翠園 (大埔超級城B區)

營業中

休息中

今日同屋企人total 3條友黎飲早茶閒日早市，11:30前埋單（有孖寶&單點8折）叫左唔係好多野食五龍點心+一碗豬骨粥+一個鳳爪排骨=$250我覺得有d 偏貴🥹🥹定係伊家飲茶係真係已經加價加到咁貴？不過味道黎講係幾好坐得都舒服雖然佢落單個app嗰度寫左話要11:30前埋單加離座先至有得平但係我哋11:30去買完單之後繼續食埋d 野(坐多左15分鐘)都冇額外收我哋錢或者趕我哋走🫣overall, 有budget 可以食

翠園📍大埔安邦路8&10號大埔超級城B區1樓136-150號舖今日同父親去大埔翠園嘆早茶，閒日加上11點前埋單，翠園既孖寶幾抵食，不過選擇比較少，以前翠園經常大排長龍，今日去到直入，目測大概得８成入座率。我們選擇２個孖寶，品嚐了春卷、鳳爪、粟米魚肚粥和鯪魚球，味道一如既往的好。春卷外皮炸得酥脆金黃，內餡係蔬菜和肉絲，非常美味。鳳爪個底用左柚皮，設計不錯，但柚皮一點味道也沒有，反而鳳爪配以獨特的醬汁，夠淋不散，好滑好好食。粟米魚肚粥會跟上一截油條，油條上檯係脆的，粥的質地非常綿密，粟米和魚肚的組合提供豐富的口感，讓人回味。最後的鯪魚球，用既係蒸的，內裡鮮嫩多汁，加點胡椒粉，沒有一點魚腥味。大埔翠園菜品的味道不錯，正價有點少貴。這裡既服務員的態度也幾好，主動及親切，為我們帶來了愉快的用餐體驗。

屋企人有飲早茶習慣，響疫情時，一般都是點外賣響屋企嘆。今日自己心血來潮想食點心，去返之前成日叫外賣點心既翠園，買幾個點心返公司做午餐。翠園既點心一直都有保證，價位同質量都係中上既水平。大埔既翠園一向都係要排隊，排個幾十張飛係好閒事，不過我今日係點外賣，外賣當然係無加一收費，但個盒同袋要收返各＄１，我一直都好想問，可唔可以自擕食物盒，或者自擕用返翠園既外賣盒得唔得？環保又慳錢。外賣既選擇比堂食少D，同埋無左孖寶，唔明點解唔比人外賣叫孖寶。鮮蝦菜苗餃～皮薄，菜苗新鮮，食到１條條菜，我覺得比菜蓉有口感。珍珠雞～糯米雞既迷你版，同樣是以荷葉包著糯米，淡淡荷葉香氣，饀料味道濃郁，肉汁豐富，啖啖滿足。羅白糕～中規中矩，比較普通，唔係好食到蘿蔔。叉燒腸粉～等外賣時，我問需要多長時間，店員說，腸粉無得急，即點即拉，果然，皮薄得來很滑，叉燒唔肥好淋，整體好好味。春卷～火喉控制得宜，皮脆但餡料好普通，之前個火鴨春卷好食好多。

今晚同屋企人食晚飯但落雨唔想去太遠嘅地方喺大埔超級城食小菜就諗起翠園🦆片皮鴨鴨皮脆脆地唔油膩 幾好食雖然係優惠價 但唔算細隻🐷糯米豬叫咗個例牌份量 6件好飽啊乳豬加糯米飯 唔錯之選🌸👅象拔蚌粉絲煲乾身 唔會太濃味叫多碗白飯 一齊食就yummy yummy 😆👅魚香茄子煲唔辣嘅魚香茄子茄子煮到好淋好淋 出街食通常都係油浸煲呢個反而唔會好油🫢同屋企人食飯黎講環境唔錯食物唔錯有優惠嘅平日性價比高☺️

一向都認為翠苑飲茶是中上水平，但此日到來飲茶令我大失所望！下午兩點半入到去，雖然只係等位約五分鐘，但侍應人數有限，服務一般，點心上菜速度慢，由落單至第一個點上枱要近半小時，自己還要自行清理食完的碗碟，叫人沖水！點心水平亦非常失望，又唔夠熱，味道一般，性價比低🙁令人極失望!

