所以即使在中午時份等候，也不覺得很熱很辛苦。等了約五分鐘左右，內裡有數位食客離開後，便到我入座了。在細小的店面內，和其他五位食客圍坐在一張圓檯，因為一早已經想好要吃爽腩，所以才剛坐下便跟店員點了一碗爽腩河。再等多一會，爽腩河便送到我的面前。牛骨湯帶點混濁，不及天后華姐的清，而且還浮著不少的肥油。先喝一口湯，牛骨的味道頗濃郁，相比華姐的要再濃一點，是個十分不錯的牛骨湯底。爽腩有多過十件，份量十足，每件都有帶著筋膜的部份，入口爽口好吃，而肉的部份則炆得軟淋得來入口仍有牛腩的質感及肉味，而且吃來也不黏牙，這個爽腩的水準也很高。河粉入口夠滑，加上濃郁的湯汁一起吃，夾著牛骨湯的味道，入口也很配合好吃。總括來說，這裡的清湯腩是值得專程到大埔來吃的。而經過這次突破了自己的心理關口

老頭是個懶惰的人，要舟車勞頓，大排長龍的去吃一個餐，是需要很大的外在推動力。正因如此，久久未能再嘗群記之味。多年前跟老伴到大埔遊山玩水，在無心插柳的情況下試過美味的群記，那種衝擊是不斷的迴盪着，每每走過一些粉麵店時，都會回想起那份味道。上週未剛好有要事進大埔，正給予老頭再次回味的機會！當日下午四時十五分到達群記，見到有數位準食客在排隊，人數不多，等了約十分鐘，便輪到老頭入座。很可惜的是，牛爽腩及河粉均已售罄，老頭唯有叫了一碗牛面珠幼麵($33)。從相片可以見到，一碗牛面珠幼麵的份量，作為老頭的下午茶是剛剛好的。麵跟牛面珠比例適中。至於味道，湯底富有濃郁牛味卻不會油膩，呈乳白色，牛面珠鬆軟腍口，極重牛味！但幼麵卻有鹼味，令整體感覺打了折扣，再加上時間關係，老頭匆匆的吃過，便立即離開。對於居住大埔區外的老頭，是一定不會為了群記而進大埔的。但是每每有機會進大埔，都會心癢癢的再試一下它的重牛味！