翠湖海鮮飯店 (木星街)

營業中

休息中

因為之前來過，對食物質素有信心，所以母親節選擇來這裏慶祝。本來一直無問題，但臨尾要離開、也開始叫老人家去定洗手間準備離開之際，突然一位女工作人員搶去結帳那張單（因為平時都是客人自己取去櫃檯埋單），之後很大聲地、帶着鄙視的語氣地趕我們離開。首先，訂枱時，前台未有講明確實時間多久要交枱。當然我們知道要交枱，所以我們也在差不多下一輪時間前準備離開。第二，如果要通知客人夠鐘交枱，是可以有基本的禮貌，客人也會明白。母親節慶祝也好，平常聚餐也好，都不只在於飽腹，是家人朋友歡聚的重要時光。餐飲業本身帶着一個非常重要的使命，是這段重要時光中的推波者，工作人員不應該只着眼於流程。因為一小撮不尊重自己工作的前線人員影響別人整餐飯相聚的回憶，也浪費了廚師們苦苦經營的心血，着實不值得。

跟長輩吃飯，選擇比較傳統的酒樓，就到天后木星街翠湖海鮮飯店聚一聚。星期一至五都有些特價孖寶，好像也不錯。先來濃湯雞煲大排翅（10兩），是翠湖必點的，大大煲雞煲湯熱燙燙的搬到你面前，和翅先是分開的，在你們面前分配，再加湯，派場感十足。雞湯味厚濃，大排翅也不馬虎，四人分10両打底已飽了一半。蒜蓉粉絲蒸蟶子皇，蟶子皇新鮮，蒸的時間剛好。燒鵝皇，油甘肉香，只是肥了一點，是可以自己咬走的。太瘦就不夠甘香。清蒸沙巴龍躉，真的時間拿捏得非常好，肉嫩多汁。

兩個人去食晚飯，全場爆滿。啲伙記一直忙住執枱、搬椅，係好忙我明白，但無理由要客人受無禮對待。全程無任何招呼可言，招手當睇唔到，臨尾好聲好氣問一句：「靚女請問有咩糖水？」，阿姐極厭棄地邊行開邊講：「每樣俾碗你，食完好走！我地好多人等位！」我哋坐埋枱唔夠一個鐘，叫左三樣餸都未食完，憑乜嘢咁唔客氣趕人走？！我家陣唔係無幫襯聲大大，啲龍蝦唔新鮮發霉、碟菜有線頭我都無出過聲。埋左單後同經理反映員工態度差，然後經理極晦氣地講一聲唔好意思，然後就話好忙，問我想點，根本由上而下個格都係咁衰，投訴都嘥氣。再來都嫌自己賤格，發誓永無下次。

當旺區好多食店晚飯時段已返唔倒枱，呢度仍然可以，頭輪完左門口真有一堆人等第二輪，呢d就叫實力，我嚟過幾次，係真抵食，味道亦不錯，性價比高應該係生存之道，選擇亦多，有燒味有小炒有海鮮，飯後送甜品，係南瓜露同綠豆沙，少甜好啱食，綠豆沙仲有臭草香，冇hea做，雖然分兩段，但可以留位，出餐神速，上枱仲係熱辣辣，服務親切密密手快快快手，好正嘅用餐體驗，值得推介。

天后木星街翠湖飯店六月初應朋友約來吃晚飯，一入門見到座無虛席，好彩朋友預先訂座。飯店裝修簡潔，打開菜牌有好多選擇，豐儉由人。豬膶雞煲上枱，豬膶配合紅蔥頭和青蔥，香氣撲面而來，雞肉嫩滑。小炒王真係冇叫錯，有大大隻的蝦乾、香脆的腰果、鹹魚仔和魷魚鬚，整體配搭出色。蟶子王大大隻，鮮味十足👍👍👍最後仲有砵仔焗魚腸，呢個懷舊菜，依家一般酒樓飯店都唔做，成本低但功夫太多。 一啖入口，魚腸和魚膶的甘香充滿口腔，加上童年回憶，非筆墨能形容。飯店送糖水，有南瓜西米露和綠豆沙供選擇。下次會再嚟，試吓其他小菜。