每一次weekend去到大埔超級城，都好多好多人喺度排壽司郎或者Outback，只要係「餐廳」都有好多人排隊，只要喺大埔人流比較多嘅地方開茶餐廳，當然味道都好重要，我相信假期一定好忙😂🈺不過食咩都要等，所以最後都同屋企人去到大埔超級城嘅翠苑一齊飲茶，當我拎住個飛嘅時候，發現要等50個位嗰一刻,我真係好想放棄，好彩隔離有一家人原來佢一早又拎多咗飛，所以佢就俾左張飛我，只係等多十幾位就可以享用我哋嘅午餐😆好開心，因為唔洗等到食下午茶😋翠園係大埔只有一小段日子嘅歷史，點心嘅價錢都係比較昂貴，不過味道係可以架，有啲酒樓嘅點心味道一般，但價格都唔平🤫不過呢間酒樓嘅味道係對得主個價錢嘅！但對我黎講都有少貴😶間唔中一、兩次都可以接受嘅😚⭐️筍尖鮮蝦餃 💰$45⭐️北菇棉花雞 💰$45⭐️百花釀魚肚 💰$45⭐️甫魚滑燒賣 💰$41⭐️水晶帶子菜苗餃 💰$41⭐️鮮蝦腐皮卷 💰$41⭐️椒鹽豆腐粒 💰$41

香港人熱愛飲茶，為了上茶樓還得早早排隊呢！筍尖鮮蝦餃 $45蝦餃皮彈性，裡頭食得到完整的蝦肉。甫魚滑燒賣 $41燒賣餡加入甫魚滑及豬肉，口感紮實。北菇棉花雞 $45雞肉嫩而不乾柴，冬菇及魚肚吸飽了雞湯的鮮美。時菜鯪魚球 $37鯪魚球膠質豐滿彈牙，同時保留了魚肉原有的鮮味。砂煲鮑魚汁炆鳳爪 $52鳳爪是每次飲茶必點的，鳳爪軟爛又入味，完全食得到豐富的膠原蛋白。X.O.醬煎腸粉 $48腸粉嫩滑，但XO醬略嫌過少，不能發揮鮮味。椒鹽豆腐粒 $45外表金黃，吃起來外面咸酥，內裡幼滑細膩。鮮蝦腐皮卷 $41腐皮炸得酥脆，餡鮮滑嫩，蝦味鮮香。香麻叉燒酥 $41酥皮散發出烘焙的黃油香，內餡叉燒肉鹹鹹甜甜。人蔘烏龍 $34口味獨特，飲後回甘帶點甜，有助消滯去膩。

唔想同人迫，細佬又唔想出去，再來一次翠園外賣點心，（大埔超級城分城）我哋叫外賣午餐，再加4個點心，蝦餃一定要，外賣有85折，一家4口，都是$300+，非常抵！食物質素都幾新鮮！午餐套餐我地叫2人，芥蘭焯得剛好，义燒我嫌佢鹹，但唔肥又淋身！個什菌素菜炒米👍🏻👍🏻👍🏻點心我地一家也大愛，蝦餃全部都是蝦，彈口👍🏻，春卷碎夾香，唔油👍🏻，牛肉球及鵪鶉蛋燒賣也爭住食整體也滿意，旨在有得飲茶，在家舒服，仲有85折，食材也新鲜！

呢個套餐啲花膠堅大件， 龍躉啖啖肉，好味！甜品咖啡糕，好味 ！但個冬瓜盅淡咗啲 冇乜味 湯少咗D。 片皮鴨自己另加，鴨ok嘅，但係配嘅餅皮同京葱青瓜少咗啲。總括嚟講都算抵食 味道都好 而且坐得舒服 侍應亦友善有禮， 是舒適暢快嘅一餐。

