翠玉軒

營業中

休息中

7個月紀念, 因為男友要食完再返公司, 唯有向交易廣場附近食。之前食來食去IFC果幾間, 唔想食西餐, 又唔想去食去正斗同CRYSTAL等餐死, 最後決定不如去THE SQUARE食個快既晚餐。THE SQUARE我食過兩次, 都係TEAM LUNCH老細請, 印象中食個蝦蛟都連個龍蝦殼一齊上, 十分誇張。一心以為THE SQUARE都係做D包心翅肚既野, 小菜應該冇乜, 點解原來佢地有好多小菜, 價錢合理, 味道又幾好, 仲要個環境唔迫唔洗等位仲有人唱埋LIVE BAND TIM!! 叫左兩個湯, 一個例湯一個花膠東茹, 個例湯好濃好有味, 反而花膠湯就好清, 但都唔錯。小菜叫左個牛柳粒, 牛肉幾淋, 幾香口。之後叫左我至愛既點心, 春卷!!! 估唔到佢晚市都有!! =) 佢地既春卷好大好多料, 而且個皮超脆, $60蚊唔洗真係必食!! 男友個口生左四粒飛知都忍唔住食左兩條~~=P 之後再叫多碟豆漿豆苗, 夠新鮮又唔油, 幾好!!最後好飽都仲要叫多兩個甜品~~^^下次放工想舒舒服服食小菜不妨考慮下THE SQUARE~~

17/1/2009 和女兒一起午膳. 過往翠玉軒的出品及服務均一流.今天重臨,大失所望. 水溫攝氏五十度, 何來水滾茶靚,真是不冷不熱.整個區域,約二十至三十張檯,只有一位經理可以落單及結帳.這位經理如有其他客人需要招呼, 落單請耐心等候,漏單不在話下.由落單至食物送到,快則三十分鐘. 慢則不說.不知何解, 其他侍應不能落單及結帳. 好在食物水準甚高,多得廚師努力.最後結帳等了十分鐘,帳單還是未來,終於自行往Cashier 付款.

先多謝大家既幫忙=)基於冇錢既關係，同埋之後Book左赤柱食飯，所以一野就決定不如@交易算數。老公見到門面同點心價錢被嚇到唔識揀野@@"算啦，反正都要搭車食唔多.....首先上檯既係「鮮蝦三文魚炒飯」*難免有少少油，但係海鮮味同蛋味搞到好惹味香口*三文魚唔會老過呀媽=)之後係老公揀既XO醬蘿蔔糕*難得既係佢唔油但都頗辣，所以個飯我包左，而老公就搞掂佢@@"到左個帶子珊瑚餃，比較清既一款點心=)感覺都幾賽螃蟹下XDDDDD都要二百幾蚊Gar，不過呢，服務同味道都值既*(PS：當我知道呢間係有米芝蓮星星，開心到爭少少喊左出黎*)

記十二月上旬慶生晚飯替友人慶祝生日，大半年前已談起到IFC的翠玉軒吃商務式午餐，時過景遷，友人也找到更適合她的生活空間，這裡亦出奇地成為《車胎人指南》推介的一星名店。大集團經營，環境雅致內廳位置面對交易廣場內庭花園，帶位小姐安排到一邊的卡位，位置闊落，坐起來也舒適稱心，同樣是一星店，這裡環境氣氛遠勝流水式作業的IFC利苑。打量著餐牌，寥寥數頁譜下餐廳招牌菜，當中有不少是豆腐、蔬菜系列，風格清新。二人簡餐，隨便點些菜就可以了，冷胡麻羅馬生菜、金陵燒味乳豬併叉燒、招牌豆乳炒血燕、基圍蝦炒滑蛋，慶生也吃好一點，打點了蝦籽燒海參，每款若百元左右，連環境及配套收費也算合理。畢竟是集團走高一線餐廳，餐前送來子薑蘿蔔小吃，子薑雖過了造，但吃起來清爽，簡單開胃。冷胡麻羅馬生菜原來下了辣汁，餐牌卻不作說明，叫經理替換他亦從善如流取消。金陵乳豬起了皮，皮脆卻不夠油甘，亦不熱吃起來溫溫吞吞，豬肉片粗韌難消化，應該是賣剩見底的貨色，叉燒是瘦的部份，肉汁燒得乾透，帶點蜜香，是晚手神麻麻。豆乳炒血燕，豆質細滑亦帶著應有豆香，不算油膩炒功不錯，配起血燕帶出微爽口感，當然加血燕最重起Mark Up作用，此品配崧子味道

跟男友出發去 Lamma Island 前決定先在這裏飲茶,因這裏比較近碼頭但因我唔舒服及男友已食過早餐,故只叫了三款點心1. 炸粉果+龍蝦汁 ==> 粉果炸得好脆,個汁都ok,但比較油2. 煎魚餅==>尚可,食到魚肉味,不粉3. 芒果蝦卷==> 尚可,但比較油此酒樓比較靜,我喜歡呀埋單: $12x ==> 以服務及環境計不算太貴

