群記清湯腩 (已結業)

今日入去大埔買定啲凍肉, 過兩日用黎煮 X'MAS DINNER 用! 行過見到群記冇乜人排隊, 之前睇雜誌成日推介話好正...見咁人不太多, 又唔係星期日 (因為入親黎大埔都係星期日, 舖頭唔開門), 就一於排隊試下果然係規句多多, 不準雙拼, 爽腩又不準外賣......最後我叫左牛舌米, 老公叫左爽腩麵牛舌米, 飲一啖湯先, 都算清, 我覺得不太重牛味, 冇乜特別, 牛舌炆得好淋, 一碗都有六七塊, 但係一碗牛舌米要賣四十幾五十蚊碗..抵唔抵就見人見智啦!老公既爽腩麵, 啲麵淥得過左龍, 太淋, 唔爽唔彈牙, 爽腩不算就好肥, 但係炆得一啲都唔淋, 有啲靱添!

群記又係一間大家都話要試既牛腩店。排長龍+好早就會賣哂收工的店～今日要攞車黎大埔整，約14:30 經過群記，so lucky 冇人爽腩河 ($52) 腩筋幼麵 ($52)評價： 望落好細碗喔！$52 這碗size 的確貴！之前食九記都覺得貴，群記更貴喔。不過群記既牛腩好食d, 夠林！爽腩個皮位都正，唔會太肥！牛筋又滑滑！ 湯底清甜，唔覺有味精！ 牛腩牛筋份量都算多，但麵底多少少就perfect喇！ 因幼麵底真係唔夠飽～

平日下午到這店，竟要排隊(5分鐘)。期望品嘗有質素的牛腩粉，叫了一碗牛筋腩粉。不到5分鐘來了一碗小的牛筋腩粉。湯底還可以，但粉及食物則非常普通。但結算時，竟然收取52元！

心血來潮去大埔搵好嘢食。老豆成日同我講大埔群記好多人排隊，就唔啱時間真係冇得食架。見兩點幾應該唔多人排隊就走咗去食。價錢中等，咁就叫咗個必叫嘅清湯腩河。個碗米粉河粉正常size，但好多料，牛腩舖滿成碗，食極都仲有餸送飯。一讚，味道唔錯，加埋可樂gur一gur, 爽丫

身邊好多朋友特登山長水遠去食群記自己搬返去大埔差唔多成年都冇食過可能自己懶得行過去大埔墟嗰邊啦今日就返去睇吓個水準有冇變要左碗爽腩河同牛腩牛筋河先飲一啖湯底清甜有啲似豬骨湯飲得出係好重骨湯味冇乜味精唔錯爽腩有肉味得來有啲咬口脂肪同肉嘅比例剛好正牛筋同潮式嘅完全唔同係滑嘟嘟好多骨膠原嘅感覺牛腩冇渣、但同爽腩比有啲失色如果唔使排隊絕對值得食

出面係好多人排隊既 不過員工態度非常差 我剛坐低 meun 都未睇好就問食咩 我order兩碗再跟住話兩碗都走蔥 四眼員工竟然叫我早d講 點早d 一坐低未睇餐牌就走蔥？湯底麻麻 係肥腩唔孩口 不過出面好多清湯腩都做到 無錯 食個面唔係要酒店服務 但基本服務都應該有

香港甘多間牛腩都吃過，但味吃過群記，今天有時間就特登過嚟食，鋪頭唔係好大，少少迫，我哋叫咗淨肥牛腩同半肥牛腩河，唔知點解後來既人黎嘅叫野食仲快過我地上，不過無乜所謂，好食嘅話等都冇乜問題，等左一陣肥牛河先上，睇相好似冇乜問題，但係真係超級肥，超過七成都係肥油，成碗湯都係油，湯底OK但係太油，牛腩太碎，同屋企用電飯煲煮冇乜分別，勉強可以吃，唔值得特登過嚟食，跟住朋友既淨牛腩嚟咗，淨牛腩仲少過 我嗰碗牛腩河，因為淨牛腩成100蚊，牛腩河52蚊，非常奇怪，而且又係超級肥，仲有好多碎嘅油浮係碗湯上面，真係越食越激氣，好似飲緊牛油湯，食緊肉碎，真係冇下次，如果有超級dislike,我一定會俾佢

