義香荳腐食品

營業中

休息中

通常去九龍城街市買餸就一定想去食碗豆腐花，之前幫襯開嗰間已經結左業，附近搵到另一間老店，所以間唔中都會過嚟幫襯下，呢啲豆品舖其實已經買少見少，所以見到都應該要好好珍惜。豆腐花只不過係十蚊內嘅嘢，由於天氣太熱，所以就揀咗凍嘅豆腐花，當然如果熱嘅一定會更加滑啲，另外仲叫咗佢哋嘅煎釀豆腐，佢哋嘅豆腐係比較硬身，加咗豉油其實幾惹味，兩碗豆花一個煎釀豆腐都只不過係三十零蚊左右，其實已經好抵食。仲可以外賣一啲豆卜返去打邊爐食

【九龍城懷舊的味道】呢間豆腐花店，其實係眾多懷舊豆品店中，唔係最好食😂仲可以講得上唔算好好食🙃 但係呢，有時經過九龍城，總會入去幫襯下！原因係呢一種老字號嘅懷舊豆品店，真係買少見少，執一間就無一間，新嘅舖頭點樣裝修都扮唔到舊店架！所以行到攰入去幫襯支持下，唔知邊一日就會消失🥲我自己留一個回憶！小店係冇冷氣嘅，如果介意嘅朋友仔可以秋涼先過嚟試呀📍魚肉煎豆腐📍凍豆腐花豆味唔算好濃，有微微燶燶哋嘅味。食咗咁多次都係咁嘅味，應該係本店特色😌今次舖頭比較多人，唔好意思影店舖相。下次等人少啲再嚟，影啲店內相將來可以懷緬回憶下😔😔😔

位於九龍城市政街市附近的義香荳腐食品，舊式風格，舖頭是沒有冷氣，裝修幾十年不變，門前有豆腐食品賣，店內也可堂食，呢度出名 豆腐花和豆漿，自家用石磨磨豆，令到豆味有香濃焦香，呢度啲豆腐花柔軟幼滑，推介：熱豆腐花、鮮製豆漿有濃香焦香味，可以選擇甜味或無糖，黑豆漿都有，特色蛋菜糕，小朋友最啱，仲有煎釀三寶、炸物等……非常之多種類選擇，食豆腐花之外食埋午餐/下午茶都仲可以，都非常適合，食物美味值得可以再來的。

義香去九龍城食完飯梗係食甜品，公和執左，就去義香。同以前比較，就算地鐵通車，九龍城真系無乜人，好多吉鋪，所以入去義香都系得一檯客。豆腐花同公和比較系更有豆味，但比較“傑”，各有特色。個人喜歡義香嘍。

我聽聞義香的豆漿 豆付有股烘焙coffee的香氣，適逢地鐵近日通車，於是去見識一下。果然喚起兒時的記憶，當時全香港中台的豆漿全部是這味兒。它輕盈、愉悅、清新、嶲永的淡淡香氣縈繞半天。話說炒豆漿是做多雙倍功夫，先將豆漿滾熟至完全無草腥味，再加大大火炒香之，手腳一慢一黐底就報銷矣。所以豆漿佬續漸練精學懶，費事做多重功夫。但豆漿如coffee，不火攻熟成就小了神魂顛倒風韻了。難怪這麽多日本旅客來探秘好奇這豆漿達人。其實每個人的工夫手勢都不同，就如寫揮春，不會相似。所以食家fans 應追星跟人，不能家家分店都去。

一直想試吓啲懷舊豆腐店究竟係點，今次終於試到啦！我哋叫咗個煎三寶同炸三寶，另外仲叫咗個豆腐花，小編就鍾意食炸三寶多d，因為有炸雲吞，齋雞同豆卜，都係小編最愛，不齊齋雞佢淨係比得一片我，炸雲吞同齋雞每款都有幾舊，而且我見到佢都係即叫即炸，所以食落去都好熱😂😂至於煎三寶就會有紅腸，豆腐，同魚蛋，呢個同普通煎釀三寶差唔多🤣，另外仲叫咗個凍豆腐都好滑，依家天氣咁熱， 食一口都覺得好清涼😉

舊式豆製品店，諗得出嘅豆製品樣樣都有得買！豆腐、豆腐花、豆漿、支竹、豆卜、腐乳，另外仲有涼粉、大菜糕、煎炸三寶...黑豆漿溝涼粉-黑豆漿好香豆味，少甜。唔會飲完覺得有糖精成啖痰係口咁。涼粉新鮮仲有d微暖，涼粉草味道適中，唔會太苦澀。炸三寶（炸雲吞、素雞、釀豆卜）-炸雲吞麻麻，好似食炸雲吞皮，內餡嘅釀魚肉比較少。素雞幾好，豆香濃郁！釀豆卜嘅魚肉同豆卜比例剛剛好👍🏻總括🔸性價比ok，但因為舊式老店，店內嘅姨姨們都比較大聲豪邁，追求環境服務嘅就未必適合。

