翠園 (葵青劇院)

營業中

休息中

平日或假日，見到翠園門前等位飲茶的街坊人山人海，係咪咁好食呀？飲過幾次茶，冇乜特別啫。今次試下晚市的片皮鴨套餐，睇價錢真係幾抵食嘅！真定假？評一評吧！先評訂位，好囂張啫！回覆一晚只供應8-10個片皮鴨套餐？鬥快入座叫餐？仲串到話1830已滿座？咁我咪拉隊4位一早1730就到場啦！仲要一埋位，就聲明用餐時間係1個半鐘？嘩！閒日中菜晚飯都限時，係咪咁好生意呀！結果？當然吾會準時離座啦！坐左3個鐘，期間亦沒有被埋單趕離場。眼見整晚只有6-7成客量，1830滿座？作大咩！不夠4成客。招待表現就差少少了，除了部長級醒少少，樓面大媽都似係兼職生手，連加水和清骨碟都吾夠主動。攪笑例子係問大媽樓面攞多一對公筷，大媽竟然背著你施展反手交棒式傳遞，動作似跑接力賽，更攪笑係比一支筷子，吾係一對筷子，咁都得食評梗係要評語今晚的主題套餐啦！片皮鴨套餐包括一隻鴨、鴨湯、蒸魚、兩款自選小菜。片皮鴨貨真價實，份量足夠，有賣相，抵讚。鴨湯是用鴨殼滾冬瓜，鴨殼冇味，當佢已入晒湯味，清清地冇乜油，湯夠熱，不過不失啦！蒸海斑比想像中出色，火路啱啱好，夠滑夠新鮮，連魚頭都食埋。小菜就選了菠蘿咕嚕肉，都吾錯，甜酸度和肉質口感佳。

在疫情期間，大型的酒樓業都各色其款，吸引食客，今年龍蝦價格確實平宜，又做特價歺益食家啦！見到這塊分隔版，好似會好安心😆兩佰幾蚊一斤澳龍加$48煎米粉，十分香口，脆脆米粉沾滿著龍蝦汁，鮮味這份鮑魚雞煲用粥水炆製，雞肉嫩滑，味道可口👍加多個清炒豆苗仔，服務員都有提醒我哋份量足夠㗎，兩位食客，本來以為要打包添，坐吓、傾吓、食吓，最後都可以清枱😆真係好飽啦！勁

在翠園酒樓叫了外賣自取，而且有68折優惠，抵過堂食。去酒樓拿時，還要等多15分鐘，出餐較慢。早/午孖寶叫了腐皮鮮竹卷及蒸排骨鳳抓飯，蒸飯粒粒分明，味道適中。一人午飯套餐叫了翡翠蟹肉羹及豉椒肉片炒河，河粉打開時已很碎，而蟹肉羹較細碗。

媽咪生日約佢出葵芳飲茶，可以用App攞定位，一路行商場一路等，超方便！第一次黎感覺不錯，樓底高，落地玻璃對住葵靑劇院，透光度一流👍🏻⭐️牛肉腸腸粉皮晶瑩透薄且滑身👏🏻整條填滿牛肉餡，足料！⭐️柚皮豉汁蒸鳯爪媽咪好鍾意鳯爪底d柚皮，佢話而家好小見到餐廳有柚皮，因為好花功夫！索曬d豉汁好入味！⭐️水晶帶子菜苗餃三角形水晶餃外型可愛，外皮煙韌，半透明隱隱約約睇到餡料十足，味道清新！

難得放紅日，可以與家人飲茶，嚟呢間係因為佢嘅點心水準穩定，服務吾差，一定吾會掃興。我飲茶必食嘅就係蝦餃，呢度嘅蝦餃蝦好多蝦，全部都係蝦肉🤩新鮮彈牙😋🤤蝦腸就係原隻大蝦仁，如果鍾意食蝦的話，呢2款點心可以話係必食 🥰潮州粉果配🌶油，好夾。流沙奶黃包吾係太甜，最難得係個包就算凍左都好食 🤭鮑汁鳳爪同鵪鶉蛋燒賣都冇令人失望。