是日端午節，話說好耐都冇同嫲嫲出去玩了，所以就同佢入大埔睇龍舟競渡喇！咁睇完，少不了要祭下五臟廟啦！之前聽一位住大埔既朋友仔提過有間係大埔幾出名既清湯腩，所以就同嫲嫲去朝聖喇！係店前一看，呢間似係家族式經營既餐廳，而且入到店內，大多數食客都係住係呢頭附近既街坊！因為呢度既店員對這些食客既口味都瞭如指掌⋯👍🏼看餐牌👀！餐牌選擇唔多，可能始終牛牛先係拿手菜。但當中都有一個幾有「舊香港味道既豬油渣麵」，可惜⋯是日售罄了😭😭😭我地點左三河一菜！如下⋯⋯因為嫲嫲唔太食牛既關係，就揀左個清湯淨粉同油菜-芥蘭俾佢。油菜-芥蘭：沒有煮得太腍，入口爽脆而冇咩草青味。再來，清湯牛腩粉-果然⋯是牛牛為主，牛腩份量十足，餸仲多過河粉！正👍🏼牛腩新鮮，入口嫩滑，一啲都唔痴牙。至於湯方面，熬製得好出色，湯清而味道濃郁！河粉入口都煙煙韌韌，不會太鬆散。👀最後，朋友佢揀左清湯牛筋粉。因為佢貪多膠質而冇咁油膩！😁三個人食左$125，平時係魚旦粉舖食碗普通牛腩麵都差不多$40碗，所以我覺得呢度都算抵食！😁😁

當你不知道的「名牌」而你買了，「名牌」個brand對你的價值是零。當我不知道群記有幾出名而去幫襯，我吃的只是普通一碗清湯腩。約了朋友踩單車，點知朋友放了半隻飛機遲大大大到，為了填補內心的那一份歉意，帶我來大埔佢地頭食好西回來看人家的食評說這裡是香港三大清湯腩之一九記和華姐我也食過，原來就爭這一間在門口等了約莫廿分鐘剛剛踩完單車的我熱到爆更忍不住走到旁邊食了碗豆腐花(很正)回來吃這清湯腩由於事前毫無準備, 於是誤信了「手指公」點了清湯牛腩牛筯粉($52)冇叫到爽腩,蠢左清湯牛腩牛筯粉來到了，第一個感覺是：比較油份量不算多牛筯腍而保持彈牙充滿骨膠原的感覺是會在喉嚨「跣」走的滑溜感牛腩夾雜著油脂有肥膏的牛肉永遠係最正牛肉味濃，不韌湯底清徹而味濃，略帶清甜葱花香氣不得不說，這裡的湯河比較幼滑面頭油用得不少不過，還是斷裂比較多總括而言，好食是好食的但未至於驚為天人、無可取替我不明白那名氣源自哪裡

聽人講，這間群記要排長龍才可以食到最出名是清湯腩，今日是來到排隊希望食到叫了一碗清湯腩河粉清湯腩是用清湯煮，這些牛腩非常滑留，很鮮嫩，而且牛腩充滿了新鮮牛肉味，入口好林，但不會太靱，保留有口感河粉不楜口，仍有囗感整碗清湯味道清甜，食的時候連湯也一併喝光了

假期與家人遊大埔，順道品嚐聞名已久的群記清湯腩、爽腩，牛腩火喉剛好軟硬適中，湯底清甜美味，吃完而不口渴，真材實料！今天雖然假期排隊人潮不算太多，太約25分鐘可入坐，哈！如果不用排隊久候才入坐，更加理想。

