翁記 (已結業)

兩個月前的今天翁太剛離開了我們那一滴滴浮在湯麵上的葱油也將伴隨她消失於翁記和香港人的飲食世界裡當年在我大學的歲月中，曾經有這麼的一天 : 位置就腳而隨機到訪了翁記，吃過甚麼餸的麵已經忘記了，卻記得那一點點葱油，也因為那一點點對油膩的抗拒感，令我暫時再沒到來的緣份約十年之後，我又曾與友人到來，還記得那葱油，自己依然怕油膩，刻意 skip 了那碗湯只吃麵了事年少不識好歹，錯過了很多再十年以後，保存本土地道美食的歷史，成為了我的興趣，在一次找尋柱候牛腩蹤跡的路上，令我再遇上翁記2018 年 10 月 6 日，我一邊憶起著那葱油，一邊戰戰兢兢的再次踏進這麵店，點了碗牛腩牛筋拼牛丸米粉不是翁太為我下單，但是由她端來碗麵害怕油膩的我，今回鼓起勇氣，用白湯匙滔起那點油湯底，瞇著眼，把那口湯喝下去湯底本來清新鮮甜，混了一勺子的點滴葱油，竟然並沒有討厭的油溢感，湯底原味刷過味蕾後，竟然是淡淡的葱香！炸過的葱末把那獨有的香氣，全部貫注在那淡黄淡綠的油份裡，混和米粉同吃，原來是意想不到的潤澤、嘖嘖稱奇的香甜！中國南方種植的家用葱段，在家常烹調上，其辛香常掩蓋了香甜，但在這間傳統潮式麵檔裡，就正好把蔥的香甜發

歷半世紀的西環翁記有機會識到呢間麵店 都係經好友介紹 呢間由1962年至今既麵店 相信住西環既朋友都一定會認識佢最撚手既係牛丸、蔥油和辣椒油, 仲有河粉,聽講平時都係大排長龍幸運是當日去到老闆娘話長龍岩岩完炸 最受歡迎既河粉賣曬喇一星期後卻得悉佢離世既消息 RIP致可愛的老闆娘:感謝你一生盡最大既能力同用心製作食物俾大家因你而有口福的小食客上🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔹🔸🔹🔸🔹🔸🔹🔸🔹🔸🔹🔹🔸🔹🔸🔹🔸🔹🔸🔹🔸🔹🔹🔸🔹🔸🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻牛丸魚鮫油麵牛丸比起平時食既係細粒,但一D筋都無，仲要彈同爽口, 得2粒真係唔夠呀魚鮫其實就係魚皮鮫 , 皮肉均稱, D肉係黏住個皮, 你咬左一半係唔會無啦啦個肉跌左出黎 真材實料#lamlam脷 指數：👅👅👅👅🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺呢到唔單止食個份人情味 食物質素都係不可看輕價錢便宜 但食一碗你係唔會夠架!唔該 俾多碗我呀!聽說自家辣醬好出色 可惜我唔食辣地點唔易揾架 但俾D耐性 食到好野個刻先會更覺 ”不狂此行”

今早還沒有起床時，在被窩中玩手機，偶然翻到飲食雜誌的網頁，看到這家位於西環的小麵店，有老闆親自製作的手打牛丸、牛腩、大腸和豬骨湯底等，而且價錢出奇地吸引，便決定去吃過下午茶。不知是巧合，還是這飲食雜誌的影響力，下午二時半竟然有八人在店外排隊，排了十分鐘，老闆出來說今天的牛丸已售罄，有三位排在我前的人嚕囌了兩句便離開了；雖然我一心來試手打牛丸，卻這麼早牛丸、魚丸和墨魚丸便全售罄，確實有點沒趣，但一場來到好歹也要吃碗麵才心息。雖然老闆堅持自己不是賣車仔麵，但除了老闆親自準備的豬骨湯底外，不少材料如豬血、豬皮、蘿蔔等和車仔麵也不遑多讓。既然剩下的選擇不多，而牛腩、大腸是自家泡製，便要了一碗牛腩、大腸、魚皮餃加油麵；牛腩略瘦，但重南乳香味；大腸洗得乾淨，沒有異味而且爽口；魚皮餃、油麵和另點的魚片頭還可以。最失望的還是未有機會一嚐這店的手打牛丸，所以必定會再來多一次；但卻在這店意外地巧遇一位和我同樣喜歡道地美食的新朋友，這回他還請了客，真客氣！