一年容易又中秋, 諗住早D和屋企人食飯,星期五先至BOOK星期六晚吃飯,本來想去尖沙咀，唔係FULL 咗, 就係要等八點半果場, 睇吓D信用咭有咩優惠,攞吓靈感, 見到中環翠玉軒HSBC個 優惠套餐$1157 減到$694, 好似幾抵… 一訂就有位. 星期六做完MASSAGE, 條街鬼咁多人, 費是人迫迫, 早咗半小時去嘆冷氣。我只帶HSBC 和DBS 信用咭 (因為有D 餐廰有3倍積分), 睇吓餐牌, 原來用渣打信用咭叫巧手系列仲抵, 四人套餐差唔多價錢 ($688), 但多個小菜, 多個麵/飯,多個甜品, 仲有85折, 好彩同行有人有渣打信用咭, 真係乜鬼信用咭都要帶備傍身! 六個人叫咗四人套餐, 和兩個小菜. 四人套餐包括葱油茄子,旗參响螺湯, 椒椒雞同鴨講, 蒜焗大花蝦, 清炒桂魚絲, 米湯浸清蔬, 韮王銀絲細麵/ 紅米飯, 薑汁雙皮奶. 小菜就叫咗生煎瑤柱涼瓜餅 ($68), 和拔絲咕嚕肉($78), 美心出品, 質數有保証, 份量夠, 味道剛剛好, 除咗個湯未夠火喉, 樣樣都咁好食.我發現中環星期六食晚飯仲有個好處, 唔會有交枱的壓力,可以坐多一陣, 七點食到九點幾都得

08年2月13日晚一家十口去翠玉軒食晚飯，由於它屬於美心集團之一，買美心d餅去食就免收切餅費。最正是燕液南瓜羹，好味！其他一般啦，冷盤麻麻地。士多啤梨骨唔夠士多啤梨，但服務認真幾好。加一，茶錢14元。好適合傾生意嘅人，環境同情調好好，地點就腳。

二月十二日(星期二)今日lunch黎呢度食開年飯!等左一陣先上菜,好肚餓呀!頭盤有义燒,素鵝,海折,我覺得义燒好味!甜甜地又燒得唔錯!仲有西蘭花蝦球,呢個一般,西蘭花好味!不過蝦就冇蝦味!同埋蒜容龍蝦,呢個食法唔多欣賞,本人比較喜歡芝士上湯那款!炸子雞,都唔錯,皮好脆,雞就一般!貴妃泡飯,呢個幾好味,同埋好特別!佢黎到先放d米通落去,有"炸"一聲!個味幾清!唔錯唔錯!生菜鮑魚菇,呢個一般貨色啦!翅,ok~不過料唔多!冇甜品,有會加分既!有飯後生果,都幾甜!

We booked a room in the restaurant. What I found interesting is tht the rooms arent to the back of the restaurant but rather located in a central spot amonst the throngs of tables. Maybe it's for easier serving. Anyway, the table of 13 had some standard food. Roast pig slices on white flat bun slice. Pretty gd. Yiu chu with mushrm n veggies- good. Shark fin was a big enough proportion for a chinese restaurant not specialising in the area. The Shrimp with vegetables was lovely. Generous chunks o

埋年尾又特別多社團聚會，是日話事人在這裡擺廿圍，包廳。其實這裡外表雖然不錯，但擺起酒上來，其實不是太適合，因為舖面窄長，兩邊的人客都幾難睇到對方，主人家在中間，當然兩邊睇晒，但玩起遊戲抽起獎上來，氣氛就一般了。酒席的水準不錯，始終大集團出品，質數是穩定的~~當然圍酒價錢不能太便宜，平貨會有幾好？乳豬不熱，已是大忌，皮脆但肥膏太厚，是乳豬本身的水準一般；炸蟹鉗非常大隻，但又是「單指」的，可能現今人客也不懂什麼才是真炸蟹鉗，所以食肆也懶得花功夫去做了；蜜餞雲腿併蝦球很不錯，蝦球大隻又爽口，鹹香的雲腿跟甜甜的外皮配合得很好，是很滿意的一味；大排翅真的是一梳梳的，排場十足，可惜湯底沒甚味道，當然也是杰如漿糊似的，睇見都怕；鵝掌夠腍，鮮鮑魚扣得很入味，當然比鮑片高級幾倍。酒席份量夠，去到青斑及雞，已經沒有幾人能動手，而水準是可以的。侍應雞手鴨腳，幾難相信是正規軍。據聞這圍酒是七千幾包酒水，也是落本的。咁在大集團擺酒，一定程度上有點保證，當然揀過第二個場就會氣氛好一點。

