影片
營業時間
今日營業
11:30 - 16:30
18:00 - 21:30
星期一至日
11:30 - 16:30
18:00 - 21:30
以上資料只供參考, 請與餐廳確認詳情
有關獎賞計劃
最近嚟咗觀塘翟道翟食飯，哇，呢間泰國菜真係唔錯！之前喺OpenRice見過好多食評話佢環境闊落舒服，食物選擇多，價錢又合理，我自己試完都覺得啱晒。我哋一行人叫咗好多嘢試下，先講炭燒豬頸肉，燒得火侯啱啱好，外脆內嫩，配埋泰式醬汁超惹味，好多人都推介呢個，食完一客仲想encore。之後試咗柚子鮮蝦沙律，柚子勁多，新鮮開胃，醬汁酸酸甜甜，配埋椰絲花生，簡直係開胃神器，好多評論都話呢個醒胃一流。再嚟串燒拼盤，豬雞牛都燒得香口，沙嗲豬特別正，唔會太乾，食落有炭燒香味，好似去咗泰國街頭咁。生蝦刺身都試咗，新鮮爽甜，無腥味，配埋辣醬好過癮，有人話呢個係必點，我都同意。主菜方面，泰式炒河粉Q彈，牛肉濕炒得夠味，香料勁足，青咖哩雞配薄餅都濃郁滑溜，薄餅Q彈，互相襯托得好好。仲有馬拉盞炒通菜，菜脆脆，馬拉盞香辣，食完好滿足。甜品叫咗芒果糯米飯，芒果熟透甜美，糯米熱熱地配椰漿，超夾，好多食評都讚呢個正宗。整體嚟講，我試咗咁多道菜，每樣都好有水準，廚師係泰國人主理，味道正宗唔假。環境寬敞，服務員態度好，唔使等位，價錢公道，絕對值得再嚟。觀塘區泰菜選擇唔多，但翟道翟真係性價比高，推介大家試下！
繼續閱讀
話說今日返完教會好肚餓，落樓就見到呢間餐廳立刻去醫肚先。睇完個餐牌叫咗個豬頸肉船河，個湯底好濃豬頸肉好腍，河粉好滑，正👍有驚喜，冇諗過佢咁好食跟餐叫咗個熱泰式奶茶，都算正宗。跟住加咗個蝦餅食，佢新鮮炸起。熱辣辣配埋個甜辣醬好好食。lunch都係+20幾蚊就有，抵食。餐廳環境幾闊落，坐得幾舒服，約埋老友一齊開飯好啱
繼續閱讀
今晚喺呢一間泰國餐廳度食嘢，入場時出示OpenRice出席二維碼，有一個四眼中年嘅職員，沒有主動掃我二維碼之後安排我入座，同一個服務員在點餐的時候沒有面容，沒有對話態度惡劣，用餐中段時間收咗我的綠色調味樽，佢攞走係我搭筷子的筷子上面取走，他的手差不多掂到我的鼻，之後我見佢在場中行兜轉來回幾次手上並沒有任何工作沒有餐碟，都沒有將調味樽還給我，當我大聲問佢我個調味樽，佢回覆等一等加緊，晚市時根本成個場都沒有幾張桌，佢好頻密在我的枱上把可以收的餐具都收晒！這個中年男人是佩戴眼鏡，我查詢該男子的職位，原來他是當值經理！🔥🔥🔥我好肯定一樣嘢，我係絕對唔會再到此餐廳光顧！因為態度十分之極度惡劣！😡😡😡
繼續閱讀
之前係觀塘番工成日都會黎幫趁佢，最近聽舊同事講佢搬左鋪，大左又靚左，甘當然要黎試下佢啦！炭烤沙嗲，叫左雞肉同埋牛肉串，水準依然keep 到，雞肉夠曬嫩滑而牛肉好香好多汁，點埋配送既沙爹醬黎食真係正， 好味！泰式鮮蝦炒金邊粉，黎依度必點既菜色！炒金邊粉有大大隻鮮蝦，新鮮彈牙，而金邊粉吸曬味，甜甜地酸酸地非常開胃。青咖喱椰汁雞肉，可以講係我最中意既菜色！青咖哩加左椰奶，湯汁濃郁，雞肉嫩滑，撈飯食一流！今次叫左薄餅配黎食，薄餅香脆可口，外薄內厚， 可以好完美地掛上青咖哩汁，依個配搭100分！馬拉盞炒空心菜， 醬汁係大量蝦醬加上少少辣醬，炒到有鍋氣非常惹味 ，香辣開胃，而空心菜口感爽脆，真係一啖接一啖好pk就依完！當然熱泰式奶茶同埋芒果沙冰都係my favourite! 識點一定要點！整體黎講環境靚左坐位都適服左，最緊要食物水準依然keep 到，一定會再黎。
繼續閱讀
我同朋友好鍾意黎呢間泰國餐廳食泰國菜，因為價錢唔算貴，又有質素，我哋好鍾意食佢嘅生菜包，我哋唔係食得好辣，我哋揀咗小辣，另外叫咗個泰式拼盤，同埋咖喱牛肉加薄餅，兩個人食三款菜已經好飽，咖喱好香，又唔辣，薄餅好鬆脆，配埋咖喱汁一流，而餐廳入面又大間，啲位又坐得舒服，值得再嚟。
繼續閱讀
您可能會有興趣的...