群記清湯腩 (已結業)

這一天，在大埔辦完事後，就在大埔墟附近蹓躂，信步來到大明里、大光里附近，拿著一袋二袋東西的我，想找個地方歇歇腳，順便吃點東西。在大明里街上，既有 $32便有的炒粉麵連熱飲下午茶餐，又有以燒鵝馳名的「一樂燒鵝」 的 $40一碗不包飲品的「燒鵝瀨粉」下午茶，還有自己一向覺得全港最佳的「群記清湯腩」的牛腩河，令自己一時間有點猶疑，不知幫襯那兒最好。結果，不問而知，自己還是覺得「群記」的「清湯腩」最吸引，最後成為它的顧客，放下四十五元，吃了一碗「清湯肥牛腩河」才帶著滿意的笑容離開。這天我實在走運，來到的時候竟然碰巧有一個空檔，可以讓我完全不用排隊便可入內用餐。吃的雖不是店中馳名的爽腩，但肥牛腩仍是大部分港式粉麵店難得吃到的靚貨，脂膏肥美，肉質軟熟，牛骨湯更是保持一貫的高水準，鮮甜而且充滿牛味，教人欲罷不得。這牛有牛味，湯有湯味的「清湯肥牛腩河」，雖然河粉質素只是一般，在我心目中整碗「清湯肥牛腩河」的水準已經傲視同儕，在香港堪稱數一數二。吃過這美味的湯河，我還可以不滿意離開嗎？

次次黎到都關左門,真係好味到下午已經賣哂..今次早D黎,雖然要排長龍,但終於食到好開心!!叫左個我最愛既肥腩河,牛腩份量都幾多,肥腩既油脂位入口即溶,肉質夠腍又重牛味!個湯頭清甜,有種獨有既味道,係第二度真係食唔到河粉係普通貨色,份量唔多,但係吸收左湯既精華真係好正呀唔怪得咁早就賣哂了~

星期一番到大埔突然間念起尼一間超級有名既群記清湯腩，即刻就去喇！我到既時候差唔多四點幾，竟然無洗排隊真係好驚喜！因為之前聽話尼一間超多人排隊架！入去念住叫爽腩但係已經賣洗😱所以就order左一碗牛腩河粉喇！端上黎果陣時覺得很細碗wor，飽唔飽架！但係食玩之後真係覺得超級飽，因為有超級多牛腩，都係高蛋白質，比起果d澱粉類更易產生飽腹感。食完差唔多4點九，但係到夜晚12點都未肚餓！哈哈PS：雖然小小貴，45蚊，但是好好味，牛腩多到爆，之前驚肥都唔敢飲出面既湯，但係今日我飲左一半wor！好鮮美！希望佢地冇落味精喇🙈下次有機會一定要去多次！果時我要食爽腩！1點去食飽整日！

聖誕日來到大埔踩單車出發前先來一個午餐群記清湯腩雖然門外寫明一點開鋪但十二點半已經排長龍清湯爽牛腩河湯底味道濃郁，但有點油膩，爽腩口感一流，中間夾雜一點瘦腩，味道絕頂，至於河粉則沒有驚喜，始終主打的是牛腩但價錢則有點貴，間中一次可以接受

呢間餐廳好早收鋪, 仲要唔係日日開, 好有性格, 我都唔係成日有機會食到.我鍾意食呢度既牛坑腩河, 湯底好清, 用以襯托出牛腩既鮮味. 牛坑腩佢唔需要預先用好濃味醃料黎醃, 有別於其他餐廳, 反而可以更清楚食得出佢既牛腩味, 牛坑腩煮得夠淋爽口, 無乜多餘脂肪, 而且唔會趙唔透難消化, 牛坑腩本身陣味好出, 所以佢選料都要新鮮, 否則無乜醃料既情況下好容易自暴其短.

