翠苑餐廳

營業中

休息中

偷得浮生半日閒，趁著今日下午得閒，走咗去荃灣尋找美食，正值下午茶時間，行到眾安街有間名叫翠苑餐廳，見到價錢都頗為合理，於是就入去一試。芝士焗肉醬意粉包一杯熱飲 $46，我叫了杯熱檸檬水。熱辣辣的焗肉醬意粉端出尼還在碟裏沸騰著，散發出甜酸甜酸的香味，令我胃口大開，免治豬肉混合了芝士醬鋪滿了整碟意粉上，感覺滿足，意粉不太腍也不太硬，恰到好處，喜歡食濃味芝士的我，就覺得美中不足，如果這碟意粉能夠加多點芝士醬，就更加可以提升這碟意粉的味道了。

星期六一朝早走到嚟荃灣做身體檢查，事前梗喺要空腹嚟抽血啦，所以，一做完身體檢查即刻晌附近嘅茶記食返個早餐先，不過，話豐富，都只不過喺早餐ABC嘅啫，無刻意食太多。而喺眾安街兜兩兜，發覺同一款早餐組合，「翠苑」真喺定價最抵。 「翠苑」絕對喺街坊茶記，嚟嘅差唔多大部份都街坊裝，撻對拖鞋，所以，雖然已經10點鬆啲，但一樣坐滿晒人。 一版面早餐餐牌一目了然，有晒咩早餐選擇，雖然有啲特盛扒麵餐，但唔喺我嘅心水，我就睇啱沙嗲牛麵，而同類型嘅早餐，附近幾間茶記都賣超過40，喺「翠苑」只賣35。 醒晨早餐 B $35眾多系列，醒晨早餐睇落最抵，而小弟揀嘅呢個餐嘅組合喺沙爹牛肉麵配火腿煎蛋、牛油方包，包基本熱飲。 當然火腿、煎蛋、方包都喺大路嘢，唔會有咩特別，正常茶記快速質素，至少食得出啲火腿唔喺啲平價貨。 碟沙爹牛麵算喺咁啦，俾咗唔少沙爹牛肉，亦好軟腍，個醬汁都濃郁惹味，麵底相信都喺茶記常用嘅大光麵，唔太高要求嘅其實都OK，最緊要師傅唔好煮過籠，食落仲有少啲爽身已經收貨。 嚟茶記梗喺揀熱奶茶啦，喺最穩膽之選。面前呢杯熱奶茶飲落都有質素，茶底芳香，茶奶比例又好，口感確喺唔錯，就算唔叫最好，亦喺中上嘅質素

18-6-2023(Sun)同老公買完餸返到屋企後我都肚餓,而且我又漏咗嘢未買,加上搭車時經過呢喥,見到$50.00嘅lunch係黑松露汁雞扒炸蟹鉗好吸引,咁就同老公落嚟食晏啦.我哋嚟到時冇晒卡位喇,我睇完MENU,依然堅持要黑松露汁雞扒炸蟹鉗配意粉,湯就要中湯,飲熱檸水.老公就要魚香茄子飯炆米,要羅宋湯同檸樂.落完單,嘢飲好快到,中湯係紅蘿蔔豬骨湯,熱騰騰嘅,味道唔太濃,好味.味道:5分我冇飲到老公嘅羅宋湯.黑松露汁雞扒炸蟹鉗到嚟喇,見到都幾大碟,黑松露汁其實係忌廉汁加黑松露.食落,係食到淡淡嘅黑松露味,雞扒煎到外脆內裡juicy,佢本身都醃過,少少鹹;意粉都OK冇問題;我將炸蟹鉗切開一半食,呢個普普通通.味道:4分老公嘅魚香茄子飯炆米呢?呢個亦都有好多,佢有少少辣,但我仍接受到,濕潤嘅米粉口感都正常.味道:4分我冇落糖到杯熱檸水飲,呢個有少少澀.味道:2.5分之後我現有雜果生炒骨飯,諗起好耐冇食,於是買嚟做晚飯,見侍應收走午餐牌,我就即刻問可唔可要外賣?重趕得切,於是要中湯同凍檸樂.整好晒就走人.返到屋企就影好雜果生炒骨飯啦,見到佢哋俾咗兩set外賣餐具.呢碗湯係俾爸爸飲,而雜果生

