翠園 (形點 I)

營業中

休息中

今日同家人飲早茶，酒樓已經有好多人，咁就証明消費已逐漸有信心，希望嚟緊越來越好我地鍾意依間係因為環境乾淨，茶具潔净，俾到消費者有信心。叫左壽眉，茶色清晰，有茶味，嘆下茶，傾下偈，真係令人好寫意㗎！点心叫左义燒包，义燒腸，鳳爪，上湯煎粉果，賣相都令人滿意，食落到OK，整體味道都好！冇時間限制，可以同家人坐下傾下偈，環境不會好嘈，值得推介！

剛好想同幾個朋友去傾偈，決定揀中式酒樓，因為圓枱好傾偈。見到呢間酒樓星期一至四有折，咁就決定入去試一試。我哋叫咗幾款小食幾個主菜，份量適中。糯米豬，好香，乳豬皮好脆，加埋糯米飯啱啱好，又唔會覺得好飽好油膩。我哋仲叫咗個炒鴿鬆，用生菜包夾住鴿鬆嚟食，好清新又唔油膩，鴿鬆d味好夠，就算齋食，都覺得好正。蝦多士，好好好味，香脆，蝦味好夠。真係配搭得完美。我想食多幾件一試難忘還有個蟹肉伊面，材料十足，味道好夠。

小編一家已到貴中式酒樓吃飯多次，感到服務質素欠佳。首先，入到嚟係無人接待，坐了很久先有人問你想飲咩茶。然後，當我們舉手要求職員幫我們落單時，等了很久很久才有人應，故服務效率欠佳。還有，當我們好想職員幫我們加多點水時，又不理會我們，又要等一段時間先做到，可見他們不願意積極為客人投入服務，愛理不理那種。最令我們一家感到不滿的是我們點了六款點心: 蝦餃、燒賣、牛肉球、鳳爪排骨、叉腸、雞扎，又等了超過半小時才送上，令本人完全不能接受其差劣的服務效率，故希望貴酒樓經理好好反思服務效率、質素問題，不好再令客人感到不滿和失望。這些無服務，無質素，無效率的酒家，相信會無下次，再見！

晚市 諗住試下啦 首先講佢服務 舉手落單等左三分鐘有多都無人黎 全部都埋頭苦幹執枱 好勤力 但就無人認機 第二 叫左個齋煲 舊齋係凍嫁 真係一啲都無誇張到 叫佢換過煲 佢原煲煲返熱上返比我地 另外仲叫左個咩魚腐煲 個舊咁既魚腐直頭係蛋白口感 真係頂唔緊 其他餸我都唔講啦 差到我即刻寫評語 真係第一次⋯⋯可一不可再😬😬

在半年前，我約了保險朋友到簽文件！為了方便住在元朗的他，他揸車在大欖隧道口等我，車我到元朗形點，他為方便泊車，建議走到停車場直達的 lift 最就腳的酒樓 <翠園> 食晚飯！當時，受社會事件影響，相對食客有點疏落，卻不及現時受新冠肺炎疫情影響更甚！茶 及白飯/ $14位爽脆海蜇頭 $68晶瑩剔透的海蜇頭，入口爽勁帶煙韌！簡單的調味，足以是一道美味開胃的小食！菠蘿咕嚕肉 $108咕嚕肉 炸漿薄而無骨，食起來啖肉！ 令人食得滋味滿足！ 好有水準！珍菌手搣豆腐 $108包括：冬菇、豆腐、筍、菜...等，口味清怡！ 份量也不少！

眼見下午茶時間都咁多人排隊，應該幾好食😋姑且一試，攞張飛，等幾分鐘，就可以入去入到去自己揀位坐，不過兩個人座位就好唔衞生，坐得太近隔離張枱，大家都知，通常飲茶都會講少少嘢，口水飛沫亂咁飛，增加傳染風險點心種類選擇多，有下午茶孖寶，燒味粉麵，全部都有優惠粟米🌽魚肚粥-個粥比較稀，水汪汪的，而且唔夠熱油炸鬼，今次就冇益，不過都係硬似石頭叉燒腸-叉燒粒夠多，夠分量，幾好食，如果可以加少少蔥就味道比較豐富奶皇包+山竹牛肉，冇乜特別，可以一試，不過夠熱似即叫即蒸，已經好過頭先食過啲唔夠熱最後叫咗2個甜品，有一個冇嚟到，反而呢個藍莓焗西米布甸，就好有驚喜，酸酸地又甜甜地，食到底部仲有紫米俾你暖胃呢個配搭幾好