很高興能夠在下午4:00前趕到來大埔食新鮮牛爽腩, 誰知已經是今天的最後一碗了! 果然有口福😋由於對牛腩的要求甚高, 而可以天天沽清的,相信這也是難得的一家!還記得8年前來這一家吃, 當時水準不及現在的好! 那時66元左右一碗但心中感覺很貴, 反觀今天,120/碗也覺得值回票價!比我遲一分鐘來的那位客人,今天有錢也未必吃到!牛爽腩是指定有肋肚皮的腩位，位於牛的橫膈膜附近，爽腩貴坑腩一半，由於有塊薄軟膠質，爽軟不硬,牛肉味濃郁! 我對能夠天天沽清代表天天新鮮的肉類情有獨鍾,起碼有健康的保証!我的第二至愛是牛舌,肉質新鮮爽滑, 也是必試的!

今日慕名而來第一次幫親，群記開居然 13:00，我晨早 11:30 黎到無得食，仲要落大雨 ﹗情緒跌至谷底，面黑黑、著火了 ﹗無辦法啦，唯有晏一點再黎，行去舊蔡食碗魚蛋鴛鴦先 ﹗食客霸左成條道又加上剛剛掘地，路人甲乙丙紛紛怨聲載道，黑口黑面 ﹗等左 35 分鐘終於有位坐，但我已經全身濕晒喇 ﹗營業時間只係由下午 13:00 到晚上 20:00，星期日及公眾假期休息添，但永遠未到 17:00 已經收檔喇，因為咩都賣晒囉 ﹗仲要任何時段都 keep 住有食客排隊，真係要食就要靠運氣喇。仲有重要告示，牛爽腩不設外賣，食剩都唔比帶走架 ﹗menu 係中英對照喎，真係好少有呢 ﹗全部都係牛，仲有牛鞭同牛波子喎，有機會一定要試呀 ﹗見依度舖位細細，但完全唔嘈喎，個個食客食得津津有味，非常投入，粒聲唔出，淨係聽到啜啜報此起彼落，交響樂合奏一樣 ﹗好似真係好好食喎，大家都唔想講野，只係低頭密密手又密密口靜靜不停食。兩個人百多元埋單，差不多啦，最緊要好食 ﹗緊正呀，推介 ﹗朋友仔第一次黎已試左牛腩、爽腩同面珠登喇，今趟有口福有食神啦 ﹗牛骨清湯，好好味啊 ﹗特濃足料無欺場，又膠又黏，雙脣被漿得實一實，蓋

要排隊，早收鋪，無雙拼。但牛肉既質素真係無得頂。我不能說她是香港最好吃的清湯腩，但她的味道一定會是最難忘掉的。肉味相當濃郁，雖然有部分肉質略柴，刀功亦是走粗獷路線，但我覺得她光彩依舊不改，有新鮮而質高的牛肉，再落功夫去煮就真係贏在起跑線。另外，相比我叫既爽腩，群記既湯頭就真係毫無挑剔之處，濃厚過華姐幾倍，又無九記果種葯草吊味既甜，群記既湯頭就係簡單直接既牛味，愛牛既人無理由唔來朝聖。係，如果你怕油，怕肥就都係去番華姐食吧。

終於終於終於食到爽腩喇！！說不出的爽呀真係!星期六,一點零入到去，人龍不算太長都係等左大概廿分鐘。等既時候非常擔心會賣哂爽腩好好彩入到去叫到最後一份淨爽！！重每人叫左一個牛面珠粉～牛面珠唔肥，但肉質軟稔個人覺得比起普通牛腩好食d!然後爽腩就黎到！！一望就知真係唔同d成碗都係膠質重既腩！個種口感真係普通牛腩完全無得比！好似食緊一層骨膠原又有少少似豬手皮，但係又無咁稔真係好食到唔捨得食哂 群記另一重點就係個牛骨湯三個碗都飲到一滴都無！