#翁記潮州粉麵門面簡單既平民粉麵店坐位20人以內老闆娘一人顧店落單煮面收錢一腳踢,街坊小店,輕鬆自在地經營一餸粉麵20元加餸5-7元3餸面埋單40有找,港島區也少見這店絕對係平食快食輕食之選觀其標貼,應該魚蛋牛丸內臟類較受歡迎決定試下佢既魚牛豬牛丸彈牙,魚片頭新鮮反而豬手比較失望,無咩味但志在簡單醫肚所以總評也是滿意的。美味指數: 😋😋😋(5😋為滿分)價錢:💲50以下,(5💲為最貴)#性價比高#石塘咀 #西環 #香港大學 #皇后大道西 #HKU #平食 #快食 #輕食 hkstyle fast food #noodles #hongkong #hkig #foodies #map #travelgirldiary #travelgirllol #foodiemap

翁記沒有一個富麗堂皇的門面，只是一家坐落在街邊的小巷的老店，環境可能沒有想像中咁乾淨。但係20多年來，只係用潮式粉麵來做主打，可以食出街坊嘅味道和人情味。店舖以自家後製的豬大腸為榮，全人手手洗細，沒有腥味都沒有差。而且牛丸都係人手打，而且無筋，每碗得兩粒好珍貴。當一碗簡單的粉麵加上了冬菜，和蔥油等等，就成為一個好好食嘅平民美食。而且價錢都只係＄22 ,店入邊仲有墨魚丸、潮州魚蛋，都係好出名，亦都唔少人搬出咗西環之後仲會特登返嚟食，就好似我咁。

懷舊格局嘅粉麵舖，後巷地舖、格仔地板，呢個年代魚旦麵竟然廿蚊有找，真係舊區先有可能搵到。可能自己舖位唔洗捱貴租，變相啲嘢食定價都唔洗咁貴。三寶伊麵，嚟嗰陣呀姐話伊麵要等耐少少，其實都冇等好耐姐幾分鐘就到。伊麵偏韌，要咬多幾下，三寶唔算大粒，但味道係好嘅。

提到西環既車仔麵不得不提翁記，這間已有多年歷史，我由細食到大既潮州粉麵店。點解要介紹佢呢？因為覺得而家既人好似忘記左好多有歷史既野，雖然懷舊車仔麵鋪大把，好食既都有一大堆，但當中真係老店又好味既就真係寥寥可數。而今日就叫左個3餸米粉（豬紅、蘿蔔同魚皮餃），佢既蘿蔔同豬紅都好入味，魚皮餃都好出色😋。其實佢其他既手打牛丸同大腸朱皮都一樣出色架👍🏻，喜歡都可以試下。總之幾十蚊就可以食到一碗好味既麵而家真係好難搵架啦😆

After buying some vegetables at Shek Tong Tsui Market, I was getting a bit hungry.There was a tiny local noodles shop in the back-alley of Queen's Road, East which I had noticed a year ago and wanted to try.I can only speak a few words of Cantonese so I plucked up my courage and asked the shop attendant that I'd like one bowl of noodles with meatballs.She did not understand my order at first so I wrote down in Chinese characters on a memo pad and then she understood.I asked for one spoonful of r

翁記，絕對是地膽先識食！簡單的粉麵，潮洲風，加上乾葱等配料，湯底濃而不咸。牛丸，墨魚丸，蘿蔔從來都是我的主打，細細粒好彈牙！加埋豬腸是店主每天清早清洗，無異味，好難吃到如此懷舊的潮洲粉了。推介男朋友來食，他都好喜歡！仲有必試自家製辣油，無得賣架

很多人會選一餐吃得好吃得貴吃得特別的來寫他們的一百篇，大概那代表一個里程碑的篇數留一個好的印記憶，這第五百篇，我都想了很久寫乜野好。想了又想，思前想後，有很多餐精美的飯係手可以選，花多眼亂到不行，比那些娘娘選觀音兵更難。然後我簡單想，不如寫篇近來吃得最輕鬆，最簡單，滿足感最多的一餐。曾經我也喜歡長篇大論，不過，時間有限，每人都只有24小時，如果下下看那些幾千字自high的長文，我想有違了這裡的原意，大家是想分享，想談一下喜歡的，討厭的，奇怪的，有趣的，人生甜酸苦辣這麼多的事情，用筆記下是最好的記憶力，比記憶卡還好，你可能五年後會忘記那個康橋之家夢遺賤人，但你寫下你的味之回憶你就可以永遠擁有那時那刻的味覺，這不是你們的最終目的嗎?三年半來，我沒有忘記在OpenRice 執筆初衷的原因，是因為熱愛看新鮮的食物，餐廳，這三年認識的人，每個人有不同性格，不同心態，不同目的，大約我是喜歡分享的一群吧，有些人的做法，我不盡認同，我知道，我還在這裡的原因全因為愛吃，愛吃的都叫吃貨，我也聽過，愛吃的都不是壞人，因為他們真心愛吃，吃也花掉了自己所有時間，還怎有其他時間做其他傷天害理的事。大約翁記的老闆也

