翠苑越泰餐廳 (已結業)

味道好又點，味道好服務就可以差?可以黑面對客人，比面色客人睇，對客發脾氣?第一次食野有咁既服務，永世難忘!如果職員係唔舒服既請你請假，唔好將你既不滿發給客人，我地係無辜的。

呢啲又好味, 價錢唔貴嘅小店, 真係要支持多啲。喺女人街兩邊嘅食肆, 其實好難被人察覺, 唔好話見到記唔記得, 比外面嘅單擋遮住 , 其實真係見到見唔到。我唔知依間店舖開咗幾耐, 但係聽老闆同其他食客交談, 聽到佢地應該係喺度開咗好多年, 經歷過風霜起跌。香茅雞扒飯 - 好味調味。外皮炸得脆, 裏面肉嫩多汁, 加上美味蔥油, 冇得彈。越式炸蝦餅飯 - 炸蝦餅有大排檔風味, 再加上越式嘅調味, 當然唔少得蔥油嘅惹味, 令到飯都食多啲。凍檸茶、熱奶茶亦相當有水準。

之前黎過呢到食, 都唔錯, 旺角行完街一個人, 簡簡單食個晚餐算了, 估計唔洗等位。黎到果然唔洗等, 坐低點返個咖哩豬扒飯, 加$2飲品轉做紅豆冰, 都係$44, 真係好抵食。惹味既咖哩汁, 配上香茅豬扒, 豬排軟腍, 好香香茅味, 煎得好靚, 美中不足的是, 飯略嫌乾同硬左小小。加$2轉紅豆冰, 好抵, 紅豆起沙, 不會太甜!

今晚約了男朋友來吃這家吃了無數咁多次的餐廳，位於旺角女人街旁邉，非常非常方便，逛街累了可以吃飽再逛過。男朋友叫了個炸扎肉凍檬，可自行以自己的口味加上甜甜酸酸的甜酸汁，在炎炎的天氣吃這個真的令人非常開胃。而因為我近排不太想吃凍的食物，所以叫了香芧豬扒熱湯檬，也是非常美味。然後我們叫了泰式炸蝦餅，這個炸蝦餅外脆內軟加上附上的泰式醬，真係令人吃了又想再吃。因為不想只吃太油的食物所以最後我們叫了清清的腐乳通菜，通菜加上腐乳一起吃真真是非常好味。

翠苑大大話話都開左十年以上，作為小店可以生存到今時今日真係唔容易，全靠佢真材實料價錢合理，每次都冇失手，我每次晚飯唔想食飯都會叫佢嘅"燒雞凍檬加沙嗲汁+凍啡"$38 ，抵到爛！次次送到嚟都係整整齊齊唔會天一半地一半，依様嘢係送外賣好重要一項！講返個檬，佢係用一隻大雞肶去燒，次次都係燒得咁靚，生熟又啱啱好，配上超多炸過嘅乾蔥同花生粒仲有新鮮嘅蔥油，最後更係要加埋佢嘅招牌沙嗲汁，依個美味真係冇法去形容，係冇可能響其他地方食得到！仲有佢杯凍咖啡亦係招牌，非常香濃細緻，我覺得好飲過星巴x ! 希望佢可以一直做落去！永遠支持佢！

翠苑幾乎是我在旺角的飯堂. 雖然裝修有點陳舊, 不過這裡是抵食兼夾好食!來這裡, 我必定食炒粉麵或焗飯.因為試過清檬&撈檬之類, 都覺得一般.今晚就叫了這個款:單看相裡的這個份量, 足以填飽男朋友的肚! 說是咖喱, 其實一點不辣, 只有咖喱香, 海鮮料又多, 有蝦, 幾爽口; 有魚塊, 沒甚麼魚味, 不過內質結實; 魷片, 不會"UN".炒飯我自己覺得偏咸但可以接受, 但男朋友喜歡味濃, 所以他認為OK.豬肉濕炒河. 我很喜歡吃這裡的炒河, 濕炒河.河粉炒出來不會碎濕濕, 又不會好油, 亦沒有痴住一舊舊.豬肉軟滑, 也吃到肉汁.這裡另一個優點是超級抵吃!30-40元包飲品屬正常, 某些類別的飯麵還送甜品.好像我們今晚, 點了這兩道飯麵本來都不送甜品,侍應竟然好好, 賣大包送了兩碗椰汁黑糯米給我們, 好開心啊!不過不是常常有