其實翠苑我唔係去過一次兩次，去過好多次佢本來有美國運通白金咭特別嘅優惠。當連續幾次侍應生都冇提醒，第一次係佢哋餐廳嘅優惠比信用卡更加高...咁我諗申請白金咭$7800年費做乜鬼第二次去食，佢就話個套餐已經係優惠唔可以連埋信用卡優惠一齊使用。大佬你打隻字出嚟！唔係比唔起...總之就唔開心😫嗰啲銷售策略好鬼差，嘢食就冇乜問題，做啲marketing嗰啲就真係有啲差....可唔可以從客人嘅角度睇吓呢，唔該哂

疹情下翠園提供抵食套餐。晚飯堂食主菜牌也有吸引折扣。指定期內，用匯豐咭簽帳滿600元送300元現金券。今晚吃了個四人套餐，四餸一湯及甜品只是800元左右，還有300元優惠券下次吃晚餐用，超值。套餐品質不錯，尤其是蒸魚及西蘭花帶子蝦仁。套餐有足夠蔬菜，相對健康。

今日一起身睇吓有咩食，決定約埋媽咪食點心10:30去到，差唔多11點幾先入座，但係佢11:30前買單就有特價，最後當然趕唔切啦啲點心選擇都多嘅，我一早上網睇咗點心紙😃主要係想讚一讚佢個服務 見佢個叉燒腸咁耐一問之下原來冇落到 即刻叫佢order返一個戴眼鏡肥肥地嘅男仔服務態度超好 仲同我講可以即刻叫師傅整返幾分鐘就有 最後都係5分鐘左右就到左 仲加多左奶皇包奶皇包即刻整返出嚟熱辣辣好好食😋兩個人飲茶$400 睇返叫咗九樣嘢其實都唔算貴 呢個飲茶體驗非常好👍🏻通常茶樓啲人都係冇乜禮貌 但係嗰個男仔態度真係好好 💪🏼

為食鬼😜抵受吾住誘惑😅。。。二月疫情至今，忍左好耐終於第一次出街食飯✌️😆。因為限聚令影響，美心中菜翠園等做緊堂食主餐牌半價😱，食飯果晚係last day，現在已經變成六折/六八折。。吸引我地去因為想食呢個片皮鴨4人餐😝抵抵抵!😜堅守到成枱菜先除口罩，食完又立即揉手再戴口罩🤣🤣。。前菜14蚊，酸菜花生之類，幾開胃!金陵片皮鴨，隻鴨細細但肥過我🤔😜，因為翠園係無片皮鴨散叫，想食就要叫餐囉! 其實menu全部半價，真係勁抵多選擇👍!yummy但係隻鴨勁肥😵😵，鴨子的皮下脂肪真係好肥好恐怖呀!😒食多幾次肯定膽固醇爆燈😖😖鴨起左肉，煲左白菜仔豆腐鴨骨湯，吾算好油但非常so, 好吾掂😫😑生菜片鴨鬆，好味道😆黑松露醬爆蝦仁象拔蚌😋，蝦仁象拔蚌都爽口🤤🤤清蒸沙巴龍躉斑👍👍條魚蒸得剛剛好，甜而好滑! 🤤我覺得好好食再散叫鳳尾蝦多士(88蚊，半價)，炸得脆口😋但有少少油! 海蝦大良炒鮮奶 (118蚊，現半價)， 海蝦爽鮮奶蛋白都炒得好滑👍翠園一向幾好味🤤，但果晚係政府剛取消餐廳半數座位規定，所以勁多人去翠園食野，7點未夠已經full house，人頭湧湧完全吾夠侍應執枱囉😜原價加一埋單843蚊，其餘3

剛送走冬天，又迎來了初春。天氣不冷不熱，微風沁人心脾，而眼前則是坐落於葵青劇院的翠園。舉家搬來葵芳已有二十幾載，卻從未走近過葵青劇院一步，這次便趁兒子的十八歲生日來試試味道如何。一眼望去是幾幅落地玻璃，適逢傍晚，或許是因為疫情的關係，客人並不多，不需等位便可入座。而期間最令我感到驚訝的是翠園員工的服務態度。一開始映入眼簾的便是那像盛開的鮮花般的笑容。此帶位的員工不像其他酒樓那樣隨隨便便敷衍待人，而是如同接待熟客那樣親切，甚至會幫我們一行人拉開椅子。雖然是平凡不過的舉動，但在人心冷漠的香港已是非常少見。在與她的幾句閒聊中,並且在她的推薦下嘗試了超值回饋宴。幾道菜也依序上了台。片皮鴨閃閃發光，一看就知道是新鮮出爐，鴨皮酥脆，不算太肥，就著餅皮一口塞進嘴裡，美味在嘴裡迸發而出，令我印象極深。一路品嘗我也開始知道了為什麼名叫超值回饋宴，只因此套餐的性價比極高。除了片皮鴨之外也有龍蝦伊麵，伊麵索嗮龍蝦的鮮味，兒子甚至寧願吃麵也不吃龍蝦，可見之美味。品嘗完龍蝦伊麵之後更有花膠扒來接棒，花膠扒偏厚身而且炆得夠軟，一口假牙的嫲嫲都吃的津津有味。當然不止以上的菜，還有花尾躉，麻香雞等，未能盡錄。一路吃下

