影片
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
食完晚飯，屋企兩老話想食甜品，附近得一間糖水舖，所以就去咗食，點知食完一肚氣😡芝麻糊加湯圓 $32芝麻糊係幾滑，但就有啲太水，似溝稀咗，想食湯圓，所以on top加咗，一加就要加兩粒，每粒$5，以為咁貴一定好出色，點知食落完全唔值‼️💢.湯圓外皮一pat pat，完全零煙靭，好似食緊一嚿粉咁，入面芝麻陷冇味，仲要$5一粒，真係黑人問號🤷🏻♀️❓我從來唔知道原來湯圓都可以咁難食，已加入Blacklist 餐廳，永遠唔會再幫襯🤮👎🏻
繼續閱讀
晚上來食個甜品，叫左一晚腰果糊。味道一般。然後行埋去買單講左句“22蚊擺喺度”，個姐姐撇左一眼檯面，話26蚊。我有d奇怪，明明餐單寫22蚊，我又望左眼餐單，話“腰果糊唔係22蚊咩”點知個姐姐話“咩也腰果，喺杏仁糊26蚊”我一瞬間以為佢上錯甜品，畢竟味道好淡我都食唔出腰果掂杏仁，我就話“我入來就係叫腰果糊喔”，然後我反應過來如果真係杏仁糊就唔應該係我食嘅果碗紫紫哋嘅顏色。然後個姐姐又望左一眼，自己係度話“腰果糊點解用咁嘅碗裝”我心裡面真係翻白眼🙄姐姐我鬼知你呢間鋪用咩也碗裝咩也甜品啊。費事同佢吵，我又話左一次係腰果糊，然後擺低錢走左。好心姐姐自己記性唔好就寫單啦，好似我呃你果4蚊雞咁。你唔記得客人點左咩也你自己行過來睇下碗底咩也顏色，唔好一副客人呃你嘅樣，誤會左客人都無句道歉。
繼續閱讀
一班朋友食完飯諗住開開心心去食糖水，晚上11:05坐低，糖水送到後5分鐘未夠已經被職員要求埋單及離開，明明距離關門時間仲有1小時，完全不理解為何趕收鋪要求客人離開。如果是趕收工的話，就向客人說需要收舖不能來進，但職員沒有說出，只是要求客人用5分鐘吃完糖水結帳賺取百幾蚊的賬單，完全不理會顧客的飲食體驗！其中一碗燉奶仲有好活生生的螞蟻爬來爬去，向店員反映後，店員只換了另一碗，輕輕了事，衛生極其惡劣！！香港有這樣的垃圾糖水舖及員工，想唔執笠都幾難！
繼續閱讀
樓面丫姐唔問就當我要外賣算 唔梗要 都係想食個糖水開心下俾錢 諗住俾102蚊 用意係佢易啲找丫姐自己計唔掂係度發客人脾氣真係前所未聞真係不會再幫襯老店都唔敢求你賓至如歸 但呢啲直頭係趕客
繼續閱讀
港島區老字號中式糖水 最鐘意佢地⭐️喳咋$23 一試愛上😍 令我鐘意左呢個中式糖水 👍🏻落左多款唔同豆 豆香十足 少少起沙 👍🏻仲要口感唔會太硬 太爛 完美 🙈私心推介.⭐️大良燉鮮奶$25🥰呢款都多人鐘意 夠滑震震下👍🏻最重要食落蛋香明顯.仲要唔貴依家好多燉蛋都賣近$40整體平民抵食 懷舊 足料小店..#翠苑甜品專家 (筲箕灣)地址：筲箕灣望隆街106A號地舖‼️港島灣仔銅鑼灣灣仔都有分店 .⭐️評分：味道：4/5環境：3/5 環境睇得出年代感服務：3/5 抵食：4.5/5
繼續閱讀
您可能會有興趣的...