一家人一直有幫襯這間天后木星街的翠湖，老闆易手過幾次，食物同服務質素都保持到街坊酒樓質素。首先是我最喜歡的清宮濃湯雞煲翅，亦是我這麼多年一直來的原因，濃厚的雞湯真的很溫暖實在，雖然魚翅只是裙邊，但量亦不少，每次都有好多骨膠原。澳洲龍蝦伊麵底，龍蝦汁是美味的，不過龍蝦略少。薑蔥焗桶蠔，大大隻係幾香口，如果嫌味濃，要配飯吃。脆皮燒鵝王，不是每次都有燒鵝王，要撞手神，味道不錯。客家王酒煮雞件，湯底傳來一陣濃濃的黃酒味，飲了幾口，比雞件更出色。百花蒸釀豆腐，都是客家菜，清清的。街坊酒樓擁有的就是一股人情味，不敢說平靚正，但已經是相熟的味道了。

今日好大風，有雨。安全為上，兩個人就近近地喺附近飲茶做lunch。11:30入座。入座率有50%。今日冇特價。所有嘢以正價計算。問職員可唔可以唔搭枱。佢話公司規矩，如果多客就一定要搭枱。冇問題，就可以入咗喇。當然我哋今日冇乜客就唔使搭枱啦。我哋叫咗一籠燒賣，一籠蝦餃，一籠金錢肚，一籠鹹水角，同埋一籠棉花雞。燒賣：一籠有四件，豬肉彈牙，多肉汁。蝦餃：一籠有四件，蝦肉爽口。大大粒。金錢肚：一籠有大概五件金錢肚+2嚿白蘿蔔。金錢肚唔會好韌，有香料嘅味道。鹹水角：一籠有三件，唔會黐牙，味道正常。棉花雞：一籠大概有四件大大嚿嘅棉花加兩件雞脾肉同一舊細細既冬菇. 棉花夠林吸晒雞汁嘅精華。好味。埋單$198。備注：我慣咗食點心好多時都點潮式辣椒油。但呢間係剩係得豆瓣醬。如果有潮式辣椒油就好喇。

放工一個人食乜好呢？喺天后蕩下蕩下，咁多選擇好難揀。最後決定外賣返屋企食算。就揀咗係翠湖叫外賣燒味飯雙拼。因為餐廳喺屋企附近，所以已經幫襯過好多次。有時會堂食點預餸。有時會去飲早茶午茶。外賣就次次都係買燒味飯。佢嘅外賣燒味飯以呢區嚟講都算抵食。$33單併，$38雙拼。通常都等5分鐘左右就已經有。如果連5分鐘都想慳嘅就可以打電話嚟落單先。次次拎到盒飯返屋企，個飯盒仲係好熱辣辣㗎，有煙出嗰隻。今日叫咗白切雞拼叉燒。兩款味道都正常出品。不過以呢個地區呢個價錢，有咁新鮮熱辣嘅嘢食，我覺得算係唔錯喇。下次希望叫到豉油雞胸啦（次次叫都話賣晒）

母親節同屋企人去左成日食既翠湖海鮮飯店食晚飯，貪佢就腳，同埋埋價錢都算親民，食物大份。今次我哋叫咗 清宮濃湯雞煲翅呢個菜式係我最鍾意嘅，佢將老雞熬出成黃色嘅雞湯，雞肉嫩滑，配合足料既魚翅，高湯濃郁非常出色！澳洲龍蝦 伊麵 多肉，外殼已碎容易食！桶蠔 太咸，我唔係好鍾意！肉身係厚嘅！蜜荳鮮百合炒螺片 螺片硬硬地 ！脆皮燒鵝王 Sorry !唔記得食，吾知道味道！花膠羊肚菌浸津白花膠入味，配合蔬菜，好似幾健康！呢個我都鍾意嘅！客家黃酒煮雞件媽媽客家人佢話不錯 ！我都飲咗啲湯，酒味濃郁！百花蒸釀豆腐 豆腐嫩滑，清清淡淡 ，中和返頭先嗰桶蠔嘅鹹味 ！者者豬潤雞煲 味道濃郁，份量都幾多，送飯啱數！最後送咗綠豆沙普普通通不太甜！整體不過不失！都有下次嘅！