As I said before, HK people have talent on cooking beef brisket. I learn nine kee in tourist book and my colleague told me this shop make even better than that. So have a visit before my cycling trip.After queuing for 30 minutes, finally got a seat and luckily the most popular SONG NAM is still in stock. Other than the rich beef flavour and soft texture, my mouth was jammed by the collagen came from those connective tissue. Quite similar to having slow cook beef cheek. The soup is also beefy! Sh

上次睇完小儀既節目介紹過之後,好多人都慕名前來我地都唔執書, 離試一試先!聽講群記長期都要排隊, 一離到, 竟然見到人龍咖好長, 決定花少少時間排隊一試!群記連牛脷,牛面珠甚至牛鞭都有得食, 比起其他鋪選擇多好多, 價錢仲好大眾化TIM, 一D都唔貴叫左幾個食下:清湯牛腩: 牛腩真係好稔,一D都唔痴牙 , d湯好清甜牛面珠米粉: 第一次食, 有少少筋痴向牛肉度，味道比牛腩更濃，成舊肉稔得黎又唔會話無咬口,又唔會痴牙，米粉用牛骨湯上，正牛骨湯 - 飲落啖啖牛既鮮味,一D味精味都無.呢碗湯煮既時間一定唔短,用新鮮品質佳既牛骨離煮既湯底, 一定唔會差得去邊,但如果放埋蘿白既話,一定會仲好味 

群記個個星期都大排長龍，雖然有少許貴，但都值既，佢有好多牛部位選擇，我最常食就係牛坑腩，貪佢有口感，腍身得黎，好滑嫩爽口，一口牛肉一口油脂香味，好配合，而且份量唔少，記住連個湯都要飲埋先唔會浪費，個湯用特別方法餚製，清甜有牛香味，相信用骨頭煲製而成，所以食清湯牛腩真係不二之選!

老實講，如果樓上嘅食家真係食家嘅話佢哋一定係做馬！佢哋post出嚟嗰啲相我從來都未見過有咁大碗，仲要話夠三個人食😒本人食個河粉只係一般普通嘅河粉，冇特別，牛腩牛筋的確係好味，啲湯都幾好飲！但係要排半個鐘頭…仲要＄48一碗，加上咁嘅環境就真係唔值，都唔明點解要排隊食，以前元朗標記好食過佢多多聲！

呢到只有淨爽腩，因為呢個部份少，加上唔會混埋其他牛腩，所以限量供應。叫左碗爽腩，清湯濃郁鮮味，不過就無乜火喉，爽腩中有埋瘦腩，軟滑而有肉味，油脂甘腴，絕頂好吃。不過價錢就比普通既牛腩貴，是另外點左碗牛骨湯米，牛骨湯帶牛腩碎，爽身彈牙的米粉唔會太淋，實在也好吃。

朋友講到呢間食牛腩既超好食就一於去試下。 平時好多人，要等好耐，今次門口都多人，不過只係等左10分鐘左右。由於朋友遲到，我一個人坐係咁繁忙既群記，霸住兩個位又未叫野食，啲呀姐面口都幾難睇。坐左十分鐘左右，終於有個呀姐開口話我，咁我唯有叫野食先。當時3點，我本身想試下呢度既招牌，爽腩同豬油渣面，結果兩樣都售罄。 呢度好串，唔比雙拼，而爽腩只係唔賣比你跟粉面，如果你嗌百幾蚊碗淨爽腩係有既。餐牌只有一頁，有唔同種類既牛食，牛鞭，牛面珠都有，牛腩亦有爽腩，肥腩同普通牛腩你揀。其實我想試牛鞭，不過驚嚇親朋友haha.最後我叫左碗肥腩米， 滿心期待試下有幾好食。黎到賣相唔錯，呢肥腩真係好肥。 亦因為咁，其實好膩。結果食完我覺得只係不過不失，冇乜驚喜。 或者下次應該早啲黎食爽腩。

好正的牛腩專家!!order左所有部位都超超超腍，又入味。正到呀。（不過order時一定要早出聲話"我要超腍"。)1)牛面珠河$40 ，第一次食牛面珠，比起其他牛部位無咁重牛味，但真係煮得超腍。河粉又超滑。湯又唔會太鹹，又夠味。正到爆。而家牛肉份量又多。。抵食2)牛舌米$40，超腍牛舌。正。。份量又多。3)淨牛孖根$75，雖然細細碗，但成碗都係牛根，所以$75 係好合理。 牛根煮到超超超腍，100分over 腍， 食落感覺啖啖膠質。正。。女士們不防多食。。雖然湯頭清，但都好入味。。又腍又夠味，真係唔係度度食到。 4)淨牛腩，$90 。 有牛味又係超級腍，湯又清又好味，正。。份量又多。

