義安茶餐廳

營業中

休息中

2024 自從觀塘區一間老字號茶餐廳有新鮮熱辣麵包光榮結業，呢間已經變成唯一一間我會踩入去食嘢嘅地方。嫌佢貴，嫌佢有態度，要入去嘅，始終會入去而嗌蛋牛治烘底已經成為我日常！ 平時返工嘅茶餐廳就冇咁招積食罐頭牛肉㗎咋。呢間冇罐頭牛肉剩係得鮮牛肉 ，有新鮮梗係食新鮮啦。加埋$53平時可以食兩個早餐😜不過weekend係要獎勵吓自己。見到枱枱都係熟客仔，個個都有佢哋食慣既自家Menu！我都周圍探索吓究竟其他人叫咩食嘅呢？有咩出名呢？應該佢嘅魚片係比較出名同特別嘅 ！我有食過印象係偏鹹，唔知而家係點嘅呢？ 雖然我有一刻諗過叫，不過都係敵唔過我嘅蛋牛治囉！

縱然成日批評佢又貴又有態度 但係就係唔知點解仍然要冇吉士咁會突然之間好想去之前有一段時間唔知係咪裝修呢去到摸門釘 今次諗住打電話去問吓先，點知等咗好耐有人聽，但係一喂完就cut咗我線。係佢冇禮貌定，因為聽唔到我講嘢呢？我就諗有人聽，即係有開門啦 於是乎又死死地氣去買佢嘅蛋牛治（係我嘅最愛鮮牛肉蛋）點知去到門口，佢有個牌寫住會員only 我心諗點先做到會員呢又係咪咁巴閉要入會呢？ 個老闆又凶凶地咁。 雖然結果都買到我想要嘅嘢 不過又有冇需要咁戰戰兢兢呢？ 😓去幫襯都要咁樣。 犯賤呀犯賤呀

又要開始做孤獨的美食家😓隔一排冇嚟，又加咗價啦！我食嘅嘢一樣都係蛋牛治烘底加熱奶茶，今時今日已經去到$32 +$1烘底加熱奶茶$20 總共$53 中間嘅餡好似有啲油膩喎老細🤭當然你可以話有其他選擇咪去食第二度囉⋯⋯咁又係嘅！服務態度都唔使特別提啦，我呢啲生面口一定唔好服侍，我見佢對啲熟客係比較Nice啲嘅特別係小朋友唔覺意睇到佢個月曆，Mark咗有一日要交租，我仲以為係自己舖頭嚟㗎，唔怪得要咁貴啦因為仲要交租🤫*又係食完先記得影

之前都有提過呢間食得招積嘅茶餐廳應該係自己舖 所以休息嘅日子都特別多因為陪阿媽去健康院複診，唸住附近揀間好味小小嘅茶餐廳，點知都係俾說話我聽😮‍💨平時帶佢去啲高級小小嘅茶樓飲茶，價錢貴少少，但係質素好啲精緻啲，今日係屋村茶餐廳，其實價錢都比一般茶餐廳貴少少，一個早餐都要40幾蚊，不過食得出佢真係用料新鮮。媽媽叫嘅沙嗲牛肉米粉同我叫既旦牛治都係用新鮮牛肉❤️媽媽喜歡樣樣嘢都大大碟，所以都唔會係佢杯茶！下次要試返佢嘅特式魚片。

$45 一個下午茶餐 😰😱Sorry其實佢應該係假日冇下午茶餐。所以當散叫蛋牛治加杯茶走。係我自己冇問，唔怪得佢。不過聽到個價錢真係嚇咗一跳，雖然佢係用鮮牛肉而唔係用罐頭鹹牛肉。又雖然的確係幾好味，佢唔係有沙嗲醬包住啲牛肉果種。顏色淺淺白白唔係好吸引，不過又炒得幾嫩。 炒蛋都嫩滑，係杯奶茶差啲，冇大排檔濃厚嘅茶香。今日我嘅狀態係有啲迷失，先至糊裏糊塗走去幫襯。最難頂係懶囂張嘅態度，好似唔憂做咁，其實街坊茶餐廳可以親民啲啫，喺佢附近開返間同佢打對台😆😁諗起都開心。

第一次同朋友嚟時唔知定...叫左豬扒面，朋友叫左沙嗲牛肉麵，見佢d牛肉無乜色，諗住肯定唔好食。點知我朋友話識食梗係食沙嗲牛肉，我就食佢一塊牛肉，真係好好味！之後我嚟親就只食沙嗲牛面🤣🤣🤣！午餐試過跟人叫魚片腸仔飯，其實都正，不過魚片就偏咸！

家住曉麗苑，附近雖然都有嘢食，不過冇乜必要都唔想去。一唔係污糟邋遢一唔係求求其其😭以前都仲可以行去樂華邨冬菇亭而家都冇埋，最近又合格嘅茶記我諗到得和樂邨呢間。好似成個阿伯咁每次去親都係食件多士加杯奶茶☕️！可能啲人都奇怪點解一個女仔做啲咁嘅嘢😪（一位丫唔該）雖然茶唔係特別好飲，多士又唔係特別好食，不過都算環境舒適有強勁冷氣！有試過佢嘅外賣蛋牛治，係新鮮牛肉，好似有啲胡椒味，包當然唔會係新鮮麵包啦🤪另外佢嘅粉面餐有魚片呢個餸，去出面少有嘅！ 都幾特別。依家要搵一間好食嘅茶餐廳唔容易，食嘅係一份情懷而唔係佢嘅味道🙃

我叫兩餸米，佢計我3餸，佢話唔講早餐，唔知我叫邊款，早餐時段黎食緊係早餐啦太陽蛋，俾左隻熟蛋我，算數34一腸一蛋一米一包一熱飲台灣面大集團都係兩腸兩蛋所以唔會有下次