前晚一行6人到左女人街打算隨便搵野食~竟然發現搵到好野食入到去門面極之普通!!心想但求飽肚就算那天我們點了香茅豬扒,炸蝦餅,泰式鳳爪,豉椒炒蜆,馬拉盞豬頸肉炒通菜,泰式炒飯先講香茅豬扒真的很香很鬆軟,蝦餅很有蝦味,鳳爪也算可以跟別的都差不多,馬拉盞豬頸肉炒通菜真係好香好入味,豉椒炒蜆很有穫氣D配料炒得好香,泰式炒飯用臘腸同蝦還有一些肉碎炒,我們都愛辣所以要左大辣又係一香口好味之食品最後還有甜品黑糯米送~連埋6杯飲品埋單都係400多小小真係抵食~下次一定會再食多次

再一次係MK dinner通菜街續間試今次試喱間越南野價錢唔貴所以入黎試下啦叫左一碗面(香茅豬扒撈濛)bf叫左一碟炒飯(泰式炒飯)都係冇咩特別啦><每次食越南野都係食撈濛所以對撈濛要求都幾高我覺得d粉太乾，搞到撈汁既時候唔match而豬扒就一般般啦..真係冇咩特別最正係餐有紅豆冰飲lor@@仲送埋甜品(雜果西米露)幾好喔~!食完正餐唔洗出去再食見周圍都係遊客,得一台係香港人-9-||一般般啦下次應該試其他的了

行過旺角肚餓見到呢間入去食.佢的越南野食都OK.叫左個香茅牛肉飯同埋香茅豬扒炒河.係佢個餐搞笑左D, 一個有甜品送一個冇.食落都OK, 香茅係DEFAULT MODE 無咩問題.炒河好少少, 算係乾身不太多油.食完等甜品, 老細埋來收野見到我地得一個送就主動話整多個免費.呢下夠人情味, 唔錯.而家咁有心唔計較的老闆唔多喇.

來這裡食第二次了，上一次叫沙爹牛肉飯，今次叫咖哩牛肉飯。牛肉煮得唔錯，唔會韌，不過咖哩牛肉飯就真的只有咖哩汁及牛肉而已，其實乜都冇。咖哩汁撈飯其實幾惹味，不過咖哩汁似乎混合了四份一沙爹汁 (點解我會知? 留意下我上次叫過乜野食?)，跟我叫的咖哩有少少出入，感覺上唔太純正，不過可能這個也是特色啦，我相信呢個唔係缺點，口味見仁見智啦。如果你冇乜要求，只求多汁撈飯食的，這裡會是一個不錯的選擇。有要求的話，我建議幫襯晚市，應該冇咁 "求其" 掛。

紅豆冰見到都幾多豆…仲要跟餐唔使加$的…但友人說很淡的…蒸粉包不過不失的味道…不過個皮就薄到一夾就破了…仲有少少STICKY…料又不夠多…生菜包嘩…只見少少的辣椒…就好辛辣了…只有辣味…味覺就麻得什麼都沒有FEEL了…還好有些生菜解一下…炒金邊粉好有趣的…有臘腸的…比較咸吧?!?!沒有太多的料…簡單的一碟炒粉…白咖哩雞OK 架喎…幾香濃的…配飯好好~雞都幾滑…仲有個新奇的小EGGPLANT 做配料… 爽口~雖然我地得一個跟MEAL…BOSS 都大方的送曬我地糖水…仲有紫米…同西米2個CHOICES…衛生程度有待改善…店員做事都比較慢…