早幾天去荃灣工作完，就到附近翠苑餐廳食下午茶。可能是下午時間，人流不太多，有很多坐位，而坐位也很寛闊。這裡下午茶的麵餐可以自由配搭，鮮茄或時菜配豬牛魚肉都可以，還有可以選米粉或出前一丁。朋友叫了時菜鮮牛肉米粉，時菜及牛肉都很新鮮，配清湯底，味道清甜，不錯。而我就簡單叫了揚州炒飯，炒飯份量多，配料充足，每一口都有很多叉燒或蝦仁，而味道不太咸，剛剛好。兩個茶餐價錢都不算太貴，但味道及用料都比一般的茶餐好。

硬食杞子香妃雞晚餐羅宋湯係偏酸同過杰碟雞係又硬又鞋，雞胸可以勁到見到一層層。成碟雞至少有五六條血管雞毛，洗雞時拔下好難咩？ 唯一驚喜係嗰幾粒杞子係用花雕煮過下碗飯係簡直離譜，又硬又鞋，何來係絲苗？似劣質粘米多啲。奶茶係澀口嘅，茶底一啲甘香都無。$68一個香妃雞套餐，已經係 overpriced, 其他小菜套餐都係有啲 overpriced. 周邊嘅餐廳食相近嘅雞飯餐唔駛咁貴仲好食好多。整體嚟講，出品質素較差，似乎係師傅無乜要求又或者係較為馬虎

做開野經過為食tea一tea，餐廳外表平凡麻麻地。原本只為一杯熱茶記奶茶，野食無期望，有時無期望就越驚喜。千島醬豬扒包，成個包內外都係熱，皆因連麵包都煎過，正宗茶記港式做法。少量生菜絲一小片番茄，豬扒都幾大塊，整體顏色未算太突出。結果...好好味！個包用煎過，做成外脆內軟，豬扒好夠味又易咬，唔好分開食，連包連豬扒一齊食真係好味！薄牛扒撈麵配紫菜湯，薄牛扒味道ok，無筋易咬，撈麵淺色似好淡，原來食落好夠味。紫菜湯有d媽媽feel，係用媽媽常用一大餅紫菜個種去煮。～奶茶熱鴦香濃茶味足，幾好食嘅一個下午茶。

呢間茶記有好多唔同既嘢食 中西餐都有 由於岩岩做完gym 諗住叫份西冷牛補充下蛋白質 同女朋友一人叫咗一份西冷 $120 for one 其實價錢叫正常 有個湯 豬仔包 一份大過手掌🖐️ 仲送杯凍飲。個湯都係正常西湯 但係味道較咸 而個包 好脆卜卜 幾好食！ 到個西冷 一嚟到 大份到傻 一食落口 牛味唔係好重 但係就好淋 整體味道一般 但佢既薯角出奇地好好食！ 好食過係西餐廳食既！ 佢係好有味又好脆 而且份量都多！ 我同女朋友一人一個餐 最後要拎外賣盒拎走一份😂😂😂😂😂 如果兩個人本身唔係大食 可以考慮下share!!!!! 茶餐廳嚟講 都係一般水準 🧐PS: 我叫五成熟 最後份牛好似仲諗講嘢 生到🤢🤢🤢🤢🤢🤢🤮

收工又落大雨，跟同事坐車到眾安街，先吃晚飯，希望飯後雨少一點。在渣打銀行對面的翠苑，看看晚餐挺划算的，就決定好了。這店兩個鋪位大，區內少見。看看餐牌，除了晚餐，還有鐵板扒餐，最後決定點一份面醬豆卜蒸鯇魚，和一份西冷，黑椒西冷叫了5成熟。晚餐跟中湯，淡淡的應該無落味精，另外還有半個牛油豬仔包，甜甜脆脆很好吃。扒餐跟紅湯，不辣。西冷有驚喜，上枱時看到是厚切的，眼看有1-1.5cm，5成熟鐵板上枱剛好，軟軟的，口感不錯。蒸魚即蒸的時間有點久，份量挺大的，新鮮。最後叫奶茶和杏雙，奶茶要再加奶。整體不錯哦。

翠苑暫時早餐，荃灣最好味的還是大光燈，所以不斷在找有無新發現，今日就來一間老老地的翠苑。星期六8點幾都差不多坐滿，可能系位置吧，大部分客人系男性。侍應很快照呼我地搵到張枱，餐牌內容同其他茶餐廳差不多，無特色。叫了兩個餐沙嗲牛肉，煙肉公仔麵（要生D）- 份量幾大，沙嗲牛肉系比較好味，煙肉就只是用肉壓出來，不是真野，公仔麵已經琳琳地，吾得。沙嗲牛肉，雪菜肉鬆米-沙嗲牛肉一樣，雪菜味道算是中上等級，米粉就普通啦。都忘記了湯底，可能真系無特別，所以都沒有回憶啦！哈哈。