上次一來大埔是幾年前大尾篤踩單車。當時6點幾左右準備返荃灣前諗住去食吓群記，去到竟然已賣晒收檔。今天，終於食齊香港三大清湯牛腩(九記，華姐同佢-群記)排隊已是意料中事，點了牛爽腩河，非常濃郁的牛肉清湯，除了夠軟腍的牛腩肉外，也有像根腱的爽脆部分，河粉也ok夠滑夠彈性，牛肉和河粉吃到一半點醋吃別有風味。雖然有朋友食過話普通，但48元一碗我覺得很值得，非常合我口味。

群記清湯腩難得來到大埔，當然要一嚐清湯牛腩名店之一的質素。香港的清湯腩有三大名店，以歷史悠久論資排輩，九記絕對是一哥，由50多60年前的大排檔到曾經結業到地舖重開，的確是無出其右。至於天后華姐及大埔群記，兩家後起之秀也各有捧場客。一轉入大埔新墟的大明里，已看見十多人的人龍，果然名不虚傳！再看看門外玻璃牆上貼著一張告示，表明營業時候為下午一時至八時，比九記更囂張。由於實在有多人排隊，而且店內絕不容不下B女的座駕，所以決定外賣。之前已有吃過午飯，作為下午茶，決定只要一碗牛腩河。爽腩不能外賣，只好要一碗普通的腩河，既然餐牌上提示可按個人喜好要求肥、瘦、爽、淋，當然配合小妹口味，要求瘦、淋。牛腩河價格43元，翻查五年之前的食評，每碗腩河只賣29元，可見這幾年牛肉價格上升得何等厲害！拿了外賣，先要給一個dislike。竟然只得一雙筷子，膠羹都欠奉。可能店東假設顧客會先吃完所有牛腩及河粉，才喝清湯？有點不合理吧！在大明里的石櫈坐下，打開蓋子，已看見份量甚多的牛腩，而且的確是瘦腩；再看看肉質的纖維，不用放入口中已經知名是淋身了。果然符合要求，讚！至於湯底，也一如其他食家所述，清而並不太肥膩。馬上夾一

對於廣東湯麵擁有一份深厚的感情，這份感情基礎於稚齡開展，然後隨著閱歷而日漸變濃！幼童時，我們由外婆照顧，外公在假日必會牽著我們三姊弟到北角邨巴士總站對面的一間小麵店，只知道乖乖吃過雲吞麵後，外公便會帶我們到海邊散步，重點是每人可享雪糕一杯。那時不懂吃為何物的我們，就這樣對雲吞麵懷有美好的印象。小學階段，寄居在伯娘家，因宗教關係不能吃牛，偶然在外偷偷嚐個漢堡包，牛腩湯粉加辣椒油更是我的至愛！進入社會工作，第一次長途旅行回港，心中渴望的竟是一碗牛腩湯粉..........直至現在牛腩湯粉仍是我百吃不厭的麵食。當天走畢大刀屻，肚子在咆哮，不惜從粉嶺返回大埔，就是為了食友 「Lawrence Lau」多年前推介的「群記清湯腩」。幸好抵步那刻不用排隊輪候，進內時發現座位大致全滿，我們算是走運了！餐牌一面中文、另一面是英文，顯得很認真！細看內容，其實內藏不少規矩，例如「不設雙拼」、「不設加湯」等。事前沒有詳細查閱，下單時便碰釘了！被幾根釘子釘過後，成功要來了清湯肥牛腩湯河，有點灰濛濛的賣相，不算得吸引！一呷清湯，醇甜濃厚、富有牛香、質感順暢而不油，就是那種一入口已叫人喜歡的自然味兒，當然不能抹殺料