一直喜歡到女人街捐窿捐罅搵好野食，但心知稱得上「好野」的少之又少；昨晚途經「翠苑」，見門面毫不吸引，但價錢很便宜，加上不用排隊，心想試一次也好，或許在沒有期望之下會有驚喜呢！結果，一點驚喜也沒有，完全符合預期結果，失望離場。首先，地方不堪入目，好像沒打掃過似的，感覺很不衛生，但只要安慰自己或許這間是「其貌不揚但味道奇佳的隱世店子」，可能心情會好一點。點了三款食物，評價如下：(1)沙嗲半打 - 牛、豬、雞俱欠味！簡直是冇味可言！相信是肉質勁不新鮮有關，另外那個醬汁亦跟傳統印尼沙嗲味拉不上關係，味同嚼蠟，簡直恐怖！(2)生牛肉河 - 湯底過鹹，麵質肉質俱屬普通之作。(3)凍香茅豬扒撈檬 - 不過不失，但感覺好像比一般越南食店吃到的差了一點。整體而言，「翠苑」除了價錢之外一無是處，服務不過不失，唯一叫可取的是套餐叫紅豆冰不用加錢，但這不足以令我會再光顧。不過低處未算低，以同等劣質越南食物而論，集團式經營的「嚐越」更差，至少價錢貴四成，食物和服務卻沒有相應提升，因此「翠苑」也不算是很垃圾。埋單時發生一個小誤會：我以為這間像茶餐廳格局的小店，是拿張單出去結賬的，不知是否一向都是叫侍應埋單，然後遞

24/7(五) 7:15pm伴隨我2年的W850已近大限,快手把其遺棄了YAHOO拍賣場裏,繼而到先逹物色新寵.事前先草草到了女人街內"翠苑",以扎肉拼蝦餅撈檬$35及泰式炒金邊粉$37果腹.扎肉拼蝦餅撈檬--扎肉黏牙乏力,蝦餅亦然!檬粉用炸蒜,蔥末,花生碎魚露汁提味,鮮有失手!泰式炒金邊粉--以芽菜,蛋絲及肉絲同炒的金邊粉講不上乾身惹味,吃落帶點黏口.餐飲--紅豆冰及凍茶同樣一塌糊塗;枉為廚師的必殺技;紅豆硬如未經上火一樣;檸茶則甜度逼人,乏茶香!椰汁黑糯米--作贈送的甜品,貨色算是較能入口了...如斯的餿品,一次足以致命!

晚上食飯間間店都擠滿人,為了不用等走了去通菜街搵食誰知道給我們執到金入到店內其實都坐滿了人,幸好還有最後一個卡位給我們小小的店食物種類卻不少見套餐好像很吸引,又不用煩吃什麼就叫了個二人餐前菜小食先要了個醃酸辣無骨鳳爪伴碟的青瓜醃得非常入味又酸又辣,不過有點焾鳳爪一口一隻,也是醃得很入味另外選了酸辣椰汁海鮮湯湯很惹味也很辣,感覺到是足料之作不過沒什麼椰子味就是了喝第一口的時候真的被它嗆到了海鮮也有很多,蝦 蜆 魷魚 魚肉等熱小食要了泰式炸蝦餅蝦餅爽口彈牙,夾帶著點點蝦肉粒大大件之餘也很有蝦味應該不是用雪藏貨主食要了泰式炒飯炒飯上有點肉片和蛋絲飯炒得算乾身也不至於過硬味道有點辣還有一點咸魚味?!那個味道我分得不太清楚總之這個飯加上那個湯足以令我們噴火最後加了個珍多冰和吃了他們送的椰汁黑糯米結束這頓飯他們的珍多冰很特別紅色之餘還有西米另外也有些像罐頭車厘子卻又硬硬有椰子味的東西不過味道還好正常就是了

睇完戲行完街，四維行諗緊食乜之際...經過這間食店，外觀環境是不吸引的...但見到入座率都有八成滿，所以就入去試試囉，坐下點完菜後，到上菜一刻才知道為何會有這麼高的入座人數呢... 紅豆冰 - 味道唔錯，但有點過甜。 牛油雞翼 - 夠熱氣(小心熱親咀巴)，感覺很油，但都好味！ 香矛豬扒炒河 - 很大碟，味道也很好味，豬扒很香口！ 串燒三味 - 可能前兩款太好的關係，所以想到串燒也可能會很好，但比想像的味道一般，不太吸引！ 馬拉盞炒通菜 - 很大碟，很入味，令到整碟菜很正！ 雜果西米撈 - 一般。比不到意見。( 甜品 - 送的)整體來說，每碟餸也很底食！