苦榮平日很小出外食早餐, 不過今日例外, 要吃個豐富早餐, 精神奕奕去見她.  沙嗲牛肉麵一向是麻甩佬, 包括苦榮的選擇, 但有時又想感受下她愛的味道, 所以揀左火腿仿鮑片通粉+雙蛋. Frankly, 食物(煎蛋)平平庸庸, 也沒什麼技術可言, 但整體感覺健康, 已經是Good Morning.  飲杯小甜凍奶茶, 精神爽利, 再穿起一身筆挺的西裝, 以最佳狀態會合她, 與她出席Event.   是超級美滿的一天

我墮入情網~ 你卻在網外 ~~看始終不釋放~~一清早就咁好唱口嘅，唔係愛玩小編Foster, 而係餐廳廚房大佬呀！ 這家餐廳一直在播懷舊歌曲，而在這裡工作嘅員工都在唱呀！ 真係第一次食早餐咁正呀！講返早餐，價錢比大家樂差不多，但比起太興﹑翠華就平宜多了，而且味道亦不差呀！小編叫咗早晨B餐，沙爹牛肉麵 + 餐蛋 + 牛油三文治！沙爹牛肉麵嘅牛肉很大件，而且沙爹醬都好多，再者，雖則沒有加價轉食出前一丁，但呢間餐廳用嘅公仔麵不是福麵，亦不算太｢粉｣，可以接受呀！至於炒蛋，熟度剛剛好，沒有炒濃或太｢鞋口｣，不錯！資料由 iplayhk香港愛玩生 提供

一班朋友去下午茶聚聚，荃灣並唔容易揾地方，路過呢間客人唔算多。佢地仲幫我地拍多張枱埋黎，等我地可以坐得鬆動d.掛住傾計關係，搞左好耐先點到餐食。但職員完全冇黑臉，由得我地慢慢揀。終於揀左個雞扒撈丁。雞扒幾好，唔會有肥脂。不過個丁有少少乾，於是落左些少跟餐既紫菜湯。個丁即刻好食好多。但紫菜湯就咁飲比較咸，所以冇飲哂。餐飲凍檸茶，普普通通。比較特別的是朋友的菠蘿油，牛油係冰震原塊上。朋友話好好食，正過其他街外的菠蘿油。

諗住同屋企人食飯，入到去態度不友善個海南雞飯d雞又硬又鞋十分不抵食落單時講遲少少食乜 d態度又衰又串見身邊個個客人食慢少少又係隔離啤住哂食餐飯都要比錢買難受唔知其他分店態度同食物味道如何但荃灣呢間真係食左都背脊骨落

在一個清閒的午間，還是走來荃灣逛一狂，順道食午餐。翠苑餐廳雖不是第一次來，但是卻又不知不覺的走來，食一粉麵常餐。羅宋湯螺絲粉是其中的常餐，羅宋湯雖為以菜為主，卻又有著牛腩，不多只有一件，也是茶記常有的。湯底濃而不辣，且有酸酸甜甜，螺絲粉不靱不腍適中，適合清清的吃一個。牛油多士是普通的多士，話雖多士表面有點白白淨淨，只有些計的燶位，但卻又烘得鬆脆，也不會很腍，亦是常餐中常有的。熱咖啡是今餐的餐飲，香濃而有咖啡味道，有點苦澀味道吧，不過還是好的。只是一個常餐，就是這樣。

早前太太家人入院，老遠跑到荃灣探病，幸好沒什麼大礙，只是往後的照顧有點麻煩。忙了整個早上，可以安頓時已經是下午，還午飯也未到肚，真的有點餓。特餐先上了迷你牛油豬仔包配煎雙蛋，老實講，雙蛋煎得馬馬虎虎，但豬仔包又真的香脆可口，不錯。香茅豬扒公仔麵又確實好味，麵條淥得恰到好處，最怕淥完可以見到原個麵餅不變，又或者預先淥到發漲浮屍一樣，豬扒雖然有點韌，但很香香茅味。凍檸檬茶已經說了少甜，但依然過了火，想起來，還是熱飲可靠一點，畢竟可以自己調教甜度。