有朋友從日本回港，大家相約一起聚餐。雖然是晚餐時間，但食客唔多，仍然有套餐供應。晚市四位套餐$698這套餐有四餸一湯，另有甜品。燒味雙拼是叉燒和油雞。 叉燒燒得微焦，主要以瘦肉為主，甜甜地，肉味唔太突出。油雞帶骨部分比較多，雞油嫩滑，有一點甜豉油風味。明爐老火湯這老火湯是合掌瓜蘿蔔瘦肉湯。湯料十足，而湯汁的味道亦濃郁，帶有肉和蘿蔔的甜味，而且火喉十足，一點也不油膩。xo醬彩椒蝦仁鮮蚌這鮮蚌炒得脆口嫩滑，蝦仁爽口鮮嫩，雖然xo醬的味道唔太濃郁，但整體味道清爽輕盈，配上爽脆西蘭花，健康的感覺。古法蒸沙巴斑這條魚份量十足，蒸得剛剛熟，少少離骨。魚肉彈牙嫩口，加上甜豉油和蔥花，純粹的味道。金銀旦浸莧菜莧菜可算嫩口，可惜金銀旦的味道唔太濃郁，清清地，少油少鹽風味，但以這價格而言，是ok的。紅豆沙這紅豆沙味道比較淡，質地水狀，紅豆軟綿，味道輕甜。簡單的晚餐是ok的，最難得的是與朋友共聚的時光。

今日一家大細黎到飲菜，經常都會去e到飲茶，大家記得用app拎定位先，大多時間都要排隊，為了方便黎到馬上有得食唔好浪費時間因為佢比起其他飲茶地方又真係d野好食d，環境又唔錯，d人服務都好好，好少飲茶地方有好服務，大家明啦每次黎到都會叫叉燒食，熱熱地，又夠味，唔好錯過呀豆苗好好食，唔會太老，我都係第一次試唔錯唔錯d點心好多選擇，可以試好多特別野。。😁😁例如我最愛的流沙包，黑金流沙包，外形好吸引，又靚

今午去飲茶，我選擇了翠園，希望試下三款最多人叫的精點，包括了筍尖鮮蝦餃、甫魚滑燒賣及陳皮牛肉球。首先來了蝦餃，外型不是太"偶像"呀，原因是一籠四粒蝦餃中，只有一粒能達到十摺的標準，其次每粒都不夠晶瑩通透。在此情況下，我就唯有好好發掘其内在美。當喝一口龍井後，我一口氣品嚐晒四粒蝦餃，發覺原來此餃不可以貌相，蝦有鮮味，外皮不易散並且有𡁻口。另外，甫魚滑燒賣的外型顏色恰當，有燒賣黃色，再添上橙色的蟹子，外型都幾美觀，而每一粒入口後，我都覺魚肉易入口，調味確實好。至於陳皮牛肉球的色澤是深啡色，我覺得不太好看，可是當牛肉球加上陳皮，口感可以即時提升，除了有點實實地之外，都算好食啦。整體上，翠園是我飲茶的首選，這家茶室不會有Wow的精彩口味，只有實而不華的演繹，而這演繹，我覺得他們只是期望每位食客都能享受喝茶之歡，美食之樂吧了!

今午我想飲茶，於是去了環境較乾浄之翠園去品嚐一些特色點心。我看了餐牌後，我點咗一籠名為四式燒賣皇，這四件燒賣頂部都配搭了鮑魚、帶子、鵝肝及原隻鲜蝦等四鮮所組成。整體上四式中的每粒燒賣，都好有鮮甜味，以下就其各式配搭作出點點品評:帶子燒賣之帶子是薄薄一片，真的不夠厚肉，至於與燒賣一同吃，則實在是恰當的組合。原隻鮮蝦比燒賣較硬，放在其頂部，鮮味都很配合，因此，很多酒樓的燒賣都是用鮮蝦配搭的。至於鵝肝呢? 它之味道就搶了不少燒賣的風頭了，鵝肝本身較軟而易散，入囗時要記住閉上眼睛才好試呀。鮑魚是食材中之貴族，是任何菜式的主角，它外型嬌少，但很有𡁻口，都幾入味呀! 而且配上燒賣一同吃，就有一份貴氣的滿足幸福感。最後，我感謝翠園的廚師們的精心設計，及巧手烹調這燒賣點心，希望日後能有更多特別的精美點心出場。

慶祝生日關係，所以需要堂食蛋糕問左yoho 幾間貴價酒樓，利x 同xx 樓都要$100 切餅費，得翠園收$50, 所以就決定再戰翠園第一次食翠園有成十個人，每碟送份量都唔夠食。。所以印象較差今次只有五個人，同埋專叫特式菜，估唔到有驚喜total 叫左五送一湯，一開頭黎左個手撕豆腐煲但太肚餓，未影相已經比人瓜分左，同埋賣相都好一般個煲細細，應該只有兩舊煲仔豆腐但係手撕成一舊舊，再加幾條菜，真係麻麻地，勝在湯底清清地牛坑腩出面層脆皮較薄，同埋都好易碎。。。唔係好做到外脆內軟既口感， 入面牛腩只有一層肥肉，其他肉都好嫩同juicy,再配埋少少辣醬，真係惹味又好食係層脆皮可以再改善點配合番個牛腩豆腐羹一般般，入口都順滑，而且唔會覺得鹹，但料就自己有眼睇去完廁所番到黎，條魚已經得番兩舊個人麻麻鯪魚，所以只食半舊試下味就算，魚肉有少少果皮味，但唔重，唔會澀口，魚肉彈牙，個豆豉汁都配合唔錯依個係我叫既，亦都係全晚最好食，外面脆皮無牛坑腩果個甘薄，入面係分左兩層，上層係蝦膠肉，下層先係鴨一啖咬落去，成個層次係好豐富，外面脆口，入面彈牙再加埋鴨肉香，真係好正，三種味道互補又唔會搶左味，極推介依個係阿爸見