星期六午餐，我們家喜歡飲茶吃點心！現在要避免到人多的地方，減少出外用餐！２月份過了一半，才第一次上茶樓飲茶！葵芳地鐵站附近的翠園，自開業以來，生意都很好！午市天天排長龍，我沒耐性等，一直沒有吃上！現在人流大減，不用等位直接入座，進門先量體溫，再用酒精搓手液清潔雙手。點了以下10樣：#普洱茶#蜜汁叉燒腸#叉燒包#香煎蘿蔔糕#狀元大蝦餃#鳳凰煎米雞#羊肚菌燒賣#叉燒飯#鮮蝦粉果#鮑魚燒賣併黑金流沙包翠園的點心，水準有保證！樣樣都好味！我最喜歡羊肚菌燒賣，健康又好吃！

平日去食晚飯，入去唔帶位。同執抬女侍應眼神接觸咗成分鐘，完全沒有意識去幫我開位。終於頂唔順自己入去開位， 見到原來個帶位小姐同人喺收銀處同人係咁傾計。間餐廳完全唔夠人手， 想叫人落單都冇人騷我。最後我想投訴那間美心翠園嘅員工，係度同人收利是，極不專業。

閒日晚餐, 訂左位食飯, 但原來係坐唔滿, 唔使等位既。 BK呢度既原因都係諗住坐得舒服, 無限時。見HSBC 做緊PROMOTE, $998 半席免加一, 全包價, 岩晒我呢D懶人。除左帶位個職員, 其他職員都係吹水多過做野, 搵人落單都要等下。個餐包左個冬鼣湯、大蝦伊麵、蒸鮑魚、半隻雞同4個小菜, 仲有一個甜品同一渣橙汁。不過橙汁只係夠6個人分, 每人半杯。 但鮑魚就出奇地有9隻 , 至於大蝦得4隻, 係唔夠一人一隻既。其他餸都算大碟, 雖然味道一般, 但1呢個價錢相當抵食。

住在國外的長輩，回港玩了一段日子後又要再離去了，所以在他離港前再好好的聚一聚，見個見。因為假日的早上，到處都是等位的人潮，所以想着這家在劇院，遠離了人群聚集的地方，應該比較快等得到。果然，20張枱雖然不少，但比起潮庭的60張枱來得少了。等了差不多40多分鐘就有位置了，但室內冷氣太大，剛在門口熱得流汗，有太大對比，不過過不是重點。重點是我媽媽是吃齋的，所以點菜都很小心，都不要肉竹4，下單時也有再向侍應確認不能有肉，蔥蒜等也不可以。怎知道有一道菜的湯是用蝦乾熬的，事後跟侍應說他只說他也不清楚。希望他們可以不要再犯同樣的錯了

一行數人過節晚飯，先飲湯，老火湯，正炒斑塊：斑塊大大塊，質感剛好，雖然只有數塊，是整碟餸的靈魂浸時蔬：這個浸有什麼特別炸子雞：這款一定要食，皮脆，肉嫩，味道適中，不會太鹹，也不會太油膩，香氣噗鼻，真係要試菠蘿咕嚕肉：我較喜歡酸味，而且肉是剛炸起，咬下去十分鬆口，友人認為較酸，可略為減少一點酸味由於人流不多，可以慢慢食，好似好耐無試過假日吃飯不用趕，慢慢品嚐令我感到味道不同，這個集團令我喜歡是餸不會太油太鹹，有質素而且品質有保證，吃飯後不用狂飲水，所以我偏愛這間酒樓