呢間翠園好細所以比較難等位，等左半個鐘終於有位，等人開茶等左好耐先有人理，遞點心多過樓面，所以點心黎嘅速度好快，但加水同埋單就耐。我叫左以下四樣野，二十分鐘都唔使。1. 椒鹽魷魚鬚： 呢個係我每次必叫，但係50蚊黎講真係幾細碟，必叫原因係無咩炸粉，平時啲酒樓一般都好多粉，但呢度就好少，但係真係好貴。2. 牛油果沙律蝦角： 完全食唔到個名嘅牛油果同沙律，簡單黎講得黑淑味，啲黑淑多到攻喉，有芥末醬就叫沙律，一啲失望3. 帶子菜苗餃： 有帶子有茶苗但唔知點解有陣怪味，好似有啲油益，唔知係咪食油嘅問題4. 芋角： 無咩特別，但比較細件整體黎講，賣相可以但係味道差啲，價錢太貴，無咩服務可言，啲枱擺得好密，同隔離嗰枱貼埋咁滯，令人失望！

今天和家人一起到翠園飲下午茶，點了香片，香片味道清香，味道甘甜。我們點了個孖寶餐，另加兩款點心。牛肉腸粉的皮薄，但又不會包的鬆散，吃起來的口感很實在。牛肉味鮮，配上甜鼓油，十分滋味。至於潮州粉果，也是皮薄餡靚。潮州粉果外觀晶瑩剔透，賣相吸引。而粉果的內饀也是豐富，口感具有層次。皮蛋瘦肉粥相當夠味，應該是煲了很久的原故。皮蛋味香醇，配上瘦肉的鮮甜，使粥美味非常。而小心奶黃包的奶黃心是流心的，所以吃的時候要小心。流心熱呼呼的，十分重奶香味，吃下去不會過甜。

翠園都算係一間出名的餐廳今次的經驗確實令人失望首先入咗之後發覺枱上面都唔係好清潔無論係點心紙或者裝住點心紙嘅folder都會不期然令你覺得唔乾淨座位嘅四周同埋地下亦都唔見得特別清潔一心打算專注喺食物方面可惜都係令人失望炸雲吞已經算係不過不失腐皮卷油到不得了一咬落口全口都係油蘿蔔糕味道一般但係室溫食點心啲嘢唔熱真係好難食蝦餃就熱嘅鮑汁雞腳又係另一樣令人失望嘅啲雞腳夾落去都知道唔林而且又係室溫嘅XO醬腸粉又係室溫全部食物都冇熱度金銀蛋莧菜已經算係比較好可能因為冇乜人飲茶會嗌金銀蛋莧菜總括一句不去也可冇回頭！

2020年11月4號今日約左同事食飯～又咁岩係大埔收工。本身諗住食家傳戶曉。但同事提議試下翠園。跟住就風風火火咁去左翠園。都唔算多人。唔洗等位就入得。有片皮鴨餐呀就決定食佢咁岩做買一送一！15蚊都幾抵！冇乜特別。15蚊可以接受！片皮鴨量都幾多個皮有啲硬。湯渣～咕嚕肉唔好食。可以唔洗叫。叫其他。好值得一讚既係佢個炒芥蘭！夠爽脆！藍妹都買一送一，都幾抵。最後呢條魚。要吹足兩次先黎！等多耐。不過都好彩夠熱既！

早茶時段去大埔超級城翠園飲茶、末試過這間、點咗十款點心、义燒酥、腸粉一般、芋頭酥還可以、蝦餃d蝦壞咗都唔知、仍然出比客人、對這間分店有些失望。牛肉球和白花釀魚和鮑汁炆鳳爪是最好吃。其實本來今晚都有訂位、但試完早茶後信心大跌、巳取消訂位。佢太和的分店至今仍能保持高質素、實屬難得。

最近週末到處都人山人海想搵個位食飯都難想飲個茶更加係難上加難我同女朋友等位等左接近一個鐘終於有得食可惜今日有d特色點心都無供應所以有d失望不過都叫左個四色燒賣試下分別係鵝肝帶子鮑魚同蝦其實都係蝦最好食 其他有d格格不入咁之後仲叫左個鮮蝦腐皮卷依到既比我食過既都要多餡料 算係中上除此之外仲有蝦腸同奶黃包腸粉算係夠滑奶黃包就略嫌蛋黃味太重最後驚唔夠飽仲食左個叉鴨米粉叉燒太瘦所以有d乾燒鴨就幾香同juicy整體來講算係不錯既一餐