這是我喜愛的茶樓，但是我的食評以愛之深，責之切的態度去試食，今早我試下其雙式美點，其中包括鵝肝燒賣拼松茸蘑菇包，這點心由一片小鵝肝和燒賣一同合奏美味交響曲，這樂曲原來可帶出互補的滋味，而同場加映就有外型似蘑菇，内在則有很少松口蘑的香味，還有鮑魚燒賣拼黑金流沙包，這美點内之鮑魚美味有𡁻口，但這拼合，不似鵝肝燒賣的哪種完美，至於黑色帶點金色的流沙包，外型都幾高貴，入口有好甜的金黃色流心味道，真的不同凡響呀。最後，我更大膽試食其竹笙狀元大蝦餃，因我是蝦餃迷，而這隻有十摺的摺大大是否好味，我亦希望能揭開這神秘面紗，可是點心師傅摺出一隻不太體態完美的蝦餃，再深入了解這蝦餃内之蝦鮮是否夠爽夠甜，但是抱歉，這次是不夠的，因此本人希望翠園在收取$42一隻大蝦餃的前提下，努力把它做好，以成為該鎮店之寶就好啦。翠園，加油呀。

因為方便關係通常同屋企人飲茶都會選擇去翠園, 價錢都可以接受, 都坐得舒服呢排佢出左個懷舊系列食品, 餐單設計得好特別, 食物圖片都幾吸引, 所以就叫左幾樣新菜式試試同一啲本身餐單都有嘅食物第一個到嘅係真嘅菠蘿包！呢個菠蘿包係真係狠菠蘿架！size細細個岩岩好！味道唔會太甜, 生果熱食都還可以！呢度嘅叉燒酥我地都係第一次叫, 味道都幾好, 好香口而且無叉燒包咁飽肚次次飲茶屋企人都必要叫粥, 今次都係第一次試粟米魚肚粥, 比皮蛋瘦肉粥清, 不過條油炸鬼就唔係好得啦好唔新鮮！之後落黎就係懷舊點心啦！第一個係煎咸水角, 平時係呢度都會叫咸水角所以就想試下呢個睇下邊個好食d呢個一黎到個樣已經唔係好好, 又乾食落第一口, 就已經覺得個皮太厚, 完全無味, 皮同入面係分開晒咁樣可以叫做難食！跟住就係呢個蝦餃, 呢個就普普通通, 正常蝦餃比呢個好食最後就係呢個牛肉卷, 佢只係一個有塊好厚皮的牛肉球, 皮又厚粉, 牛肉又唔好食, 真係成個都好差！可以懷舊野真係唔岩我食, 全部都好差, 點可以做到一間食肆！對佢地好失望, 特別係個個懷舊咸水角, 接受唔到呀！！！！！

呢間份店既食物正體黎講好難食！叫左五樣食物：奶皇包：正常，有水準。帶子菜苗餃：d皮爛既，穿晒窿，d饀漏晒出黎，仲好意思出菜俾人食既。甫魚滑燒賣：好似未蒸熟咁，兼好好好難食。鮮竹卷：唔夠熱，d毫油汁係凍的，好似啫喱咁。牛肉腸粉：唔夠熱，d牛肉仲係硬既。在場打點既員工，服務態度不佳。如果同附近既利園比，無論食物質素或服務質素，差幾皮。

嗰日約咗阿姨同媽咪去飲茶，飲完茶先返工。 我哋叫咗幾樣點心同埋一啲炒嘢食。入邊炸兩係趣嘅，腸粉夠滑，味道尚算可以。蟹鉗夠脆、入面蟹鉗新鮮 ; 燒賣還可以 ; 松茸蘑菇包入面冇乜餡，味道一般。整體嚟講太多油，紅椒同綠色椒都係辣嘅。呢一樣係嗰日叫咗咁多樣嘢啲中最差 成碟嘢完全乜味都冇，鹹味冇，甜味又冇。最後難食到唔想再食，決定問侍應拎咗個外賣盒拎返屋企，等夜晚加豉油加嘢，再炒個返熱先再食。當我哋埋單嘅時候，有一個著黑色西褲套裝短頭髮嘅女經理埋嚟埋單，我哋覺得個價錢有出入，所以就攞張單 check 吓。發現見到佢單上面打咗 3 次外賣 $1，於是…… 就有以下嘅對話……我哋：「我哋只取咗一個外賣盒，點解打三次？」員工：「呢個係膠袋費。」我哋：「我哋冇要膠袋喎！我哋只係要咗一個膠盒啫！」員工：「咁都係收多你兩蚊啫！」跟住即時火都嚟埋我哋：「而家唔係 $2 嘅問題，係你態度嘅問題，同埋係你哋做錯咗。」p.s 員工服務態度極差，態度極懶散。