昨晚二人晚飯 因為大家都好肚餓 所以兩人叫了四個餸 首先 鮮波蘿拔絲生炒骨 拿上來 有波蘿 有生炒骨 拔絲呢？ 叫個經理 / 部長來問 回應是 佩服 佩服跟住是黃酒煮雞 拿上來已經是水汪汪 冇問題 但雞呢？ 有雞。。。骨 紅棗等等 就是冇繼肉金銀蛋白菜仔 就來了個 金銀蛋殼白菜仔全晚最正常已經是蝦子柚皮埋單阿姐話我什麼都不知 收足 515上次飲茶已經是亂開單 加埋今次 街坊 睇路吖

朋友相眾, 又唔傷荷包.打工仔飯局好地方豬手 - 正蠏肉扒豆苗 - 不油 爽脆粟米魚肚 - 正啫啫雞煲 - 熱辣辣香食完不須狂飲水.即係幾好味.但環境有些嘈, 難傾偈.要大聲d , 才聽到.希望 下次會靜少少, 就好

樓面介紹剛剛燒好的乳豬試試，好鬆碎的皮，熱辣辣， 脆卜卜，肉身不肥，肉質軟淋，好好食！比個 like 佢，冇介紹錯👍叫左個孖宝寶- 燒雞，味道適中，皮脆肉嫩。孖宝 - 彬斑，約12兩，未夠一斤，肉質軟滑。濃湯蜆肉浸莧菜，幾清甜，好過平時啲金銀蛋莧菜，菜就少左啲。樓面介紹左時令既白菜豬肺燉湯＄188, 不錯！自己唔會煲的湯（自己好難洗豬肺），湯料足夠 - 豬肺，豬肉，雞腳……。 爭秋奪暑的天氣，潤肺。一般可以晚飯的酒樓，價錢相宜，4人共＄998-. 到七點幾就像一般酒家比較人多和噪。幸好坐近窗邊，4個人都可以暢所欲言，吹一吹水。

路過這裡見到經常高朋滿座，心想一定有過人之處，試一試便知道了。周末晚餐特意訂了位，怕到時緣慳一面。果然是有先見之明，6:30來到已滿座，沒有訂位的只能等下一輪了。我們晚飯習慣不多吃，只點了兩個小菜和一碗飯。半只沙姜雞🐔先來，單看賣相已不錯。排列整齊的沙姜燒看上去皮簿肉嫩，陣陣沙姜香味撲鼻👃，吃起來也是香嫩美味，稍有調味的雞肉，蘸一些沙姜醬更好食。第二個菜跟著送到，驚人的大碟，盛上京燒涼瓜雲耳牛🐮仔肉，份量是十分的大，賣相也是吸睛。👀脆綠的大片涼瓜，油潤的雲耳又大又軟，牛🐮仔肉的份量也是超多，還配有新鮮的紅椒和香蔥，光看外表就是先色奪人了。京燒的味道還不錯，有淡淡的花生醬味，牛仔肉稍稍遜色，腌製得有點過，整體味道還不錯的。吃完飯，竟然還有糖水送，綠豆沙和南瓜西米露各一碗，意外的合我心意，不太甜，而且很熱很香，真是一個意外收穫。

呢間野個收銀百份百會令呢間野好快做唔住叫完外賣喝我自己去搵人攞外賣佢話會唔會起身咩都唔會做連同自己同事講都唔會只會坐係度之後係咁罵我地係係咁罵話我收銀做咩要同你做你要俾飛自己去俾個經理過嚟話一場誤會就走左去就算個外賣到左個經理都係擺去我面前張台同時間有其他人等緊外賣要問先知個外賣係我既來買個外賣要咁既體驗做到幾平都冇用啦有d咁既員工之前已經轉左手幾次今次如果唔改下態度應該都做唔長同上幾手一樣莫後老闆係邊個我可以同你慢慢傾你呢位員工係點樣今時今日仲有人樣做野

我叫外賣自取，早咗啲到，個收銀收完我錢之後要我自己親自攞張單收去攞比d侍應攞貨！全程用一個order我做野嘅態度，完全冇當過我係客！我同個經理講，經過一句誤會姐就hea咗我！如果做飲食業做到咁，遲早執！！！