有朋友之前試過覺得不錯，極力推介，又不想走太遠去蘇豪，於是揀了這餐廳和朋友食晚飯聊天。餐廳內很寬敞，坐得很舒服，但明明是中菜廳，卻有隊外籍人士表演唱歌，有點奇怪，而且聲浪太大，我們談話時也要提高分貝強度。今次我們點了不少餸菜，包括了一個燉湯，燉湯沒特別。前菜是‘和牛沙律’，大部份都是牛肉，沒有什麼蔬菜，牛肉味道不錯但太韌了。主菜有‘蘆薈百頁’和‘蟹肉蛋白炒飯’，‘蘆薈百頁’其實最主要是食刀工，豆腐切成薄片，排列得十分漂亮，但味道就如想像般的淡，不過炒蘆薈就很清甜。至於‘蟹肉蛋白炒飯’用蒸籠上，我本身喜歡較濕身的炒飯，所以我覺得這炒飯極之不錯。甜品我們點了‘海底椰燉李子’和‘杏仁茶’，都是有水準之作。侍應服務都不錯，會自動加茶和分餸，值得一讚。但餐廳冷氣太凍了，餸菜很快便涼了，有點可惜。

同3個朋友黎飲茶,點心大部份即叫即做,食左:1. x黃燒餅- 幾得意,係蔥同豬肉做餡,好香,唔膩... 唔錯!2. 椒鹽魷魚鬚- 炸炒極薄,好香口,唔膩,不過份量頗少...3. 炸粉粿- 炸既粉粿,幾特別,皮好鬆脆...4. 露筍帶子腸粉- 唔多覺有帶子既鮮味,不過腸粉就幾滑...5. 蝦餃- 我冇食...朋友話都幾好食,蝦都彈牙!6. 蛋撻仔- 皮鬆蛋熱,合格7. 淮山雞紮- 雞唔夠滑,味道一般!8. 燒賣- 我冇食,不過睇賣相應該不錯!9. 小心流沙包- 即製,非常熱,好好食,不過唔多流沙...10. 排骨- 麻麻地,可以唔試!11. 西米露- 魚話好好食,好清香12. 蓮蓉焗布甸- 味道略甜,蓮蓉太多,麻麻地...

來翠玉軒吃大閘蟹餐,事緣在上次試食局之後,每人也得到旗下集團,大閘蟹餐買一送一之coupon.以美心集團旗下之中菜館來講,位如交易廣場的翠玉軒,算是環境上佳的一間,兩個人晚上前來,竟覺得幾浪漫.更有駐場菲律賓籍樂手,走向客人檯旁,拿著結他高歌.唱一些英文舊歌如Careless Whisper,Hello之類,連譚校長的"朋友"也懂得唱.如果受這一套的情侶,一定"lum"死.我同E小姐就不受了.$198一客,兼得到"名"食家里純恩推介的大閘蟹餐,買一送一之後,加埋一,茶芥.放下二百多可走人.究竟,菜單有些什麼?一口蒜片牛柳粒菜膽瑤柱燉北菇或鮑魚絲豆腐羹清水大閘蟹太雕文昌雞糖酒玉蘭薳薑茶湯圓八年陳釀太雕十六乙瓶看排頭就看似很抵,吃落又如何?牛柳粒有肉味,生熟程度也得宜.鮑魚絲豆腐羹,充滿金華火腿的濃香.同在飲宴中吃翅沒有分別,當然這夜喝的是沒有翅的.大閘蟹五兩左右,份量很小,不過蟹糕也不算少,味道甘香.蟹肉也鮮甜.E小姐邊吃邊說比日前在同集團的"八月花"吃的更佳.難道最好的貨色,全部留給比中環?)如果想額外要多一隻,就要附多七十多塊錢.用太雕入撰的文昌雞,充滿淡淡的酒香,同時亦不失其雞味.

Always hv confidence in this restaurant. Recently m.a.x. concepts launched a 大閘蟹套餐at its various restaurants, so we gave it a try.Menu:TAI DIAO RICE LIQUOR + HAIRY CRAB SET (for 2 persons or more)($198 per person before service charge)1. 一口蒜片牛柳粒2. 菜膽瑤柱燉北菇or　鮑魚絲豆腐羹3. hairy crab * 14. 太雕文昌雞（half per 2 persons)5. 糖酒玉蘭薳6. 薑茶湯圓7. 八年陳釀太雕十六一瓶We ordered a noodle and friend rice in addition.CommentVERALL - ok, worth trying, good value for moneyFOOD QUALITY:1. 一口蒜片牛柳粒ok lar2. 菜膽瑤柱燉北菇or　鮑魚絲豆腐羹I had the 羹,

同男友過開海,去左好耐冇去既翠玉軒...食左:1. 開邊龍蝦+ 鵝肝- 係男友既選擇,佢\話鵝肝好好食,好感動喎!呢個仲包一個甜品(雪糕南瓜卷- 雪糕好冰好硬,南瓜卷幾脆,唔油膩)2. 草莓脆肉排- 有百力滋係菜面感覺好搞笑,味道唔錯,好香好入味...幾好食!3. 百靈菇扒翡翠(名唔多記得,係咁上下啦) - 好清既翡翠菜,食多d都唔怕...4. 朱古力脆脆- 朱古力醬較少,炸蛋花唔夠甜,不過都唔油膩, 可以試下既...