5/6年前有一次，大埔漏夜做嘢趕入西環， 到夜晚點幾鐘 原來仲未食晚飯，開車經過見到有燈，匆匆忙忙食咗碗水餃麵就走， 印象中麵質特别幼及彈牙，問老闆原來是特order麵廠造。 多年念念不忘， 但是沒有記低麵店名稱。去年有一晚又去到西環，重遊舊地但找不到這家麵店， 以為已經執。月初又有機會去西環，專誠過去再找這間店子， 原來老阪已經沒有再做晚市，好多時只做到黃昏便收舖， 並且很多時回鄉或外遊就沒有開舖。 當日叫了一碗牛腩麵，牛腩是柱候牛腩的做法的醬油汁，沒有現時興的清湯腩咁好味，湯底也只不過不失， 唔係有問真依然是比較有幼身及彈牙，保持到水準。今日人客不多，老闆娘也健談。小店中有一份 濃厚的人情味，有機會一定再去。

環境：唔係睇咗其他食家嘅食評，真係唔會識嚟！圓木枱磁磚地下，就連食物價錢都好似回到過去咁，喺佐敦嘅魚蛋粉店叫同樣嘅食物係要兩倍以上！我而家真係喺2016嗎？魚蛋粉($16)：用舊式碗及木筷子食魚蛋粉，好啱feel呀真係！試一啖湯底先，有少少鹹，但飲完都唔口渴，原來用咗好多豬骨去煲！再加埋魚露真係冇得頂！有別於其他地方，呢度只有4粒魚蛋而冇魚片，魚蛋都不錯，不過冇九龍城嘅德興及跑馬地嘅新昌明咁好食，不過都OK啦。潮州麵嘅特色就係上菜前都會加蔥油，正正就係我最鍾意嘅！以前就係落香蔥嘅，但後來改咗用炸過嘅京蔥，咁香味就會更濃啦！黃芽白（＄7）：7蚊一碟菜？！諗都唔洗諗即刻要一碟！最唔鍾意出面嘅菜係都要加蠔油，好鍾意呢度嘅菜係白霎，唔會過油又唔會太鹹，啱晒最鍾意食青菜嘅我！淨魚片頭($16)：16蚊一碗？！唔要一碗真係對唔住自己嘛！有7粒魚片頭同埋啲菜，魚片頭唔會太鹹，有啲魚味，有驚喜！旁邊有個放佢哋招牌辣椒油嘅位，我唔食辣所以冇試。但聽聞唔鍾意食辣嘅人都會愛上佢，睇嚟下次我都要試吓先。大部分嘅客人都似乎係熟客，一行入嚟凳都未坐已經落到單，唔似得我咁要睇一大輪先OK。呢度好有細個食魚蛋粉嘅感覺

翁記這種舊式車仔麵舖已經越來越少，那天到西環有機會一試，很不錯呢。希望這種特式的小店將來不會消失在商業發展中。。點了一個三餸麵，有豬腸，蘿蔔，豬皮，全部都是我喜歡吃的小食，才28元，很抵食呢。餸都煮得很入味，豬皮爽口，蘿蔔都清甜，份量很夠，配合清湯底，食個平價車仔麵都可以很滿足。

友人介紹來到此極隱蔽小店，就算平時經過也未必會入去。看看牆上餐牌，價錢廉宜，便點了愛吃的豬皮蘿蔔大腸河粉。蘿蔔清甜入味，大腸很乾淨及軟硬適中，豬皮冇乜特別，湯底不覺有味精，最正係河粉，又薄又滑，値得再試。由於意猶未盡，知道此店名物係牛丸，再叫了牛丸、牛腩及白菜，要 $25。牛丸細細粒，應是自家製、牛腩更正，有些少筋膜爽夾滑，正正正

這間小店位置有點隱秘，小巷讓人感到會不會不太衛生，但這間保持懷舊裝修的潮州面小店卻很乾淨很光猛，食得好舒服，還有綠色小階磗地、帆船掛畫、似乎用了幾十年的摺桌摺椅，總之就係簡單但懷舊…哈哈…還是要講講食物，十幾蚊一個麵咁好味真係難得呀，我叫的蘿蔔牛腩都好鮮味，也試了朋友叫的牛丸，原來是翁記自己打造的，表面比街外的牛丸細粒，但其實好彈牙好實在好好味，辣椒油都係自己整，唔係太辣甜甜地，就算唔食得辣既朋友都不妨一試。有機會要再去幫襯！