見宋皇臺站開咗，就走去九龍城行吓食吓嘢。因為公和執咗，見呢間都係豆品鋪都坐滿人，前面有人買咗一支大一枝細嘅豆漿,咁我諗住實係好嘢啦，就去買咗支13蚊嘅豆漿試吓。飲咗幾啖，唔係幾啱口味，豆味係有嘅，不過一浸濃濃嘅燶味，又好似煙味，令我聯想到煙頭，再諗返起之前見佢將一桶涼粉冇遮冇掩放喺客人買嘢方向嘅地下，衛生情況少少令我存疑，雖然之後上網搵過燶味(焦味)係因為用明火整嘅豆制品全港獨有，但係我都係受不了，冇胃口再飲喇…

義香豆腐食品 🇭🇰天氣咁熱 梗係要食D涼D既野降下溫啦😍不過呢D傳統既港式豆腐舖越來越少 佢地既食物質素好 價錢便宜 所以要多多幫襯 keep them alivee🔥🍧水晶珠雜果涼粉($15)出面好少見有水晶珠呢個配料 佢同平時珍珠唔同 更下爽口 配埋涼粉口感一流😚加少少雜果既甜味夠哂清新 一個字：爽！😛🥣凍豆腐花 ($9)凍豆腐花唔使講都知道係呢到既招牌 豆腐真係好滑 真係同平時超市過D無得比 好食到...😋 仲要好重豆味 食完咁大碗好飽好滿足 性價比好高❤️❤️🦈招牌碗仔翅 ($12)碗仔翅本應只係想食過翻尋味 結果又意外地好食🥰鍾意個翅夠洁身 單憑呢樣就知道OK😂料都好足！🔥炸三寶 ($20)三寶包括 1)豆腐卜 2)豆乾 3)炸雲吞 好豐富 & 好特別😝 豆腐卜讓魚肉好夾 豆乾好彈牙又夠味 超正 而炸雲吞炸得好脆 皮又薄 唯一係想有多D餡料😍整體好好食🥛凍豆漿 ($7)夏日炎炎飲呢個最正🤪好鍾意佢好濃豆味 唔會好甜 係天然甜😘而且真係好便宜 (一個人飲兩杯都得😅)一一評分：😋味道: 👍🏻👍🏻👍🏻👍🏻👍🏻🤩賣相: 👍🏻👍🏻👍🏻🌝環境: 👍🏻👍🏻💰價錢: 👍🏻👍🏻👍🏻👍🏻👍🏻🙈服務:

今日34度熱辣辣…烈日下逛九龍城，本想去“泰仔”食午餐，1：45pm已休場…唯有去義香飲杯凍豆漿消暑！星期日兩點鐘，竟然只得兩位女士在座…凍豆漿加煎釀三寶，盛惠29蚊。煎釀三寶新鮮熱辣，煎到外脆內熱，魚肉煙韌，淋少少豉油，今次仲無咁漏油…好味！豆漿香濃，個人覺更勝豆花！

去潮發買潮州粿，順便試吓呢間豆腐花。熱豆腐花好滑！但豆味吾夠喎…豆腐花上枱已洒了一小匙黃糖，自己再加，點解枱上的糖竟然係黃白糖混合嘅？！煎釀三寶新鮮製作，熱辣辣，20蚊六件抵食！不過幾油吓…食完碟底好多油。釀入去嘅魚肉口感煙韌，都係無乜味…埋單29蚊，抵食！

九龍城不只是泰菜 之街坊小食：三寶，豆腐花，豆漿炸雲吞係我勁勁勁推之一皮薄，點甜豉油，不得了豆漿又烤燶燶地的味道，好香豆味豆腐花滑嘟嘟煎豆腐都係必叫，唔食得咁多，又要掃下間（九龍城不只是泰菜）

星期日同個七歲小朋友去買豆漿小朋友落order: 一枝無糖豆漿惡死伙計態度衰衰：叫大人講吖ok, 明白你忙，有時小朋友講唔作準媽媽再講：無糖細豆漿惡死伙計再挑剔：講size啦媽媽火都黎：咪講左細囉（呢0個時候已經張錢放定向佢張枱，慌死俾遲左俾人鬧）同一個發雞盲伙計：13蚊俾錢啦媽媽真係忍唔住：咪放左你枱面囉，唔開心發脾氣返屋企啦，做咩係咁鬧d客惡死發雞盲伙計張d coins好大力好悔氣咁掉落個dull到d service同公和真係差好遠，以後寧願唔飲豆漿都唔會幫趁你義香

細細個已經有嘅豆腐花店，到今時今日都係20蚊煎鑲三寶，平到笑，豆腐花更加係唔洗講，童年回憶！不過當然小店又平價總會有一啲特色就係串，不過ok嘅都未串得過澳牛，係大聲左啲，無計，太多客

特登去食碗豆腐花，原來並唔簡單！首先要學會忍⋯忍，未入門口亞姐已經大大聲叫你點坐，乖乖哋聽亞姐講坐定，要兩碗熱豆腐花唔好放黃糖，亞姐送上兩碗完全冇糖，再呱呱嘈你自己搞啦糖水枱上又冇隔離枱問亞姐有冇水（食藥）送上豆漿（我豆漿係叫水架）本身碗豆腐花巳經唔夠滑仲要受氣下次唔會再見👋🏻